Նորություններ

Եվրասիական տնտեսական հանձնաժողովի արդյունաբերական բլոկի ներկայացուցիչները Մոսկվայում մասնակցել են «Հազվագյուտ և հազվագյուտ հողերի մետաղներ 2024» (ՀՄ և ՀՀՄ) 3-րդ ոլորտային խորհրդաժողովին և «Պղինձ 2024» ոլորտային խորհրդաժողովին։

Խորհրդաժողովի շրջանակում քննարկվել են Եվրասիական տնտեսական միության շրջանակներում և երրորդ երկրների, այդ թվում՝ աֆրիկյան և ասիական տարածաշրջանների երկրների հետ համագործակցության խորացման հարցեր։

Խորհրդաժողովի մասնակիցների առանձնահատուկ հետաքրքրությունն է առաջացրել Ղազախստանում նշված մետաղների հանքավայրերի զարգացման ներուժի մասին զեկույցը (զեկուցողը KAZAKH INVEST օտարերկրյա ներդրումների ներգրավման ղազախական ազգային ընկերությունն էր), այդ թվում՝ հանրապետությունում ոլորտային նախագծերում ներդրումներ կատարելու առանձնահատկությունների մասով:

Միջերկրային փոխգործակցությունն ընդլայնելու համար առաջարկվել է Ղազախստանում ստեղծել ՀՄ և ՀՀՄ-ի ոլորտային ընկերակցություն:

Բացի այդ, ներկայացվել է եզակի, աշխարհում նմանը չունեցող ՀՄ և ՀՀՄ-ի արդյունահանման ռուսական տեխնոլոգիան, որը համապատասխանում է էկոլոգիական օրակարգին և արդեն հաջողությամբ փորձարկվել է ՀԱՀ-ում։ 

«Պղինձ 2024» ոլորտային խորհրդաժողովի առանցքային նյութերն էին Հայաստանում, Ղազախստանում, Ռուսաստանում և Ուզբեկստանում պղնձի արդյունաբերության զարգացման առանձնահատկությունների, ինչպես նաև կանաչ տեխնոլոգիաներում պղնձի օգտագործման վերաբերյալ զեկույցները։

Միջոցառումների արդյունքներով մասնակիցները պայմանավորվել են ակտիվացնել ոլորտում գիտատեխնիկական համագործակցության խորացման աշխատանքը՝ հաշվի առնելով ԵԱՏՄ կոոպերացիոն ներուժը։