Жаңалықтар

30 майдың 2025 ЕЭК-те ЕАЭО-дағы кедендік реттеуді жетілдіру мәселелері талқыланды 30 сәуірде Еуразиялық экономикалық комиссияда ЕЭК Кедендік ынтымақтастық жөніндегі министрі Руслан Давыдовтың төрағалық етуімен кедендік реттеуді жетілдіру жөніндегі жоғары деңгейдегі жұмыс тобының отырысы болып өтті. Еуразиялық экономикалық одақтың Кеден кодексіне ЕАЭО кедендік шекарасы арқылы контейнерлердің оңайлатылған өткізілуіне қатысты түзетулер талқыланды. Кедендік транзиттің кедендік рәсімін қолданудың тиімділігін арттыру, сондай-ақ балық аулау және балық өнімдері туралы мәліметтермен алмасу мәселелері қаралды. Жұмыс тобының қатысушылары неғұрлым тұйықты мәселелер бойынша талқылауды жалғастыра түсуге уағдаласты. Жұмыс тобының келесі отырысын осы жылғы мамыр айында көзбе-көз форматта өткізу жоспарланған.

30 майдың 2025 Максим Ермолович: "Бәсекелестік жөніндегі өңірлік ұйымдардың кездесулері әлемде неғұрлым тиімді бәсекелестік саясатты тұжырымдауға көмектеседі" Еуразиялық экономикалық комиссия Мысырдың бәсекелестік ведомствосының қолдауымен Каирде бәсекелестік жөніндегі өңірлік ұйымдар өкілдерінің жұмыс кездесуін өткізді. Оған ЕЭК Бәсекелестік және монополияға қарсы реттеу жөніндегі министрі Максим Ермолович қатысты. ЕЭК бейіндік блогының бастамасы бойынша дәстүрге айналған мұндай іс-шаралар халықаралық өңірлік ұйымдарға өзекті мәселелер бойынша сындарлы ынтымақтастық жасауға, жұмыс тәжірибесімен алмасуға көмектеседі. Бәсекелестікті тиімді реттеу практикасы осы бесінші кездесуге қатысушылардың басты назарында болды. "Біз өңірлік ынтымақтастықтың артықшылықтарын ілгерілетеміз, өңіраралық диалогты нығайтамыз және кеңейтеміз, озық бәсекелестік практиканы әр өңірдің қажеттіліктеріне бейімдейміз, жаңа идеялар қалыптастырамыз, бұл сайып келгенде әлемде неғұрлым тиімді бәсекелестік саясатқа алып келеді", – деп санайды Максим Ермолович.    ЕЭК бәсекелестік жөніндегі өңірлік ұйымдардың кездесулерін өткізуді жалғастыратын болады. Бесінші кездесуге Мысыр бәсекелестік ведомствосының төрағасы, ЮНКТАД, Шығыс және Оңтүстік Африканың Ортақ нарығы, Шығыс Африка қоғамдастығы, Батыс Африка экономикалық және валюта одағы, Батыс Африка мемлекеттерінің экономикалық қоғамдастығы, Араб бәсекелестік желісі, Оңтүстік Шығыс Азия мемлекеттері қауымдастығы, БРИКС және Кариб қоғамдастығы өкілдері қатысты.

26 майдың 2025 Георгий Арзуманян: «ЕЭК-ті қолдау құралдарын пайдалана отырып, өзара тиімді ынтымақтастық ЕАЭО-дағы өнеркәсіптік кешендердің тұрақтылығын нығайтуға көмектеседі» Өнеркәсіптік саясат департаменті директорының орынбасары Георгий Арзуманян бастаған Еуразиялық экономикалық комиссияның өнеркәсіптік блогының өкілдері жыл сайынғы «Азот Синтезгаз Ресей және ТМД» халықаралық конгресіне қатысты. Георгий Арзуманян қатысушыларға Еуразиялық экономикалық одақ елдерінің экономикасын дамыту драйверлерінің бірі ретінде өнеркәсіптік кооперацияны қолдаудың қаржылық және қаржылық емес құралдарын пайдаланудың мақсаттары мен мүмкіндіктері туралы айтып берді. Ол барлық мүше мемлекеттердің әлеуетін пайдалана отырып, қосылған құн тізбегін жасауға химиялық өнеркәсіп кәсіпорындарының белсенді қатысуының маңыздылығын атап өтіп, бизнесті бірлескен кооперациялық жобаларға қаржылай жәрдемдесудің ұлттықтан жоғары механизмі шеңберінде жобалық бастамаларды қалыптастыру және дамыту бйоынша жұмысқа белсенді қатысуға шақырды. «Нақты секторда қолдаудың жаңа құралын енгізу жекелеген өнеркәсіптік кәсіпорындардың қаржылық тұрақтылығына ғана емес, жалпы еуразиялық кеңістікте технологиялық даму жолында бизнес-процестерді ынталандыруға да ықпал ететін болады», – деп атап өтті Георгий Арзуманян. Конгреске қатысу бизнес-қоғамдастыққа Комиссияның ЕАЭО шеңберінде экономикалық қызметтің басым түрлері бойынша өнеркәсіптік ынтымақтастықты дамытуға мүмкіндік беретін өкілеттіктері мен құралдары туралы хабарлауға ықпал етті. «Өнеркәсіптік кооперациялық жобаларға жәрдемдесудің ұлттықтан жоғары тетігі аясында алғашқы жобаларды оң іске асыру Одақ мемлекеттерінің басқа да мүдделі кәсіпорындары үшін серпін беретініне сенімдімін. Кооперацияны қолдау жөніндегі жаңа шара кәсіпкерлердің мүдделерін бірлесіп ілгерілетуге, елдеріміздің инвестициялық тартымдылығын арттыруға және технологиялық даму қарқынын сапалы жаңа деңгейге шығуына көмектеседі деп сенгім келеді», – деп атап өтті Георгий Арзуманян. «Азот Синтезгаз Ресей және ТМД» конгресі синтез-газды қайта өңдеу саласындағы ірі кәсіпорындарды салу және жаңғырту, инвестициялық жобаларды іске асыру және оларға инвестициялар тарту, Ресей мен ТМД елдерінде азот, метанол, аммиак және минералды тыңайтқыштар өндіруші кәсіпорындарды техникалық және технологиялық жетілдіру мәселелері бойынша практикалық тәжірибе алмасуға арналған.

