Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7093

19 Նոյեմբեր 2019 ԵՏՀ և Եվրասիայի կենտրոնական դեպոզիտարիաների ասոցիացիան ստորագրել են համագործակցության մասին հուշագիր Նոյեմբերի 14-ին Մոսկվայում՝ Եվրասիական տնտեսական հանձնաժողովի (ԵՏՀ) գլխավոր գրասենյակում ԵՏՀ Կոլեգիային առընթեր Ֆինանսական շուկաների հարցերով խորհրդատվական կոմիտեն և Եվրասիայի կենտրոնական դեպոզիտարիաների ասոցիացիան (ԵԿԴԱ) ստորագրել են համագործակցության մասին հուշագիր։ ԵՏՀ-ի կողմից հուշագիրը ստորագրել է տնտեսության և ֆինանսական քաղաքականության հարցերով Կոլեգիայի անդամ (նախարար) Տիմուր Ժակսիլիկովը, ԵԿԴԱ-ի կողմից՝ Ասոցիացիայի նախագահ Վահան Ստեփանյանը։

19 Նոյեմբեր 2019 ԵՏՀ Խորհուրդը հավանություն է տվել մի շարք ապրանքների նկատմամբ պարտադիր մակնշման ներդրմանը, քննարկել է ռոումինգում բջջային կապի ծառայությունների սակագների իջեցման հարցը, միջոցներ է ձեռնարկել արտադրանքի մասին տեղեկացման համակարգի փորձնական նախագծի իրականացմ Նոյեմբերի 18-ին Մոսկվայում կայացել է Եվրասիական տնտեսական հանձնաժողովի (ԵՏՀ) Խորհրդի նիստ, որին մասնակցել են Եվրասիական տնտեսական միություն (ԵԱՏՄ) երկրների կառավարությունների ղեկավարները և ԵՏՀ Կոլեգիայի նախագահ Տիգրան Սարգսյանը։ ԵՏՀ Խորհրդի անդամները քննարկել են եվրասիական տնտեսական ինտեգրացիայի զարգացման, ներքին շուկայի գործունեության, ԵԱՏՄ-ի երկրների տնտեսությունների թվայնացման, մի շարք ապրանքների նկատմամբ նույնականացման միջոցներով պարտադիր մակնշման ներդրման, ֆինանսական քաղաքականության, ծառայությունների միասնական շուկայի, արդյունաբերության, տեխնիկական կարգավորման, միջազգային համագործակցության և մի շարք այլ ոլորտներին առնչվող հարցեր։

19 Նոյեմբեր 2019 ԵԱՏՄ-ում մշակում են արտաքին և փոխադարձ առևտրի վիճակագրության մինչև 2025 թվականը զարգացման «ճանապարհային քարտեզը»։ Նուր Սուլթանում (Ղազախստանի Հանրապետություն) տեղի ունեցած Ապրանքների միջազգային առևտրի վիճակագրության (ԱՄԱՎ) հարցերով միջազգային սեմինարին փորձագիտական համայնքը հավանության է արժանացրել Եվրասիական տնտեսական միությունում (ԵԱՏՄ) ապրանքների արտաքին և փոխադարձ առևտրի վիճակագրության մինչև 2025 թվականը զարգացման «ճանապարհային քարտեզի» նախագիծը։

15 Նոյեմբեր 2019 Տիմուր Ժակսիլիկովը հայտարարել է ԵԱՏՄ-ի բարձրորակ կադրերի պատրաստման կարևորության մասին «Եվրասիական տնտեսական միության ուսումնական հաստատությունների կողմից բարձրորակ մասնագետների պատրաստումը, որոնք ընդունակ են կիրառել իրենց գիտելիքները միասնական տնտեսական տարածքում՝ Միության ինտեգրացիոն ներուժի իրագործման առանցքային քայլերից մեկն է», – նշել է Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով Կոլեգիայի անդամ (նախարար) Տիմուր Ժակսիլիկովը նոյեմբերի 12-ին Երևանի պետական համալսարանում դասախոսության ընթացքում։

