арм

Նորություններ

ԵՏՀ ԶԼՄ-ներում Ֆոտոսրահ Տեսադարան
06 մարտի 2025 Եվրասիական տնտեսական հանձնաժողովն ընդլայնում է համագործակցությունը ՄԱԿ-ի վիճակագրական հանձնաժողովի հետ Եվրասիական տնտեսական հանձնաժողովը դիտորդի կարգավիճակով մասնակցել է Միավորված ազգերի կազմակերպության (ՄԱԿ) վիճակագրական հանձնաժողովի 56-րդ նստաշրջանի աշխատանքներին։ Այս կարգավիճակի մասին որոշումը կայացվել է մարտի 4-ին Նյու Յորքում կայացած նիստի ընթացքում, որին մասնակցել է ԵՏՀ ինտեգրման և մակրոտնտեսության նախարար Էլդար Ալիշերովը ԵՏՀ ինտեգրման և մակրոտնտեսության նախարարն իր ելույթում ընդգծել է հետագա կառուցողական համագործակցության պատրաստակամությունը։ «Հանձնաժողովը հետաքրքրված է ՄԱԿ-ի վիճակագրական հանձնաժողովի հետ համագործակցության ընդլայնմամբ և ԿԶՆ ցուցանիշների մեթոդաբանության մշակման ու փորձի փոխանակման հարցերում մոտեցումների մշակման նպատակով Կայուն զարգացման ոլորտի նպատակների իրականացման ցուցանիշների հարցերով միջհիմնարկային և փորձագիտական խմբի շրջանակներում աշխատանքներով», — նշել է Էլդար Ալիշերովը: ԵՏՀ-ին դիտորդի կարգավիճակի շնորհումը թույլ կտա ամրապնդել փոխգործակցությունը վիճակագրության ոլորտում՝ նպաստելով փորձի և լավագույն միջազգային պրակտիկաների փոխանակմանը։ Սա նաև նոր հնարավորություններ է բացում կայուն զարգացման նպատակների իրականացման և վիճակագրական մեթոդների ու ստանդարտների կատարելագործման ուղղությամբ համատեղ աշխատանքների համար: ԵՏՀ նախարարի խոսքով՝ Հանձնաժողովը մտադիր է ակտիվորեն մասնակցել ՄԱԿ-ի վիճակագրական հանձնաժողովի աշխատանքներին, նպաստել գլոբալ վիճակագրական համակարգի զարգացմանը և ամրապնդել համագործակցությունը միջազգային գործընկերների հետ։ ՄԱԿ-ի վիճակագրական հանձնաժողովի նստաշրջանի շրջանակներում ԵՏՀ ինտեգրման և մակրոտնտեսության նախարար Էլդար Ալիշերովը բանակցություններ է վարել ՄԱԿ-ի վիճակագրական հանձնաժողովի նախագահ, Շվեյցարիայի Դաշնային վիճակագրական վարչության գլխավոր տնօրեն Ժորժ-Սիմոն Ուլրիխի հետ։ Կողմերը քննարկել են վիճակագրության ոլորտում փոխադարձ համագործակցության հեռանկարները։ ՄԱԿ-ի վիճակագրական հանձնաժողովը, որը ստեղծվել է 1947 թվականին, գլոբալ վիճակագրական համակարգի բարձրագույն մարմինն է։ Այն միավորում է ՄԱԿ-ի անդամ երկրների վիճակագրական գերատեսչությունների ղեկավարներին և պատասխանատու է վիճակագրական ստանդարտների սահմանման, միջազգային մակարդակով համաձայնեցված հայեցակարգերի և մեթոդների մշակման, ինչպես նաև ազգային և միջազգային մակարդակներով դրանց ներդրման համար: Հանձնաժողովը բաղկացած է 24 անդամից, որոնք ընտրվում են ՄԱԿ-ի Տնտեսական և սոցիալական խորհրդի կողմից՝ հաշվի առնելով աշխարհագրական ներկայացուցչությունը. հինգ ներկայացուցիչ Աֆրիկայից, չորսը՝ Ասիայի երկրներից, չորսը՝ Արևելյան Եվրոպայի երկրներից, չորսը՝ Լատինական Ամերիկայի և Կարիբյան ավազանի երկրներից, յոթը՝ Արևմտյան Եվրոպայի երկրներից և այլ պետություններից։
