Жаңалықтар

27 May 2024 ЕАЭО-ның Моңғолиямен сауда-экономикалық өзара қарым-қатынасы дамуда Моңғолияның Еуразиялық экономикалық одақтың мүшесі Ресеймен де, жалпы ЕАЭО-мен де диалогты дамытуы Мәскеудегі Еуразиялық экономикалық комиссия өкілдерінің қатысуымен өткен «Ресей-Моңғол ынтымақтастығының өзекті мәселелері» атты халықаралық ғылыми-практикалық конференцияда талқыланды. ЕЭК интеграцияны дамыту департаментінің халықаралық өзара іс-қимыл бөлімінің бастығы Дмитрий Ежов 2015 жылдан бері ЕЭК пен Моңғолия Үкіметі өзара қызығушылықты білдіретін, Комиссияның бұған құзыреті бар барлық негізгі салалық бағыттар бойынша меморандум форматында белсенді өзара қарым-қатынас жасап келе жатқанын атап өтті. ЕАЭО мен Моңғолиядағы ағымдағы экономикалық жағдай өзара тауар жеткізілімдерін әртараптандыруға жаңа мүмкіндіктер ашатыны атап өтілді. Бұл тауарлар үйлесімділігінің бұзылуын жою үшін пайдаланылуы керек, мұнда Одақ, оның мүше мемлекеттері және Моңғолия арасында преференциялық сауда келісімін жасау болашақта шешуші рөл атқаруы мүмкін. ЕАЭО нарығына моңғол өнімдерінің қолжетімділігін жеңілдету үшін ЕАЭО құқығымен ұлттық реттеудің жекелеген нормаларын үйлестіру белгілі бір әсер етуі мүмкін. Моңғолия 2015 жылы тиісті меморандум жасасу арқылы ЕЭК-пен өзара іс-қимылды ресімдеген алғашқы мемлекет болды.  
23 May 2024 Валентин Татарицкий: "ЕЭК актілері ЕАЭО-ның ортақ дәрілік заттар нарығының жұмыс істеуі үшін тұрақты платформаны қамтамасыз етті" Еуразиялық экономикалық комиссияның Техникалық реттеу жөніндегі министрі Валентин Татарицкий бұл туралы 21-23 мамырда Мәскеуде өткен "Реттеушілік практика және дәрілік заттарды тіркеу" – "РегЛек 2024" ғылыми-практикалық конференциясының "ЕАЭО-да дәрілік заттардың ортақ нарығын қалыптастыру жөніндегі интеграциялық процестер" стратегиялық сессиясында мәлімдеді. Сессия Одақтың ортақ дәрілік заттар нарығының жұмыс істеуін қамтамасыз ету жөніндегі жұмысының қорытындыларына және 2025 жылғы 31 желтоқсанда өтпелі кезеңнің аяқталуы қарсаңында Комиссия актілерін жетілдіру жөніндегі ұсыныстарды талқылауға арналды, соған сәйкес ЕАЭО нарығында айналыстағы барлық дәрі бірыңғай Еуразиялық реттеушілікке ауыстырылуға тиіс. Іс-шара Ресей Федерациясының Денсаулық сақтау министрі Михаил Мурашконың сәлемдесу сөзімен ашылды. Сессия жұмысына ЕАЭО мемлекеттері Денсаулық сақтау министрлерінің орынбасарлары және фармацевтикалық бизнес өкілдері қатысты. Олар ортақ дәрі нарығындағы өз жұмыс тәжірибелерін ұсынып, оны дамыту перспективаларын пайымдаумен бөлісті. Валентин Татарицкийдің сөзінше, үстіміздегі жылдың наурыз айына дейін дәрілерді Одақ қағидалары бойынша тіркеуге 15000-нан астам өтініш берілді, оның 6500-ден астамы сәйкестікке келтіру рәсімі бойынша берілген. Шамамен 5700 тіркеу куәлігі ресімделді. Жұмысқа ЕАЭО-ның барлық мемлекеті қосылды. Бұл жұмыстың көп бөлігі Ресейдің үлесіне тиеді, алайда үстіміздегі жылы Одақтың басқа елдерінің дәрілік препараттарды тіркеу және олардың тіркеу дерекнамасын сәйкестікке келтіру туралы өтініштерінің саны едәуір өсті. ЕЭК министрі 2016-2024 жылдардағы Тіркеу қағидалары эволюциясының негізгі кезеңдерін сөз етті. Олар, атап