Жаңылыктар

20.12.2023 (Обновлено: 25.12.2023 10:05)

2023-жылдын 10 айы үчүн ЕАЭБдин статистикасы жарыяланды

Евразия экономикалык комиссиясынын Статистика департаменти Евразия экономикалык бирлигинин 2023-жылдын январь – октябрь айларындагы негизги социалдык-экономикалык көрсөткүчтөрү боюнча ар айлык аналитикалык серепти жарыялады.

2023-жылдын январь – октябрында ЕАЭБдин өнөр жай өндүрүшүнүн 3,7%га, аткарылган курулуш иштеринин көлөмүнүн – 8,7%га, чекене соода жүгүртүүнүн - 5,7%га өсүшү белгиленген.

Бул мезгилде жүк жүгүртүү Кыргызстанда (8,0%га) жана Казакстанда (3,1%га), жүргүнчүлөрдүн жүгүртүлүшү Арменияда (77,2%га), Россияда (12,9%га), Казакстанда (11,5%га), Беларуста (9,1%га) жана Кыргызстанда (7,7%га) өскөн.

2023-жылдын тогуз айында ички дүң өнүм, алдын ала баалоо боюнча, 1 701,3 миллиард АКШ долларын түзгөн (2022-жылдын январь-сентябрына карата 103,1%). 2023-жылдын январь-сентябрында ЕАЭБ мүчө мамлекеттеринде негизги капиталга инвестициялар 2022-жылдын январь-сентябрындагы деңгээлге салыштырмалуу 10,3%га көп өздөштүрүлгөн.

2023-жылдын январь-октябрындагы негизги социалдык-экономикалык көрсөткүчтөр АКШ долларынан тышкары ЕАЭБге мүчө мамлекеттердин валюталарында эсептелген.

Кененирээк статистикалык маалымат ЕЭКтин Статистика департаментинин баракчасында "Аналитикалык серептер" бөлүмүндө берилген.