Энергетика жана инфраструктура

Энергетика жана инфраструктура боюнча Коллегия мүчөсү (Министр) Кожошев Арзыбек Орозбекович

темасындагы жаңылыктар «Энергетика жана инфраструктура»

23 Nov 2022 Арзыбек Кожошев: "Жакынкы келечекте туруктуу транспорттук каттамдарды жана коридорлорду түзүшүбүз зарыл" Транспорт чөйрөсүндө интеграцияны өнүктүрүү маселелерин 23-ноябрда ЕЭКтин энергетика жана инфраструктура боюнча министри Арзыбек Кожошев жана Россия Федерациясынын Федералдык Жыйынынын Мамлекеттик Думасынын Транспорт жана транспорттук инфраструктураны өнүктүрүү боюнча комитетинин төрагасы Евгений Москвичев талкуулашты. "Транспорт чөйрөсүндө ЕАЭБдин тармактык рынокторун түзүү ЕАЭБ жөнүндө келишимдин жоболорун аткаруу боюнча жөнөкөй гана милдет эмес, экономикалык интеграциянын потенциалын ишке ашыруу үчүн зарыл шарт жана ЕАЭБ алкагында ташууларды толук кандуу өнүктүрүү үчүн ресурстук платформа болуп саналат. Жакынкы келечекте биз туруктуу транспорттук каттамдарды жана коридорлорду калыптандырып, аларды тийиштүү санариптик сервис жана техникалык жактан жабдылган инфраструктура объекттери менен бекемдешибиз керек", - деп белгиледи Арзыбек Кожошев. Жолугушуунун жүрүшүндө ЕЭК министри 2021-2023-жылдарга транспорт саясатын ишке ашыруу боюнча жол картасынын иш-чараларынын аткарылышы жөнүндө маалымдады жана 2023-жылдын биринчи кварталында ЕЭК тараптар менен биргеликте кезектеги үч жылдык мезгилге жол картасын даярдоого киришээрин билдирди. Өз кезегинде, Евгений Москвичев, Комитеттин мыйзам чыгаруу ишмердүүлүгү жана пландары жөнүндө, ошондой эле товарларды жылдыруулардын классикалык каттамдарынын өзгөрүшүнө, Европа бирлигинин өлкөлөрү менен транспорттук байланыштарга таасир эткен, Россия Федерациясына жана Беларусь Республикасына карата санкциялык жана чектөө чаралардын колдонулушуна байланыштуу россиялык транспорттук бизнеси тарабынан билдирилген көйгөйлөр жөнүндө билдирди. Талкуу процессинде ошондой эле жүктөрдү автомобиль менен ташууну либералдаштыруу маселелери да козголду. Жолугушуунун катышуучулары ЕАЭБ өлкөлөрүндө каботаждык автомобилдик жүк ташууларды жүзөгө ашыруу боюнча жагдай туурасында пикир алмашышты жана тиешелүү сунуштарды иштеп чыгуу үчүн бул маселе боюнча өз ара иштешүүнү улантууну макулдашышты. Жолугушуунун аягында катышуучулар мындан аркы тыгыз өз ара аракеттенүүнүн маанилүүлүгүн, транспорт чөйрөсүн өнүктүрүү маселелерин талкуулоо максатында алдыдагы 2023-жылы негизги иш-чараларды биргелешип өткөрүүнүн же аларга катышуунун зарылдыгын белгилешти.