айтқанда, пандемиялық және пандемияға дейінгі вакциналарды тіркеу туралы ережелермен толықтырылды, дәрілердің қалғанын Одақтың талаптарына сәйкес келтіргеннен кейін оларды сату мерзімдері айқындалды, бірқатар рәсім, соның ішінде дәрілердің тіркеу дерекнамасын сәйкестендіру рәсімдері, өндірушінің зертханасында "қашықтықтан" сынау мүмкіндігін енгізу жеңілдетілді, бұл логистикалық COVID шектеулерін еңсеруге мүмкіндік берді. Сондай-ақ тіркеу рәсімдерінің тізбесі серпілісті және тиімділігі жоғары дәрілік препараттар нарығына оңайлатылған және жеделдетілген қол жеткізу рәсімдерімен толықтырылды. 2023 жылы Тіркеу қағидаларында жоғары технологиялық дәрілік препараттар бойынша бөлімдер өзектілендірілді, 2024 жылғы 31 желтоқсанға дейін тіркеу кезінде немесе тіркеуден кейінгі кезеңде инспекция жүргізе отырып, GMP сертификатынсыз дерекнаманы беру мүмкіндігі ұзартылды, бұрын тіркелген препараттар үшін тіркеу дерекнамасында берілетін құжаттардың саны айтарлықтай қысқарды. 2024 жылдың өзінде-ақ тіркеу дерекнамасына өзгерістер енгізу рәсімі жаңартылды, ал жыл соңына дейін дәрілік препараттың қаптамасына орналастырылатын бұйымдарға қойылатын талаптар және сараптамалық есеп деректерінің құпиялылығын айқындау жөніндегі ережелер бөлігінде нақтылау енгізу жоспарлануда. Валентин Татарицкий бүгінгі таңда кез келген дәрінің өмірлік циклін құрайтын ЕАЭО GxP-практикалар жүйесі және осы практикаларға сәйкестігін растайтын инспекциялық рәсімдер өте қарқынды дамып келе жатқанын атап көрсетті. 2018 жылы бес негізгі практикадан (GLP, GCP, GMP, GDP, GVP) басқа өсімдік тектес әуелгі шикізатты (GACP) өсіру, жинау, өңдеу және сақтаудың тиісті практикасы қабылданды, ал 2024 жылғы сәуірде Фармацевтикалық инспекция ережелері фармакологиялық қадағалау жүйелерін инспекциялау тәртібімен толықтырылды. ЕЭК министрі ғылыми және практикалық әлеуеті жағынан өзіндік айрықша маңызы бар ЕАЭО елдерінің фармакопеялық ынтымақтастығының эволюциясын атап өтті. 2024 жылғы маусым-шілде айларында Комиссия Алқасының отырысында Одақ Фармакопеясының бірінші томының үшінші бөлігін қабылдау жоспарланып отыр, ол радиофармацевтикалық дәрілік препараттар мен биологиялық (биотехнологиялық) препараттардың сапасын талдау мәселелеріне арналған. Конференцияның тақырыптық секцияларында ЕАЭО-ға мүше мемлекеттердің уәкілетті органдары мен ұйымдары өкілдерінің дәрілік заттардың айналысын және дәрілік қамтамасыз етуді дамыту, осы саладағы бақылау-қадағалау қызметі, заңнаманы ЕЭК актілеріне және оларды Одақ елдерінде қолдану практикасына сәйкес келтіру туралы баяндамалары ұсынылды. ЕЭК Техникалық реттеу және аккредиттеу департаментінің қызметкерлері өз баяндамаларында конференцияға қатысушыларды тіркеу рәсімдерінің қабылданған және жоспарланған өзгерістерінің ерекшеліктері, GxP жүйесін дамыту және зерттеулер жүргізу туралы хабардар етті. Ресей Денсаулықмині "МҚҚСҒО" ФМБМ өткізетін "РегЛек" ғылыми-практикалық конференциясы фармацевтика саласындағы жыл сайынғы негізгі іс-шараның бірі болып табылады. ЕАЭО фармацевтика нарығының субъектілері онда дәрі айналысының және құқық қолдану практикасының өзекті мәселелерін қарайды.  
