Նորություններ

Նոյեմբերի 23-24-ը Մոսկվայում Եվրասիական տնտեսական հանձնաժողովի խորհրդի նիստում Եվրասիական տնտեսական միության երկրների փոխվարչապետերը քննարկել են 49 հարց։

ԵՏՀ խորհուրդը սահմանել է սակագնային արտոնություն՝ արդյունաբերական վերամշակման համար նախատեսված խոշոր եղջերավոր անասունների մսի առանձին տեսակների համար ներմուծման մաքսատուրքից ազատելու տեսքով։

ՄԻնչև 2025 թվականը երկարաձգվել է ԵԱՏՄ էլեկտրամոբիլների ներմուծման սակագնային արտոնությունը:

Փոխվարչապետերը հաստատել են Միությունից ապրանքների արտահանման և ներմուծման լիցենզիաների և թույլտվությունների տրամադրման կանոնների նոր խմբագրությունը։ Այսուհետ այդ փաստաթղթերը հնարավոր կլինի ստանալ էլեկտրոնային եղանակով։

ԵՏՀ Խորհուրդը մեկ տարով երկարաձգել է զարգացող և ամենաքիչ զարգացած երկրների ապրանքների ծագման հաստատման պարզեցված ընթացակարգը։

Փոփոխություններ են կատարվել ԵԱՏՄ-ում մակնշման մասին որոշումներում, որոնք թույլ կտան ապահովել ներքին շուկայում ապրանքների ազատ տեղաշարժը:

ԵԱՏՄ շուկայում ծծմբի 1.5%-ից ոչ ավելի զանգվածային մասով ծովային վառելիքի արտադրության և շուկայահանման հնարավորությունը երկարաձգվել է երեք տարով

ԵՏՀ Խորհուրդը մի շարք որոշումներ է ընդունել Պետգնումների համար ապրանքների ծագման երկրի որոշման կանոնները փոփոխելու վերաբերյալ։

Միությունում տրակտորներ և ինքնագնաց մեքենաներ արտադրողների համար ընդլայնվել են դրանց գազով աշխատող շարժիչներով հանդերձման հնարավորությունները:

ԵՏՀ խորհուրդը հավանություն է տվել Եվրասիական տնտեսական միության և երրորդ կողմի (կողմերի) մաքսային տարանցման միասնական համակարգի մասին համաձայնագրին։ Ստեղծվում է ԵԱՏՄ և երրորդ երկրների մաքսային տարանցման միասնական համակարգ:

ԵՏՀ խորհուրդը հաստատել է բնական մենաշնորհների ոլորտում ԵԱՏՄ երկրների նորմատիվ իրավական ակտերի մասին որոշումը, որոնք ենթակա են մերձեցման: