арм

Նորություններ

ԵՏՀ ԶԼՄ-ներում Ֆոտոսրահ Տեսադարան
30 սեպտեմբերի 2024 Երեւանում քննարկել են ԵԱՏՄ միասնական աշխատաշուկայի զարգացման հեռանկարները Երևանում՝ Եվրասիական տնտեսական համաժողովի հարթակում տեղի է ունեցել «Միասնական աշխատաշուկա. զարգացման հեռանկարներ» թեմատիկ նստաշրջանը, որին մասնակցել են Եվրասիական տնտեսական միության երկրների առաջատար փորձագետներ։ Նստաշրջանի աշխատանքներին մասնակցել են աշխատանքի և սոցիալական պաշտպանության նախարարությունների, բիզնես ընկերակցությունների, ԵԱՏՄ պետությունների արհմիությունների, միջազգային կազմակերպությունների ներկայացուցիչներ։ Նրանք քննարկել են աշխատաշուկայի կարիքների կանխատեսման, մասնագիտական հմտությունների ճանաչման, անդրսահմանային մասնագիտական զարգացման հարցեր, հասարակական կազմակերպությունների դերը, ինչպես նաև աշխատանքային միգրանտների և նրանց ընտանիքների անդամների առողջության պահպանման հիմնախնդիրները։ Նիստի մոդերատորն էր Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բախիթ Սուլթանովը։ Նախարարն ընդգծել է, որ Միության օրենքը պարզեցրել է միջպետական աշխատանքի տեղավորման գործընթացը, և պայմաններ է ստեղծել ԵԱՏՄ-ում օրինական և անվտանգ աշխատանքային միգրացիայի համար։ «Միությունում միասնական աշխատաշուկայի շրջանակներում լուծվել են աշխատավորների կենսաթոշակային ապահովման հարցերը, օգտակար թվային սերվիսներ են ստեղծվում միջպետական աշխատանքի տեղավորման համար, վերացվել են բացառումները մանկավարժների, իրավաբանների կրթության, գիտական աստիճանների մասին փաստաթղթերի ճանաչման հարցերում, քննարկվում են գտնվելու երկրում վարչական ընթացակարգերի պարզեցման հեռանկարները»,- նշել է ԵՏՀ նախարարը։ ԵԱՏՄ ներսում աշխատանքային միգրացիայի միջին տարեկան հոսքը կազմում է շուրջ մեկ միլիոն մարդ։ Աշխատանքային միգրանտների ամենամեծ թիվն աշխատում է շինարարության (23% կամ 230 հազար մարդ), մեծածախ և մանրածախ առևտրի (15% կամ 150 հազար մարդ), ապրանքների փոխադրման և պահպանման (8% կամ 80 հազար մարդ), մշակող արտադրության (5% կամ 50 հազար մարդ) և գյուղատնտեսության ոլորտներում (2% կամ 20 հազար մարդ)։ «Նախատեսում ենք մանրակրկիտ ուսումնասիրել բոլոր այն առաջարկներն ու նախաձեռնությունները, որոնք հնչել են նստաշրջանում։ Մեր նպատակն է բարելավել միասնական աշխատաշուկայի գործունեությունը և ավելի բարենպաստ պայմաններ ստեղծել Միությունում աշխատանքային միգրացիայի համար»,- ամփոփել է Բախիթ Սուլթանովը։
26 հունիսի 2024 ԵՏՀ-ն աջակցում է բնակչության առողջության պահպանման հարցերում տարածաշրջանային և երկրային համագործակցությանը Եվրասիական տնտեսական հանձնաժողովի աշխատանքային միգրացիայի և սոցիալական պաշտպանության վարչության տնօրեն Ալտինայ Օմուրբեկովան Բիշքեկում կայացած Կենտրոնական Ասիայի առողջապահության ոլորտի ներդրումների հարցերով միջազգային համաժողովում ներկայացրել է Եվրասիական տնտեսական միությունում աշխատանքային միգրանտների առողջության պահպանության ոլորտի փորձը։ Համաժողովին մասնակցել են Կենտրոնական Ասիայի երկրների ներկայացուցիչներ, ներառյալ ԵԱՏՄ անդամ պետությունները, Միավորված ազգերի կազմակերպության գործակալությունները և Եվրոպական միության հիմնարկները, զարգացման գործակալությունները, տարածաշրջանային և միջազգային կառույցները, զարգացման բանկերը և այլ կազմակերպություններ: Միջոցառման մասնակիցները քննարկել են առողջապահության ոլորտում ներդրումների ավելացումը, աջակցությունը վարակիչ և ոչ վարակիչ հիվանդությունների դեմ պայքարին առնչվող Կայուն զարգացման նպատակների իրագործմանը, աշխատանքային միգրանտների առողջության