Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

25 սեպտեմբերի 2025 ԵՏՀ-ն աշխատում է Միության իրավունքի կատարելագործման ուղղությամբ Եվրասիական տնտեսական հանձնաժողովի ինտեգրման և մակրոտնտեսության նախարար Դանիյար Իմանալիևի նախագահությամբ կայացել է Եվրասիական տնտեսական միության մասին 2014 թվականի մայիսի 29-ի պայմանագրի դրույթների կատարելագործման հարցերով համատեղ աշխատանքային խմբի նիստը: Քննարկվել են տեխնիկական կարգավորման մասին, մրցակցության ընդհանուր սկզբունքների ու կանոնների մասին, գնումների կարգավորման կարգի մասին արձանագրություններում կատարվելիք փոփոխությունները: Մշակվել են դրանց հետ հետագա աշխատանքի տարբերակներ: ԵԱՏՄ երկրներում կադրային փոփոխությունների կապակցությամբ նաև արդիականացվել է համատեղ աշխատանքային խմբի կազմը: Հաջորդ նիստը տեղի կունենա 2025 թվականի 4-րդ եռամսյակում: Եվրասիական տնտեսական միության մասին պայմանագրի դրույթների կատարելագործման հարցերով համատեղ աշխատանքային խումբը ստեղծվել է 2016 թվականին պայմանագրի փոփոխությունների մասին Միության պետությունների և Հանձնաժողովի առաջարկների քննարկման, դրա դրույթների բարելավման վերաբերյալ նախաձեռնությունների մշակման և դրա փոփոխության մասին միջազգային պայմանագրերի նախագծերի նախապատրաստման համար: Աշխատանքային խմբի շրջանակներում նախապատրաստվել են մի շարք արձանագրություններ Միության մասին պայմանագրում փոփոխություններ կատարելու մասին, այդ թվում՝ «1-ին Մեծ» արձանագրությունը, ուժի մեջ է մտել 2021 թ. հուլիսի 15-ին. «2-րդ Մեծ» արձանագրությունը, ուժի մեջ է մտել 2024 թ. փետրվարի 12-ին. «3-րդ Մեծ» արձանագրությունը, ուժի մեջ է մտել 2024 թ. ապրիլի 25-ին. «4-րդ Մեծ» արձանագրությունը, ստորագրվել է 2025 թ. հուլիսի 28-ին, ներկայումս վավերացման փուլում է Միության անդամ պետություններում:  

25 սեպտեմբերի 2025 ԵՏՀ-ում քննարկել են ԵԱՏՄ երկրների և Իրանի մարկետփլեյսերի համագործակցության ուղղությունները Եվրասիական տնտեսական հանձնաժողովում խորհրդակցություններ են անցկացվել, որոնց ընթացքում քննարկել են Եվրասիական տնտեսական միության երկրների և Իրանի Իսլամական Հանրապետության էլեկտրոնային առևտրի հարթակների միջև հնարավոր համագործակցությունը: Հանդիպման մասնակիցները՝ կողմերի խոշորագույն մարկետփլեյսերի ներկայացուցիչները, նշել են, որ էլեկտրոնային առևտուրն այսօր միջերկրային ապրանքաշրջանառության աճի կարևոր շարժիչ ուժն է, վերահաստատել հետաքրքրվածությունը համացանցային առևտրի շրջանակներում գործընկերության իրականացման հարցում, քննարկել փոխգործակցության հնարավոր ձևաչափերը և ուղղությունները և տեխնոլոգիական ինտեգրման ներուժը: «ԵԱՏՄ պետությունները և Իրանը զգալի ներուժ ունեն էլեկտրոնային առևտրի ոլորտում համագործակցության զարգացման համար՝ հաշվի առնելով, որ երկրներում դրա շրջանառությունն տարեց տարի սրընթաց աճ է գրանցում: Այս ոլորտում բիզնեսի փոխգործակցությունը կնպաստի առևտրի անխոչընդոտ տարածքի ձևավորմանը», — ընդգծել ՝ ԵՏՀ մաքսասակագնային և ոչ սակագնային կարգավորման վարչության փոխտնօրեն Ասկատ Բեկովը: Խորհրդակցություններն անցկացվում են Իրանի Իսլամական Հանրապետության և Եվրասիական տնտեսական հանձնաժողովի միջև ազատ առևտրի մասին 2025 թվականի մայիսի 15-ին ուժի մեջ մտած համաձայնագրի իրականացման ճանապարհային քարտեզի միջոցառումների կիրարկման շրջանակներում:

25 սեպտեմբերի 2025 Անդրեյ Սլեպնյով. «Ստորագրվել է ԵԱՏՄ-ի և Իրանի միջև ազատ առևտրի մասին համաձայնագրի իրականացմանն ուղղված համագործակցության եռամյա ճանապարհային քարտեզը» Այս մասին Եվրասիական տնտեսական հանձնաժողովի առևտրի նախարար Անդրեյ Սլեպնյովը հայտարարել է Եվրասիական տնտեսական հանձնաժողովի և Իրանի միջև ազատ առևտրի մասին այս տարվա մայիսին ուժի մեջ մտած լիաձևաչափ համաձայնագրի իրականացման հարցերով համատեղ կոմիտեի առաջին նիստից հետո կայացած ճեպազրույցում: Նիստին մասնակցել են իրանական կողմից Համատեղ կոմիտեի համանախագահ, Իրանի Իսլամական Հանրապետության արդյունաբերության, հանքերի և առևտրի նախարար Մոհամադ Աթաբաքը, ինչպես նաև ԵՏՀ մաքսային համագործակցության նախարար Ռուսլան Դավիդովը: «Ծավալուն փաստաթուղթն ընդգրկում է այնպիսի առանցքային բաժիններ, ինչպիսիք են, օրինակ, տրանսպորտը և լոգիստիկան և, առաջին հերթին, «Հյուսիս-Հարավ» միջանցքը: Մենք պայմանավորվել ենք կանաչ մաքսային միջանքների ձևավորման, թվայնացման, էլեկտրոնային տարանցմանն անցնելու մասին, ինչը մեր ձեռնարկությունների համար բացում է իրանական շուկա իրենց արտադրանքի արագացված մատակարարումների հնարավորություններ», — ընդգծել է Անդրեյ Սլեպնյովը:  Խոսքը նաև «Եվրասիական ագրոէքսպրես» նախագծով սառը բեռների փոխադրումների ընդլայնման, նավահանգիստների գծով փոխգործակցության և ենթակառուցվածքի պլանների համակարգման մասին է՝ իրանական նավահանգիստների միջոցով Հնդկական օվկիանոսի ջրային տարածք դուրս գալու հեռանկարով: Այս կապակցությամբ ԵՏՀ նախարարը հիշեցրել է հնդկական կողմի հետ ազատ առևտրի մասին համաձայնագրի վերաբերյալ ակտիվ խորհրդակցությունների մասին: Բացի այդ, նման մի փոխգործակցություն է նշմարվում նաև Պակիստանի հետ, ինչն ավելացնում է իրանական գործընկերների՝ որպես «Հյուսիս-Հարավ» միջանցքի կարևորագույն օղակի պահանջվածությունը: Անդրեյ Սլեպնյովը նաև անդրադարձել է ԵԱՏՄ-ից ապրանքների ներմուծման քանակական սահմանափակումները Իրանի կողմից հանելու լուրջ աշխատանքին, ինչը կարող է համարվել եվրասիական «հնգյակի» երկրներին գործընկերոջ կողմից տրամադրվող եզակի առանձնաշնորհ: «Առանձին նշե, «հալալ» հավաստագրման վերաբերյալ փաստաթղթի ստորագրումը՝ սա այսօր կարևոր թեմա է գյուղատնտեսական արտադրանքի առևտրի համար: Այստեղ մենք պայմանավորվել ենք գործել չափագիտության իսլամական կազմակերպության ստանդարտներին համապատասխան», — հայտնել է ԵՏՀ առևտրի նախարարը: Կողմերը պայմանավորվել են ստանդարտների և առևտրում տեխնիկական խոչընդոտների վերացման ուղղությամբ աշխատանք սկսելու մասին: Կարգավորող մարմինների աջակցությամբ մեկնարկել գործնական երկխոսությունը ԵԱՏՄ և Իրանի խոշորագույն մարկետփլեյսերի միջև, ուղիներ են տրամադրում փոքր և միջին բիզնեսի ապրանքների մատակարարման համար: «Այլ հարցել ևս քննարկվել են, օրինակ՝ բարտերի զարգացումը, հաշվարկները, տարածաշրջանում երրորդ երկրների հետ առևտրի քաղաքականության համակարգումը, գործարար շրջանակների համագործակցությունը», — նշել է Անդրեյ Սլեպնյովը: Քննարկվել են ապրանքների ծագման հաստատման էլեկտրոնային համակարգի մշակման առաջարկների նախապատրաստումը և ԵԱՏՄ-ի և Իրանի բիզնեսի համար առևտրային կարգավորման հարցերով տեղեկագրի մշակումը: Կողմերը պայմանավորվել են մշակել Իրանի՝ որպես դիտորդի մասնակցությունը ԵԱՏՄ Դեղագրքային կոմիտեի աշխատանքներին և խորհրդակցություններ անցկացնել բժշկական սարքերի և տեխնիկայի, ինչպես նաև փոխադրամիջոցների և պահեստամասերի փոխադարձ հասանելիության պայմանների բարելավման վերաբերյալ: Պայմանավորվածություն է ձեռք բերվել գյուղատնտեսական արտադրանքի և սննդամթերքի առևտրի վրա ազդեցություն ունեցող սանիտարական և բուսասանիտարական միջոցների կիրառման հարցերի քննարկման, նավիգացիոն կապարակնիքների օգտագործման համատեղ առաջարկների մշակման մասին: Նաև պայմանավորվել են ստեղծել մաքսային համագործակցության հարցերով ենթակոմիտե: Ըստ ԵՏՀ առևտրի նախարարի՝ Իրանի հետ ազատ առևտրի մասին լիաձևաչափ համաձայնագրի արդյունքներն արդեն նկատվում են, թեև այն ուժի մեջ է մտել միայն մայիսին: Հունվարից ապրանքաշրջանառությունն ավելացել է 16%-ով, և այս թիվը լուրջ աճ է ամրագրում, որը նկատվել է 2019 թվականից ի վեր՝ Ժամանակավոր համաձայնագրի գործողության ժամանակահատվածում: Այս վիճակագրությունները վկայում են, որ ԵԱՏՄ-ի և Իրանի միջև ապրանքաշրջանառությունը առանձնաշնորհային առևտրային ռեժիմի գործողության մեկնարկի պահից ավելացել է ավելի քան 2.2 անգամ: Այս կապակցությամբ ԵՏՀ առևտրի նախարարը վերահաստատել է միջնաժամկետ հեռանկարում առևտրի կրկնապատկման և 12 մլրդ դոլար նշաձողին հասնելու նախկինում հնչեցված պլանները:

24 սեպտեմբերի 2025 Արզիբեկ Կոժոշև. «Թվային անհավասարությունը եվրասիական ինտեգրման համար զսպող գործոններից մեկն է»   Նման կարծիք է հայտնել ԵՏՀ էներգետիկայի և ենթակառուցվածքի նախարար Արզիբեկ Կոժոշևը «Ռուսաստանի խելացի տրանսպորտային համակարգեր. Տրանսպորտի թվային դարաշրջանը» ամենամյա միջազգային համաժողովի շրջանակներում կայացած «Խելացի տրանսպորտային համակարգերի արդյունավետությունը» թեմայով լիագումար քննարկմանը: Իր ելույթում նախարարը տեղեկացրել է տրանսպորտային գործունեության թվայնացման ոլորտում եվրասիական ինտեգրման առանցքային ուղղություններով գործունեության արդյունքների մասին: Արզիբեկ Կոժոշևն առանձին նշել է, որ «անհրաժեշտ է ոչ միայն զարգացնել ազգային խելացի տրանսպորտային համակարգերը, այլև մտածել, թե ինչպես են դրանք փոխգործակցելու օպերատորների պատասխանատվության անցման գոտիներում»: Համաժողովի շրջանակներում ստորագրվել է Եվրասիական տնտեսական հանձնաժողովի էներգետիկայի և ենթակառուցվածքի բլոկի և «Տրանսպորտի Թվային Դարաշրջան» տրանսպորտի թվային տեխնոլոգիաների զարգացման ընկերակցության միջև փոխգործակցության միջոցառումների պլանը: 2026-2027 թվականի համար նախատեսված այս փաստաթուղթը ենթադրում է տրանսպորտի թվային տեխնոլոգիաների, այդ թվում՝ խելացի տրանսպորտային համակարգերի ոլորտի արդիական հարցերին առնչվող համատեղ միջոցառումների և խորհրդակցությունների անցկացում, ինչպես նաև փորձի փոխանակում, վիճակագրական տվյալների փոխանակում, ինչպես նաև վերլուծական նյութերի և զեկույցների նախապատրաստում։ Բացի այդ, համաժողովի շրջանակներում նախարարը մասնակցել է ցուցահանդեսային էքսպոզիցիայի պաշտոնական շրջայցին, որտեղ ներկայացված են ԽՏՀ և ավտոմոբիլային ճանապարհների թվային ենթակառուցվածքի ոլորտի առաջադեմ լուծումներ։ «Մեր երկրներում կուտակվել է որոշակի փորձ, խելացի լուծումներ են ներդրվել և կիրառվում: Անհրաժեշտ է դրանցով կիսվել և ընդլայնել օգտագործման աշխարհագրությունը», — ամփոփել է Արզիբեկ Կոժոշևը:  

