Жаңылыктар

12.10.2023 (Обновлено: 13.10.2023 16:35)

ЕЭКтин техникалык жөнгө салуу боюнча министри Виктор Назаренко кесиптештерин Бүткүл дүйнөлүк стандарттар күнү менен куттуктады

Евразия экономикалык комиссиясынын Техникалык жөнгө салуу министри Виктор Назаренко Евразия экономикалык комиссиясынын жана жеке өзүнүн атынан Евразия экономикалык бирлигинин мамлекеттериндеги кесиптештерин жана Көзкарандысыз Мамлекеттер Шериктештигинин өлкөлөрүнөн өнөктөштөрүн Дүйнөлүк стандарттар күнү менен куттуктады.

2023-жылы майрамдык иш-чаралар "Мыкты дүйнө үчүн жалпы көз караш: ТӨМ 3 киргизүү" деген ураан астында өтүп жатат. Бул жылдын артыкчылыктары катары сергек жашоо образын камсыздоо жана жалпы жыргалчылыкка көмөк көрсөтүү аныкталган.

"Туруктуу өнүктүрүүнүн билдирилген максатына жетүү үчүн маанилүү багыт болуп, коопсуз тамак-аш продукциясын өндүрүүнү, натыйжалуу дары-дармек каражаттарына, вакциналарга жана медициналык буюмдарга жеткиликтүүлүктү камсыз кылуу боюнча технологияларды киргизүү, энергияны керектөөнү жана коркунучтуу заттардын адамга жана айлана-чөйрөгө таасирин азайтуу саналат. Муну ишке ашыруунун таанылган жана таасирдүү инструменти болуп көрсөтүлгөн чөйрөлөрдө заманбап стандарттарды иштеп чыгуу жана колдонуу саналат," – деп айтылат куттуктоо дарегинде.


Виктор Назаренко белгилегендей, стандарттар продукциянын коопсуздугун, сапатын жана атаандаштыкка жөндөмдүүлүгүн камсыздоо, соодадагы техникалык тоскоолдуктарды четтетүү, өлкөлөрүбүздүн экономика тармактарын инновациялык өнүктүрүүгө көмөк көрсөтүү үчүн натыйжалуу инструмент болуп келген жана болуп кала берет, экономикалык өнүгүүнүн заманбап этабынын чакырыктарын жана жаңы милдеттерин биргелешип чечүүгө жардам берет.

"Евразия экономикалык бирлигинин мүчө мамлекеттеринин экономикаларын өнүктүрүү үчүн техникалык жөнгө салуунун жана стандартташтыруунун ролун жана маанилүүлүгүн түшүнүү менен, Евразия экономикалык комиссиясы жана Бирлик өлкөлөрү Бирликтин укугун өркүндөтүүнүн келечектүү багыттарын иштеп чыгууга жана стандартташтыруу жаатында стандартташтыруу боюнча улуттук органдар менен координацияланган саясатка, интеграциянын жаңы багыттарын өнүктүрүү жана масштабдуу кооперациялык жана инновациялык долбоорлорду жүзөгө ашыруу үчүн жеткиликтүү инструменттерди, анын ичинде эл аралык, региондук жана улуттук стандарттарды колдонууга өзгөчө маани беришет", - деп баса белгиледи ЕЭК министри.

 

Виктор Назаренко кесиптештерине белгиленген пландарды ишке ашырууда ийгиликтерди, Бирликтин мүчө мамлекеттеринин улуттук экономикаларынын атаандаштыкка жөндөмдүүлүгүн камсыздаган заманбап жана талап кылынган стандарттарды иштеп чыгуу боюнча жемиштүү ишмердүүлүктү жана жарандардын жашоо деңгээлин жогорулатууну каалады.