қаз

Жаңалықтар

ЕЭК БАҚ-та Фото Бейнегалерея
31 қаңтардың 2025 Бақытжан Сағынтаев: "ЕАЭО-дағы цифрландырудың басым бағыты — адамдардың өмір сүру сапасын жақсарту" Еуразиялық экономикалық комиссия Алқасының Төрағасы Бақытжан Сағынтаев Digital Almaty 2025 цифрлық форумының пленарлық сессиясында Еуразиялық экономикалық одақтағы цифрландыру процестерінің дамуы туралы айтты. ЕЭК Алқасының басшысы атап өткендей, Комиссияның күш-жігері Digital Union тұжырымдамасын жүзеге асыруға шоғырландырылған. "Бүгінгі таңда ЕАЭО-ның интеграцияланған ақпараттық жүйесі жұмыс істейді, ол Digital Union үшін технологиялық іргетас болып табылады. Оның дәйекті дамуы ұлтүсті инфрақұрылымының қалыптасуына әкеледі. Бұл бес түрлі жүйенің бір экожүйеде болуына мүмкіндік береді", – деп хабарлады Бақытжан Сағынтаев. Бұл ретте ЕАЭО-да мүше мемлекеттердің цифрлық егемендігіне әсер етпейтін үйлесімділік, қадамдастыру және интеграциялану қағидаттарын ұстану жалғасуда. Бұл цифрландыру саласындағы үздік елдік шешімдерді оларды одан әрі масштабтау мүмкіндігімен байланыстыруға мүмкіндік береді. Қазірдің өзінде интеграцияланған ақпараттық жүйенің технологиялық шешімдері ұлттық цифрлық платформалардың жіксіз өзара іс-қимылын қамтамасыз етеді. Нәтижесінде трансшекаралық сервистер сенімді әрі қауіпсіз ортада ұсынылуы мүмкін. ЕЭК Алқасының басшысы бүгінде толық форматты мемлекетаралық электронды G2G, B2G және C2G өзара іс-қимылы туралы айтуға болатынын атап көрсетті. Бұл деректер берудің қорғалған желісін іске қосудың және жалпы процестерді кезең-кезеңімен іске қосуды қамтамасыз етудің арқасында мүмкін болды. "Бестік" шеңберінде 77 жалпы процесс бекітілді. Олардың 42-сі қолданысқа енгізілді. Комиссия тағы 24 жалпы процесті іске қосуға дайындады. Қалған 11 процесті дайындау 2025 жылдың соңына дейін қамтамасыз етіледі. Мысалы, өнімнің қауіпсіздік талаптарын растау туралы құжаттардың бірыңғай тізілімін жүргізудің жалпы процесі бизнес үшін бюрократиялық рәсімдерді айтарлықтай қысқартты. Егер нақты адамдар үшін пайдалы жақтарын айтатын болсақ, онда, мысалы, ЕАЭО-ның бір елі азаматының екінші елдегі еңбек өтілі электрондық форматта расталатыны тілге тиек бола алады. Мүше мемлекеттер халқының цифрлауға және басқа процестер мен құжаттарға деген қажеттілігі жоғары. Адамдардың өмір сүру сапасын жақсарту — Одақтағы цифрландырудың басым бағыты. Форум шеңберінде Комиссия стендінде ЕАЭО елдері үкімет басшыларының қатысуымен Одақтың интеграцияланған ақпараттық жүйесінің сенімді үшінші тарапының қызметін пайдалануын іске қосу бастау алды. Бұл электрондық цифрлық қолтаңбаны өзара тануды іске қосуға мүмкіндік береді, сөйтіп, мемлекеттік органдар, бизнес және азаматтар үшін трансшекаралық электрондық құжат айналымын қамтамасыз етеді. 