22 Nov 2022 Арзыбек Кожошев: "Темир жолчулар татаал экономикалык шарттарда глобалдык жеткирүү түйүндөрүнүн туруктуулугун камсыздоону улантууда" 22-ноябрда Евразия экономикалык комиссиясынын энергетика жана инфраструктура боюнча министри Арзыбек Кожошев Трансъевразиялык ташуулар боюнча эл аралык координациялык кеңештин (ТТКК) пленардык отурумунда саламдашуу сөзү менен сүйлөдү. Ал темир жол ташууларын өнүктүрүүгө жана Евразия экономикалык бирлигинин мейкиндигинде темир жолдордун ортосундагы кызматташууга Трансъевразиялык ташуулар боюнча Эл аралык координациялык кеңештин олуттуу ролун жана салымын баса белгиледи.  "Темир жолчулар татаал экономикалык шарттарда глобалдык жеткирүү түйүндөрүнүн туруктуулугун камсыздоону улантууда, бул алардын биздин өлкөлөрдүн экономикасына тийгизген терс таасирин кыйла жеңилдетет", – деп белгиледи Арзыбек Кожошев. Ошол эле учурда, контейнерлердин жалпы тартыштыгына, чек аралардын толук жабылышына, өз ара эсептешүүлөрдүн токтотулушуна жана башкаларга байланыштуу транспорт тармагындагы көптөгөн терс божомолдор ишке ашкан жок, деп билдирди РТЖ жана ТТКК төрагасы Олег Белозеров. Пленардык отурумдун катышуучулары ЕАЭБде транспорттук агымдарды өнүктүрүүнүн келечегие кеңири талкуулашты. Атап айтканда, кеп трансъевразылык каттамдар, темир жол жана мультимодалдык ташуулардын атаандаштыкка жөндөмдүүлүгүн жогорулатуу, порт инфраструктурасын жакшыртуу жөнүндө болду. Темир жол жана мультимодалдык каттамдарда контейнердик ташууларды өнүктүрүүгө көмөктөшүү контекстинде, каттамдардын сервистерин жана географиясын, атап айтканда линиялык контейнердик сервистерди кеңейтүүнүн, электрондук коммерция товарлары үчүн логистикалык чечимдерди киргизүүнүн, ошондой эле темир жол транспорту менен эл аралык почта жөнөтүүлөрүн ташуулардын механизмин жөнөкөйлөтүүнүн маанилүүлүгү белгиленди. Арзыбек Кожошев белгилегендей, "ЕЭКтин колдоосу астында акыркы жылдары Комиссиянын, транспорт чөйрөсүндөгү мамлекеттик бийлик органдарынын, темир жол администрацияларынын, алдыңкы эл аралык уюмдардын жана институттардын ЕАЭБдин транспорттук комплексинин ишинин натыйжалуулугун жогорулатуунун келечектүү милдеттерин чечүү боюнча күч-аракеттерин бириктирүүгө багытталган бир катар стратегиялык пландар иштелип чыккан". Иш чарага катышуу Комиссиянын жана Трансъевразиялык ташуулар боюнча эл аралык координациялык кеңештин 2017-жылдын 18-январындагы Өз ара түшүнүшүү жөнүндө меморандумдун жоболорун, ошондой эле ЕЭКтин Транспорт жана инфраструктура департаментинин жана ТТКК Катчылыгынын 2021-2022-жылдарга өз ара иштешүүсү боюнча планын ишке ашыруунун алкагында, өз ара иштешүүсү боюнча системалуу ишинин уландысы болуп калды.  Маалымат Буга чейин 2022-жылдын 10-ноябрында ЕЭК аянтчасында ТТКК менен биргеликте трансчек аралык ташуулардын абалына жана келечегине арналган тегерек стол ийгиликтүү өткөрүлгөн. Жеткирүүлөрдүн чынжырынын натыйжалуулугун жана туруктуулугун жогорулатуу, чек арадан өтүүнү жеңилдетүү жана чек ара аркылуу ташууну өнүктүрүү боюнча сунуштарды иштеп чыгууга өзгөчө басым жасалган. Форумда транспорттук чөйрөнүн эң орчундуу маселелери боюнча 30дан ашык презентациялар сунушталды. Иш-чарага мамлекеттик бийлик органдарынын, транспорт жана логистика чөйрөсүндө алдыңкы эл аралык уюмдардын, бизнес-коомдоштуктун өкүлдөрүнүн кеңири чөйрөсү катышышты.