պահպանությունը: «ԵԱՏՄ-ում աշխատանքային միգրացիայի հոսքերի աճը թելադրում է Միության երկրների համապատասխան մարմինների միջև ավելի սերտ փոխգործակցության անհրաժեշտություն՝ քաղաքացիների առողջության ամրապնդման և պահպանության, աշխատավորներին և նրանց անդամներին բուժօգնության տրամադրման հետ կապված խնդիրների լուծման նպատակով», — նշել է Ալտինայ Օմուրբեկովան: ԵՏՀ վարչության տնօրենը համաժողովի մասնակիցներին տեղեկացրել է առողջապահության ոլորտում Ռազմավարություն-2025-ի միջոցառումների իրականացման ուղղությամբ Հանձնաժողովի աշխատանքի մասին։ Համաժողովի շրջանակներում Ալտինայ Օմուրբեկովան աշխատանքային հանդիպում է ունեցել Առողջապահության համաշխարհային կազմակերպության (ԱՀԿ) ներկայացուցիչների՝ տարածաշրջանում արտակարգ իրավիճակներին հակազդման գծով տնօրենի պաշտոնակատար Գունդո Վեյլերի և երկրային աջակցության խմբի ղեկավար Քրիստինա Մայեր-Սթենդերի հետ: Կողմերը պայմանավորվել են խորացնել երկկողմ համագործակցությունը, այդ թվում՝ ԱՀԿ տարբեր ստորաբաժանումների ու տարածաշրջանային գրասենյակների հետ Հանձնաժողովի երկխոսության հաստատումը։ Պայմանավորվածություն է ձեռք բերվել 2024 թվականի հոկտեմբերին աշխատանքի տեղավորման պետությունում աշխատանքային միգրանտների և նրանց ընտանիքների անդամների առողջության պահպանության համատեղ միջոցառում ԵԱՏՄ երկրներից որևէ մեկում անցկացնելու մասին: Կենտրոնական Ասիայի առողջապահության ոլորտում ներդրումների հարցերով միջազգային համաժողովը կազմակերպվել է ԱՀԿ Եվրոպայի տարածաշրջանային գրասենյակի կողմից Ղրղզստանի Հանրապետության առողջապահության նախարարության հետ համատեղ՝ Ղրղզստանի Հանրապետության նախագահ Սադիր Ջապարովի հովանու ներքո: ԵՏՀ և ԱՀԿ փոխգործակցությունն իրականացվում է 2021 թվականի հոկտեմբերի 13-ին Մինսկում ստորագրված Փոխըմբռնման հուշագրի հիման վրա։
ԵՏՀ-ն և ՄԱԿ ԷՍԿԱՏՕ-ը քննարկել են աշխատանքային միգրացիայի և սոցիալական պաշտպանության հարցեր 14 հունիսի 2024 ԵՏՀ-ն և ՄԱԿ ԷՍԿԱՏՕ-ը քննարկել են աշխատանքային միգրացիայի և սոցիալական պաշտպանության հարցեր Աշխատանքային միգրացիայի և սոցիալական պաշտպանության զարգացման հարցեր քննարկել են փորձագետների խմբի խորհրդակցության և Միավորված ազգերի կազմակերպության Ասիայի և Խաղաղ օվկիանոսի տնտեսական և սոցիալական հարցերի հանձնաժողովի (ՄԱԿ ԷՍԿԱՏՕ) կողմից կազմակերպված «Հյուսիսային և Կենտրոնական Ասիայում միգրացիային առնչվող ֆակտոլոգիական բազայի ամրապնդում. տվյալներ, գենդերային ասպեկտների ազդեցություն և դրամական փոխանցումներ» սեմինարի մասնակիցները: Եվրասիական տնտեսական հանձնաժողովի աշխատանքային միգրացիայի և սոցիալական պաշտպանության վարչության տնօրեն Ալտինայ Օմուրբեկովան զեկույց է ներկայացրել Եվրասիական տնտեսական միության միասնական աշխատաշուկայի վիճակի և զարգացման հեռանկարների մասին։ Նա հատուկ կարևորել է ԵՏՀ և ՄԱԿ ԷՍԿԱՏՕ միջև համագործակցությունը.  «Մեր փոխգործակցությունը նոր հեռանկարներ է բացում աշխատանքային միգրացիայի և սոցիալական պաշտպանության տարածաշրջանային ռազմավարությունների զարգացման համար: Փորձի և գիտելիքների փոխանակումն օգնում է ավելի արդյունավետ արձագանքել ժամանակակից աշխարհի մարտահրավերներին և ավելի բարենպաստ պայմաններ ստեղծել Միության երկրների բոլոր քաղաքացիների համար»։ Միջոցառման մասնակիցները քննարկել են ԵԱՏՄ-ում դրամական փոխանցումների համակարգի զարգացման հեռանկարները՝ նշելով օրենսդրական դաշտի կատարելագործման, դրամական գործարքների թափանցիկության և անվտանգության բարձրացման անհրաժեշտությունը։ ԷՍԿԱՏՕ-ն ՄԱԿ-ի Ասիայի և Խաղաղ օվկիանոսի տնտեսական և սոցիալական հանձնաժողովն է, որը ՄԱԿ-ի հինգ տարածաշրջանային հանձնաժողովներից մեկն է: ԷՍԿԱՏՕ կենտրոնակայանը գտնվում է Թաիլանդի Թագավորության Բանգկոկ քաղաքում: ԷՍԿԱՏՕ կազմում ներառված է 53 պետություն (այդ թվում՝ Հայաստանի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը), ինչպես նաև 9 ասոցացված անդամ։ ԵՏՀ և ՄԱԿ ԷՍԿԱՏՕ փոխգործակցությունը հիմնված է 2019 թվականի մայիսի 17-ին Ղազախստանում ստորագրված Փոխըմբռնման հուշագրի վրա:
02 մայիսի 2024 ԵԱՏՄ երկրներում սկսել են փոխադարձ ճանաչվել գիտական աստիճանները Մայիսի 2-ին ուժի մեջ է մտել Եվրասիական տնտեսական միության պետություններում գիտական աստիճանների վերաբերյալ փաստաթղթերի փոխադարձ ճանաչման մասին համաձայնագիրը, որը ստորագրվել է 2023 թվականի հունիսի 8-ին Եվրասիական միջկառավարական խորհրդի նիստում։ Այժմ եվրասիական «հնգյակի» երկրների քաղաքացիների գիտական աստիճանի վերաբերյալ ազգային փաստաթղթերը ճանաչվում են ինքնաբերաբար (առանց ճանաչման ազգային ընթացակարգեր իրականացնելու) Միության որևէ այլ երկրում աշխատանքային գործունեություն իրականացնելու համար, բացառությամբ այն դեպքերի, երբ նման փաստաթղթերի սեփականատերերը հավակնում են աշխատանքի տեղավորման պետությունում սահմանված հավելումների կամ գիտական աստիճանի համար նախատեսված արտոնությունների: «Համաձայնագիրն ուղղված է բարձր որակավորում ունեցող մասնագետների շարժունակության բարձրացմանը և կնպաստի աշխատանքային ռեսուրսների ազատ տեղաշարժի զարգացմանը», - նշել է Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բախիթ Սուլթանովը։
ԵՏՀ-ում քննարկել են Ռուսաստանում ԵԱՏՄ երկրների «ինքնազբաղվածների» կեցության հարցերը 15 մարտի 2024 ԵՏՀ-ում քննարկել են Ռուսաստանում ԵԱՏՄ երկրների «ինքնազբաղվածների» կեցության հարցերը Ռուսաստանի Դաշնությունում որպես «ինքնազբաղված» աշխատանքային գործունեություն իրականացնող Եվրասիական տնտեսական միության պետությունների քաղաքացիների կեցության ժամկետներին առնչվող հարցերը քննարկել են Եվրասիական տնտեսական հանձնաժողովի կոլեգիային առընթեր միգրացիոն քաղաքականության հարցերով խորհրդատվական կոմիտեին կից միգրացիայի հարցերով աշխատանքային խմբի մասնակիցները: Նիստին մասնակցել են ԵՏՀ-ի, Միության երկրների լիազոր մարմինների ներկայացուցիչներ, ինչպես նաև միգրացիայի և սոցիալական պաշտպանության հարցերով փորձագետներ։ Հանձնաժողովի աշխատանքային միգրացիայի և սոցիալական պաշտպանության վարչության փոխտնօրեն Օլեգ Արտամոնովը հայտնել է, որ Ռուսաստանում շարունակվում է «Մասնագիտական եկամուտի հարկ» հատուկ հարկային ռեժիմի սահմանման փորձը, որի շրջանակներում Միության երկրների քաղաքացիները կարող են գրանցվել որպես «ինքնազբաղված»։ «Ռուսաստանի ԴՀԾ տվյալներով՝ 2023 թվականի ինն ամսվա ընթացքում երկրում գրանցվել է ավելի քան 183 հազար «ինքնազբաղված» քաղաքացի ԵԱՏՄ պետություններից»,- նշել է ԵՏՀ ներկայացուցիչը։ Աշխատանքային խմբի մասնակիցները՝ Ռուսաստանի ՆԳՆ ներկայացուցիչները, հայտնել են, որ Միության որևէ պետության քաղաքացու մոտ, որն աշխատանքային գործունեություն է իրականացնում ՌԴ-ում որպես «ինքնազբաղված», քաղաքացիաիրավական պայմանագրի (այդ թվում՝ կապալի պայմանագրի կամ ծառայությունների հատուցվող մատուցման պայմանագրի և այլ նմանատիպ պայմանագրերի) առկայությունը կարող է հիմք հանդիսանալ Ռուսաստանի Դաշնության տարածքում նրա գտնվելու ժամկետը երկարաձգելու համար: Քննարկման արդյունքում որոշվել է շարունակել աշխատանքը մասնագիտական եկամուտի հարկ վճարող ԵԱՏՄ քաղաքացիների կեցության ժամկետի երկարաձգման մեխանիզմի հարցում ընդհանուր մոտեցման մշակման ուղղությամբ։

Պաշարներ ԵՏՄ