23 May 2024 Комиссияның өнеркәсіп блогының өкілдері "Металл өңдеу-2024" көрмесіне қатысты Еуразиялық экономикалық комиссияның өнеркәсіп блогының Өнеркәсіптік саясат департаменті директорының орынбасары Николай Рогожник басқарған өкілдері металл өңдеу өнеркәсібіне арналған жабдықтардың, приборлар мен құралдардың халықаралық мамандандырылған "Металл өңдеу-2024" көрмесінде болды, соның шеңберіндегі "Станок жасаудың болашағы. Трендтер мен перспективалар" жалпы отырысына, сондай-ақ тақырыптық дөңгелек үстел отырыстарына қатысты. Іс-шара аясында Николай Рогожник ЕАЭО-дағы өнеркәсіптік кооперацияға қаржылық жәрдемдесудің жаңа механизмі туралы, сондай-ақ оны пайдаланудың шарттары мен мүмкіндіктері туралы айтып берді. "Еуразиялық экономикалық комиссия жұмыс істеген уақыт ішінде бірінші рет өнеркәсіптік кооперация саласындағы қолдаудың пәрменді механизмі іске қосылып отыр, ол Одақ кәсіпорындарының айтулы стратегиялық жобаларды іске асыруына мүмкіндік береді", — деп атап өтті Николай Рогожник. Комиссия делегациясы Гомель станоктар мен тораптар зауытының көрме экспозициясымен танысты, онда 16ГС25ФЗ моделіндегі сандық бағдарламалық басқаруы бар жоғары технологиялы токарлық станок қойылған. Станокты құрастыру Беларусь Республикасында жүзеге асырылды, станоктағы жергіліктілендірілген ресейлік компоненттер үлесі 61%, белорус компоненттерінің үлесі 30% құрады. Николай Рогожниктің пікірінше, жоғары технологиялы токарлық станок Еуразиялық экономикалық одақтың технологиялық егемендігіне қол жеткізу жолындағы Ресей мен Беларусь арасындағы тығыз кооперацияның үздік нәтижесі болып табылады.
23 May 2024 Моңғолиямен уақытша сауда келісімін жасасу өзара сауданы дамытуға серпім береді Еуразиялық экономикалық комиссияның Сауда саясаты департаменті директорының орынбасары Михаил Черекаев бұл туралы 21 мамырда Ұланбатыр қаласында болып өткен "Моңғолия мен ЕАЭО елдерінің сауда-экономикалық және инвестициялық ынтымақтастығын дамыту перспективалары" халықаралық конференциясы барысында мәлімдеді. "Еуразиялық экономикалық одақ Моңғолияны негізгі стратегиялық әрі басымдықты әріптестердің бірі ретінде қарастырады. Біздің елдеріміз арасындағы ынтымақтастықты қарқынды ете түсу мақсатында қазіргі таңда уақытша сауда келісімін жасасу бойынша белсенді жұмыс жүргізілуде", — деді Михаил Черекаев. "ЕАЭО мен Моңғолияның сауда қатынастарын дамытудың перспективалық бағыттары туралы" панельдік пікірсайыс шеңберінде өзара іс-қимылдың пайдаланылмаған әлеуетін ашуға бағытталған диалог міндетті түрде тереңдетілуге тиіс екендігі атап өтілді. Бұдан бұрын хабарланғанындай, 2017-2021 жылдары ЕАЭО мен Моңғолия арасындағы сауда көлемі 34% өсіп, 1,96 млрд долл. дейін жетті. Жоғары Еуразиялық экономикалық кеңес 2024 жылғы 8 мамырда Моңғолиямен уақытша сауда келісімін жасасу жөніндегі келіссөздерді бастау туралы шешім қабылдады.  
