Жаңылыктар
ЕЭКтин Бажы мыйзамдары жана укук колдонуу тажрыйбасы департаментинин директорунун орун басары болуп Валентина Наговицына дайындалды
Валентина Чеславовна Наговицына Витебск облусунун (Беларусь Республикасы) Постовы шаарында туулган. 1990-жылы С.М. Киров атындагы Витебск мамлекеттик педагогикалык институтун "математика, информатика жана эсептөө техникасы мугалими" адистиги боюнча, ал эми 2004-жылы — Беларусь Республикасынын Улуттук коопсуздук институтун бүтүрүп, "бажы ишинин адиси" квалификациясын алган.
Эмгек жолун 1990-жылы С.М. Киров атындагы Витебск мамлекеттик педагогикалык институтунун информатика жана эсептөө техникасы кафедрасынын инженер-программисти болуп баштаган.
1999-жылдан 2016-жылга чейин Витебск бажысында ар кандай кызматтарды ээлеген: бажы статистикасы бөлүмүнүн инспекторунан тартып бажы төлөмдөрү бөлүмүнүн башчысына чейин.
2016-2025-жылдары Минскте Беларусь Республикасынын Мамлекеттик бажы комитетинин тарифтик жөнгө салуу жана бажы төлөмдөрү башкармалыгынын башчысынын орун басары, Тарифтик жана тарифтик эмес жөнгө салуу башкы башкармалыгынын башчысынын орун басары болуп иштеген.
2025-жылдын 24-январынан тарта Евразия экономикалык комиссиясынын Бажы мыйзамдары жана укук колдонуу тажрыйбасы департаментинин директорунун орун басары болуп дайындалды.
