арм

Նորություններ

ԵՏՀ ԶԼՄ-ներում Ֆոտոսրահ Տեսադարան
21 մարտի 2025 Բակիտժան Սագինտաևը շնորհավորել է Նաուրիզի տոնը Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը շնորհավորել է Նաուրիզի գարնանային տոնի առթիվ։ «Ընդունեք իմ անկեղծ շնորհավորանքները Նաուրիզի տոնի առթիվ։ Սա աշխարհի հնագույն տոներից է, որն ավանդաբար նշվում է նաև Եվրասիական տնտեսական միության պետություններում», — նշել է Բակիտժան Սագինտաևը։ Դարերից ի վեր Նաուրիզը խորհրդանշել է Նոր տարին, գարնան գալուստը և դրա հետ կապված բնության նորացումը։ Այն մարմնավորում է բարգավաճում և ստեղծագործություն, ներդաշնակություն և փոխըմբռնում, հոգատարություն և հյուրընկալություն: Բակիտժան Սագինտաևը շնորհավորանքներ է հղել Ղազախստանի Հանրապետության նախագահ Կասիմ-Ժոմարտ Տոկաևին, Ղրղզստանի Հանրապետության նախագահ Սադիր Ջապարովին, Իրանի Իսլամական Հանրապետության նախագահ Մասուդ Փեզեշքիանին, Ուզբեկստանի Հանրապետության նախագահ Շավքաթ Միրզիյոևին: Բակիտժան Սագինտաևը ԵՏՀ-ի և անձամբ իր անունից ԵԱՏՄ երկրների և դիտորդ պետությունների ժողովուրդներին մաղթել է բարգավաճում և բարօրություն։ 2010 թվականի փետրվարի 23-ին ՄԱԿ-ի Գլխավոր ասամբլեան մարտի 21-ը ճանաչել է Նաուրիզի միջազգային օր։ ՅՈՒՆԵՍԿՕ-ի 2009 թվականի սեպտեմբերի 30-ի որոշմամբ տոնն ընդգրկվել է Մարդկության ոչ նյութական մշակութային ժառանգության ներկայացուցչական ցանկում։ Տոնի անվանումները տարբեր երկրներում տարբեր են՝ Նաուրիզ, Նավրուզ, Նոուրուզ, Նոորուզ, Նաուրուզ։
21 մարտի 2025 ԵՏՀ-ն ԵԱՏՄ երկրների գործարար միավորումներին կոչ է արել ավելի ակտիվորեն օգտագործել արդյունաբերական կոոպերացիային աջակցելու մեխանիզմը Եվրասիական տնտեսական միության շրջանակներում արդյունաբերական կոոպերացիային աջակցության ցուցաբերման մեխանիզմը ներկայացվել է Ռուսաստանի Դաշնության առևտրաարդյունաբերական պալատում՝ եվրասիական «հնգյակի» երկրների գործարար միավորումների, ֆինանսական կազմակերպությունների և առևտրաարդյունաբերական պալատների համար: Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանն իր խոսքում նշել է, որ արդյունաբերական ոլորտների կոոպերացիոն նախագծերին ֆինանսական աջակցության տրամադրման մեխանիզմի գործարկումը դարձել է ինտեգրման ներկա փուլի կարևոր ձեռքբերումներից մեկը։ Նա շնորհակալություն է հայտնել ՌԴ ԱԱՊ նախագահ Սերգեյ Կատիրինին և Եվրասիական տնտեսական միության պետությունների առևտրաարդյունաբերական պալատների և գործարար միավորումների ներկայացուցիչներին այս նախաձեռնության մշակմանն ու առաջմղմանը կառուցողական մասնակցության համար։ «Ձեզ կոչ եմ անում էլ ավելի ակտիվորեն մասնակցել նոր վերազգային մեխանիզմի գործնական իրագործմանը, որը բացառիկ հնարավորություններ է ընձեռում տնտեսության իրական հատվածի ձեռնարկություններին և ուղղված է մեր պետությունների արդյունաբերական ներուժի կայուն զարգացմանը», — միջոցառման մասնակիցներին դիմել է Գոհար Բարսեղյանը։ ԵՏՀ արդյունաբերական քաղաքականության վարչության փոխտնօրեն Գեորգի Արզումանյանը խոսել է արդյունաբերական կոոպերացիայի նախագծերին ֆինանսական աջակցության տրամադրման մեխանիզմի կիրառման տարբեր ասպեկտների մասին։ Նա ներկայացրել է Միության երկրների ձեռնարկությունների մասնակցությամբ առաջին նախագծերը, որոնք ստացել են Հանձնաժողովի աջակցությունը, անդրադառնալով սուբսիդիաների հայտերի նախապատրաստման գործնական հարցերին։
