арм

Նորություններ

ԵՏՀ ԶԼՄ-ներում Ֆոտոսրահ Տեսադարան
20 մարտի 2025 Անդրեյ Սլեպնև. «Վերջին երեք տարվա ընթացքում տեղի է ունեցել մեր առևտրային կապերի լուրջ վերակազմավորում» Եվրասիական տնտեսական հանձնաժողովի առևտրի նախարար Անդրեյ Սլեպնևը Ռուսաստանում ամերիկյան խոշորագույն կորպորացիաների, ինչպես նաև Եվրոպայի և Ասիայի երկրների ընկերությունների շահերը ներկայացնող Ամերիկյան առևտրային պալատի 11-րդ ամենամյա խորհրդաժողովի մասնակիցներին հայտնել է ԵՏՀ առևտրային օրակարգի արդիական հարցերի, մասնավորապես՝ ազատ առևտրի մասին համաձայնագրերի շուրջ բանակցությունների և արդեն գործող համաձայնագրերի կիրարկման մասին: «2024 թվականի արդյունքներով տեսանելի են որոշակի հետաքրքիր արդյունքներ. առևտուրը Եվրասիական տնտեսական միության ներսում աճել է 9%-ով։ Ընդ որում, սա տեղի է ունենում նախկին աճի ֆոնին։ Արտաքին երկրների հետ առևտուրը շատ ավելի քիչ է աճել՝ 1%-ի սահմաններում, այսինքն՝ փաստացի կայուն է մնում։ Սակայն, միևնույն ժամանակ, երեք տարվա ընթացքում տեղի է ունեցել մեր առևտրային կապերի վերակազմավորում», — նշել է նա։ Անդրեյ Սլեպնևի խոսքով՝ ներկա պահի դրությամբ արձանագրվել է Եվրամիության հետ առևտրի բաժնի լուրջ անկում, բայց մյուս կողմից՝ զգալի աճ է գրանցվել Գլոբալ հարավի երկրների, առաջին հերթին՝ Չինաստանի նկատմամբ։ Այսպիսով, իրավիճակը կայունացել է։ ԵԱՏՄ-ի բիզնեսը նոր շփումներ է կառուցել, որոնց աշխատանքն էլ ավելի դինամիկ է դառնում։ «Մեր միութենական օրակարգն ընդհանուր առմամբ պրոակտիվ բնույթ է կրում՝ ինչպես ներքին շուկայում աշխատանքում, ներառյալ կոոպերացիոն նախագծերի սուբսիդավորման և խոչընդոտների վերացման հարցերը, այնպես էլ երրորդ երկրներից գործընկերների հետ աշխատանքում», — ընդգծել է ԵՏՀ նախարարը։ Խոսելով այն հնարավորությունների մասին, որ բիզնեսները ստանում են արտաքին գործընկերների հետ բանակցային աշխատանքներից, Անդրեյ Սլեպնևը հիշեցրել է, որ ներկայումս ԵԱՏՄ-ում ազատ առևտրի մասին համաձայնագրեր են գործում Վիետնամի և Սերբիայի հետ, իսկ մայիսի 15-ից ուժի մեջ է մտնում Իրանի հետ ազատ առևտրի մասին լիաձևաչափ համաձայնագիրը։ Առևտրային համաձայնագրերի կնքման մասին բանակցություններ են վարվում Եգիպտոսի, Ինդոնեզիայի, Մոնղոլիայի և Արաբական Միացյալ Էմիրությունների հետ։ Չինաստանի Ժողովրդական Հանրապետության հետ փոխգործակցությունն իրականացվում է առևտրատնտեսական համագործակցության մասին ոչ առանձնաշնորհային համաձայնագրի շրջանակներում։ Նաև առևտրային գործընկերների հետ համագործակցության համատեքստում ԵՏՀ նախարարն անդրադարձել է բեռնափոխադրումների թվայնացման ոլորտում ակտիվ աշխատանքներին և փոխադարձ և արտաքին էլեկտրոնային առևտրի կարգավորման հարցերին։ «Հաշվի առնելով էլեկտրոնային առևտրի՝ որպես արտաքին շուկաներ մուտք գործելու միջոցի աճող կարևորությունը, հատկապես փոքր և միջին բիզնեսի համար, մեր առևտրային համաձայնագրերը ներառում են հատուկ կարգավորող ասպեկտներ և երկխոսության մեխանիզմներ: Դրանք ուղղված են դրա զարգացմանը՝ հաշվի առնելով ինչպես սպառողների, այնպես էլ բարեխիղճ վաճառողների, մատակարարների և մարկետփլեյսերի շահերի պաշտպանությունը», — ասել է Անդրեյ Սլեպնևը։ Առանձին անդրադարձել է կատարվել կլիմայական օրակարգի վերաբերյալ Միության երկրների դիրքորոշումների մերձեցմանը, որն իրենից ներկայացնում է ԵԱՏՄ միասնական շուկայի շրջանակներում և արտաքին շրջագծում՝ առանցքային առևտրային գործընկերների հետ, անխափան առևտրի ապահովում։
