Նորություններ
Վլադիմիր Սինկևիչ. «Պետության, բիզնեսի և հասարակության շահերի հավասարակշռությունը սպառողների իրավունքների պաշտպանության ԵԱՏՄ քաղաքականության առանցքային տարրն է»
Պետության, բիզնեսի և հասարակության միջև երկխոսության զարգացումը դարձել է Ղազախստանի Հանրապետության առևտրի և ինտեգրման նախարարության կողմից Եվրասիական տնտեսական հանձնաժողովի ներկայացուցիչների մասնակցությամբ Աստանայում անցկացված համաժողովի հիմնական նպատակը։ Համաժողովը համընկել է Սպառողների իրավունքների պաշտպանության համաշխարհային օրվա հետ, որը նշվում է ամեն տարի մարտի 15-ին և հիշեցնում քաղաքացիների շահերը պաշտպանելու և անվտանգ ու արդար շուկա ստեղծելու անհրաժեշտության մասին։
«Սպառողների իրավունքների պաշտպանությունը Եվրասիական տնտեսական միության երկրների և Հանձնաժողովի համատեղ աշխատանքի կարևոր ուղղություններից է», — նշել է ԵՏՀ սանիտարական, բուսասանիտարական և անասնաբուժական միջոցների վարչության տնօրեն Վլադիմիր Սինկևիչը։ Նա ընդգծել է, որ սպառողների վստահությունը հիմնվում է ոչ միայն ապրանքների և ծառայությունների հասանելիության, այլև նրանց իրավունքների հուսալի պաշտպանության նկատմամբ վստահության վրա։
Վլադիմիր Սինկևիչն ընդգծել է պետության, բիզնեսի և հասարակության շահերի հավասարակշռման կարևորությունը՝ դա համարելով նշված ոլորտում Միության համաձայնեցված քաղաքականության առանցքային տարր։ Նրա խոսքով, ԵԱՏՄ-ում տարվա թեման՝ «Սպառողը ուշադրության կենտրոնում. շահերի հավասարակշռությունից՝ մինչև վեճերի արդար լուծում», ընդգծում է սպառողական շուկայի մասնակիցների միջև փոխգործակցության յուրաքանչյուր փուլում հավասարակշռության պահպանման կարևորությունը:
Քննարկման ընթացքում անդրադարձել են սպառողների իրավունքների պաշտպանության ոլորտի արդիական հարցերին ու նախաձեռնություններին։ ԵՏՀ ներկայացուցիչները ներկայացրել են էլեկտրոնային առևտրի կարգավորման միջազգային փորձը, Հանձնաժողովի կողմից անցկացված սոցիոլոգիական հետազոտության արդյունքները, նախանշել են այն առաջնահերթ խնդիրները, որոնք լուծման ուղղությամբ են աշխատում ԵԱՏՄ երկրները սպառողների շահերը պաշտպանելու համար։
Համաժողովը դարձել է բնակչության և բիզնեսի համար տեղեկատվական և բացատրական աշխատանքների մի մասը, որն իրականացվում է ԵԱՏՄ-ում՝ Սպառողների իրավունքների պաշտպանության ոլորտում Միության անդամ պետությունների համատեղ գործողությունների ծրագրին համապատասխան։