31 қаңтардың 2025 Татьяна Бранцевич ЕЭК-тің Ішкі нарықтардың жұмыс істеуі департаменті директорының орынбасары болып тағайындалды Татьяна Викторовна Бранцевич 1974 жылы туған. 1996 жылы Беларусь ауыл шаруашылығы академиясын "АӨК салаларындағы ұйымдастыру және басқару" мамандығы бойынша, 2008 жылы Беларусь Республикасы Президентінің жанындағы Басқару академиясын бітірген. Еңбек қызметін Минск облысының Крупки қаласындағы "Амкодор-Можа" ЖШҚ машина-трактор паркінде экономист болып бастады. 1999-2009 жылдары Минск облысы Бас статистика басқармасының Крупск аудандық статистика бөлімінің бас экономисі болып жұмыс істеді. 2009-2015 жылдары Минск облысының Крупск аудандық атқару комитетінде басшылық лауазымдарда болды. 2015 жылдан 2021 жылға дейін Минск облыстық атқару комитетінде төрағаның орынбасары, экономика комитетінің төрағасы болып жұмыс істеді. Инвестициялық, инновациялық қызмет, кәсіпкерлікті дамыту және сыртқы сауда ынтымақтастығы мәселелеріне жетекшілік етті. 2021-2024 жылдары Беларусь Республикасы Экономика министрінің орынбасары болды. Өңірлік даму, әлеуметтік саясат, АӨК және қайта өңдеу өнеркәсібін дамыту мәселелеріне жетекшілік етті. Мемлекеттік бағдарламаларды іске асыруды және кәсіпорындар мен ұйымдарды қаржылық сауықтыруды үйлестіруді жүзеге асырды. 2025 жылғы 23 қаңтардан бастап Еуразиялық экономикалық комиссияның Ішкі нарықтардың жұмыс істеуі департаменті директорының орынбасары болып тағайындалды.
12 желтоқсанның 2024 ЕЭК-тің ішкі нарықтар қызметі департаменті директорының орынбасары болып Нарине Давтян тағайындалды Нарине Гарниковна Давтян еңбек жолын Армения Республикасы Президентінің жанындағы Мемлекеттік басқару академиясында бастады, онда 2006-2008 жылдары аспирантура бөлімін басқарды. 2008 жылғы қыркүйектен қарашаға дейін – Армения Республикасы Сыртқы істер министрлігі Диаспора комитетінің диаспорамен байланыс жөніндегі мәдени бағдарламалардың үйлестірушісі. 2008-2013 жылдары – Армения Республикасы Диаспора министрлігі аппаратының бірінші бөлімінің бастығы. 2013-2014 жылдары – VLHAQ жол-құрылыс компаниясының құқықтық мәселелер жөніндегі директорының орынбасары. 2014-2024 жылдары Армения Республикасының Конституциялық сотында судьяның көмекшісі болып жұмыс істеді. 2009 жылы Армения Республикасы Президентінің жанындағы Мемлекеттік басқару академиясының заң факультетінің магистратурасын бітірді. 2013 жылы «Құқықты іске асыру мәселелері» тақырыбы бойынша кандидаттық диссертациясын қорғады. 2014 жылдан бастап Ереван мемлекеттік университетінің заң факультетінде, сондай-ақ Ресей-Армян университетінің Құқық және саясат институтында сабақ берді. Азаматтық қызмет жөніндегі 2-дәрежелі мемлекеттік кеңесші. 2024 жылғы 3 желтоқсаннан бастап Еуразиялық экономикалық комиссияның Ішкі нарықтар қызметі департаменті директорының орынбасары болып тағайындалды.
08 қазанның 2024 III Еуразиялық экономикалық форумның қорытындылары Армения астанасында 30 қыркүйек пен 1 қазан аралығында Еуразиялық экономикалық одаққа мүше мемлекеттер мен бақылаушы мемлекеттердің үкімет басшыларының қатысуымен Еуразиялық үкіметаралық кеңестің отырысына орайластырылған III Еуразиялық экономикалық форум өтті. Іс-шара 2024 жылы Армения Республикасының Еуразиялық экономикалық одақ органдарына төрағалығы шеңберінде өтті. Форум жұмысына 30-дан астам елден 2000-ға жуық қатысушы қатысты. Бизнес өкілдері ерекше қызығушылық танытты: Форумға 200-ге жуық компания келді. Форум шеңберінде ЕАЭО-Куба және ЕАЭО-Иран бизнес-диалогтары өтті, оның барысында сауда-экономикалық ынтымақтастықты дамытудың тұжырымдамалық мәселелері талқыланды. Форумның іскерлік бағдарламасы 30-дан астам іс-шараны қамтыды. ЕЭФ-2024 қатысушылары Одаққа мүше мемлекеттердің экономикалық ынтымақтастығының ЕАЭО-ның стратегиялық дамуы, жан-жақты кооперация және технологиялық ынтымақтастық, цифрландыру, көлік инфрақұрылымы