20 մարտի 2025 Մաքսիմ Երմոլովիչ. «Համաժողով-2025 ծրագրային կոմիտեն ավարտում է համաժողովի ճարտարապետության նախապատրաստումը» Եվրասիական տնտեսական համաժողով-2025-ի (Համաժողով) ծրագրային կոմիտեի նիստում ընդհանուր առմամբ համաձայնեցվել է համաժողովի ճարտարապետության հայեցակարգը և կառուցվածքը։ Խորհրդակցությունը ղեկավարել է կոմիտեի նախագախ, Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը։ Եվրասիական տնտեսական համաժողովը՝ Եվրասիական տնտեսական միության գլխավոր գործարար միջոցառումը, կանցկացվի այս տարվա հունիսին Մինսկում։ «Ծրագրային կոմիտեն հիմնականում կողմնորոշվել է համաժողովի ճարտարապետության վեց հիմնական բլոկերի պանելային նստաշրջանների, կլոր սեղանների բովանդակության հարցում: Առանձին միջոցառումների թեմաներն ու դրանց հայեցակարգային բովանդակությունը վերջնական տեսքի են բերվում, — նշել է Մաքսիմ Երմոոլովիչը։ – Ըստ էության, մենք այժմ ավարտի ենք հասցնում համաժողովի ճարտարապետությունը: Այս աշխատանքն անհրաժեշտ է ավարտել Հանձնաժողովի պրոֆիլային բլոկերի և Միության երկրների ներկայացուցիչների սերտ փոխգործակցությամբ»: Գործարար ծրագիրը կհաստատի Համաժողով-2025-ի կազմկոմիտեն՝ Բելառուսի Հանրապետության փոխվարչապետ, ԵՏՀ խորհրդի նախագահ Վլադիմիր Կարանիկի գլխավորությամբ։
20 մարտի 2025 ԵՏՀ-ում քննարկվել են ԵԱՏՄ շրջանակներում արդյունաբերական համագործակցության արդիական հարցեր Արդյունաբերության հարցերով խորհրդատվական կոմիտեի նիստում քննարկվել են արդյունաբերության ոլորտում կոոպերացիային ֆինանսական աջակցության տրամադրման մեխանիզմի իրականացման, եվրասիական տեխնոլոգիական հարթակների և միջպետական ծրագրերի աշխատանքի կատարելագործման, արդյունաբերական քաղաքականության միջոցներ իրականացնելիս զգայուն ապրանքների առնչությամբ պարտավորությունների մշտադիտարկման, ինչպես նաև ոչ հումքային, բարձր տեխնոլոգիական արտադրանքի համատեղ արտահանման հարցեր։ Խորհրդատվական կոմիտեի անդամները հավանություն են տվել նավթագազային սարքավորումների արտադրության ոլորտում կոոպերացիոն համագործակցության զարգացման մասին Եվրասիական տնտեսական հանձնաժողովի կոլեգիայի հանձնարարականի նախագծին, ոչ հումքային, բարձր տեխնոլոգիական արտադրանքի համատեղ արտահանման համար հեռանկարային շուկաների և արդյունաբերության ոլորտների վերլուծության արդյունքներին և «Ռոբոտոտեխնիկա» եվրասիական տեխնոլոգիական հարթակի պլատֆորմի ստեղծմանը: Նիստի մասնակիցները հավանություն են տվել Արդյունաբերական ոլորտներում կոոպերացիոն նախագծերի ընտրության մասին հիմնադրույթի գործող նորմերի հետագա կատարելագործման մոտեցումները: «Անդամ պետությունների գործարար շրջանակների ակտիվ մասնակցությունը կապահովի եվրասիական տեխնոլոգիական հարթակների և միջպետական ծրագրերի ներուժի զարգացումը», — ընդգծել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը։ 