23 May 2024 Уәкілетті экономикалық операторлар жаңа оңайлатулар алуы мүмкін 23 мамырда Еуразиялық экономикалық комиссияның Кеден заңнамасы және құқық қолдану практикасы департаментінің директоры Сергей Владимировтың басшылығымен өткен УЭО институтын дамыту жөніндегі консультативтік комитет жанындағы бейінді жұмыс тобының отырысында Еуразиялық экономикалық одақта уәкілетті экономикалық операторлар (УЭО) институтының артықшылықтарын кеңейтуге бағытталған Комиссия актілерінің жобалары талқыланды. "УЭО — тәуекел деңгейі төмен санат. УЭО-ға қойылатын талаптар олар үшін оңайлатудың толық спектрін қолдану мүмкіндігімен толық өтелуге тиіс", — деп атап өтті Сергей Владимиров. Соның бірі — өз алаңдарында кеден қоймасының кедендік рәсімімен орналастырылған УЭО тауарларын сақтау мүмкіндігін беруге байланысты шешім болып табылады, бұл Одақ мемлекеттері экономикасының әртүрлі саласындағы тауарларды өткізу мен пайдалану логистикасын едәуір дәрежеде жақсартады. Басқа бір шешім УЭО-ға таңбалауға жататын акцизделетін тауарларға қатысты операторларға ұсынылатын оңайлатуларды қолдануға, дәлірек айтқанда, көптеген жыл бойы болып келген алып қоюды алып тастауға мүмкіндік береді. Уәкілетті экономикалық оператор институты – әріптестік бағдарламасының халықаралық танылған стандарты, ал УЭО – белгілі бір талаптарға сай келетін тұлғалар ретінде кедендік операциялар мен кедендік бақылау жүргізу кезінде оңайлату ұсынылатын тұлғалардың айрықша санаты. ЕАЭО-ға мүше мемлекеттерде УЭО институтын дамыту жөніндегі жұмыс тобы 2014 жылы құрылды. Ол Одақта уәкілетті экономикалық оператор институтын жетілдіру және дамыту жөніндегі ұсыныстарды тұжырымдайды.
22 May 2024 ЕАЭО Моңғолиямен сауда-экономикалық өзара іс-қимылды нығайтады және ынтымақтастықты кеңейтеді 21 мамырда Ұланбатырда "Моңғолия мен ЕАЭО елдерінің сауда-экономикалық және инвестициялық ынтымақтастығын дамыту перспективалары" ғылыми конференциясында ЕАЭО елдері мен Моңғолияның сауда-экономикалық ынтымақтастығын жандандыру мәселелері талқыланды. Жалпы пікірсайыс барысында Интеграция және макроэкономика жөніндегі министр Сергей Глазьев сөз сөйледі. "Моңғолия 2015 жылы Еуразиялық экономикалық комиссиямен байланысты рәсімилеуге шығып, тиісті Меморандум жасасқан үшінші елдер арасындағы бірінші мемлекет болды. Келесі жылы ЕЭК пен Моңғолия Үкіметінің жүйелі жұмысы басталғанына 10 жыл болады, оның мақсаты — Одақ елдері мен Моңғолия арасындағы жан-жақты ынтымақтастықты дамытуға жәрдемдесу, сондай-ақ өзара сауданың тиімділігін арттыру және оның дамуына кедергі келтіретін тосқауылдарды жоюға бағытталған шараларды іске асыру", — деді Сергей Глазьев. ЕЭК министрі сондай-ақ Меморандумды іске асыру ЕЭК пен Моңғолияның мемлекеттік басқару органдары арасындағы, бірінші кезекте техникалық реттеу және СФС-шаралар бағытында салалық өзара іс-қимылды дамытуды ынталандырғанын әрі Моңғолия, Одақ және ЕАЭО-ға мүше мемлекеттер арасындағы уақытша сауда келісімін дайындау жөніндегі жұмысты бастау негізін қамтамасыз еткенін атап өтті. ЕЭК министрі таяу болашақтағы түйінді міндеттердің бірі деп ЕАЭО мен Моңғолияның сауда-экономикалық ынтымақтастығын дамыту үшін тосқауылдарды жою жөніндегі жұмысты жандандыруды атады. Ол төлемдерді жүзеге асыру кезінде ұлттық валютаға көшудің, өзіндік төлем-есеп айырысу платформаларын пайдаланудың, кооперациялық байланысты қайта өрлетудің және геологиялық барлау, пайдалы қазбаларды өндіру, шикізатты қайта өңдеу саласында бірлескен кәсіпорындар құру арқылы бірлескен инвестицияларды ұлғайтудың, сондай-ақ инфрақұрылымдық және көлік-логистикалық жобаларды іске асырудың маңыздылығын атап көрсетті. "Саудадағы теңгерімсіздік проблемасы кооперациялық байланыстарды ұлғайту, Моңғолияда бірлескен кәсіпорындар құру және ЕАЭО корпорацияларының инвестициялары арқылы өтелуі мүмкін", — деп түйіндеді Сергей Глазьев. Осы және басқа да мәселелер жоғарыда аталған меморандумға сәйкес құрылған, ЕЭК пен Моңғолия Үкімет арасындағы өзара іс-қимыл жөніндегі бірлескен жұмыс тобының ортақ назарында болады. Жұмыс тобының қызметіне ЕЭК пен Моңғолия мемлекеттік басқару органдарының өкілдері ғана емес, сонымен қатар мүдделі министрліктер мен ведомстволардың, сондай-ақ ЕАЭО мемлекеттері іскер топтарының өкілдері белсене қатысады. Іс-шараны Ресей Федерациясының Президенті жанындағы Ресей халық шаруашылығы және мемлекеттік қызмет академиясы ұйымдастырды. Конференцияға ЕАЭО-ға мүше мемлекеттердің дипломатиялық корпусының, ЕАЭО мемлекеттері мен Моңғолияның мемлекеттік органдарының, іскер және ғылыми топтарының өкілдері қатысты.
