Жаңылыктар
ЕЭК Кеңеши ЕАЭБ өлкөлөрүнүн өндүрүүчүлөрүнүн мүчө мамлекеттердин мамлекеттик сатып алууларында катышуу мүмкүнчүлүктөрүн кеңейтти
Евразия экономикалык комиссиясынын Кеңеши 10-июнда Мамлекеттик сатып алуулар максатында товарлардын айрым түрлөрүнүн чыгарылган өлкөсүн аныктоо эрежелерине өзгөртүүлөрдү киргизди жана эрежелердин № 1 тиркемесиндеги жаңы товардык позициялар үчүн шарттарды аныктады.
Буга чейин Комиссия ЕАЭБ мамлекеттеринин ыйгарым укуктуу органдары жана бизнестин өкүлдөрү менен биргеликте 56 товардык позиция үчүн шарттарды жана өндүрүштүк операцияларды макулдашкан – муздаткыч жабдуулар, электрокардиографтар, радиаторлор, музыкалык аспаптар, кысылган жана суюлтулган газ үчүн идиштер, мунай тазалоо үчүн сепараторлор ж.б.
ЕЭКтин атаандаштык жана монополияга каршы жөнгө салуу боюнча министри Арман Шаккалиевдин айтуусу боюнча, жаңы товардык позициялар үчүн макулдашылган шарттар ЕАЭБдин алкагында Бирликтин мамлекеттеринин өндүрүүчүлөрүнүн ортосунда кооперациялык чынжырларды түзүүгө түрткү берет.
"ТЧӨ эрежелерине карата № 1 тиркемеге 319 товардык позиция боюнча өндүрүш шарттары киргизилген жана бул иш улантылууда. Бүгүн кабыл алынган толуктоолор Бирликтин өлкөлөрүнүн өндүрүүчүлөрүнүн мүчө мамлекеттердин мамлекеттик сатып алууларында катышуу мүмкүнчүлүгүн олуттуу түрдө кеңейтет", – деп белгиледи Арман Шаккалиев.
Ошондой эле, аталган эрежелерге реестрден өндүрүш шарттарын аткаргандык үчүн баллдар жөнүндө маалыматтарды жана товардын келип чыгышы жөнүндө документтин аракеттенүү мөөнөтү аяктаган күн жөнүндө маалыматты алууга мүмкүндүк берген өзгөртүүлөр киргизилүүдө. Тактоолор Евразиялык реестрдин колдонуучуларына берилүүчү маалыматты деталдаштырууга жиберилди.