мен логистиканы дамыту, ішкі нарықтың сапасы және кәсіпкерлікті қолдау, халықаралық ынтымақтастық сияқты өзекті бағыттарын талқылады. Еуразиялық экономикалық одақ елдері үкіметтерінің басшылары: Армения Республикасының Премьер-Министрі Никол Пашинян, Беларусь Республикасының Премьер-министрі Роман Головченко, Қазақстан Республикасының Премьер-министрі Олжас Бектенов, Қырғыз Республикасы Министрлер Кабинетінің Төрағасы —Президент Әкімшілігінің басшысы Ақылбек Жапаров, Ресей Федерациясы Үкіметінің Төрағасы Михаил Мишустин және Еуразиялық экономикалық комиссия Алқасының Төрағасы Бақытжан Сағынтаев қатысқан III Еуразиялық экономикалық форумның негізгі іс-шарасы – «Қазіргі замандағы цифрландыру - төрт бостандықты қамтамасыз ету үшін императив» пленарлық отырысы. Форумға құрметті қонақтар – Өзбекстан Республикасының Премьер-Министрі Абдулла Арипов және Иран Ислам Республикасының Бірінші вице–президенті Мұхаммед-Реза Ареф қатысты. Форумға Ираннан келген көптеген делегация қатысты. ЕАЭО-Иран Бизнес-диалогында сауда-экономикалық ынтымақтастықты дамытудың тұжырымдамалық мәселелері талқыланған панельдік пікірталас, сондай-ақ ауыл шаруашылығы, өнеркәсіп, көлік және сауда мен инвестицияларға жәрдемдесудің қаржы құралдары саласындағы практикалық сипаттағы міндеттер қаралған салалық дөңгелек үстелдер қамтылды. Салалық дөңгелек үстелдер шеңберінде ЕАЭО Іскерлік бірлестіктері мен бизнес өкілдері де өздерінің ағымдағы және перспективалық жобаларын таныстырды. «Жасыл Еуразия» халықаралық климаттық конкурсы Форум шеңберінде Стратегиялық бастамалар агенттігі Еуразиялық экономикалық комиссиямен бірлесіп екінші рет «жасыл күн тәртібі» технологиялық көшбасшыларын анықтауға және экономиканы климаттың өзгеруінің салдарына климаттық бейімдеу бойынша тиімді практикаларды насихаттауға бағытталған «Жасыл Еуразия» конкурсын өткізді. Сарапшылар мойындаған «Үздік тәжірибелер» көбейтіп таратуға ұсынылатын болады. Биылғы жылы «Жасыл Еуразия» әлемнің барлық елдерінің қатысушылары үшін ашық болды. Конкурс климаттық тұрақтылықты нығайту бойынша тәжірибе алмасу үшін ауқымды алаңға айналды. Жалпы конкурсқа 15 номинация бойынша 300-ден астам өтінім берілді. Конкурстың жеңімпаздары мен финалистері Ресей Федерациясынан, Беларусьтан, Қазақстаннан, Қырғызстаннан, Ираннан, Египеттен, Индонезия және Өзбекстаннан келген 57 үздік климаттық практикаға айналды. Үздіктерді марапаттауға Армения Республикасының вице-премьер-министрі Мгер Григорян, Беларусь Республикасы Премьер-Министрінің орынбасары Игорь Петришенко, Қазақстан Республикасы Премьер-Министрінің орынбасары, сауда және интеграция министрі Серік Жұманғарин, Қырғыз Республикасы Министрлер Кабинеті Төрағасының бірінші орынбасары Әділбек Қасымалиев, Ресей Федерациясы Үкіметі Төрағасының орынбасары Алексей Оверчук, сондай-ақ ЕЭК сауда министрі Андрей Слепнев қатысты. Келісімдер Еуразиялық экономикалық комиссия мен Байланыс саласындағы өңірлік достастықтың өзара іс-қимылы жөніндегі 2024-2027 жылдарға арналған іс-шаралар жоспарына (жол картасына) қол қойылды. Оған ЕЭК Ішкі нарықтар, ақпараттандыру, ақпараттық-коммуникациялық технологиялар министрі Варос Симонян және Байланыс саласындағы өңірлік достастықтың бас директоры Алексей Бородин қол қойды. Татарстан Республикасының Өнеркәсіптік кластері мен «Қазақстан электр энергетикалық қауымдастығы» заңды тұлғалар бірлестігі арасында ынтымақтастық туралы келісімге қол қойылды. Құжатқа Татарстан Республикасының Өнеркәсіптік кластері басқармасының төрағасы Сергей Майоров және «Қазақстан электр энергетикалық қауымдастығы» заңды тұлғалар бірлестігінің төрағасы Талғат Темірханов қол қойды. III Еуразиялық экономикалық форумның ақпараттық әріптестері: ТАСС ақпараттық агенттігі, Белтелерадиокомпания, Армения Қоғамдық радиосы, «Арменпресс» ақпараттық агенттігі, Иран Ислам Республикасының ақпараттық агенттігі (ИРНА).