20 մարտի 2025 ԵՏՀ-ի տեխնիկական կարգավորման և հավատարմագրման վարչության փոխտնօրեն է նշանակվել Անի Օբոսյանը Անի Սուրենի Օբոսյանը ծնվել է 1978 թվականին Երևանում։ 1999 թվականին ավարտել է Երևանի պետական համալսարանի բանասիրական ֆակուլտետը, այնուհետև՝ Գիտությունների ազգային ակադեմիայի մագիստրատուրան՝ «կառավարում» մասնագիտությամբ։ 2001 թվականի ապրիլից աշխատել է Հայաստանի Հանրապետության արդյունաբերության և առևտրի նախարարության ներդրումային քաղաքականության վարչությունում, 2011 թվականի հոկտեմբերից՝ Նորարարության և ձեռնարկատիրության վարչության (հետագայում՝ Որակի ենթակառուցվածքի վարչություն) ստանդարտացման և չափագիտության բաժնում: 2014 թվականի մայիսին նշանակվել է Որակի ենթակառուցվածքի և տեխնիկական կարգավորման վարչության որակի ենթակառուցվածքի բաժնի պետ։ 2016 թվականից եղել է Վարչության պետի պաշտոնակատարը։ 2018 թվականի օգոստոսից մինչև 2019 թվականի հուլիսը՝ Հայաստանի Հանրապետության պետական գույքի կառավարման կոմիտեի աշխատակազմի ղեկավար։ 2019 թվականի հուլիսից մինչև 2025 թվականի մարտը՝ Հավատարմագրման ազգային մարմնի տնօրեն։ 2025 թվականի մարտի 17-ից նշանակվել է Եվրասիական տնտեսական հանձնաժողովի տեխնիկական կարգավորման և հավատարմագրման վարչության փոխտնօրեն։
20 մարտի 2025 ԵՏՀ-ն և ՌՆԳ-ն զարգացնում են համագործակցությունը Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը հանդիպել է Ռազմավարական նախաձեռնությունների գործակալության գլխավոր տնօրեն Սվետլանա Չուպշևայի հետ։ Կողմերը քննարկել են համագործակցության մի շարք հեռանկարային ուղղություններ։ Առանձնահատուկ ուշադրություն է դարձվել լավագույն փորձի փոխանակման հարցին: Ինչպես նշել է ԵՏՀ նախարարը, նման փոխգործակցության զարգացումը թույլ կտա գործարկել առավել արդյունավետ գործիքները Եվրասիական տնտեսական միության շրջանակներում չորս ազատությունների ապահովման համար։ Հանդիպման արդյունքում պայմանավորվածություն է ձեռք բերվել փոխադարձ հետաքրքրություն ներկայացնող հարցերի շուրջ համագործակցությունը շարունակելու մասին։ Ռազմավարական նախաձեռնությունների գործակալությունը (ՌՆԳ) ռուսական ոչ առևտրային կազմակերպություն է, որը ստեղծվել է 2011 թվականին ՌԴ կառավարության կարգադրությամբ: ՌՆԳ-ի հիմնական նպատակն է մշակել և իրականացնել տնտեսական զարգացմանը, բիզնես կլիմայի բարելավմանը, քաղաքացիների կյանքի որակի բարձրացմանը, ինչպես նաև կառավարման ժամանակակից պրակտիկաների ներդրմանը նպաստող ռազմավարություններ և նախաձեռնություններ:  