21 մարտի 2025 Մաքսիմ Երմոլովիչ. «Դեղագործական հատվածի ուսումնասիրությունն ուղղված է ԵԱՏՄ երկրների քաղաքացիների համար դեղերի հասանելիության ապահովմանը» Մարտի 21-ին Եվրասիական տնտեսական հանձնաժողովի կենտրոնակայանում ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչը աշխատանքային հանդիպում է ունեցել Եվրասիական տնտեսական միության Դեղագործական արտադրողների ընկերակցության վարչության նախագահ Ալեքսեյ Կեդրինի հետ։ ԵՏՀ նախարարը նշել է, որ այս տարի Հանձնաժողովի մրցակցության և հակամենաշնորհային կարգավորման բլոկը լայնածավալ ոլորտային հետազոտություն է իրականացնում, որն ուղղված է դեղագործության հատվածում մրցակցության զարգացմանը։ Ըստ Մաքսիմ Երմոլովիչի, «դեղագործական հատվածի ուսումնասիրության նպատակն է կրճատել խոչընդոտները, նվազեցնել գների մակարդակը և արդյունքում ապահովել դեղամիջոցների հասանելիությունը ԵԱՏՄ պետությունների քաղաքացիների համար»։ Կողմերը քննարկել են ընկերակցության մասնակցությունը իրականացվող հետազոտությանը։ Հանդիպման ավարտին Մաքսիմ Երմոլովիչը Ալեքսեյ Կեդրինին հրավիրել է մասնակցելու 2025 թվականի հունիսին Մինսկում կայանալիք Եվրասիական տնտեսական համաժողովի պրոֆիլային միջոցառումներին։
21 մարտի 2025 Մաքսիմ Երմոլովիչ. «ԵԱՏՄ շրջանակներում շարունակում է ձևավորվել արդար մրցակցային միջավայր» Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը Ռուսաստանում Ամերիկյան առևտրային պալատի 11-րդ խորհրդաժողովում նշել է, որ Եվրասիական տնտեսական միության շրջանակներում շարունակում է ձևավորվել արդար մրցակցային միջավայր։ Հանձնաժողովի պրոֆիլային բլոկը հատուկ ուշադրություն է դարձնում անդրսահմանային շուկաներում մրցակցության ընդհանուր կանոնների խախտումների բացահայտմանը և վերացմանը: Միաժամանակ ԵՏՀ նախարարն ընդգծել է, որ այսօր հակամենաշնորհային կարգավորման ոլորտում անհրաժեշտ է «գործող մեխանիզմների հմուտ կարգավորում»՝ հաշվի առնելով իրավակիրառ պրակտիկան, ԵԱՏՄ դատարանի որոշումները, բիզնեսի կողմից բարձրաձայնվող հարցերը և գլոբալ միտումները։ «Մեզ համար լուրջ մարտահրավեր են մարկետփլեյսերը, — ասել է Մաքսիմ Երմոլովիչը: — Մենք աշխատում ենք այս ոլորտի կարգավորումը ներդաշնակեցնելու ուղղությամբ, որպեսզի բացառվեն Միության ներսում օրենսդրության և իրավակիրառության տարբեր մոտեցումները»: 2020 թվականից ի վեր Հանձնաժողովը մի շարք հետազոտություններ է իրականացրել թվային շուկաներում մրցակցության վիճակի վերաբերյալ, վերլուծել բջջային սարքերի օպերացիոն համակարգերի վրա հիմնված հավելվածների խանութների, այնպիսի խոշոր խաղացողների գործունեությունը, ինչպիսիք են «Յանդեքսը», «Մեյլ.