Նորություններ

Եվրասիական տնտեսական միության պետությունների կողմից համատեղ մասշտաբային բարձր տեխնոլոգիական նախագծերն իրականացվում են Ռազմավարություն-2025-ի 6.4.3-րդ կետի ն համապատասխան։ Այս աշխատանքն ակտիվացնելու նպատակով 2024 թվականին ԵԱՏՄ-ում առաջին անգամ կանցկացվի «Եվրասիական ինտեգրման խորհրդանիշներ» համատեղ մասշաբային բարձր տեխնոլոգիական և հումանիտար նախագծերի մրցույթը։

Մրցույթի նպատակն է բացահայտել եվրասիական ինտեգրման տեխնոլոգիական ոլորտների նոր գաղափարներ։ Որպես կազմակերպիչ հանդես կգան Ռազմավարական նախաձեռնությունների գործակալությունը (ՌՆԳ) և զարգացման ինստիտուտների կոնսորցիումի անդամները, իսկ համակազմակերպիչ՝ Եվրասիական տնտեսական հանձնաժողովը։ 

Մասնակիցները կարող են հայտ ներկայացնել արդեն փետրվարին։ Հայտերը կքննարկվեն թիմի անդամների որակավորման, փորձի առկայության, ինչպես նաև տնտեսական, սոցիալական ազդեցության, նորության, մրցունակության և փորձագիտական ճանաչման տեսանկյունից: Կարող են մասնակցել ինչպես արդեն իրականացված նախագծերը, այնպես էլ գաղափարները, հայեցակարգերը։ 

Փորձագետները կգնահատեն նախագծերը հետևյալ չափորոշիչների հիման վրա՝

- ինտեգրացիոն ուղղվածություն. նախագիծը պետք է նպաստի անդամ պետությունների մրցակցային առավելությունների ձևավորմանն ու իրականացմանը, եվրասիական տնտեսական ինտեգրման շրջանակներում կոոպերացիոն շփումների զարգացմանը.

- մասշտաբայնություն. նախագծերը պետք է ներուժ ունենան ԵԱՏՄ բոլոր երկրների տնտեսավարող սուբյեկտների մասնակցությամբ կամ նախագծի մասնակիցների թվում չհայտարարված անդամ պետության տարածքում իրականացման համար.

- տեխնոլոգիականություն. նախագծերը պետք է հիմնված լինեն բարձր տեխնոլոգիական լուծումների օգտագործման վրա, նախագծի շրջանակներում ստեղծվող արտադրությունը պետք է դասվի տնտեսական գործունեության բարձր տեխնոլոգիական կամ բարձր մակարդակի միջին տեխնոլոգիական տեսակների շարքին, կամ լուծման մեջ պետք է օգտագործվի ԵԱՏՄ անդամ պետությունների գիտնականների մտավոր սեփականությունը: 

Մրցույթը կանցկացվի 8 անվանակարգերում՝

- բազային ոլորտների տեխնոլոգիաներ (արդյունահանող ոլորտների, վերամշակող ոլորտների նոր տեխնոլոգիաներ, գյուղատնտեսություն).

- տարանցիկ ներուժ (տրանսպորտալոգիստիկ լուծումներ, տրանսպորտ, ենթակառուցվածքներ).

- տեխնոլոգիական ինքնիշխանություն (սարքաշինություն, հաստոցաշինություն, միկրոէլեկտրոնիկա, քիմիական և մետաղագործական տեխնոլոգիաներ, հեռահաղորդակցություն, էլեկտրատեխնիկա, ավտոմոբիլաշինություն, նավաշինություն).

- թվային հարթակային լուծումներ (տեղեկատվական անվտանգություն).

- նոր տեխնոլոգիական կացութաձև (ռոբոտաշինություն, նանոտեխնոլոգիաներ, կենսատեխնոլոգիա, ՏՀՏ, գենային ճարտարագիտություն, տիեզերական տեխնոլոգիաներ).

- մարդկային կապիտալ (գիտություն և կրթություն, հեռաբժշկություն, առողջապահություն, մշակույթ, սպորտ).

- եվրասիական զբոսաշրջություն (HoReCa, համալիր զբոսաշրջային լուծումներ, զբոասաշրջիկի քարտեզներ).

- ֆինանսական ներառականություն (ֆինանսական ծառայությունների մատուցման, երկրների միջև առևտրային հաշվարկների ապահովման, դրանց անվտանգության բարձրացման ժամանակակից լուծումներ):

«ԵԱՏՄ պետությունների կողմից համատեղ մասշտաբային բարձր տեխնոլոգիական նախագծերի իրականացումը նախատեսված է Ռազմավարություն-2025-ով։ Ակնկալում ենք, որ մրցույթի անցկացումը կգրավի ձեռնարկությունների լրացուցիչ ուշադրությունը Եվրասիական տնտեսական միությունում կոոպերացիոն համագործակցության առավելություններին, կապահովի Միության ինտեգրացիոն ներուժի գործնական իրականացումը»,- պարզաբանել է ԵՏՀ ինտեգրման և մակրոտնտեսության նախարար Սերգեյ Գլազևը։

«Այսօրվա դրությամբ կոնսորցիումի հարթակում արդեն աշխատանքներ են սկսվել անդամ պետությունների տնտեսական զարգացմանը և նրանց տարածաշրջանների ներդրումային ակտիվության և գրավչության բարձրացմանն աջակցելուն ուղղված նախագծերի առաջմղմանը: Մրցույթը թույլ կտա մեզ բացահայտել նոր, տեխնոլոգիականություն, մրցունակություն ունեցող նախագծերը, որոնց իրականացումը թույլ կտա էական սոցիալական, տնտեսական և տեխնոլոգիական արդյունքներ ստանալ եվրասիական տարածքում», - նշել է ՌՆԳ գլխավոր տնօրեն, զարգացման ինստիտուտների կոնսորցիումի համակարգող խորհրդի նախագահ Սվետլանա Չուպշևան: 

Մասնակիցները կարող են հայտ ներկայացնել փետրվարի 15-ից մարտի 31-ը։ Մինչև ապրիլի 30-ը նախագծերը կգնահատվեն փորձագետների կողմից, այս փուլի արդյունքներով կանցկացվի լավագույն նախագծերի առերես պաշտպանություն։ Արդյունքները կամփոփվեն և հաղթողները կպարգևատրվեն 2024 թվականի մայիս-հունիս ամիսներին: