Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

08 Նոյեմբեր 2019 ԵԱՏՄ երկրների միջև ռոումինգում բջջային կապի ծառայությունների սակագների նվազեցման հնարավորությունը քննարկել են ԵՏՀ-ում Նոյեմբերի 5-ին Եվրասիական տնտեսական հանձնաժողովի (ԵՏՀ) գլխավոր գրասենյակում անցկացվել է խորհրդակցություն, որի ընթացքում քննարկել են Եվրասիական տնտեսական միության (ԵԱՏՄ) անդամ պետությունների տարածքում ռոումինգում բջջային կապի ծառայությունների դիմաց վճարի նվազեցման հնարավորությունը։ Միջոցառմանը մասնակցել են «հնգյակի» երկրների բջջային օպերատորների, կապի և տեղեկատվական տեխնոլոգիաների հարցերը վերահսկող նախարարությունների և գերատեսչությունների, ինչպես նաև մասնակից երկրների հակամենաշնորհային մարմինների ներկայացուցիչները։

07 Նոյեմբեր 2019 ԵՏՀ ներկայացուցիչները պատմել են ԵԱՏՄ-ում պետական – մասնավոր գործընկերության մեխանիզմների զարգացման մասին Եվրասիական տնտեսական հանձնաժողովի (ԵՏՀ) ներկայացուցիչները մասնակցել են Նոuր Սուլթանում (Ղազախստանի Հանրապետություն) կայացած «ՊՄԳ և ESG ներդրման գործոնները» առաջին միջազգային համաժողովին։

06 Նոյեմբեր 2019 Վերոնիկա Նիկիշինա. «ԱՀԿ-ի բարեփոխումը պետք է ապահովի առևտրի բազմակողմանի կանոնների արդյունավետությունը և հովանավորչության աճի գործուն զսպումը» Առևտրի համաշխարհային կազմակերպության (ԱՀԿ) բարեփոխման, ինչպես նաև ԱՀԿ-ի նորմերի և ազատ առևտրի գոտու (ԱԱԳ) մասին համաձայնագրերի փոխկապակցվածության հարցերը քննարկել են Միջազգային առևտրատնտեսական համաժողովի շրջանակներում Շանհայում (Չինաստանի ժողովրդական Հանրապետություն) կայացած «ԱՀԿ-ի բարեփոխումը և ազատ առևտրի մասին համաձայնագրեր. հնարավորությունները և հեռանկարները» նստաշրջանի մասնակիցները։

06 Նոյեմբեր 2019 ԵԱՏՄ-ում արդյունաբերական քաղաքականությունը պետք է ձևավորվի՝ ելնելով նոր և ավելի բարդ ապրանքների նկատմամբ սպառողների պահանջարկի բավարարումից Եվրասիական տնտեսական միության (ԵԱՏՄ) երկրների արդյունաբերությունը պետք է զարգանա ինդուստրիալացման համաշխարհային գործընթացի թրենդի շրջանակներում։ Այդպիսի եզրակացություն է կատարել Եվրասիական տնտեսական հանձնաժողովի (ԵՏՀ) Արդյունաբերական քաղաքականության վարչության տնօրեն Նիկոլայ Կուշնարյովը նոյեմբերի 3-ից 7-ը ժամանակահատվածում Աբու Դաբիում (Միացյալ Արաբական Էմիրություններ) կայացած Միավորված ազգերի կազմակերպության արդյունաբերական զարգացման հարցերով Գլխավոր կոնֆերանսի (ՅՈՒՆԻԴՈ) 18-րդ նստաշրջանին մասնակցության արդյունքների հետ կապված։

