Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7111

28 օգոստոսի 2018 ԵՏՀ-ն օգնելու է Հայաստանին ամրապնդել կենսաթոշակային ապահովման և ԵԱՏՄ պետությունների շուկաներ հայկական բիզնեսի մուտքի իրավական հիմքերը Եվրասիական տնտեսական միության (ԵԱՏՄ) երկրներում աշխատավորների Կենսաթոշակային ապահովման մասին համաձայնագրի նախագծի շրջանակներում Հայաստանի քաղաքացիների սոցիալական պաշտպանվածության մակարդակի բարձրացման հարցերը Երևանում քննարկել են Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով Կոլեգիայի անդամ (նախարար) Թիմուր Ժակսիլիկովը, Հայաստանի Հանրապետության փոխվարչապետ Մհեր Գրիգորյանը և աշխատանքի և սոցիալական հարցերի նախարար Մանե Թանդիլյանը։

28 օգոստոսի 2018 ԵՏՀ-ն ավարտել է Եվրասիական տնտեսական միության դեղամիջոցների միասնական շուկայի ձևավորումը Այդ մասին հայտնել է Եվրասիական տնտեսական հանձնաժողովի (ԵՏՀ) տեխնիկական հարցերով Կոլեգիայի անդամ (նախարար) Վալերի Կորեշկովը «Ռուսաստանը և աշխարհը։ Դեղագործական շուկայի աճի ներուժի կառավարում» միջազգային մասնակցությամբ Համաշխարհային GMP- գիտաժողովին։«Մենք կատարել ենք հիմնական խնդիրը, որը մեր առջև դրվել էր Եվրասիական տնտեսական միության (ԵԱՏՄ) շրջանակներում․ բնակչության և առողջապահության մասնագետների համար ապահովել անվտանգ, որակյալ և արդյունավետ դեղային պատրաստուկների հասանելիությունը։ Ստեղծվել է դեղամիջոցների միասնական շուկայի աշխատանքի համար իրավական և տեղեկատվական բազա», - գիտաժողովի մասնակիցներին հայտնել է ԵՏՀ նախարարը։

28 օգոստոսի 2018 ԵԱՏՄ-ը և Ֆարերյան կղզիները բացել են համագործակցության նոր էջը Եվրասիական տնտեսական հանձնաժողովի (ԵՏՀ) և Ֆարերյան կղզիների կառավարության միջև Փոխըմբռնման մասին հուշագիրը օգոստոսի 23-ին Տորսխավնում (Ֆարերյան կղզիներ) ստորագրել են ԵՏՀ ինտեգրման և մակրոտնտեսության հարցերով Կոլեգիայի անդամ (նախարար) Տատյանա Վալովայան և Ֆարերյան կղզիների արտաքին գործերի և առևտրի նախարար Պոուլ Միխելսոնը։ Փաստաթուղթը Հանձնաժողովի և ֆարերական կողմի միջև երկարատև բանակցությունների արդյունքն է դարձել և արտացոլում է լիարժեք համագործակցության խորացմանն ուղղված գործընկերների տրամադրվածությունը։

28 օգոստոսի 2018 ԵՏՀ-ի հավաքականը XX-ամյա Դիվանագիտական խաղերին արժանացել է յոթ մեդալի Երկու ոսկե, մեկ արծաթե և երեք բրոնզե մեդալի է արժանացել Եվրասիական տնտեսական հանձնաժողովի (ԵՏՀ) հավաքականը XX-ամյա Դիվանագիտական խաղերին, որոնք անցկացվել են օգոստոսի 25-ին Տվերի շրջանում գտնվող «Զավիդովո» համալիրում։ ԵՏՀ-ի մարզիկները լավագույներն են ճանաչվել տղամարդկանց մեջ մեծ թենիսի և կանանց մեջ 200 մետր մրցավազքի մեջ։ Մրցանակային տեղեր են գրավել ափսեների վրա կրակելու, բասկետբոլի և բիլիարդի մրցաշարերում։Դիվանագետների համար խաղերը յուրաքանչյուր տարի կազմակերպում է Ռուսաստանի Դաշնության Արտաքին գործերի նախարարությունը։ Այս տարի ինը մարզաձևերի՝ ֆուտբոլի, բասկետբոլի, հրաձգության, բիլիարդի, մեծ թենիսի, ձկնորսության, մրցավազքի և դոմինոյի մրցումներին մասնակցել է դեսպանատները և միջազգային կազմակերպությունները ներկայացնող 23 թիմ։