26 майдың 2025 ЕЭК энергетика департаменті директорының орынбасары болып Эльмира Арапова тағайындалды Эльмира Арапова Қарағанды қаласында (Қазақстан Республикасы) туған. Ол 1995 жылы Е.А. Букетов атындағы Қарағанды мемлекеттік университетін халықаралық құқық мамандығы бойынша, 2004 жылы Қарағанды қаржы институтын бухгалтерлік есеп және аудит мамандығы бойынша бітірген. Өзінің еңбек жолын 2000 жылы «КТЭК» ЖШС-да бастады. 2001 жылдан бастап 2008 жылға дейін «Қарағанды Жылу» ЖШС-да жұмыс істеді. 2008 жылдан бастап 2010 жылға дейін Қазақстан Республикасының Энергетика және минералдық ресурстар министрлігінің Мұнай өнеркәсібін дамыту департаментінде жұмыс істеді. 2010 жылдан 2024 жылға дейін Қазақстан Республикасы Энергетика министрлігінде басшылық лауазымдарда болды. 2024 жылғы қарашадан 2025 жылғы мамырға дейін Қазақстан Республикасы Энергетика министрлігінің Мұнайды тасымалдау және өңдеу департаменті директорының орынбасары болып қызмет атқарды.  2025 жылғы 20 мамырдан бастап Еуразиялық экономикалық комиссияның Энергетика департаменті директорының орынбасары болып тағайындалды.

Бақыт Сұлтанов: «Көші-қон ағындарын бақылау мен ЕАЭО-дағы еңбек мигранттарының құқықтарын қамтамасыз ету арасындағы тепе-теңдікті сақтау қажет»

23 майдың 2025 Бақыт Сұлтанов: «Көші-қон ағындарын бақылау мен ЕАЭО-дағы еңбек мигранттарының құқықтарын қамтамасыз ету арасындағы тепе-теңдікті сақтау қажет» 22 мамырда Бакуде Еуразиялық экономикалық комиссияның экономика және қаржы саясаты жөніндегі министрі Бақыт Сұлтанов Тәуелсіз Мемлекеттер Достастығына қатысушы мемлекеттердің Көші-қон органдары басшылары кеңесінің отырысы аясында Комиссияның көші-қон саласындағы жұмысы туралы айтып, Еуразиялық экономикалық одақтағы еңбек мигранттарының құқықтары мен әлеуметтік кепілдіктерін қамтамасыз ету үшін күш-жігерді үйлестірудің маңыздылығын атап өтті. Отырысқа қатысушылар ТМД мемлекеттеріндегі қалыптасқан көші-қон жағдайын, сондай-ақ Достастық елдерінің көші-қон саясатының негізгі бағыттарын іске асыру кезінде мемлекеттік органдардың өзара іс-қимылын үйлестіруді талқылады. ЕЭК Министрі ЕАЭО ішіндегі еңбек көші-қонының айтарлықтай өскенін атап өтті: «Одақ туралы шарт күшіне енген сәттен бастап еңбек көші-қонының жыл сайынғы ағындары үш есе артып, өткен жылы 1 млн адамнан асты». Бақыт Сұлтанов ЕАЭО елдерінің еңбек көші-қоны саласындағы заңнамасының Одақ құқығына сәйкестігі тұрғысынан жақында аяқталған мониторинг нәтижелерін ұсынды. Мониторинг көрсеткендей, мемлекеттер жоғары білікті мамандардың ағынын ынталандыру бойынша ұқсас шаралар қабылдауда, сондай-ақ еңбек көші-қоны саласындағы мемлекеттік қызметтерді цифрландыруды арттырып жатыр. ЕЭК министрі көші-қон ағындарын бақылау мен еңбек мигранттарының құқықтарын қамтамасыз ету арасындағы тепе-теңдікті сақтау қажеттігіне назар аударып, көші-қон саласын реттеуге бағытталған кез келген заңнамалық бастамалардың ЕАЭО туралы шарттың нормаларына қайшы келмеуге тиіс екенін атап өтті. Қорытындылай келе, Бақыт Сұлтанов Комиссияның Одақ мемлекеттерінің тілдеріне аударылған және ЕЭК сайтында жарияланған «Еңбек қызметі және Ресей Федерациясындағы ЕАЭО-ға мүше мемлекеттердің азаматтарын әлеуметтік қамтамасыз ету» кітапшасын дайындағаны туралы хабарлады. ЕАЭО-ның басқа елдерінің заңнамасы бойынша осындай кітапшалар жасау жоспарлануда. Іс-шара аясында Бақыт Сұлтанов ТМД елдерінің көші-қон ведомстволарының басшыларымен іскерлік кездесулер өткізді, онда ағымдағы көші-қон ахуалы, тәжірибе және ақпарат алмасу бойынша ынтымақтастық, сондай-ақ бейіндік іс-шараларды бірлесіп дайындау және ұйымдастыру талқыланды.

