Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

29 սեպտեմբերի 2020 ԵՏՀ-ն զրոյացրել է միկրոալիքային վառարանների մագնետրոնների ներմուծման մաքսատուրքի դրույքաչափը Եվրասիական տնտեսական հանձնաժողովի (ԵՏՀ) Կոլեգիան որոշում է կայացրել զրոյի հասցնել որպես միկրոալիքային վառարանների լրակազմող մաս օգտագործվող մագնետրոնների ներմուծման մաքսատուրքի դրույքաչափը։ Միջոցը ժամանակավոր հիմունքներով ներդրվելու է մինչև 2023 թ․ դեկտեմբերի 31-ը։

28 սեպտեմբերի 2020 Արտակ Քամալյան․ «Մենք կոչ ենք անում տարածաշրջաններին ակտիվ մասնակցել արդյունաբերության և ԱԱՀ-ի ոլորտում միջպետական ծրագրերին և նախագծերին» Սեպտեմբերի 25-ին Վորոնեժի մարզ կատարած աշխատանքային այցի շրջանակներում Եվրասիական տնտեսական հանձնաժողովի արդյունաբերության և ԱԱՀ-ի հարցերով Կոլեգիայի անդամ (նախարար) Արտակ Քամալյանը մարզպետ Ալեքսանդր Գուսևի հետ քննարկել է Եվրասիական տնտեսական միության (ԵԱՏՄ) երկրների միջև արդյունաբերության և ագրոարդյունաբերական համալիրի ոլորտում տարածաշրջանային մակարդակով համագործակցության հեռանկարները։ Նախարարը տեղեկացրել է Հանձնաժողովի կողմից անդամ պետությունների հետ համատեղ նոր ռազմավարական փաստաթղթի՝ Հերթական միջնաժամկետ ժամանակահատվածի համար՝ մինչև 2025 թվականը արդյունաբերական համագործակցության հիմնական ուղղությունների մշակման մասին։

28 սեպտեմբերի 2020 Սերգեյ Գլազև․ «Մեծ Եվրասիական համագործակցության շրջանակներում պետք են բովանդակալից երկարաժամկետ նախաձեռնություններ» Եվրասիական տնտեսական միության՝ որպես Մեծ Եվրասիական գործընկերության կենտրոններից մեկը դիրքավորման, «Մեկ գոտի՝ մեկ ճանապարհ» չինական նախաձեռնության համակցման, ինչպես նաև Ասիայի և Եվրոպայի միավորումների և պետությունների հետ փոխգործակցության ամրապնդման հարցերը քննարկվել են Եվրասիական տնտեսական հանձնաժողովի գլխավոր գրասենյակում։ Քննարկում անցել է Մինչև 2025 թվականը եվրասիական տնտեսական ինտեգրացիայի զարգացման ռազմավարական ուղղությունների նախագծի իրագործման պլանի նախապատրաստման շրջանակներում։

25 սեպտեմբերի 2020 ԵՏՀ-ն նախապատրաստում է 2021-2023 թվականներին տրանսպորտային քաղաքականության իրագործման նոր «ճանապարհային քարտեզը» Սեպտեմբերի 22-ից 24-ը Եվրասիական տնտեսական հանձնաժողովի (ԵՏՀ) տրանսպորտի և ենթակառուցվածքի վարչության տնօրեն Դաուրեն Սաբիտովի նախագահությամբ կայացել է 2021-2023 թվականներին համակարգված (համաձայնեցված) տրանսպորտային քաղաքականության իրագործման «ճանապարհային քարտեզի» նախագծի նախապատրաստման հարցերով աշխատանքային խմբի երկրորդ նիստը։

24 սեպտեմբերի 2020 Կուբային ԵԱՏՄ-ում դիտորդի կարգավիճակ տրամադրելու մասին որոշումը կարող է ընդունվել մինչև 2020 թվականի ավարտը Սեպտեմբերի 24-ին Կուբայի Հանրապետության պատվիրակությունը՝ փոխվարչապետ Ռիկարդո Կաբրիսաս Ռուիսի գլխավորությամբ, պաշտոնական այց է կատարել Եվրասիական տնտեսական հանձնաժողով: ԵՏՀ-ի գլխավոր գրասենյակում տեղի են ունեցել Հանձնաժողովի, Եվրասիական տնտեսական միության պետությունների և Կուբայի Հանրապետության համատեղ խորհրդակցությունները՝ երկրին ԵԱՏՄ-ում դիտորդի կարգավիճակ տրամադրելու առանձին հայեցակետերի հստակեցման հարցով, ինչև նաև հանդիպումներ են անցկացվել Կուբայի պատվիրակության և ԵՏՀ-ի Կոլեգիայի նախագահ Միխայիլ Մյասնիկովիչի ու ԵՏՀ-ի ինտեգրացիայի և մակրոտնտեսության հարցերով նախարար Սերգեյ Գլազևի միջև:

22 սեպտեմբերի 2020 ԵԱՏՄ-ն հակագնագցման տուրք է սահմանելու Ադրբեջանից և ՉԺՀ-ից ալյումինե ժապավենի համար Եվրասիական տնտեսական հանձնաժողովի (ԵՏՀ) Կոլեգիան սեպտեմբերի 22-ին որոշում է կայացրել հինգ տարի ժամկետով հակագնագցման միջոց սահմանել Ադրբեջանից և ՉԺՀ-ից ալյումինե ժապավենի նկատմամբ։ Հակագնագցման տուրքը կկազմի 16,18%՝ Ադրբեջանում և 13,14%՝ Չինաստանում արտադրված ժապավենի մատակարարումների համար։

16 սեպտեմբերի 2020 ԵՏՀ Կոլեգիան ընդունել է հանձնարարական սպառողների իրավունքների պաշտպանության ոլորտում Եվրասիական տնտեսական հանձնաժողովի Կոլեգիան ընդունել է հանձնարարական, որին համապատասխան Հանձնաժողովը և Եվրասիական տնտեսական միության երկրների լիազորված մարմիններն իրականացնելու են տեղեկատվական փոխանակումը սպառողների իրավունքների պաշտպանության հարցերով։

16 սեպտեմբերի 2020 ԵՏՀ Կոլեգիան ընդունել է բարձր տեխնոլոգիական դեղաձևերում կենսահամարժեքության հետազոտությունների անցկացման ձեռնարկները Եվրասիական տնտեսական հանձնաժողովի Կոլեգիան ընդունել է երկու ձեռնարկ, որոնք կարգավորում են միցելյար և նանո- պատրաստուկների դեղագործական մշակման և համարժեք արդյունավետության և անվտանգության հավաստման գործընթացը։

Ցուցադրել ավելին