Жаңылыктар
ЕЭК Коллегиясы ЕАЭБде саламаттыкты сактоо жаатында экономикалык кызматташуу боюнча сунуштаманы бекитти
Сунуштама Евразия экономикалык комиссиясы тарабынан Евразия экономикалык бирлигинин өлкөлөрү менен биргеликте Стратегия-2025ти ишке ашыруунун алкагында даярдалган жана мүчө мамлекеттердин саламаттык сактоо чөйрөсүндө заманбап жетишкендиктердин жеткиликтүүлүгүн камсыз кылуу боюнча экономикалык кызматташтыгын өнүктүрүүнү карайт.
Документ кызматташуунун негизги үч багытын камтыйт: маалыматтык-коммуникациялык технологияларды (МКТ) жана телемедицинаны өнүктүрүү, жогорку технологиялуу медициналык жардам көрсөтүү, ошондой эле медициналык технологияларды стандартташтыруу чөйрөсүндө өз ара аракеттенүү. Мындай кызматташтык мүчө мамлекеттердин өз ара кызыкчылыгы болгондо ишке ашырылат.
"Сунушталган демилгелерди ишке ашыруу Бирлик мамлекеттеринин жарандары үчүн заманбап медициналык технологиялардын жана жогорку технологиялык медициналык жардамдын жеткиликтүүлүгүн камсыздоого жардам берет", – деп белгиледи ЕЭКтин экономика жана каржы саясаты боюнча министри Бахыт Султанов.
Бекитилген документ телемедициналык кызмат көрсөтүүлөрдү пайдалануунун алдыңкы тажрыйбасын жана мыкты тажрыйбаларын изилдөөнү, жарандарга МКТны пайдаланууну кошкондо, чек ара аралык медициналык жардам көрсөтүүдө аралыктан өз ара аракеттенүүнү уюштурууга карата мамилелерди иштеп чыгууну, бул багыт боюнча сунуштарды иштеп чыгууну жана башкаларды сунуштайт.