23 майдың 2025 Бақытжан Сағынтаев: "Комиссия мен ЕАЭО елдері ұлттықтан жоғары бірлестікті дамыту бойынша ауқымды жұмысты жалғастыруда" 23 мамырда Еуразиялық экономикалық комиссия Алқасының төрағасы Бақытжан Сағынтаев ЕЭК-тің штаб-пәтерінде Беларусь Республикасы Премьер-министрінің орынбасары, ЕЭК Кеңесінің Төрағасы Наталья Петкевичпен жұмыс кездесуін өткізді. ЕЭК Алқасының басшысы Наталья Петкевичті жақында жоғары лауазымға тағайындалуымен құттықтады. Кездесу барысында еуразиялық интеграцияның бірқатар мәселелері, оның ішінде 2025 жылғы 23 мамырда Комиссия Кеңесі отырысының күн тәртібіне енгізілген мәселелер бойынша жан-жақты пікір алмасты. "Бүгінгі таңда біз Еуразиялық экономикалық одақ қызметінің түрлі салаларындағы қырыққа жуық мәселені қарауымыз керек. Комиссия мен ЕАЭО елдері біздің ұлттықтан жоғары бірлестігімізді дамыту бойынша ауқымды жұмысты жалғастыруда", — деп атап өтті Бақытжан Сағынтаев. Тараптар ЕАЭО-ның әлеуеті мүше мемлекеттерге Одақ ішінде де, үшінші елдермен сауда-экономикалық қатынастарда да жаңа елеулі экономикалық нәтижелерге қол жеткізуге мүмкіндік беретініне сенімді екендерін айтты.

23 майдың 2025 ЕАЭО-ның тасымалдауға және пайдалануға дайындалған табиғи жанғыш газға арналған техрегламентіне өзгертулер енгізілді Еуразиялық экономикалық комиссия Кеңесі 23 мамырдағы отырыста Еуразиялық экономикалық одақтың "Тасымалдауға және (немесе) пайдалануға дайындалған табиғи жанғыш газдың қауіпсіздігі туралы" техникалық регламентіне өзгертулер енгізді. Өзгертулер кәсіпкерлік қызмет үшін туындайтын артық кедергілерді болғызбауға және табиғи газдың сәйкестігін бағалауды жүргізу бойынша проблемалық практика мәселелерін реттеуге бағытталған. Одақ нарығында өнімнің сәйкестігі мен айналымын бағалау рәсімдері, сондай-ақ техрегламентте белгіленген жекелеген терминдер, анықтамалар мен формулалар нақтыланды. Газ жеткізушілердің газ сапасының паспортын ресімдеу кезінде зертханалық құралдармен қатар ЕАЭО елдері заңнамасының талаптарына жауап беретін ағынды (өнеркәсіптік) өлшеу құралдарын (яғни, автоматты режимде ағынды қозғалыстағы өнімнің көрсеткіштерін үздіксіз өлшеуге арналған) қолдану мүмкіндігі көзделген (сынақ жүргізу бойынша балама анықталды: өзіне тиесілі сынақ зертханасында немесе жеткізушінің ағындық өлшеу құралдарын пайдалана отырып немесе Одақтың бірыңғай тізілімдегі аккредиттелген зертханада). Техникалық регламенттің қолдану саласынан өндірушінің тек өз қажеттіліктері үшін пайдаланатын табиғи газы, сондай-ақ үшінші елдердің тұтынушыларына тасымалданатын шетелдік өндірілген газ алынып тасталады. "Өзгертулер жобасындағы жекелеген инновациялар айналымдағы газды сатушыларға, оның ішінде оны Одақтың бір елінен екінші еліне трансшекаралық жеткізу кезінде қауіпсіздік тұрғысынан негізсіз әкімшілік және қаржылық жүктемені оңтайландыруға бағытталған", — деп атап өтті ЕЭК Техникалық реттеу министрі Валентин Татарицкий.

Жаңалықтар

ЕАЭО ресурстары