Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7085

23 հոկտեմբերի 2020 Գերմանական բիզնեսին առաջարկել են ավելի ակտիվ օգտագործել ԵԱՏՄ-ի շուկայում աշխատելու հնարավորությունները Եվրասիական տնտեսական հանձնաժողովն առաջարկում է ակտիվացնել փոխգործակցությունը Մեծ եվրասիական տարածքի շրջանակներում առանցքային տարածաշրջանային ինտեգրացիոն միավորումների և պետությունների միջև երկխոսության հաստատման միջոցով։ Այդ մասին հայտնել է ԵՏՀ ինտեգրացիայի զարգացման վարչության տնօրեն Գոհար Բարսեղյանը հոկտեմբերի 22-ին գերմանական բիզնեսի համար կազմակերպված «Եվրասիական տնտեսական միություն. նշանակությունը, նվաճումները, զարգացման հեռանկարները» խորագրով IV-րդ կոնֆերանսին։

23 հոկտեմբերի 2020 ԵԱՏՄ-ն պատրաստ է առաջարկել հարթակ՝ Եվրասիայում բիզնեսի կարգավորիչ հարցերի մերձեցման համար Եվրասիական տնտեսական միությունը կարող է դառնալ հարթակ՝ կարգավորիչ մոտեցումների, համակցվածության զարգացման և համագործակցության ընդլայնման նպատակով մայրցամաքում առաջատար տնտեսություններին տրամադրվող խորհրդատվությունների կազմակերպման և դրանց աջակցման համար։ Այդ մասին հայտարարել է Եվրասիական տնտեսական հանձնաժողովի առևտրի հարցերով Կոլեգիայի անդամ (նախարար) Անդրեյ Սլեպնյովը, հանդես գալով Վերոնայում անցկացվող Եվրասիական տնտեսական համաժողովի շրջանակներում կայացած «Կառուցվածքային տնտեսական ճգնաժամը և համավարակը. աշխարհաքաղաքական և սոցիալ-տնտեսական նոր կարգի որոնում (Եվրոպա, Եվրասիա, ԱՄՆ, Չինաստան)» նստաշրջանին։

23 հոկտեմբերի 2020 Միխայիլ Մյասնիկովիչը շնորհավորել է Ասկար Մամինին ծննդյան օրվա կապակցությամբ Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը շնորհավորել է Ղազախստանի Հանրապետության վարչապետ, Եվրասիական միջկառավարական խորհրդի անդամ Ասկար Մամինին ծննդյան օրվա կապակցությամբ։

23 հոկտեմբերի 2020 Նախնական տեղեկացման վերաբերյալ ԵՏՀ-ի որոշումները հեշտացնելու են բիզնեսի կյանքը Եվրասիական տնտեսական հանձնաժողովի Կոլեգիան ընդունել է նախնական տեղեկացման հարցի վերաբերյալ մի շարք որոշումներ։ Փոփոխություններ են կատարվել տրանսպորտի տարբեր տեսակներով Եվրասիական տնտեսական միության մաքսային տարածք հնարավոր ներմուծվելիք ապրանքների մասին նախնական տեղեկատվության ներկայացման կարգի, գրանցման կարգի և նախնական տեղեկատվության օգտագործման կարգի մեջ։ Փոփոխությունները դիպչել են նաև նախնական տեղեկատվության կառուցվածքին։

23 հոկտեմբերի 2020 ԵԱՏՄ-ն օգտագործելու է լավագույն համաշխարհային փորձը Համացանցում մտավոր իրավունքների խախտումների դեմ պայքարի հարցի վերաբերյալ համաձայնեցված մոտեցումները ձևավորելիս Համացանցում մտավոր սեփականության օբյեկտների նկատմամբ իրավունքների պաշտպանության մեթոդների մասին պատմել է Եվրասիական տնտեսական հանձնաժողովի տնտեսության և ֆինանսական քաղաքականության հարցերով նախարարի գրասենյակի ղեկավար Ասկար Կիշկեմբաևը պրոֆեսոր Ա.Լ. Մակովսկու հիշատակին նվիրված «Մտավոր իրավունքները ժամանակակից աշխարհում» կլոր սեղանի ընթացքում։ Միջոցառումն անցկացվել է հոկտեմբերի 21-ին Ռուսաստանի Դաշնության կառավարությանն առընթեր Օրենսդրության և համեմատական իրավագիտության ինստիտուտի միջազգային գիտագործնական «Պրոֆեսոր Ս.Ն. Բրատուսի հիշատակին նվիրված XV-րդ ամենամյա գիտական ընթերցումներ» կոնֆերանսի շրջանակներում։

23 հոկտեմբերի 2020 ԵԱՏՄ-ում ներդաշնակեցվելու է օրենսդրությունը բնական մենաշնորհների ոլորտում Եվրասիական տնտեսական հանձնաժողովը նախապատրաստել է բնական մենաշնորհրների ոլորտներում նորմատիվային իրավական ակտերին վերաբերող առաջարկներ։ Այդ մասին հայտնի է դարձել հոկտեմբերի 22-ին կայացած Բնական մենաշնորհների հարցերով խորհրդատվական կոմիտեի 20-րդ նիստի արդյունքներով։

23 հոկտեմբերի 2020 Ճարպաթթուների գլիցիդիլ եթերների պարունակության նորմատիվները կարող են ընդգրկվել սննդամթերքի նկատմամբ պահանջներ սահմանող՝ ԵԱՏՄ-ի անմիջապես մի քանի տեխնիկական կանոնակարգերում Եվրասիական տնտեսական միության երկրների լիազորված մարմինները, սպառողների պաշտպանության ուժեղացման նպատակով, ընդհանուր առմամբ, հավանություն են տվել ճարպաթթուների գլիցիդիլ եթերների պարունակության նորմատիվները «փաթեթային սկզբունքով» սննդամթերքի նկատմամբ պահանջներ սահմանող՝ անմիջապես մի քանի Միության տեխնիկական կանոնակարգերում ընդգրկմանը։ Մասնավորապես, քննարկվում է այդ պահանջները «Սննդամթերքի անվտանգության մասին» և «Հատուկ նշանակության սննդամթերքի առանձին տեսակների, այդ թվում՝ դիետիկ բուժիչ և դիետիկ կանխարգելիչ սննդի համար նախատեսված սննդամթերքի անվտանգության մասին» Միության տեխնիկական կանոնակարգերի՝ Միության պորտալում հանրային քննարկում անցնող փոփոխություններում ընդգրկելու հարցը։

23 հոկտեմբերի 2020 ԵՏՀ զարգացնում է միջազգային օրակարգը բիզնեսի հետ համատեղ Անկախ պետությունների համագործակցության (ԱՊՀ), Եվրոպական միության (ԵՄ), Հարավ-արևելյան Ասիայի պետությունների ասոցիացիայի (ԱՍԵԱՆ), Շանհայի համագործակցության կազմակերպության (ՇՀԿ), Աֆրիկական միության և Լատինական Ամերիկայի տարածաշրջաններում գործընկերների հետ Եվրասիական տնտեսական միության համագործակցության զարգացման հարցերը քննարկվել են ինտեգրացիայի և մակրոտնտեսության հարցերով նախարար Սերգեյ Գլազևի նախագահությամբ հոկտեմբերի 23-ին Եվրասիական տնտեսական հանձնաժողովի գլխավոր գրասենյակում կայացած խորհրդակցության ընթացքում։

Ցուցադրել ավելին