2024 թվականի 1-ին եռամսյակի արդյունքներով գրանցվել է իրավաբանական անձանց ազգային արժույթով վարկավորման ծավալների աճ 06 հունիսի 2024 2024 թվականի 1-ին եռամսյակի արդյունքներով գրանցվել է իրավաբանական անձանց ազգային արժույթով վարկավորման ծավալների աճ Իրավաբանական անձանց ազգային արժույթով 2024 թվականի առաջին եռամսյակում տրամադրված վարկերի ծավալը նախորդ տարվա նույն ժամանակահատվածի համեմատ Հայաստանում աճել է 5%-ով, Բելառուսում՝ 30%-ով, Ղազախստանում՝ 29%-ով, Ղրղզստանում՝ 25%-ով և Ռուսաստանում՝ 22%-ով։ Արտարժույթով վարկավորման ծավալների զգալի աճ է գրանցվել Ղրղզստանում՝ 2.3 անգամ, Հայաստանում՝ նվազում 12%-ով։ 2024 թվականի հունիսի սկզբին վարկավորման արժեքի նվազում է գրանցվել Հայաստանում՝ 8.25% (-0.25 տոկոսային կետ), Ղազախստանում՝ 14.50% (- 0.25 տ.կ.) և Ղրղզստանում՝ 9.00% (-4.00 տ.կ.)։ Բելառուսի և Ռուսաստանի ազգային (կենտրոնական) բանկերը տոկոսադրույքները պահպանել են համապատասխանաբար 9.50% և 16.00% մակարդակում։ Ավելի մանրամասն վիճակագրական տեղեկատվությունը ներկայացված է վիճակագրության վարչության էջում՝ «Ֆինանսական վիճակագրություն» բաժնում։
ԵԱՏՄ երկրներում աճել է ծառայությունների շրջանառությունը 24 ապրիլի 2024 ԵԱՏՄ երկրներում աճել է ծառայությունների շրջանառությունը 2023 թվականին 2022 թվականի համեմատ Եվրասիական տնտեսական միության անդամ պետությունների մեծ մասում նկատվել է ծառայությունների միջազգային առևտրի աճ։ Ծառայությունների առևտրի դրական սալդոն Հայաստանում աճել է 33.6%-ով, Բելառուսում՝ նվազել 32.7%-ով։ Անդամ պետությունների մեծ մասում ծառայությունների արտահանման և ներմուծման կառուցվածքում ամենամեծ բաժինը տրանսպորտային ծառայություններինն էր (Ղազախստանում՝ մինչև 49%) ուղևորություններինը (Ղրղզստանում՝ մինչև 56%)։ Ավելի մանրամասն վիճակագրական տեղեկատվությունը ներկայացված է Վիճակագրության վարչության կայքէջի «Արտաքին հատվածի վիճակագրություն» բաժնում:
ԵԱՏՄ-ում արդյունաբերական արտադրությունը 2024 թվականի հունվարին աճել է 4.7%-ով 14 մարտի 2024 ԵԱՏՄ-ում արդյունաբերական արտադրությունը 2024 թվականի հունվարին աճել է 4.7%-ով 2024 թվականի հունվարին Եվրասիական տնտեսական միության արդյունաբերական արտադրության ծավալը կազմել է 2023 թվականի հունվարի մակարդակի 104.7%։ Արդյունաբերական արտադրության աճ է նկատվել Հայաստանում՝ 21%-ով, Ղրղզստանում՝ 16.5%-ով, Բելառուսում՝ 5.4%-ով, Ռուսաստանում՝ 4.6%-ով և Ղազախստանում՝ 3.4%-ով։ Լեռնարդյունահանող արդյունաբերությունում և հանքերի շահագործման ոլորտում արտադրության ծավալը ԵԱՏՄ-ում ավելացել է 0.7%-ով, մշակող արդյունաբերությունում՝ 7.5%-ով, էլեկտրամատակարարման, գազի մատակարարման, գոլորշու և օդի լավորակման ոլորտում՝ 4.9%-ով, ջրամատակարարման, կոյուղու համակարգերի, թափոնների հավաքման ու բաշխման վերահսկողության ոլորտում՝ 3.3%-ով: Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության էջում՝ «Արդյունաբերական արտադրություն» բաժնում:
ԵԱՏՄ-ում գործազուրկների թիվը նվազել է 11.1%-ով 12 մարտի 2024 ԵԱՏՄ-ում գործազուրկների թիվը նվազել է 11.1%-ով Եվրասիական տնտեսական միության պետությունների բնակչության զբաղվածության ծառայություններում գրանցված գործազուրկների թիվը 2024 թվականի հունվարի վերջի դրությամբ կազմել է 786.1 հազար մարդ, 2023 թվականի նույն օրվա համեմատ կրճատվելով 11.1%-ով։ Այսպիսով, գործազուրկների թիվը կազմում է աշխատուժի ընդհանուր թվաքանակի 0.8%-ը։ 2023 թվականին այդ ցուցանիշը կազմել է 1%։ ԵԱՏՄ-ում գործազրկության մասին ավելի մանրամասն տեղեկատվությունը ներկայացված է ԵՏՀ վիճակագրության վարչության կայքէջի «Գործազրկության մասին» բաժնում։