06 маусымның 2024 ЕЭК пен Байланыс саласындағы өңірлік қоғамдастық Өзара іс қимыл туралы меморандумға қол қойды Еуразиялық экономикалық комиссия мен Байланыс саласындағы өңірлік достастық арасындағы өзара іс-қимыл туралы меморандумға ЕЭК Ішкі нарықтар, ақпараттандыру, ақпараттық-коммуникациялық технологиялар жөніндегі министрі Варос Симонян және Байланыс саласындағы өңірлік достастықтың бас директоры Алексей Бородин қол қойды. Салтанатты рәсім 5 маусымда «Еуразиялық цифрлық одақ» тақырыптық отырысын өткізу аясында Минскіде өткен «ТИБО-2024» XXX халықаралық цифрлық форумының алаңында өтті. Меморандум қауіпсіз цифрлық инфрақұрылымды құру, ЕАЭО және ТМД шеңберінде трансшекаралық сенім кеңістігін қалыптастыру және дамыту, заманауи ақпараттық-коммуникациялық технологияларды пайдалану және оларды инновациялық дамыту арқылы ақпараттық қоғам құруға жәрдемдесуді көздейді. Тараптар ақпараттық-коммуникациялық технологиялар саласындағы ақпаратпен және озық тәжірибемен алмасуды, оның ішінде сенім мен қауіпсіздікті қамтамасыз ету мәселелері бойынша консультациялар, семинарлар, бірлескен отырыстар, конференциялар, дөңгелек үстелдер және басқа да іс-шараларды өткізуді, бірлескен талдамалық материалдар мен баяндамалар дайындауды жоспарлап отыр. Құжатта өзара іс-қимыл жөніндегі жұмыс тобын құру және бірлескен іс-шаралар жоспарын әзірлеу көзделген. ЕЭК министрі Варос Симонян Меморандумға қол қою Комиссияның байланыс және ақпараттық технологиялар саласындағы ынтымақтастықты дамытуға ықпал ететін халықаралық әріптестермен байланысын нығайту жөніндегі кезекті қадамы екенін атап өтті. «Меморандум шеңберіндегі өзара іс-қимыл біздің цифрлық технологиялар саласындағы халықаралық ынтымақтастықты тереңдетуге бағытталған күш-жігерімізді шоғырландыруға мүмкіндік береді және оларды Одаққа мүше мемлекеттерде және ӨБД-ға қатысушы елдерде енгізуді жеделдетеді», — деді Варос Симонян. Алексей Бородин сөз кезегінде табысты ынтымақтаса және бірлесе отырып жемісті жұмыс атқаратынына үмітті екенін айтты. «Меморандум негізінде біз цифрлық даму және жаһандық ақпараттық қоғамға интеграциялау саласындағы перспективалық бағыттар мәселелері бойынша тәжірибе алмаса аламыз», — деді ол. Байланыс саласындағы өңірлік достастық (ӨБД) Достастық мемлекеттерінің байланыс әкімшіліктері 1991 жылғы 17 желтоқсанда ТМД Үкімет басшыларының Кеңесі бекіткен 1992 жылғы 9 қазандағы почта және электр байланысы саласындағы мемлекетаралық қатынастарды үйлестіру туралы келісім негізінде құрған болатын. ӨБД қызметінің негізгі бағыттары Достастық елдерінің АКТ саласындағы көпжақты өзара тиімді ынтымақтастығын біріздендіру, ТМД-ның ортақ ақпараттық кеңістігін қалыптастыруда келісілген іс-қимылдар жүргізу, нормативтік-құқықтық базаны жақындастыру, ақпараттық ресурстармен алмасу, ақпараттық қауіпсіздік мәселесін кешенді шешу, ТМД-ға қатысушы мемлекеттердің жаһандық ақпараттық қоғамға табысты шоғырлануын қамтамасыз ету болып табылады.
