Жаңылыктар

19.10.2023 (Обновлено: 23.10.2023 09:59)

Вадим Закревский: "Энергия жаңыланма булактары чөйрөсүндө кыйла жигердүү кызматташуу керек"

Евразия экономикалык бирлигинин алкагында энергиянын жаңыланма булактары (ЭЖБ), энергетикалык коопсуздукту камсыздоо жана энергетикалык ресурстардын жалпы рынокторун түзүү боюнча интеграциялык кызматташтыктын перспективаларын Евразия экономикалык комиссиясынын Энергетика департаментинин директору Вадим Закревский Минскте өткөн XXVII Беларус энергетикалык жана экологиялык форумунда белгиледи.

"ЭЖБ тармагында кызматташтыкты өнүктүрүү үчүн чоң мүмкүнчүлүктөр бар. ЕЭКтин потенциалын ишке киргизүү, бүтүндөй Евразия экономикалык бирлигинин экономикалык өнүгүүсүнүн жыргалчылыгы үчүн ЕАЭБ өлкөлөрүнүн бул чөйрөдөгү тажрыйбаларын жана иштеп чыгууларын колдонуу менен аны ишке жигердүү кошуу зарыл", – деп белгиледи Вадим Закревский. 

Ошондой эле Вадим Закревский Беларусь Республикасынын энергетика министринин орун басары Денис Мороз менен жумушчу жолугушуу өткөрдү, анда Евразия экономикалык бирлигинин энергетикалык рынокторун түзүү боюнча пикир келишпестиктер каралды.

Мындан тышкары, КМШнын Электр энергетикалык Кеңешинин Аткаруу комитетинин төрагасы Тарас Купчиков менен жумушчу жолугушуу болуп өттү, анда регионалдык энергетикалык форумдардын алкагында ЕАЭБ мүчө мамлекеттеринин жана КМШнын катышуучу мамлекеттеринин энергетика чөйрөсүндө кызматташуусу боюнча биргелешкен панелдик сессияны же тегерек столду өткөрүү мүмкүнчүлүгү талкууланды.