Հրապարակվել է ԵԱՏՄ-ում 2023 թվականի արդյունքներով հարկային եկամուտների վիճակագրությունը 11 մարտի 2024 Հրապարակվել է ԵԱՏՄ-ում 2023 թվականի արդյունքներով հարկային եկամուտների վիճակագրությունը 2023 թվականին 2022 թվականի համեմատ համախմբված բյուջեի հարկային եկամուտներն աճել են Հայաստանում, Ղազախստանում և Ղրղզստանում՝ համապատասխանաբար 15.5%-ով, 27.4%-ով և 28.6%-ով։ Ռուսաստանում բյուջեի ամբողջ եկամտային մասի աճը կազմել է 11.3%։ ԵԱՏՄ պետությունների բյուջեների հարկային եկամուտների հիմնական բաժինը կազմել են Հայաստանում՝ եկամտահարկը և ԱԱՀ-ն, Ղազախստանում և Ռուսաստանում՝ շահութահարկը և ԱԱՀ-ն, Ղրղզստանում՝ ԱԱՀ-ն։ Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության կայքէջի «Հարկային եկամուտներ» բաժնում։
ԵԱՏՄ-ում գյուղարտադրանքի արտադրությունը 2024 թվականի հունվարին աճել է 0.5%-ով 11 մարտի 2024 ԵԱՏՄ-ում գյուղարտադրանքի արտադրությունը 2024 թվականի հունվարին աճել է 0.5%-ով 2024 թվականի հունվարին գյուղատնտեսական արտադրանքի արտադրությունը Եվրասիական տնտեսական միությունում բոլոր կատեգորիաների տնտեսություններում 2023 թվականի հունվարի համեմատ ավելացել է 0.5%-ով։ Աճ է նկատվել Բելառուսում, Ղրղզստանում և Ղազախստանում, նվազում՝ Ռուսաստանում։ Սպանդի ենթակա կենդանիների և թռչունների (կենդանի քաշով) արտադրությունը 2023 թվականի հունվարի համեմատ աճել է 1%-ով, կաթի՝ 3.2%-ով, ձվի արտադրությունը նվազել է 0.9%-ով։ Սպանդի ենթակա կենդանիների և թռչունների (կենդանի քաշով) արտադրության ծավալների աճ է նկատվել Բելառուսում, Ռուսաստանում և Ղրղզստանում, նվազում՝ Ղազախստանում։ Կաթի արտադրությունն ավելացել է ԵԱՏՄ բոլոր պետություններում (առանց Հայաստանի տվյալների): Ձվի արտադրության աճ է նկատվել Ղրղզստանում, Բելառուսում և Ղազախստանում, նվազում՝ Ռուսաստանում։ Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության կայքէջի «Գյուղատնտեսական արտադրանքի արտադրություն» բաժնում։
Բիզնեսի վարկավորման ծավալները 2023 թվականի 4-րդ եռամսյակի արդյունքներով աճել են ԵԱՏՄ բոլոր պետություններում 11 մարտի 2024 Բիզնեսի վարկավորման ծավալները 2023 թվականի 4-րդ եռամսյակի արդյունքներով աճել են ԵԱՏՄ բոլոր պետություններում Իրավաբանական անձանց ազգային արժույթով 2023 թվականի չորրորդ եռամսյակում տրամադրված վարկերի ծավալը նախորդ տարվա նույն ժամանակահատվածի համեմատ Հայաստանում աճել է 14%-ով, Բելառուսում՝ 27%-ով, Ղազախստանում՝ 32%-ով, Ղրղզստանում՝ 31%-ով և Ռուսաստանում՝ 25%-ով։ Արտարժույթով վարկավորման ծավալների զգալի աճ է գրանցվել Ղազախստանում՝ 85%-ով, և Ղրղզստանում՝ 2.1 անգամ։ Իրավաբանական անձանց պարտքը ազգային արժույթով վարկերի գծով 2023 թվականի չորրորդ եռամսյակի վերջի դրությամբ նախորդ տարվա նույն ժամանակահատվածի համեմատ Բելառուսում աճել է 41%-ով, Ղազախստանում՝ 24%-ով, Ղրղզստանում՝ 18%-ով, Ռուսաստանում՝ 25%-ով։ Արտարժույթով վարկերի գծով նույնպես իրավաբանական անձանց պարտքի աճ է գրանցվել ԵԱՏՄ անդամ պետություններում, բացառությամբ Բելառուսի (նվազում 8%-ով)։ 2024 թվականի մարտի սկզբի դրությամբ վարկավորման արժեքի նվազում է գրանցվել Հայաստանում՝ 8.75% (-0.50 տ.կ.) և Ղազախստանում՝ 14.75% (-1.00 տ. կ.): Բելառուսի, Ղրղզստանի և Ռուսաստանի ազգային (կենտրոնական) բանկերը դրույքաչափերը պահպանել են, համապատասխանաբար, 9.50%, 13.00% և 16.00% մակարդակին: Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության կայքէջի «Ֆինանսական վիճակագրություն» բաժնում։
Ցուցադրել ավելին

Պաշարներ ԵՏՄ