20 մարտի 2025 ԵԱՏՄ-ի դրական միտումներն ու ռազմավարական հնարավորությունները Ամերիկյան պալատում կայացած խորհրդաժողովում ներկայացրել է Էլդար Ալիշերովը Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը մասնակցել է Ռուսաստանում Ամերիկյան առևտրային պալատի տարեկան խորհրդաժողովին՝ Եվրասիական տնտեսական հանձնաժողովի մասնակցությամբ։ ԵՏՀ նախարարը նշել է ԵԱՏՄ երկրների տնտեսություններում արձանագրված դրական փոփոխությունները։ Նրա խոսքով, եվրասիական «հնգյակի» ՀՆԱ-ի ընդհանուր աճը նախորդ տարի կազմել է 4.2%։ Նշել է, որ կայուն աճում է Միության երկրների միջև փոխադարձ առևտրի բաժինը, որը նախորդ տարի կազմել է ԵԱՏՄ ամբողջ արտաքին առևտրաշրջանառության գրեթե մեկ հինգերորդը (19.8%)։ Միությունում ապրանքների փոխադարձ առևտրի ծավալը տասնամյակի ընթացքում կրկնապատկվել է և 2024 թվականին հասել է գրեթե 100 մլրդ ԱՄՆ դոլարի: «Մեր դինամիկան զգալիորեն բարձր է աճի միջին համաշխարհային տեմպերից, որն անցյալ տարի կազմել է 3.2%։ ԵԱՏՄ երկրների տնտեսության ճկունության և բարձր հարմարվողականության շնորհիվ հնարավոր է դարձել ակտիվորեն լուծել Միությունը համաշխարհային տնտեսական ճարտարապետության մեջ ինտեգրելու խնդիրները՝ ընդլայնելով արտահանման աշխարհագրությունը և ծավալները, ինչպես նաև ներգրավելով ներդրումներ և ժամանակակից տեխնոլոգիաներ», — նշել է Էլդար Ալիշերովը։ ԵՏՀ նախարարն իր ելույթում առանձին անդրադարձել է եվրասիական «հնգյակի» զարգացման ռազմավարական փաստաթղթերի իրականացման աշխատանքներին։ Էլդար Ալիշերովն ընդգծել է, որ ԵԱՏՄ երկրներում ստեղծվում են բոլոր պայմանները բիզնեսի կայուն և շահավետ գործունեության համար։ Մինչև 2030 թվականը և մինչև 2045 թվականը Միության զարգացման վեկտորները սահմանող «Եվրասիական տնտեսական ուղի» հռչակագրի բոլոր առանցքային ասպեկտներն ուղղված են բիզնեսի շահերին և անդամ պետությունների տնտեսությունների կայուն և առաջանցիկ աճի ապահովմանը։ Խոսելով ԵԱՏՄ միջազգային գործունեության մասին՝ ԵՏՀ նախարարը հայտնել է, որ Հանձնաժողովի աշխատանքի ընթացքում ձևավորվել են առանցքային առևտրատնտեսական գործընկերների՝ երկրների, տարածաշրջանային միավորումների և միջազգային կազմակերպությունների հետ հարաբերությունները։ Այս համաձայնագրերը թույլ են տալիս համակարգային երկխոսություն վարել հարցերի լայն շրջանակի շուրջ։ «ԵՏՀ-ի հետ փոխգործակցող երրորդ երկրների և տարածաշրջանային ինտեգրացիոն միավորումների ՀՆԱ-ն կազմում է 71.9 տրլն ԱՄՆ դոլար, կամ համաշխարհային ՀՆԱ-ի 49.9%-ը», — նշել է Էլդար Ալիշերովը։ 
20 մարտի 2025 Մոսկվայում կայացած խորհրդաժողովում քննարկել են ԵԱՏՄ շրջանակներում մաքսային վարչարարության զարգացման միտումները Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը Ռուսաստանում Ամերիկայի առևտրային պալատի, Խաղաղօվկիանոսյան-Եվրասիական գործարար դաշինքի և ԵՏՀ-ի 11-րդ համատեղ խորհրդաժողովում ներկայացրել է Եվրասիական տնտեսական միությունում մաքսային համագործակցության հիմնական ուղղությունները։ Ռուսլան Դավիդովը, մասնավորապես, նշել է, որ այս տարի նախատեսվում է ընդունել Եվրասիական տնտեսական միության մաքսային օրենսգրքում կատարվող փոփոխությունները, որոնք ուղղված են մաքսային տարանցման, էլեկտրոնային փաստաթղթաշրջանառության, տեղեկատվական փոխգործակցության հարցերի կարգավորմանը։ Նրա խոսքով, տարանցիկ ներուժի զարգացմանը կնպաստի ԵԱՏՄ երկրների առաջնորդների կողմից 2024 թվականի դեկտեմբերին