27 օգոստոսի 2018 Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանցը միավորում է Միության հազարավոր ձեռնարկություններ։ Գրեթե վեց հազար ձեռնարկություն գրանցված է Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանցում․ հայտարարել է Եվրասիական տնտեսական հանձնաժողովի (ԵՏՀ) արդյունաբերական քաղաքականության վարչության տնօրենի տեղակալ Դինա Ակպանբաևան Աստանայում (Ղազախստանի Հանրապետություն) կայացած սուբկոնտրակտների II-րդ համաժողով-բորսա՝ 2018 թվականին։Ներկայումս համակարգում գրանցված է 5956 ձեռնարկություն, որից 5889-ը՝ ռուսական, 63-ը՝ ղազախական և 4-ը՝ Բելառուսական։ Համակարգի տվյալների բազայում արտադրողները ներդրել են գրեթե 12 հազար դիրք, իսկ գնման համար անհրաժեշտ դիրքերի քանակը գերազանցում է 138 հազարը։

24 օգոստոսի 2018 ԵՏՀ-ը միավորում է Միության երկրների պետական մարմինների տեխնիկական կանոնակարգերի պահանջների կատարման համար ներդրվող ջանքերը Եվրասիական տնտեսական միության (ԵԱՏՄ) միասնական շուկայի՝ երրորդ երկրների ոչ անվտանգ, միութենական տեխնիկական կանոնակարգերին չհամապատասխանող արտադրանքից պաշտպանությունը Եվրասիական տնտեսական հանձնաժողովի (ԵՏՀ) առանցքային խնդիրներից մեկն է։ Շուկայի «մաքրությունը» ապահովելու են Հանձնաժողովի կողմից մշակվող մի շարք փաստաթղթերը։ Դրանցից մեկը Տեխնիկական կանոնակարգերի պահանջների կատարման նկատմամբ հսկողության (վերահսկողության) պետական մարմինների և Միության երկրների մաքսային մարմինների միջև փոխգործակցության վերաբերյալ ԵՏՀ Կոլեգիայի հանձնարարականի նախագիծն է, որը Հանձնաժողովի հարթակում քննարկվել է այդ կառույցների ներկայացուցիչների մասնակցությամբ։

23 օգոստոսի 2018 ԵԱՏՄ երկրների էներգետիկայի նախարարները քննարկելու են գազի ընդհանուր շուկայի ձևավորման հարցերը Գազի տեղափոխման ծառայությունների նկատմամբ սակագնի գոյացման միասնական մեթոդաբանության մշակման վերաբերյալ առաջարկը Եվրասիական տնտեսական հանձնաժողովում (ԵՏՀ) քննարկվել է օգոստոսի 22-ին ։ Խորհրդակցությանը մասնակցել են Եվրասիական տնտեսական միության (ԵԱՏՄ) երկրների էներգետիկայի նախարարների տեղակալները և ԵՏՀ ներկայացուցիչները։ Սեպտեմբերին կողմերի հնչեցրած առաջարկները կքննարկեն էներգետիկայի նախարարները, որից հետո հարցը կներկայացվի Միջկառավարական խորհրդի նիստին։

22 օգոստոսի 2018 Եվրասիական միջկառավարական խորհրդի անդամ, Բելառուսի Հանրապետության Վարչապետ Ս․Ն․Ռումասին Հարգելի′ Սերգեյ ՆիկոլայիԹու′յլ տվեք անձամբ իմ և Եվրասիական տնտեսական հանձնաժողովի անունից շնորհավորել Ձեզ Բելառուսի Հանրապետության վարչապետի պաշտոնին նշանակվելու կապակցությամբ։Համոզված եմ, որ Ձեր մասնագիտական փորձը, ինչպես նաև Բելառուսի Հանրապետության ղեկավարության վստահության բարձր մակարդակը կծառայեն բելառուսական տնտեսության զարգացմանն ու ամրապնդմանը։Բելառուսի Հանրապետությունը՝ Եվրասիական տնտեսական միության կարևոր և ակտիվ անդամ է։ Մեր Միության հաջողելը և մրցունակությունը մեծապես կախված են Միության անդամ պետությունների տնտեսական բարգավաճումից և զարգացումից։Համոզված եմ, որ Բելառուսի Հանրապետության կողմից մեր Միության զարգացման և ամրապնդման մեջ ներդրվող լուման միայն ավելանալու է։Ցանկանում եմ Ձեզ, հարգելի′ Սերգեյ Նիկոլայի, առողջություն, բարօրություն և հաջողություններ պատասխանատու բարձր պաշտոնին։Հարգանքով,ԵՏՀ Կոլեգիայի նախագահՏ․Ս․ Սարգսյան

Ցուցադրել ավելին