23 սեպտեմբերի 2025 Բակիտժան Սագինտաևը բանակցել է Աբու Դաբիի Միջազգային ֆինանսական կենտրոնի նախագահ Ահմեդ Ջասիմու Ալ Զաաբիի հետ Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը աշխատանքային հանդիպում է ունեցել Աբու Դաբիի Միջազգային ֆինանսական կենտրոնի (ADGM) նախագահ Ահմեդ Ջասիմու Ալ Զաաբիի հետ:

23 սեպտեմբերի 2025 Բակիտժան Սագինտաև. «ԵԱՏՄ երկրների և ԱՄԷ-ի ներուժերի զուգակցումը կբազմապատկի փոխշահավետ համագործակցության արդյունքը» Եվրասիական տնտեսական հանձնաժողովի կոլեգիայի նախագահ Բակիտժան Սագինտաևն աշխատանքային հանդիպում է ունեցել Աբու Դաբիի թագաժառանգ Հալեդ իբն Մուհամեդ բին Զաիդ Ալ Նահայանի հետ:

23 սեպտեմբերի 2025 ԵՏՀ կոլեգիան հավանություն է տվել սպառողների իրավունքների պաշտպանության ուղղությամբ ԵԱՏՄ երկրների համատեղ աշխատանքի արդյունքներին Եվրասիական տնտեսական հանձնաժողովի կոլեգիան հավանություն է տվել Սպառողների իրավունքների պաշտպանության ոլորտում Եվրասիական տնտեսական միության անդամ պետությունների համատեղ գործողությունների 2024 թվականի ծրագրի կատարման մշտադիտարկման արդյունքների մասին զեկույցին:

23 սեպտեմբերի 2025 ԵՏՀ-ն երեք տարի ժամկետով զրոյացրել է արդյունաբերական ճարպային սպիրտների նկատմամբ մաքսատուրքը Եվրասիական տնտեսական հանձնաժողովի կոլեգիան արդյունաբերական ճարպային սպիրտների համար (ԵԱՏՄ ԱՏԳ ԱԱ 3823 70 000 0 ծածկագիր) մինչև 2028 թվականի հոկտեմբերի 31-ը ներառյալ 0%-ի չափով ներմուծման մաքսատուրք է սահմանել: Ներկայումս դրույքաչափը կազմում է 5%:

Ցուցադրել ավելին