ընդունված ԵԱՏՄ-ում մաքսային տարանցման միասնական համակարգի մասին համաձայնագրի իրականացումը, որին կարող են միանալ երրորդ երկրներ միասնական տարանցիկ տարածքն ընդլայնելու համար։ «Տարանցիկ փոխադրումների անվտանգությունն ու թափանցիկությունը կբարձրացվի ԵԱՏՄ շրջանակներում էլեկտրոնային նավիգացիոն կապարակնիքների լիաձևաչափ ներդրման հաշվին, որի կիրառման մասին համաձայնագիրն ընդունվել է 2022 թվականին», — նշել է ԵՏՀ նախարարը։ Ռուսլան Դավիդովը խոսել է նաև ԵԱՏՄ երկրների մաքսային ծառայությունների՝ մաքսային գործընթացների թվայնացման հաջող փորձի մասին, որոնք թույլ են տալիս ոչ միայն օպտիմալացնել հսկողության ընթացակարգերը սահմանին և հայտարարագրման ժամանակ, այլև կրճատել մաքսային գործառնությունների կատարման ժամանակը։
19 մարտի 2025 Գոհար Բարսեղյան. «Արդյունաբերական կոոպերացիան ԵԱՏՄ տնտեսության իրական հատվածի աճի շարժիչ ուժն է» Արդյունաբերական հատվածը եվրասիական տնտեսական ինտեգրման նոր փուլի առանցքային առաջնահերթությունն է և ավանդաբար հանդես է գալիս որպես Եվրասիական տնտեսական միության տնտեսության իրական հատվածի աճի շարժիչ ուժը։ Այս մասին Ռուսաստանի արդյունաբերողների և ձեռնարկատերերի միության համագումարում հայտարարել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը։ «Ինտեգրման ընթացիկ փուլի կարևոր ձեռքբերումներից է կոոպերացիոն նախագծերի ֆինանսական աջակցության մեխանիզմի ներդրումը։ 2024 թվականի հունիսից ԵԱՏՄ-ում սկսել է գործել վարկերի և փոխառությունների տոկոսադրույքների սուբսիդավորման փորձնական մեխանիզմ, որն ուղղված է համատեղ կոոպերացիոն նախագծերի իրականացմանը», - նշել է ԵՏՀ նախարարը։ Գոհար Բարսեղյանը ներկայացրել է Հանձնաժողովի խորհրդի հավանությանը արժանացած առաջին երկու նախագիծը՝ Մուրոմի սլաքային գործարանը՝ որպես Մոսկվա-Սանկտ Պետերբուրգ արագընթաց երկաթային մայրուղու կառուցման համար նախատեսված արտադրանք արտադրող, և Ղազախստանի Հանրապետության տարածքում ԵԱՏՄ այլ երկրների ձեռնարկությունների մասնակցությամբ գյուղատնտեսական տեխնիկայի արտադրությունն ընդլայնող Kazrost Engineering Ltd. ընկերությունը: «Ներկայումս անդամ պետությունների կառավարությունների ղեկավարների հանձնարարությամբ Հանձնաժողովն աշխատում է ագրոարդյունաբերական համալիրի ոլորտում կոոպերացիային ֆինանսական աջակցության տրամադրման մեխանիզմի ընդլայնման ուղղությամբ։ «Բիզնեսի հետ համատեղ քննարկվում են նման աջակցության չափորոշիչները և աղբյուրները՝ հաշվի առնելով ԱԱՀ առանձնահատկությունները», - նշել է Գոհար Բարսեղյանը՝ հավելելով, որ ԵՏՀ-ն շարունակում է աշխատել կայուն աճի և ինտեգրման խորացման համար պայմանների ստեղծման ուղղությամբ՝ ի շահ բոլոր անդամ պետությունների։ ԵՏՀ նախարարը ԵԱՏՄ երկրների բիզնեսի և գործարար շրջանակների միավորումների ներկայացուցիչներին կոչ է արել ակտիվորեն մասնակցել վերազգային այս գործիքի գործնական իրականացմանը, որը լայն հնարավորություններ է բացում տնտեսական համագործակցության ամրապնդման և արդյունաբերական ներուժի զարգացման համար։
Ցուցադրել ավելին

Պաշարներ ԵՏՄ