03 майдың 2024 ЕЭК ішкі нарықтары қызметі департаментінің директоры болып Самат Құлмамбетов тағайындалды Самат Құлмамбетов 1978 жылы Бішкекте дүниеге келген. Қырғыз мемлекеттік құрылыс, көлік және сәулет университетін (мамандығы – «Әлемдік экономика») бітірген. Еңбек жолын 2001 жылы Қырғыз Республикасы Қаржы министрлігі жанындағы Экономикалық және әлеуметтік реформалар орталығының макроэкономика бөлімінде бастап, I санатты маман және жетекші маман лауазымдарында жұмыс істеді. 2004 жылдың маусым айынан 2006 жылдың ақпан айына дейін Қырғыз Республикасы Экономикалық даму, өнеркәсіп және сауда министрлігінің кедендік-тарифтік саясат бөлімінің жетекші, содан кейін бас маманы болып жұмыс істеді. 2006-2007 жылдары Қырғыз Республикасы Өнеркәсіп, сауда және туризм министрлігінің кедендік-тарифтік және тарифтік емес реттеу бөлімінің бас маманы, меңгерушісі болып жұмыс атқарды. 2007 жылғы сәуірден 2018 жылғы қаңтарға дейін Қырғыз Республикасының Экономикалық даму және сауда министрлігінде кеден саясаты және тарифтік емес реттеу бөлімінің меңгерушісі, кеден-тарифтік саясат басқармасының бастығы болды. 2018 жылғы қаңтар айынан 2021 жылғы мамыр айына дейін Қырғыз Республикасы Үкіметі Аппаратының Еуразиялық экономикалық одақ істері жөніндегі бөлім меңгерушісінің орынбасары, халықаралық ынтымақтастық және интеграция бөлімі меңгерушісінің орынбасары, Қырғыз Республикасы Үкіметі Аппаратының Еуразиялық экономикалық одақтағы істер жөніндегі Қырғыз Республикасы Үкіметінің арнайы өкілі хатшылығы бөлімі меңгерушісінің орынбасары – басшысы болып жұмыс атқарды. 2021 жылғы мамырдан бастап 2023 жылғы наурызға дейін-Қырғыз Республикасы Президенті Әкімшілігінің Президент және Министрлер кабинеті шешімдерін дайындау басқармасының Еуразиялық экономикалық одақ істері жөніндегі бөлімі меңгерушісінің орынбасары болды. 2023 жылғы наурыздан 2024 жылғы сәуірге дейін Қырғыз Республикасы Президенті Әкімшілігінің сыртқы саясат бөлімінің Еуразиялық экономикалық одақ істері жөніндегі сектор меңгерушісі. 2024 жылғы 2 мамырда ЕЭК ішкі нарықтары қызметі департаментінің директоры лауазымына тағайындалды. Марапаттары ҚР Экономика және монополияға қарсы саясат министрлігінің «Экономика үздігі» төсбелгісі. «ҚР мемлекеттік қызмет үздігі» төсбелгісі. «Еуразиялық экономикалық одақтың дамуына қосқан үлесі үшін» медалі. ҚР Экономика және коммерция министрлігінің III дәрежелі «Еңбегі үшін» төсбелгісі. «Еуразиялық экономикалық одақтың дамуына қосқан үлесі үшін» төсбелгісі.
