Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7086

14 սեպտեմբերի 2020 Պայմանավորվածություն է ձեռք բերվել ԵԱՏՄ-ում կաթնամթերքի մակնշման ներդրման մասին Եվրասիական տնտեսական հանձնաժողովի (ԵՏՀ) Խորհուրդը սկզբունքային պայմանավորվածություններ է ձեռք բերել կաթնամթերքի առանձին տեսակների մակնշման ներդրման մասին՝ ըստ անդամ պետությունների պատրաստականության։ Չմակնշված ապրանքների շրջանառության արգելման նվազագույն ստույգ ժամկետների քննարկումը ներկա պահին ավարտվում է։ Ներդրման ենթադրվող ամսաթվերն ամրագրվել են մակնշման ներդրման վերաբերյալ պատրաստակամություն հայտնած Ռուսաստանի Դաշնության կառավարության որոշման նախագծում։

09 սեպտեմբերի 2020 Տոհմային կենդանիների ցեղերը ԵԱՏՄ-ում որոշվելու են միասնական կանոններով Եվրասիական տնտեսական հանձնաժողովի Կոլեգիան սեպտեմբերի 8-ին հաստատել է Տոհմային կենդանիների ցեղի (ցեղայնության) որոշման կարգը։

04 սեպտեմբերի 2020 Երկարաձգվել է ԵԱՏՄ պետությունների ազգային GMP սերտիֆիկատների փոխադարձ ճանաչումը Եվրասիական տնտեսական հանձնաժողովի Խորհուրդը սեպտեմբերի 4-ին ընդլայնել է Հանձնաժողովի Խորհրդի «Դեղամիջոցների արտադրության տեսչության արդյունքների ճանաչման մասին» 2016 թվականի նոյեմբերի 3-ի № 93 որոշման դրույթները Միության GMP սերտիֆիկատների ազգային գրանցման ժամանակ փոխադարձ ճանաչման մասով՝ Եվրասիական տնտեսական միության տարածքից դուրս արտադրված դեղորայքային պատրաստուկների համար կիրառման հաշվին։

04 սեպտեմբերի 2020 «Խաղալիքների անվտանգության մասին» տեխնիկական կանոնակարգին փոփոխություններ են սպասում Եվրասիական տնտեսական հանձնաժողովի Խորհուրդը սեպտեմբերի 4-ին լրացրել է Եվրասիական տնտեսական միության տեխնիկական կանոնակարգերի մշակման պլանը «Խաղալիքների անվտանգության մասին» տեխնիկական կանոնակարգի (ՄՄ ՏԿ 008/2011) փոփոխություններով։

04 սեպտեմբերի 2020 Լրացվել են ԵԱՏՄ-ում դեղերի կենսահամարժեքության հետազոտությունների անցկացման կանոնները Եվրասիական տնտեսական միության Խորհուրդը (ԵՏՀ) սեպտեմբերի 4-ին հաստատել է դեղամիջոցների կենսահամարժեքության հետազոտությունների անցկացման կանոնների փոփոխությունները։ Դրանք լրացվել են երկու նոր հավելվածով, որոնք թույլ են տալու միասնական մոտեցումներ սահմանել դեղորայքային պատրաստուկների այնպիսի խմբերի հավասար արդյունավետության և փոխադարձ փոխարինելիության հավաստման համար, ինչպիսիք են տեղային կիրառման քսուքները, գելերը և կրեմները, ինչպես նաև երկարաձգված, հետաձգված գործողության հաբերը և դեղապատիչները։

28 օգոստոսի 2020 ԵԱՏՄ-ը և ԱՍԵԱՆ-ը Համագործակցության ծրագիրը երկարաձգել են մինչև 2025 թվականը Օգոստոսի 28-ին Եվրասիական տնտեսական հանձնաժողովը մասնակցել է ԱՍԵԱՆ-ի տնտեսության հարցերով նախարարների հանդիպմանը։ Հանձնաժողովը միջոցառմանը ներկայացրել է ինտեգրացիայի զարգացման վարչության տնօրեն Գոհար Բարսեղյանը։

21 օգոստոսի 2020 ԵՏՀ-ն նախապատրաստում է ԵԱՏՄ-ում վիճելի իրավիճակների վերացման և ապրանքների ազատ տեղաշարժի ապահովման «ճանապարհային քարտեզը» Օգոստոսի 21-ին Եվրասիական տնտեսական հանձնաժողովի (ԵՏՀ) գլխավոր գրասենյակում կայացել է Եվրասիական տնտեսական միությունում (ԵԱՏՄ) տարաձայնությունների և վիճելի իրավիճակների վերացման և ապրանքների ազատ տեղաշարժի ապահովման հարցերով կոմիտեի աշխատանքն ապահովող տեխնիկական բյուրոյի նիստը։

18 օգոստոսի 2020 ԵՏՀ առևտրային քաղաքականության վարչության փոխտնօրեն է նշանակվել Կասիմալի ուուլու Կանիբեկը Կասիմալի ուուլու Կանիբեկը ծնվել է 1989 թվականի դեկտեմբերի 25-ին, ավարտել է Ղրղզա-թուրքական «Մանաս» համալսարանի (Ղրղզստանի Հանրապետություն) տնտեսագիտության և կառավարման ֆակուլտետում՝ «միջազգային հարաբերություններ» մասնագիտությամբ: Ավարտել է նաև Կորեայի զարգացման ինստիտուտին (Կորեայի Հանրապետություն) առընթեր պետական քաղաքականության և կառավարման դպրոցի մագիստրատուրան՝ «զարգացման քաղաքականություն» մասնագիտությամբ։

Ցուցադրել ավելին