ռու»-ն և այլն: Նախարարի խոսքով՝ «Հանձնաժողովն այս աշխատանքներում մշտապես կարևորում է մրցակցային նորմերի պահպանման անհրաժեշտությունը»։ Հանձնաժողովի գործունեության կարևոր մաս է փորձագիտական և գործարար համայնքի հետ վստահության վրա հիմնված փոխգործակցությունը: Խորհրդաժողովում ներկայացվել է նաև պետական գնումների ոլորտում Հանձնաժողովի աշխատանքը։ Խոսքը, մասնավորապես, ԵԱՏՄ երկրներում պետական գնումների հավասար հասանելիության ապահովումն էր և փոխադարձ մատակարարումների ամենամյա աճը։ ԵՏՀ մրցակցային քաղաքականության և պետական գնումների ոլորտի քաղաքականության վարչության տնօրեն Ժանար Ադիկովան պատասխանել է ձեռնարկատերերի հարցերին։ Եզրափակելով՝ Մաքսիմ Երմոլովիչը խորհրդաժողովի մասնակիցներին հրավիրել է ԵԱՏՄ գլխավոր գործարար միջոցառմանը՝ Եվրասիական տնտեսական համաժողովին, որը կանցկացվի այս տարվա հունիսին Մինսկում։
21 մարտի 2025 Թալգաթ Մոմիշև. «Հանձնաժողովը շարունակում է կատարելագործել ԵԱՏՄ շրջանակներում տեխնիկական կարգավորման միասնական համակարգը» Եվրասիական տնտեսական հանձնաժողովի տեխնիկական կարգավորման և հավատարմագրման վարչության տնօրեն Թալգատ Մոմիշևը Ռուսաստանում Ամերիկյան առևտրի պալատի 11-րդ խորհրդաժողովում խոսել է Եվրասիական տնտեսական միությունում տեխկարգավորման համակարգի զարգացման առանցքային տարրերի և այս ոլորտում Եվրասիական տնտեսական հանձնաժողովի աշխատանքի հիմնական արդյունքների մասին։ Վարչության ղեկավարը նշել է ԵԱՏՄ շրջանակներում տեխնիկական կարգավորման միասնական համակարգի հետագա կատարելագործումը։ «Այսօր ԵԱՏՄ-ի շրջանակներում մեխանիզմներ են ստեղծվել ինչպես տեխնիկական խոչընդոտները վերացնելու և ներքին շուկան ոչ անվտանգ արտադրանքից պաշտպանելու, այնպես էլ անդամ պետությունների ապրանքների մրցունակությունը ներքին և արտաքին շուկաներում բարձրացնելու համար, — ընդգծել է Թալգաթ Մոմիշևը։ — Հաստատվել է Միության 52 տեխկանոնակարգ, ևս ութը մշակման փուլում են։ Արդյունաբերության ոլորտում արդեն ակտիվորեն կիրառվում է Միության 47 տեխկանոնակարգը։ Այսպիսով, միասնական տեխնիկական պահանջներն ընդգրկում են ԵԱՏՄ շուկայում առկա արտադրանքի շուրջ 85%-ը»։ Թալգաթ Մոմիշևը միջոցառման մասնակիցների ուշադրությունը հրավիրել է տնտեսության այս ոլորտի զարգացման հեռանկարային ուղղություններին՝ առաջին հերթին, տեխնիկական կարգավորման թվայնացմանը, տեխկանոնակարգերի և ստանդարտների մշակման ամենաժամանակակից մակարդակի հասնելուն, արտադրանքի համապատասխանության գնահատման ընթացակարգերի արդիականացմանը: Վարչության ներկայացուցիչները նաև պարզաբանել են միութենական օրենսդրության մի շարք դրույթներ, հայտնել տեխկանոնակարգերի և դրանց ստանդարտների ցանկերի որոշ փոփոխությունների նախագծերի մշակման և ընդունման հիմնական փուլերի մասին: Խոսքը, մասնավորապես, մասնագիտացված սննդամթերքի և քիմիական արտադրանքի առանձին տեսակների անվտանգության հարցերի մասին էր։ Առանձին քննարկվել է Միության շուկայում դեղերի և բժշկական արտադրատեսակների շրջանառության թեման։