05 Նոյեմբեր 2019 ԵԱՏՄ-ում կառուցվում է ագրոարդյունաբերական համալիրում ճյուղային առաջնայնությունների համամիութենական համակարգ «Ագրոարդյունաբերական համալիրում ճյուղային առաջնայնությունների համակարգը թույլ կտա օպտիմալացնել ավելացված արժեքի ստեղծման շղթաները՝ հաշվի առնելով մասնագիտացումը և ռեսուրսային ապահովումը, բարձրացնել Եվրասիական տարածաշրջանում պարենային անվտանգության մակարդակը», – հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Ալեքսանդր Սուբոտինը Անասնաբուժական բժշկության Վիտեբսկի պետական ակադեմիայի 95-ամյակին նվիրված՝ նոյեմբերի 1-ին կայացած գիտական կոնֆերանսի ընթացքում։

05 Նոյեմբեր 2019 ԵՏՀ-ը, ԱՊՀ ԷԽԳԿ-ը և ԷՍԿԱՏՕ-ն մշակում են էներգետիկական հատվածի զարգացմանն ուղղված հանձնարարականներ Եվրասիական տնտեսական հանձնաժողովը (ԵՏՀ), ԱՊՀ Էներգետիկական խորհրդի գործկոմը և Ասիայի և Խաղաղ օվկիանոսի համար տնտեսական և սոցիալական հարցերով հանձնաժողովը (ԷՍԿԱՏՕ) մշակելու են էլեկտրաէներգետիկական ճյուղի զարգացման, վերականգնվող էներգետիկայի ներուժի գնահատման և էներգետիկայի թվային վերափոխման ոլորտում համատեղ հանձնարարականներ։ Այդ մասին են պայմանավորվել «Ընդհանուր էներգետիկական շուկաների ստեղծումը և էներգիայի վերականգնվող աղբյուրների (ԷՎԱ) դերը էներգետիկ անվտանգության բարձրացման մեջ» համատեղ միջազգային կլոր սեղանի մասնակիցները, որի անցկացումը դարձել է համագործակցության ընդլայնմանն ուղղված աշխատանքի տրամաբանակա շարունակությունը։ Միջոցառմանը մասնակցել են եվրասիական «հնգյակի» երկրների, Ադրբեջանի, Տաջիկստանի, Ուզբեկստանի, Ֆինլյանդիայի, Թաիլանդի, ԷՍԿԱՏՕ-ի, ԱՊՀ ԷԽԳԿ-ի, Եվրասիական տնտեսական հանձնաժողովի իշխանության մարմինների ներկայացուցիչները և էներգետիկայի ոլորտի առաջատար փորձագետները։

02 Նոյեմբեր 2019 Տիգրան Սարգսյանը մասնակցել է ՇՀԿ-ի անդամ պետությունների կառավարությունների ղեկավարների խորհրդի նիստին Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը նոյեմբերի 1-ից 2-ը Տաշկենտում (Ուզբեկստան) Ուզբեկստանի Հանրապետության վարչապետ Աբդուլա Արիպովի հրավերով մասնակցել է Շանհայի համագործակցության կազմակերպության (ՇՀԿ) անդամ պետությունների կառավարությունների ղեկավարների խորհրդի նիստին։

31 հոկտեմբերի 2019 ԵԱՏՄ-ում միջոցներ են ձեռնարկվել ներմուծված արտադրանքի անվտանգության նկատմամբ հսկողության ուժեղացման ուղղությամբ «Որոշումը, որը հոկտեմբերի 25-ին Մոսկվայում ընդունվել է Միջկառավարական խորհրդի կողմից և վերաբերում է արտասահմանյան արտադրողների կողմից լիազորված անձանց, որոնք հանդես են գալիս որպես ներկրվող արտադրանքի՝ Միության տեխնիկական կանոնակարգերի պահանջներին համապատասխանության գնահատման հայտատու, ունի հատուկ նշանակություն՝ Եվրասիական տնտեսական միության շուկայում ներմուծված ապրանքների անվտանգության նկատմամբ հսկողության արդյունավետ մեխանիզմի ստեղծման համար», – հայտարարել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Դիկտոր Նազարենկոն։

Ցուցադրել ավելին