Жаңылыктар

Бизнестин жогорку кызыкчылыгына жана документтерди даярдоого кошумча убакыт берүүгө кайрылууларга байланыштуу, Евразия экономикалык комиссиясы жана Стратегиялык демилгелер агенттиги "Жашыл Евразия" экинчи эл аралык климаттык конкурсуна билдирмелерди берүү мөөнөтүн 2024-жылдын 30-апрелине чейин (кошо алганда) узартуу жөнүндө жарыялашат.

Эске салсак, конкурска катышуу акысыз, билдирмелерди кабыл алуу 12-февралда башталган. Ар бир уюм ар кандай номинацияларда эң көп дегенде үч долбоорду сунуштай алат, алардын арасында:

- Климат чөйрөсүндөгү мамлекеттик стратегиялар жана практикалар;

- Климаттык каржылар;

- Төмөн көмүртектүү энергетика;

- Жашыл транспорт;

- Туруктуу жер пайдалануу, токой жана суу чарбачылыгы;

- Төмөн көмүртектүү өнөр жай;

- Жашыл курулуш,

- Климаттык жигердүү заттарды башкаруу;

- Туюк циклдеги төмөн көүртектүү экономика;

- Климаттык өзгөрүүлөргө мониторинг жана божомолдоо жүргүзүү;

- Климаттык туруктуу инфраструктура;

- Климаттык туруктуу шаарлар;

- Жаңы климаттык шарттарда айыл чарба жана токой чарбасы;

- Жаңы климаттык шарттардагы суу ресурстары;

- Климаттык агартуу жана билим берүү.

Сынакка коммерциялык компаниялар, мамлекеттик мекемелер, бийлик органдары, коммерциялык эмес уюмдар жана бирикмелер, ошондой эле жеке жактар катыша алышат, алар өтүнмө толтурушу керек.