20 մարտի 2025 Անդրեյ Սլեպնև. «Վերջին երեք տարվա ընթացքում տեղի է ունեցել մեր առևտրային կապերի լուրջ վերակազմավորում» Եվրասիական տնտեսական հանձնաժողովի առևտրի նախարար Անդրեյ Սլեպնևը Ռուսաստանում ամերիկյան խոշորագույն կորպորացիաների, ինչպես նաև Եվրոպայի և Ասիայի երկրների ընկերությունների շահերը ներկայացնող Ամերիկյան առևտրային պալատի 11-րդ ամենամյա խորհրդաժողովի մասնակիցներին հայտնել է ԵՏՀ առևտրային օրակարգի արդիական հարցերի, մասնավորապես՝ ազատ առևտրի մասին համաձայնագրերի շուրջ բանակցությունների և արդեն գործող համաձայնագրերի կիրարկման մասին: «2024 թվականի արդյունքներով տեսանելի են որոշակի հետաքրքիր արդյունքներ. առևտուրը Եվրասիական տնտեսական միության ներսում աճել է 9%-ով։ Ընդ որում, սա տեղի է ունենում նախկին աճի ֆոնին։ Արտաքին երկրների հետ առևտուրը շատ ավելի քիչ է աճել՝ 1%-ի սահմաններում, այսինքն՝ փաստացի կայուն է մնում։ Սակայն, միևնույն ժամանակ, երեք տարվա ընթացքում տեղի է ունեցել մեր առևտրային կապերի վերակազմավորում», — նշել է նա։ Անդրեյ Սլեպնևի խոսքով՝ ներկա պահի դրությամբ արձանագրվել է Եվրամիության հետ առևտրի բաժնի լուրջ անկում, բայց մյուս կողմից՝ զգալի աճ է գրանցվել Գլոբալ հարավի երկրների, առաջին հերթին՝ Չինաստանի նկատմամբ։ Այսպիսով, իրավիճակը կայունացել է։ ԵԱՏՄ-ի բիզնեսը նոր շփումներ է կառուցել, որոնց աշխատանքն էլ ավելի դինամիկ է դառնում։ «Մեր միութենական օրակարգն ընդհանուր առմամբ պրոակտիվ բնույթ է կրում՝ ինչպես ներքին շուկայում աշխատանքում, ներառյալ կոոպերացիոն նախագծերի սուբսիդավորման և խոչընդոտների վերացման հարցերը, այնպես էլ երրորդ երկրներից գործընկերների հետ աշխատանքում», — ընդգծել է ԵՏՀ նախարարը։ Խոսելով այն հնարավորությունների մասին, որ բիզնեսները ստանում են արտաքին գործընկերների հետ բանակցային աշխատանքներից, Անդրեյ Սլեպնևը հիշեցրել է, որ ներկայումս ԵԱՏՄ-ում ազատ առևտրի մասին համաձայնագրեր են գործում Վիետնամի և Սերբիայի հետ, իսկ մայիսի 15-ից ուժի մեջ է մտնում Իրանի հետ ազատ առևտրի մասին լիաձևաչափ համաձայնագիրը։ Առևտրային համաձայնագրերի կնքման մասին բանակցություններ են վարվում Եգիպտոսի, Ինդոնեզիայի, Մոնղոլիայի և Արաբական Միացյալ Էմիրությունների հետ։ Չինաստանի Ժողովրդական Հանրապետության հետ փոխգործակցությունն իրականացվում է առևտրատնտեսական համագործակցության մասին ոչ առանձնաշնորհային համաձայնագրի շրջանակներում։ Նաև առևտրային գործընկերների հետ համագործակցության համատեքստում ԵՏՀ նախարարն անդրադարձել է բեռնափոխադրումների թվայնացման ոլորտում ակտիվ աշխատանքներին և փոխադարձ և արտաքին էլեկտրոնային առևտրի կարգավորման հարցերին։ «Հաշվի առնելով էլեկտրոնային առևտրի՝ որպես արտաքին շուկաներ մուտք գործելու միջոցի աճող կարևորությունը, հատկապես փոքր և միջին բիզնեսի համար, մեր առևտրային համաձայնագրերը ներառում են հատուկ կարգավորող ասպեկտներ և երկխոսության մեխանիզմներ: Դրանք ուղղված են դրա զարգացմանը՝ հաշվի առնելով ինչպես սպառողների, այնպես էլ բարեխիղճ վաճառողների, մատակարարների և մարկետփլեյսերի շահերի պաշտպանությունը», — ասել է Անդրեյ Սլեպնևը։ Առանձին անդրադարձել է կատարվել կլիմայական օրակարգի վերաբերյալ Միության երկրների դիրքորոշումների մերձեցմանը, որն իրենից ներկայացնում է ԵԱՏՄ միասնական շուկայի շրջանակներում և արտաքին շրջագծում՝ առանցքային առևտրային գործընկերների հետ, անխափան առևտրի ապահովում։