18 Nov 2022 Арзыбек Кожошев: "Натыйжалуу жана коопсуз транзиттик байланыш ЕАЭБ өлкөлөрүнүн экономикалык биримдигин камсыздайт" Бул тууралуу 17-ноябрда ЕЭКтин энергетика жана инфраструктура министри Арзыбек Кожошев «2022-жылдагы эл аралык транспорттук кызматташтык» темасындагы «Транспорт жумалыгы» форумунун пленардык талкуусунда билдирди. Жаңы багыттар, тренддер, натыйжалар". «Натыйжалуу жана коопсуз транзиттик байланыш ЕАЭБ өлкөлөрүнүн экономикалык биримдигин камсыздай алат. Бүгүнкү күндө бул ишканалардын, сатып алуучулар менен камсыздоочулардын ортосундагы ишенимдүү өндүрүштүк байланыштардын кепилдиги болуп саналат, аларга мультимодалдуулук принциптеринде жаңы логистикалык чынжырлар системасына кайра багыт алуу маанилүү”, – деди ЕЭК Министри Арзыбек Кожошев. Кожошев ошондой эле ЕАЭБде административдик тоскоолдуктар бар экенин билдирди. Бирок Комиссия Бирликтин өлкөлөрү менен биргеликте аларды жоюу боюнча активдүү иш алып барууда. Ошол эле учурда ЕАЭБде альянска кирген өлкөлөрдүн аймактары аркылуу өтүүчү толук кандуу евразиялык кургак көпүрөнү түзүү жөнүндө ишенимдүү айтсак болот, деп эсептейт Кожошев. Буга ЕАЭБ иштешинин алгачкы этаптарында жүргүзүлүп жаткан транзиттик потенциалды ишке ашыруу боюнча максаттуу иштер көмөк көрсөттү. Ошентип, бир түргө келтирилген темир жол тарифтери жана темир жол уюмдары тарабынан тарифтерди баалардын чегинде өзгөртүү мүмкүнчүлүгү белгиленген. Автомобиль транспорту менен жүк ташууга уруксат берүү системасы либералдашып, беш өлкөнүн ички чек араларында транспорттук көзөмөл жоюлду.  ЕЭК Министри ошондой эле санариптик технологияларды өнүктүрүү жөнүндө айтып, алар маалыматтык тоскоолдуктарды азайтуунун жана жеткирүү чынжырынын ар кандай катышуучуларынын максималдуу координациясын камсыз кылуунун натыйжалуу аспабы экендигине көңүл бурду. Арзыбек Кожошев ЕАЭБдин транспорттук блоктун катышуусунда иштеп жаткан орчундуу долбоорлоруна көңүл бурду. Анын ичинде ЕАЭБ өлкөлөрүнүн ортосунда да, Кытайдын, Өзбекстандын жана Ирандын рынокторуна да айыл чарба продукцияларын жана азык-түлүктөрдү үзгүлтүксүз ташуу мүмкүнчүлүгүн түзүү үчүн иштелип чыккан Евразия Агроэкспресс. Бул долбоордун алкагында жеткирүүлөрдүн көлөмү жылдын акырына чейин жарым миллион тоннага жакын болушу мүмкүн. Маанилүү долбоорлордун катарына жүк ташууда навигациялык пломбаларды колдонуу жана санариптик транспорт коридорлорунун экосистемасын өнүктүрүү боюнча макулдашуу кирет. Кошумчалай кетсек, үстүбүздөгү жылы артыкчылыктуу интеграциялык инфраструктуралык долбоорлордун тизмеги бекитилди. Бул долбоорлорду ишке ашыруу 1210 км темир жолду электрлештирүү, 115 км жаңы жана 902 км экинчи темир жолду куруу, 1000 кмден ашык жаңы жолдорду куруу, 3000 кмден ашык жолду реконструкциялоо жана капиталдык оңдоо, эки көпүрө куруу, автоунаа жолдорунда эки эстакада жана бир туннель куруу мүмкүнчүлүгүн берет. Эксперттердин баасы боюнча, бул ЕАЭБдин транзиттик потенциалын 5% жогорулатат. Ошол эле учурда евразиялык транспорттук коридорлор жана каттамдар ЕАЭБдеги транзиттик ташуулардын жалпы көлөмүнүн үчтөн бир бөлүгүн камсыз кылат. Ошондой эле 17-ноябрда форумда Евразия экономикалык комиссиясы Транспорт чөйрөсүндөгү көзөмөлдөө боюнча федералдык кызматы (Ространснадзор) менен биргеликте уюштурган «Авиация коопсуздугун камсыздоо жаатында ИКАО текшерүүсүн жүргүзүү боюнча тажрыйба алмашуу» темасындагы конференциясы өттү. Иш-чарага авиациялык коопсуздук администрацияларынын жетекчилери, мүчө мамлекеттердин эл аралык аэропортторунун жана авиакомпанияларынын өкүлдөрү, тиешелүү түзүмдөрдүн жана мекемелердин адистери, ИКАОнун серепчилери, эл аралык уюмдардын жана бизнес-коомчулуктун өкүлдөрү катышты. Арзыбек Кожошев жана Россия Федерациясынын транспорт министринин орун басары Игорь Чалик ЕАЭБдин ар бир мамлекети үчүн авиациялык коопсуздук жаатында ИКАО текшерүүсүнөн өтүүнүн маанилүүлүгүн, ошондой эле системалуу түрдө тажрыйба алмашуу зарылдыгын белгилешти. Өз сөздөрүндө мүчө мамлекеттердин ыйгарым укуктуу органдарынын өкүлдөрү ИКАОнун акыркы текшерүүлөрүнөн өтүү тажрыйбасы менен бөлүшүп, натыйжалар, көйгөйлүү учурлар жана сунуштамалар тууралуу маалымат бөлүшүштү. Конференциянын алкагында авиациялык коопсуздук боюнча жумушчу топтун жыйыны өтүп, анда уюштуруу маселелери жана авиациялык коопсуздук боюнча топтун 2023-жылга карата пландары аныкталды. Конференциянын жыйынтыгында катышуучулары авиациялык коопсуздук чөйрөсүндө ИКАО текшерүүлөрүн даярдоо жана өткөрүү боюнча маалымат алмашуу, ИКАОнун авиация коопсуздугун камсыздоонун Глобалдык планын ишке киргизүү боюнча улуттук авиациялык коопсуздук кызматтарынын ишин координациялоо, ошондой эле туруктуу жана ротациялык негизде авиациялык коопсуздук маселелери боюнча конференцияларды өткөрүү максатка ылайыктуу деп тапкан резолюция кабыл алынды.
16 Nov 2022 ЕАЭБ өлкөлөрүнүн транспорт министрлери Бирлик өлкөлөрүнүн транспорттук комплекстерин өнүктүрүүнү талкуулашты ЕАЭБдин мүчө мамлекеттеринин транспорт жаатында ыйгарым укуктуу органдарынын жетекчилеринин Кеңешинин отуруму 16-ноябрда Москва шаарында Кыргыз Республикасынын транспорт жана коммуникациялар министри Тилек Текебаевдин төрагалыгы алдында болуп өттү. Иш-чара "Транспорттук жума - 2022" эл аралык форумунун талааларында ЕЭКтин энергетика жана транспорт министри Арзыбек Кожошевдин катышуусу менен болуп өттү.  Транспорт ведомстволорунун жетекчилери Бирликтин 2021-2023-жылдарга карата транспорт саясатын ишке ашыруу боюнча жол картасынын иш-чараларынын аткарылышы жөнүндө маалыматты угушту. ЕЭК министри Арзыбек Кожошев "кийинки жылы 2023-жылдын иш-чараларын аткарууну гана аяктабастан, 2024-2026-жылдарга карата кийинки үч жылдык мезгилдин иш-чараларын иштеп чыгууга киришүү керек" деп белгиледи. Отурумдун катышуучулары ички суу жолдору боюнча сүзүүдө кемелердин экипаждарынын минималдуу курамына карата талаптар жөнүндө эл аралык ведомстволор аралык келишимдин долбоорун даярдоонун жүрүшүн дыкат талкуулашты. "Евразия экономикалык бирлигинин тышкы чек арасында транспорттук (автомобилдик) контролду маалыматтык камсыздоо" № 46 жалпы процессин жүзөгө ашыруунун жүрүшү жөнүндө" маселесин талкуулоонун алкагында тараптардын транспорт ведомстволорунун жетекчилери транспорттук контролдун маалыматтык алмашуусун сапаттуу жаңы деңгээлге чыгарууга мүмкүндүк бере турган маалыматтык тутумду мамлекеттер аралык тестирлөөгө катышууга даярдыгын билдиришти. Отурум аяктагандан кийин ЕАЭБ өлкөлөрүнүн транспорт министрлери "Транспорт жумалыгы - 2022" форумунун көргөзмө бөлүгүнө барышты. Ошол эле күнү Арзыбек Кожошев КМШ мүчө мамлекеттеринин координациялык транспорттук кеңешмесинин отурумуна да катышты. Анын пикири боюнча, ЕАЭБ жана КМШ өлкөлөрүнүн артыкчылыгы инфраструктуралык шайкештик, кызматташтыктын тажрыйбасы жана салттары болуп саналат, алар жаңы транзиттик коридорлорду түзүүгө жана транспорттук кызмат көрсөтүүлөрдүн ири рынокторуна биргелешип чыгууга өбөлгө түзө алары анык. Арзыбек Кожошев эскерткендей, ЕАЭБ жана КМШ өнөктөштүгү эки укуктук тутумдардын ырааттуу жакындашуусун аныктаган эки меморандум менен бекемделген.
Дагы көрсөтүү

Темасындагы чечимдер «Энергетика жана инфраструктура»

194
06.12.2022 Решение Коллегии ЕЭК №194 О внесении изменений в Порядок заполнения декларации на товары
193
06.12.2022 Решение Коллегии ЕЭК №193 О продлении действия антидемпинговой меры в отношении ферросиликомарганца, происходящего из Украины и ввозимого на таможенную территорию Евразийского экономического союза, и признании утратившим силу Решения Коллегии Евразийской экономической комиссии от 24 августа 2021 г. № 108
192
06.12.2022 Решение Коллегии ЕЭК №192 О перечне видов средств (каналов) связи
191
06.12.2022 Решение Коллегии ЕЭК №191 О справочнике видов актов органов Евразийского экономического союза
190
06.12.2022 Решение Коллегии ЕЭК №190 О справочнике видов пошлин, уплачиваемых при совершении юридически значимых действий, связанных с регистрацией, правовой охраной и использованием товарных знаков, знаков обслуживания и (или) наименований мест происхождения товаров Евразийского экономического союза

Ченемдик документтер

21 2016 ЕЭКтин энергетика жана инфраструктура боюнча Адамкул Жунусовдун “Звязда” гезитине берген интервьюсу: “ЕАЭБтин мунай боюнча жалпы рыногун түзүү мөөнөттөрү кыскартылышы мүмкүн” Евразия биримдигин түзүү - эң оболу экономикалык кадам. Жалпы рыноктор туура түзүлсө, алар катышуучу өлкөлөргө жалгыз болгондо мындай пайда жөнүндө кеп болушу да мүмкүн эмес болгон олуттуу пайда алып келе алат. Мисалы, ЕАЭБ алкагында мунай жана мунай өнүмдөрүнүн жалпы рыногун түзүүдөн суммардык натыйжа беш жылдын аралыгында 5-8 миллиард долларды түзөт. Бул Россия илимдер академиясынын Экономикалык стратегиялар институтунун изилдөөлөрүнүн маалыматтары боюнча. Дал ушул изилдөөлөргө таянуу менен ЕАЭБ Мунай жана мунай өнүмдөрүнүн жалпы рыногун түзүү концепциясынын долбоору иштелип чыгарылып, ал ушул жылы Биримдиктин өкмөттөр аралык кеңеши тарабынан кабыл алынган. Аларды түзүүнүн акыркы мөөнөтү - 2025-жылдын 1-январы. Дагы дээрлик 10 жыл бар. Бирок бул процессти тездетүүгө болобу? Атайын “СЕ” үчүн бул суроого Евразия экономикалык комиссиясынын энергетика жана инфраструктура боюнча Коллегия мүчөсү (Министр) Адамкул Жунусов жооп берет.
0/0