25 сәуірдің 2024 ЕЭК-те ЕАЭО елдері мен Кубаның ақпараттық технологиялар саласындағы ынтымақтастығы талқыланды Еуразиялық экономикалық комиссияның Ақпараттық технологиялар департаментінің директоры Александр Алексанян мен Кубаның Ариадна Пласенсия Кастро басқарған ақпараттандыру және коммуникациялар жөніндегі бизнес тобының кездесуінде ақпараттық технологиялар мен телекоммуникациялар саласындағы өзара іс-қимыл, бірлескен іс-шараларды іске асыру және ынтымақтастық перспективалары қаралды.  Александр Алексанян Комиссияның Еуразиялық экономикалық одақтың интеграцияланған ақпараттық жүйесін (ИАЖ) құру, Одақтың уәкілетті органдары арасында мемлекетаралық деректер және электрондық құжаттар алмасу кезінде трансшекаралық сенім кеңістігін дамыту, сондай-ақ ЕАЭО елдерінің бір-бірінің электрондық цифрлық қолтаңбасын тануы жөніндегі ауқымды жұмысы туралы айтып берді. Салалық департаменттің басшысы ЕАЭО мемлекеттерінің үшінші елдермен цифрландыру саласындағы ынтымақтастығының ойдағыдай мысалы ретінде ЕАЭО-ның Вьетнаммен өзара іс-қимылын атады. "ИАЖ-ды пайдалана отырып, ақпарат алмасу бойынша ЕАЭО мен Вьетнам арасындағы ақпараттық өзара іс-қимылды іске асырудың ойдағыдай тәжірибесін атап өтпеуге болмайды. Осы тәжірибе Кубамен электрондық ақпарат алмасу кезінде қолданылуы мүмкін, бұл ынтымақтастықтың әлеуеті зор", – деп атап өтті Александр Алексанян. Куба тарапы ел экономикасының цифрлық трансформациясы, телекоммуникациялық инфрақұрылымды, ақпараттық технологияларды дамыту және желілік қосылыстардың сапасын арттыру жөніндегі жұмыс туралы хабардар етті. Бизнес топтың өкілдері өздерінің ақпараттық технологияларын ЕАЭО мемлекеттерінде ілгерілетуге мүдделілік білдірді. Александр Алексанян кубалық әріптестерін АКТ саласында тәжірибе бөлісіп, цифрлық әзірлемелер саласындағы озық практикамен алмасу үшін Минскіде өтетін "ТИБО-2024" ақпараттық-коммуникациялық технологиялар жөніндегі халықаралық форумға қатысуға шақырды.  Тараптар белсенді өзара іс-қимылды жалғастыру, жыл сайынғы FIHAV Гавана халықаралық жәрмеңкесі шеңберінде ұлттық ғылыми-технологиялық парктердің қызметімен танысу үшін ЕЭК делегациясы мен ЕАЭО елдерінің бизнес топтарының Кубаға сапарын пысықтау жайында уағдаласты. Куба Республикасы ЕАЭО жанындағы байқаушы мемлекет болып табылады. Өзара тиімді диалогты дамыту үшін ЕАЭО-ның Кубамен ынтымақтастығының елеулі негізі қаланды, атап айтқанда, Комиссия мен Куба Республикасының Үкіметі арасындағы өзара түсіністік туралы меморандумға және Бірлескен іс-шаралар жоспарына қол қойылды. ЕАЭО-дан Кубаға өңдеуші өндіріс өнімінің экспорты 2023 жылы 2022 жылмен салыстырғанда 3% артты, өткен жылы кубалық тауарлардың ЕАЭО-ға импорты екі есе өсті.
20 ақпанның 2024 Қазақстанда ЕАЭО мемлекеттерінің азаматтарынан туристік жарна алу туралы талап жойылды Еуразиялық экономикалық комиссия Алқасы 20 ақпандағы отырыста Қазақстан Республикасында туристік алым алу жөніндегі талапқа қатысты тосқауыл белгілері бар кедергіні жою туралы мәселені қарады. 2023 жылғы 1 тамыздан бастап Қазақстан Республикасында шетелдіктерден, оның ішінде Еуразиялық экономикалық одақ мемлекеттерінің азаматтарынан туристік алым алу бойынша талаптар белгіленді. Комиссия Еуразиялық экономикалық одақтың ішкі нарығындағы кедергілерді саралау әдіснамасына сәйкес мәселені қарау аясында осы талаптарда тосқауыл белгілері бар кедергілердің бар екені туралы қорытындыға келді. Қазақстан Республикасы уәкілетті органдарының жедел жұмысының арқасында Қазақстан Республикасы Мәдениет және спорт министрінің бұйрығына өзгертулер енгізілді, оған сәйкес ЕАЭО мемлекеттерінің азаматтарынан туристік жарна алынбайды. «Біз Одаққа мүше мемлекеттердің осындай шешімдерін ғана құптай аламыз, өйткені олар ЕАЭО ішкі нарықтарының одан әрі дамуы мен жұмыс істеуіне ықпал етеді. Бұл мысал біздің жұмысымызда белсенді қолданылатын медиативтік рәсімдердің тиімділігін растау болып табылады», – деп түсіндірді ЕЭК Ішкі нарықтар, ақпараттандыру, ақпараттық-коммуникациялық технологиялар министрі Варос Симонян.
Тағы да көрсету

ЕАЭО ресурстары