20 մարտի 2025 Մաքսիմ Երմոլովիչ. «Համաժողով-2025 ծրագրային կոմիտեն ավարտում է համաժողովի ճարտարապետության նախապատրաստումը» Եվրասիական տնտեսական համաժողով-2025-ի (Համաժողով) ծրագրային կոմիտեի նիստում ընդհանուր առմամբ համաձայնեցվել է համաժողովի ճարտարապետության հայեցակարգը և կառուցվածքը։ Խորհրդակցությունը ղեկավարել է կոմիտեի նախագախ, Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը։ Եվրասիական տնտեսական համաժողովը՝ Եվրասիական տնտեսական միության գլխավոր գործարար միջոցառումը, կանցկացվի այս տարվա հունիսին Մինսկում։ «Ծրագրային կոմիտեն հիմնականում կողմնորոշվել է համաժողովի ճարտարապետության վեց հիմնական բլոկերի պանելային նստաշրջանների, կլոր սեղանների բովանդակության հարցում: Առանձին միջոցառումների թեմաներն ու դրանց հայեցակարգային բովանդակությունը վերջնական տեսքի են բերվում, — նշել է Մաքսիմ Երմոոլովիչը։ – Ըստ էության, մենք այժմ ավարտի ենք հասցնում համաժողովի ճարտարապետությունը: Այս աշխատանքն անհրաժեշտ է ավարտել Հանձնաժողովի պրոֆիլային բլոկերի և Միության երկրների ներկայացուցիչների սերտ փոխգործակցությամբ»: Գործարար ծրագիրը կհաստատի Համաժողով-2025-ի կազմկոմիտեն՝ Բելառուսի Հանրապետության փոխվարչապետ, ԵՏՀ խորհրդի նախագահ Վլադիմիր Կարանիկի գլխավորությամբ։
20 մարտի 2025 ԵՏՀ-ում քննարկվել են ԵԱՏՄ շրջանակներում արդյունաբերական համագործակցության արդիական հարցեր Արդյունաբերության հարցերով խորհրդատվական կոմիտեի նիստում քննարկվել են արդյունաբերության ոլորտում կոոպերացիային ֆինանսական աջակցության տրամադրման մեխանիզմի իրականացման, եվրասիական տեխնոլոգիական հարթակների և միջպետական ծրագրերի աշխատանքի կատարելագործման, արդյունաբերական քաղաքականության միջոցներ իրականացնելիս զգայուն ապրանքների առնչությամբ պարտավորությունների մշտադիտարկման, ինչպես նաև ոչ հումքային, բարձր տեխնոլոգիական արտադրանքի համատեղ արտահանման հարցեր։ Խորհրդատվական կոմիտեի անդամները հավանություն են տվել նավթագազային սարքավորումների արտադրության ոլորտում կոոպերացիոն համագործակցության զարգացման մասին Եվրասիական տնտեսական հանձնաժողովի կոլեգիայի հանձնարարականի նախագծին, ոչ հումքային, բարձր տեխնոլոգիական արտադրանքի համատեղ արտահանման համար հեռանկարային շուկաների և արդյունաբերության ոլորտների վերլուծության արդյունքներին և «Ռոբոտոտեխնիկա» եվրասիական տեխնոլոգիական հարթակի պլատֆորմի ստեղծմանը: Նիստի մասնակիցները հավանություն են տվել Արդյունաբերական ոլորտներում կոոպերացիոն նախագծերի ընտրության մասին հիմնադրույթի գործող նորմերի հետագա կատարելագործման մոտեցումները: «Անդամ պետությունների գործարար շրջանակների ակտիվ մասնակցությունը կապահովի եվրասիական տեխնոլոգիական հարթակների և միջպետական ծրագրերի ներուժի զարգացումը», — ընդգծել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը։ 
Ցուցադրել ավելին

Պաշարներ ԵՏՄ