Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7086

16 հուլիսի 2019 «Եվրասիական շաբաթ» կազմկոմիտեն սահմանել է միջոցառման ծրագրի հիմնական թեմաները «Եվրասիական շաբաթ - 2019» IV-րդ միջազգային ցուցահանդեսային համաժողովի պաշտոնական կայքում հրապարակվել է գործարար ծրագրի կառուցվածքը։ Համաժողովն անցկացվելու է Բիշքեկում (Ղրղզստան) 2019 թվականի սեպտեմբերի 25-ից 27-ը և ընդգրկելու է ավելի քան 2 000 մասնակցի՝ Եվրասիական տնտեսական միության (ԵԱՏՄ) և Միության գործընկեր երկրների իշխանության մարմինների և բիզնեսի, զարգացման ինստիտուտների ներկայացուցիչների, ֆինանսական կարգավորիչների։

16 հուլիսի 2019 ԵԱՏՄ-ի լեռնաարդյունաբերական ոլորտում կիրառվելու են թվային տեխնոլոգիաներ Եվրասիական տնտեսական միության (ԵԱՏՄ) Լեռնաարդյունաբերական ոլորտում ռազմավարական ուղղությունների և թվային լուծումների զարգացման լավագույն առաջարկներն ընտրվել են «Լեռնաարդյունաբերական ճյուղ. ԵԱՏՄ-ի շրջանակներում ինտեգրումային նախագծերի զարգացման ներուժը» կլոր սեղանին։

12 հուլիսի 2019 ԵԱՏՄ-ում խրախուսում են երրորդ երկրներ արտահանողներին Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերության հարցերով Կոլեգիայի անդամ (նախարար) Ալեքսանդր Սուբոտինը պարգևատրել է «Տարվա արտահանող» միջազգային կոոպերացման և արտահանման ոլորտում միջազգային մրցույթի հաղթողներին։ Հանդիսավոր արարողությունը Եկատերինբուրգում անցկացվել է GMIS-2019 Արտադրման և ինդուստրիալացման գլոբալ գագաթնաժողովի շրջանակներում։

12 հուլիսի 2019 ԵՏՀ նախարար Սերիկ Ժումանգարինն ամփոփել է ԵԱՏՄ մրցակցային իրավունքի փորձագիտական տեսության շրջանակներում համատեղ աշխատանքի արդյունքները Ուժեղացնել Եվրասիական տնտեսական հանձնաժողովի (ԵՏՀ) փոխգործակցությունն ազգային հակամենաշնորհային գերատեսչությունների հետ և մշակել Եվրասիական տնտեսական միության (ԵԱՏՄ) անդրսահմանային շուկաներում մրցակցությունը խախտողների համար պատժի մեղմացման ծրագիր՝ այս և այլ հանձնարարականներն է պարունակում ՄԱԿ-ի Առևտրի և զարգացման համաժողովի (ՅՈՒՆԿՏԱԴ) Մրցակցության և սպառողների իրավունքների հարցերով ստորաբաժանման կողմից ներկայացված ԵԱՏՄ մրցակցային իրավունքի փորձագիտական տեսությունը։Տեսության շնորհանդեսը դարձել է Ժնևում (Շվեյցարիա) կայացած՝ ՅՈՒՆԿՏԱԴ-ի Օրենսդրության և մրցակցության ոլորտում քաղաքականության հարցերով միջկառավարական խմբի 18-րդ նստաշրջանի առանցքային իրադարձություն։

11 հուլիսի 2019 Վիկտոր Նազարենկո. «ԵԱՏՄ-ի համար կարևոր է վտանգավոր արտադրանքի մասին տեղեկացման և մաքսային ու իրավապահ մարմինների հետ հսկող (վերահսկող) մարմինների գործուն փոխգործակցության համակարգի ստեղծումը» Եվրասիական տնտեսական միության (ԵԱՏՄ) շուկայում տեխնիկական կանոնակարգերի պահանջներին չհամապատասխանող արտադրանքի շրջանառությունը թույլ չտալու, ինչպես նաև համապատասխանության գնահատման ոլորտում խախտումները կանխարգելելու համար, Միության երկրներում իրականացվում են պետական հսկողության (վերահսկողության) արդյունավետության բարձրացման, ինչպես նաև հսկող (վերահսկող), մաքսային, իրավապահ մարմինների և հավատարմագրման մարմինների փոխգործակցության ապահովման համակարգային միջոցներ։ Այդ մասին հայտարարել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վիկտոր Խրիստենկոն Միացյալ Ազգերի Կազմակերպության Եվրոպական տնտեսական հանձնաժողովի Ստանդարտացման ոլորտում քաղաքականության և նորմատիվային կարգավորման հարցերով համագործակցության գծով աշխատանքային խմբի (ՄԱԿ ԵՏՀ ԱԽ 6) շրջանակներում Շուկայի վերահսկողության խորհրդատվական խմբի (MARS Group) 17-րդ նիստին։ Աշխատանքային խմբի նիստն առաջին անգամ տեղի է ունեցել հուլիսի 8-ից 9-ը Մոսկվայում՝ ԵՏՀ գլխավոր գրասենյակում։

11 հուլիսի 2019 Երիտասարդ դիվանագետների միավորումը կարող է զգալի ներդրում կատարել Մեծ եվրասիական գործընկերության ձևավորման մեջ Եվրասիական տնտեսական հանձնաժողովը (ԵՏՀ) Ռուսաստանի Դաշնության արտաքին գործերի նախարարության Երիտասարդ դիվանագետների խորհուրդի (ՌԴ ԱԳՆ ԵԴԽ) հետ համատեղ ուսումնասիրում է Հայաստանի, Բելառուսի, Ղազախստանի, Ղրղզստանի և Ռուսաստանի ԱԳՆ-ների երիտասարդ մասնագետների փոխգործակցության համար միասնական հարթակի՝ Եվրասիական տնտեսական միության Երիտասարդ դիվանագետների ասոցիացիայի (ԵԱՏՄ ԵԴԱ) ստեղծման հնարավորությունը։

10 հուլիսի 2019 ԵՏՀ-ն պլանավորում է ԵԱՏՄ երկրների տնտեսությունների նորարարական զարգացման համարօգտագործել ՅՈՒՆԻԴՈ-ի գիտելիքները և փորձը «Հենց արդյունաբերությունում է տեղի ունենում բարձր տեխնոլոգիական և գիտատար իրավասությունների կուտակումը։Արտադրական կոոպերացման հետագա զարգացումն ու խորացումը, գործող արտադրությունների տեղայնացման բարձրացումը հնարավոր է ակտիվների կոնսոլիդացման և եվրասիական անդրազգային ընկերությունների ստեղծման շրջանակներում», – հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Ալեքսանդր Սուբոտինը, հանդես գալով Արտադրության և ինդուստրիալացման հարցերով Գլոբալ գագաթաժողովին (GMIS – 2019)։

10 հուլիսի 2019 Ապահովագրական հատվածի թվային վերափոխումը կհանգեցնի ԵԱՏՄ-ում շուկայի նոր կոնյուկտուրայի դասավորմանը Այդ մասին հայտնել է Եվրասիական տնտեսական հանձնաժողովի (ԵՏՀ) ֆինանսական քաղաքականության վարչության տնօրեն Արման Խաչատրյանը «Ապահովագրական շուկայի հիմնական մարտահրավերները» կլոր սեղանի ժամական։ Միջոցառումը տեղի է ունեցել Սանկտ Պետերբուրգում Ապահովագրության հարցերով միջազգային կոնֆերանսի (Russian Insurance Summit) շրջանակներում, որը կազմակերպել է Ապահովագրողների համառուսաստանյան միությունը Ռուսաստանի Բանկի աջակցության ներքո։

Ցուցադրել ավելին