Симонян Варос Арутюнович

1981-жылдын 5-мартында Ереван шаарында төрөлгөн, Армения Республикасы.

Армениянын Мамлекеттик инженердик университетин "экономика жана башкаруу" адистиги боюнча жана Брэдфорд университетин (Улуу Британия) аяктаган.

Эмгек жолун 1998-жылы ар кандай кызмат орундарын ээлөө менен коммерциялык чөйрөдө баштаган.

2002-жылдан 2008-жылга чейин Армениянын мамлекеттик инженердик университетинде сабак берген.

2002-жылдан 2005-жылга чейин – Армения Республикасынын Соода жана экономикалык өнүгүү министрлигинин Тоо-кен өнөр жай башкармалыгынын жаратылыш ресурстарын пайдалануунун экономикасы бөлүмүнүн жетектөөчү адиси.

2005-жылдан 2007-жылга чейин – Армения Республикасынын Экономика министрлигинин Европа бирлиги жана Бүткүл дүйнөлүк соода уюму менен кызматташуу башкармалыгынын Европа бирлиги менен кызматташуу бөлүмүнүн башчысы.

2007-жылдан 2008-жылга чейин – Армения Республикасынын Экономика министрлигинин Европа бирлиги жана Дүйнөлүк соода уюму менен кызматташуу башкармалыгынын башчысы.

2008-жылдан 2011-жылга чейин – Армения Республикасынын Экономика министрлигинин Европа бирлиги менен кызматташуу жана эл аралык экономикалык кызматташтык башкармалыгынын башчысы.

2011-2015-жылдары – Армения Республикасынын Европа бирлигиндеги соода өкүлү.

2015-2019-жылдары – Армения Республикасынын Европа бирлигиндеги соода атташеси.

2019-жылдын августунан 2021-жылдын ноябрына чейин Армения Республикасынын экономика министринин орун басары кызматын ээлеген, бир катар өкмөттөр аралык комиссиялардын теңтөрагасы болгон.

Жогорку Евразия экономикалык кеңешинин чечими менен 2021-жылдын 23-ноябрынан тарта Евразия экономикалык комиссиясынын ички рыноктор, маалыматташтыруу, маалыматтык-коммуникациялык технологиялар боюнча министри болуп дайындалган.

Жогорку Евразия экономикалык кеңешинин чечими менен 2024-жылдын 1-февралынан тартып кайрадан Евразия экономикалык комиссиясынын ички рыноктор, маалыматташтыруу, маалыматтык-коммуникациялык технологиялар боюнча министри болуп дайындалган.