кыр

Жаңылыктар

ЕЭК СМИде Фото Видео
20 мартындагы 2025 ЕЭКтин Техникалык жөнгө салуу жана аккредиттөө департаментинин директорунун орун басары болуп Ани Обосян дайындалды Ани Суреновна Обосян 1978-жылы Ереванда төрөлгөн. 1999-жылы Ереван мамлекеттик университетинин филология факультетин, андан соң Улуттук илимдер академиясынын магистратурасын "башкаруу" адистиги боюнча аяктаган. 2001-жылдын апрелинен тартып Армения Республикасынын Өнөр жай жана соода министрлигинин инвестициялык саясат башкармалыгында, 2011-жылдын октябрынан тартып Новаторство жана ишкердик башкармалыгынын стандартташтыруу жана метрология бөлүмүндө (кийин — Сапат инфраструктурасы башкармалыгы) эмгектенген. 2014-жылдын май айында Сапат инфраструктурасы жана техникалык жөнгө салуу башкармалыгынын сапат инфраструктурасы бөлүмүнүн башчысы болуп дайындалган. 2016-жылдан баштап Башкармалыктын башчысынын милдетин аткарган. 2018-жылдын августунан 2019-жылдын июлуна чейин — Армения Республикасынын Мамлекеттик мүлктү башкаруу комитетинин аппарат жетекчиси. 2019-жылдын июлунан 2025-жылдын мартына чейин — Улуттук аккредитациялоо органынын директору. 2025-жылдын 17-мартынан трата Евразия экономикалык комиссиясынын Техникалык жөнгө салуу жана аккредитация департаментинин директорунун орун басары болуп дайындалды.
14 мартындагы 2025 Владимир Синкевич: "Мамлекеттин, бизнестин жана коомдун кызыкчылыктарынын балансы – керектөөчүлөрдүн укуктарын коргоо боюнча ЕАЭБ саясатынын негизги элементи" Мамлекет, бизнес жана коом ортосундагы диалогду өнүктүрүү маселеси Казакстан Республикасынын Соода жана интеграция министрлиги Астанада Евразия экономикалык комиссиясынын өкүлдөрүнүн катышуусу менен өткөргөн форумдун негизги максаты болду. Форум жыл сайын 15-мартта белгиленүүчү Керектөөчүлөрдүн укуктарынын дүйнөлүк күнүнө арналып, жарандардын кызыкчылыктарын коргоо жана коопсуз жана чынчыл рынокту түзүү зарылдыгын эскертет. "Керектөөчүлөрдүн укуктарын коргоо – Евразия экономикалык бирлигинин өлкөлөрүнүн жана Комиссиянын биргелешкен ишинин маанилүү багыттарынын бири", – деп белгиледи ЕЭКтин Санитардык, фитосанитардык жана ветеринардык чаралар департаментинин директору Владимир Синкевич. Ал керектөөчүлөрдүн ишеними товарлардын жана кызмат көрсөтүүлөрдүн жеткиликтүүлүгүнө гана эмес, ошондой эле алардын укуктары ишенимдүү корголуусуна ынануусуна негизделгенин баса белгиледи. Владимир Синкевич мамлекеттин, бизнестин жана коомдун кызыкчылыктарынын тең салмактуулугунун маанилүүлүгүнө көңүл буруп, муну Бирликтин аталган тармактагы макулдашылган саясатынын негизги элементи деп атады. Анын айтымында, ЕАЭБде жылдын темасы "Керектөөчү көңүл борборунда: кызыкчылыктар теңдеминен талаштарды адилеттүү чечүүгө чейин" керектөө рыногунун катышуучуларынын өз ара аракеттенүүсүнүн ар бир этабында тең салмактуулукту сактоонун маанилүүлүгүн баса белгилейт. Дискуссиянын жүрүшүндө керектөөчүлөрдүн укуктарын коргоо чөйрөсүндөгү актуалдуу маселелер жана демилгелер каралды. ЕЭК өкүлдөрү электрондук сооданы жөнгө салуунун эл аралык тажрыйбасы менен бөлүшүштү, Комиссия тарабынан жүргүзүлгөн социологиялык изилдөөнүн жыйынтыктары менен тааныштырышты жана керектөөчүлөрдүн кызыкчылыктарын коргоо үчүн ЕАЭБ өлкөлөрү алардын үстүндө иштеп жаткан биринчи кезектеги милдеттерди белгилешти. Форум калк жана бизнес үчүн маалыматтык жана түшүндүрүү иштеринин бир бөлүгү болуп калды, ал Бирликтин мүчө мамлекеттеринин керектөөчүлөрдүн укуктарын коргоо чөйрөсүндө биргелешкен иш-аракеттер программасына ылайык ЕАЭБде өткөрүлүп жатат.