14 Նոյեմբեր 2019 Վիկտոր Նազարենկո. «Հանձնաժողովին ՍՉՍ-ում լիաձևաչափ մասնակցության տրամադրման հնարավորությունը քննարկվելու է ԱՊՀ Գործադիր խորհրդի հետ» ԱՊՀ Ստանդարտացման, չափագիտության և սերտիֆիկացման հարցերով միջպետական խորհրդի (ՄՊԽ) անդամ պետությունների՝ տվյալ ոլորտներում որպես ազգային օպերատորներ հանդես եկող ազգային ինստիտուտների դերը անհրաժեշտ է բարձրացնել, իսկ ՄՊԽ գիտատեխնիկական հանձնաժողովների և միջպետական տեխնիկական կոմիտեների գործունեությունը՝ վերափոխել։ Դա թույլ կտա բարձրացնել դրանց աշխատանքի արդյունավետությունը և բարձրացնել այն միջազգային և տարածաշրջանային կազմակերպությունների համանման աշխատանքային մարմինների մակարդակին։ Այսպիսի ենթադրություններով է հանդես եկել Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն նոյեմբերի 13-ին Շիմկենտում (Ղազախստանի Հանրապետություն) կայացած ԱՊՀ ՄՊԽ Ստանդարտացման, չափագիտության և սերտիֆիկացման ազգային մարմինների ղեկավարների խորհրդակցությանը։

14 Նոյեմբեր 2019 Շինանյութերի շուկայում կոնտրաֆակտի դեմ պայքարի հարցում միասնական մոտեցումները քննարկել են «Անտիկոնտրաֆակտ-2019» համաժողովին «Հաշվի առնելով մորթուց արտադրատեսակների մակնշման հարցում ստացված դրական արդյունքները, մենք առաջարկում ենք տարածել այդ փորձը շինարարական նյութերի ոլորտի վրա՝ որպես այդ ոլորտում անօրինական շրջանառության դեմ գործոն միջոց և իրագործել այդպիսի համատեղ նախագիծը «Շինարարական ինդուստրիայի ապահովման արդյունաբերական տեխնոլոգիաներ» եվրասիական տեխնիկական պլատֆորմի հիման վրա, այն օգտագործելով որպես քննարկման հարթակ», – հայտարարել է Եվրասիական տնտեսական հանձնաժողովի (ԵՏՀ) Արդյունաբերական քաղաքականության վարչության տնօրեն Նիկոլայ Կուշնարյովը։

14 Նոյեմբեր 2019 Տիգրան Սարգսյան. «ԵԱՏՄ-ում անհրաժեշտ է ձևավորել վերլուծական կենտրոնների հետ քննարկման հիման վրա որոշումների կայացման նոր կառավարչական մշակույթ» Եվրասիական տնտեսական հանձնաժողովը (ԵՏՀ) շահագրգռված է վերլուծական կենտրոնների հետ համագործակցության մեջ։ Այդ մասին հայտարարել է Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը նոյեմբերի 14-ին Մոսկվայում Ռուսաստանի Դաշնության Հասարակական պալատում կայացած «ԵԱՏՄ. փորձը, խնդիրները, զարգացան և անվտանգության գերակայությունները» I-ին Եվրասիական վերլուծական համաժողովի լիագումար նիստին։

13 Նոյեմբեր 2019 Վիկտոր Նազարենկո. «Միջազգային պետական ստանդարտների պլանավորման, ֆինանսավորման և մշակման գործընթացին անհրաժեշտ է ավելի ակտիվորեն ներգրավել ԵԱՏՄ-ի երկրների բիզնես համայնքը և սպառողներին» «Համաշխարհային տնտեսության շարժընթացիկ զարգացման պայմաններում ԵԱՏՄ-ը պետք է լինի արդյունավետ տարածաշրջանային միավորում, որը ստանդարտացման գործիքների կիրառման շնորհիվ ապահովում է արդյունաբերության տեխնոլոգիական զարգացման պարագացում, նորարարությունների ներդրում, մրցունակության բարձրացում և արտադրանքի որակի բարձրացում», – հայտարարել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն նոյեմբերի 12-ին Շիմկենտում (Ղազախստանի Հանրապետություն) կայացած Եվրասիական տնտեսական միության (ԵԱՏՄ) անդամ պետությունների ստանդարտացման ազգային մարմինների ղեկավարների խորհրդի 4-րդ նիստի ընթացքում։

Ցուցադրել ավելին