22 May 2024 Халықаралық конференцияда ЕАЭО мен Моңғолияның өнеркәсіптік ынтымақтастығының перспективалары талқыланды Еуразиялық экономикалық комиссияның Өнеркәсіптік саясат департаментінің директоры Николай Кушнарев Ұланбатырда өткен "Моңғолия мен ЕАЭО елдерінің сауда-экономикалық және инвестициялық ынтымақтастығын дамыту перспективалары" халықаралық конференциясында сөз сөйледі. "Еуразиялық экономикалық одақ елдері мен Моңғолияның өнеркәсіп және агроөнеркәсіп секторлары саласында ынтымақтастықты дамыту" панельдік сессиясы шеңберінде Николай Кушнарев ЕАЭО мемлекеттерінің Моңғолиямен, соның ішінде өнеркәсіптік және технологиялық ынтымақтастық саласындағы байырғы сенімгерлік қатынастары мен тығыз байланыстарын, сондай-ақ Моңғолия мен ЕАЭО арасында еркін сауда аймағын құру туралы келісімді пысықтау арқылы өзара іс-қимылды тереңдету мүмкіндігін атап өтті. "Моңғолия экономикасының базалық кен өндіру өнеркәсібіндегі өсуі жабдыққа, механизмдерге және қосалқы бөлшектерге деген тұрақты сұранысты құптайды. Сонымен қатар, Моңғолияның инфрақұрылымдық және көлік жобаларын дамытып, кеңейтуге бағытталған технологиялары мен құзыреттерін тарту жолының қажет екендігін, сондай-ақ жаңа энергия өндіру объектілерін салу қажеттігін туғызады. Мұндай сұраныс пен қажеттілік Моңғолия мен ЕАЭО елдері арасындағы өнеркәсіптегі кооперациялық ынтымақтастықты тереңдетуге орайлас жақсы алғышарт болып табылады және даму мен экономикалық өсудің өршіл мақсаттарына қол жеткізудің түйінді драйверлерінің бірі бола алады", — деп атап өтті Департамент директоры. Николай Кушнарев конференцияға қатысушыларды қосылған құны жоғары анағұрлым күрделі технологиялық қайта бөлінім өнімдерін шығаруды игерудегі, соның ішінде ұлттық "Экономиканы қалпына келтіру саясаты" шеңберінде Моңғолия өнеркәсібін қалпына келтіру бағдарламасына байластырудағы ынтымақтастықтың мүмкіндіктері мен механизмдері туралы хабардар етті. Осындай механизмдердің арасынан ол ғылыми-техникалық және инновациялық кооперация мен технологиялар трансферінде жүйелі құрал бола алатын Еуразиялық технологиялық платформаларды атап өтті. Еуразиялық "бестік" елдері мен Моңғолияның өзара іс-қимылын дамыту мен тереңдетудің тағы бір мүмкіндікті нұсқасы үшінші елдердегі ЕАЭО өнеркәсіптік аймақтары механизмі болып табылады.
20 May 2024 Валентин Татарицкий: «ЕАЭО-да стандарттау мен метрология саласында одақтық интеграцияны күшейту қажеттігі пісіп-жетілді» ЕЭК Техникалық реттеу жөніндегі министрі Валентин Татарицкий Федералдық техникалық реттеу және метрология жөніндегі агенттік ("Росстандарт") Алқасының қорытынды отырысында Еуразиялық экономикалық одақ елдерінің стандарттау мен метрология саласындағы ынтымақтастығы туралы айтып берді. "Росстандарт" Алқасы отырысына 200-ден астам адам, соның ішінде — орталық аппарат және "Росстандарт"-қа бағынысты барлық ұйым, Еуразиялық экономикалық комиссияның, Ресей Федерациясы министрліктері мен бейінді мекемелерінің өкілдері қатысты. Валентин Татарицкий осы кезең ішінде техникалық реттеу саласында көп нәрсеге қол жеткізілгенін және бұл процесте "Росстандарт" белсенді рөл атқарғанын атап өте келіп, 29 мамырда ЕАЭО туралы шартқа 10 жыл толатынын еске салды. ЕЭК министрінің сөзінше, таяу перспективада стандарттау бағыты бойынша Одақ шеңберінде Стандарттау жөніндегі жұмыстарды үйлестіру тәртібін, сондай-ақ Күшіне енген регламенттер мен оларға орайлас стандарттар тізбелерінің ғылыми-техникалық деңгейіне міндетті кезеңдік бағалау жүргізу тәртібін іске асыру міндеті тұр. Бұл құжаттар талаптарды өзекті жай-күйде ұстауға, сондай-ақ оларды келісіп әрі дер кезінде дайындауға бағытталған. Валентин Татарицкий сондай-ақ үстіміздегі жылы ЕАЭО-да өлшеу құралдарын қолдануға рұқсат ету механизмін игерісу жөніндегі пилоттық жобаны іске асыру нәтижелерін талқылау жоспарланып отырғанын айтты. Пилоттық жоба шеңберінде анықталған құқықтық олқылықтарды реттеу үшін Одақ актілерін түзету жөнінде нақты ұсыныстар тұжырымдалатын болады. ЕЭК министрі, атқарылған жұмыстарға қарамастан, шынтуайтында, стандарттау және метрология саласында одақтық интеграцияны күшейту қажеттігі қазірдің өзінде пісіп-жетілгенін атап көрсетті. "Аталған блоктарды дамыту жөніндегі бірлескен өршіл мақсатты Одақ шеңберінде экономикалық процестерді одан әрі дамыту туралы 2030 жылға дейінгі және 2045 жылға дейінгі кезеңге арналған декларацияны іске асыру жөніндегі іс-шаралар жоспарына кірістіре жүктеген жөн болар еді", — деп атап өтті ол. Өз сөзінде Валентин Татарицкий техникалық реттеу саласын дамытуда елеулі рөл цифрландыруда жатқанын атап өтті. Оның сөзінше, "болашақтағы техникалық реттеудің" бірінші қадамы одақтық алаңдағы неғұрлым өршіл жоба — "Одақ шеңберіндегі цифрлық техникалық реттеу" жобасын іске асыру болып табылады. "Бұл жобаны тікелей іске асыратын сарапшылар тобы (ал бұл тұтас консорциум) қазірдің өзінде жұмыс істеп тұрған немесе әлі де құрылып жатқан одақтық сервистермен бірыңғай цифрлық платформаны толтыру перспективаларының "негізін қалауда". Кейіннен мұндай жүйе сәйкестікті бағалау және рұқсат құжаттарын беру процесін цифрлауға, сондай-ақ техникалық реттеу саласындағы қадағалау қызметін автоматтандыруға біртіндеп көшуге мүмкіндік береді", — деді Валентин Татарицкий. Болып өткен іс-шара сондай-ақ метрологиялық кәсіби қоғамдастық жыл сайын 20 мамырда атап өтетін Бүкілдүниежүзілік метрология күніне де орайластырылды. Аталған күнді мерекелеу 2024 жылы "Біз бүгін орнықты даму үшін өлшейміз" девизі аясында жүзеге асырылуда. Еуразиялық экономикалық комиссия бұл девизді іске асыруға өз өкілеттігі шеңберінде қосылады.
Тағы да көрсету