06 мартындагы 2025 Комиссия дары-дармектердин жалпы рыногун өркүндөтүүнү улантууда Евразия экономикалык комиссиясынын Техникалык жөнгө салуу жана аккредитация департаментинин директору Талгат Момышев Алматыда өткөн эл аралык Евразия фармацевтикалык форумунда Евразия экономикалык бирлигинин дары-дармек каражаттарынын жалпы рыногунун ишинин алдын ала жыйынтыктары жана 2025-жылга карата пландар жөнүндө билдирди. Талгат Момышев, баса белгилегендей: "Ушул жылдын 31-декабрында жалпы рынокко өтүү боюнча арыздарды берүү үчүн өткөөл мезгил аяктайт. Бул мөөнөт өзгөртүлбөйт. Бирок таануу мамлекеттериндеги өтүү шарттарын бир аз жеңилдетүү пландаштырылууда". ЕАЭБ өлкөлөрүнүн бардык дары өндүрүүчүлөрүнө, шайкеш келтирүү жол-жоболорун жүргүзүү учурунда каттоо досьесине бир эле учурда өзгөртүүлөрдү киргизүү мүмкүнчүлүгү берилген, бул алардын ишин жөнөкөйлөштүргөн. Ушул жылдын аягына чейин улуттук каттоо күбөлүктөрү өз күчүн сактап калат, ЕАЭБ мамлекеттеринин эрежелери боюнча улуттук досьелерге өзгөртүүлөрдү киргизүүгө жол берилет. Талгат Момышев мүчө мамлекеттердин фарминспектораттарынын ишин белгиледи. 2025-жылы алар 2021-жылы берген Бирликтин биринчи GMP-сертификаттары аяктайт. Дары-дармек препараттарын үзгүлтүксүз өндүрүүнү жана ЕАЭБдин жалпы рыногуна жеткирүүнү камсыздоо үчүн өндүрүүчүлөргө пландуу инспекциялоого арыздарды алдын ала (6-9 айдан кем эмес) берүү сунушталат. Андан кийин алардын 2025-2026-жылдарга текшерүү планына киргизилгендигин текшерүү зарыл. Быйылкы жылы Комиссиянын аянтчасында дары-дармектердин жалпы рыногун жөнгө салууну актуалдаштыруу боюнча масштабдуу ишти улантуу пландаштырылууда. Мисалы, дары-дармек препараттарын каттоонун жана изилдөөлөрдү жүргүзүүнүн эрежелерин тактоо, GLP-инспекцияларынын эрежелерин кабыл алуу, Тиешелүү клиникалык практиканын (GCP) редакцияларын жана башка бир катар актыларды жаңылоо белгиленген. Эл аралык Евразиялык фармацевтикалык форум жыл сайын өткөрүлөт. Быйылкы жылы ал Евразия мейкиндигинде дары-дармектер рыногун өнүктүрүүгө арналган. Ага ЕАЭБдин бардык мамлекеттеринин жөнгө салуучулары, ошондой эле фармацевтикалык бизнестин өкүлдөрү катышышты.
04 мартындагы 2025 Парфюмердик-косметикалык продукцияга карата техрегламентке өзгөртүүлөрдү ишке киргизүүнүн тартиби аныкталды Евразия экономикалык комиссиясынын Коллегиясынын мүчөлөрү 4-мартта Бажы бирлигинин "Парфюмердик-косметикалык продукциянын коопсуздугу жөнүндө" техрегламентине өзгөртүүлөрдү киргизүү тартибин белгилешти, алар ушул жылдын 24-декабрында күчүнө кирет. Мындай продукциянын техрегламенттин талаптарына шайкештиги жөнүндө көрсөтүлгөн өзгөртүүлөр күчүнө киргенге чейин кабыл алынган декларациялар алардын колдонуу мөөнөтү аяктаганга чейин жарактуу болот. Бул өзгөртүүлөр күчүнө киргенге чейин берилген мамлекеттик каттоо күбөлүктөрү беш жыл аралыгында жарактуу болот. Көрсөтүлгөн документтер колдонулган мезгилде, анын жарактуулук мөөнөтүнүн ичинде, парфюмердик-косметикалык продукцияны өндүрүүгө жана жүгүртүүгө чыгарууга жол берилет.
18 февралындагы 2025 ЕАЭБ өлкөлөрүнүн керектөөчүлөрдүн укуктарын коргоо боюнча мыйзамдарга сереп салууга карата жалпы мамилелери жактырылды Евразия экономикалык комиссиясынын Коллегиясы 18-февралда өткөн отурумда Евразия экономикалык бирлигинде 2025-жылга карата керектөөчүлөрдүн укуктарын коргоо боюнча маалыматтык иштин темасын бекитти: "Керектөөчү — көңүл борборунда: кызыкчылыктардын теңдеминен талаштарды адилеттүү чечүүгө карата". Ал ЕАЭБдин жалпы рыногун өнүктүрүүдө керектөөчүлөрдүн укуктарын коргоонун маанилүүлүгүн баса белгилейт. Бул багыт боюнча биргелешкен ишмердикте Бирлик өлкөлөрү рыноктун бардык катышуучулары үчүн адилеттүү жана коопсуз шарттарды түзүү менен бизнестин жана коомдун кызыкчылыктарынын теңдемине умтулушат. Ошондой эле Комиссиянын Коллегиясы мүчө мамлекеттердин керектөөчүлөрдүн укуктарын коргоо чөйрөсүндөгү мыйзамдарга серептерди өткөрүүгө карата жалпы мамилелерди жактырды. Мамлекеттерге сатып алуучулардын коопсуздугун жана саламаттыгын, алардын экономикалык кызыкчылыктарын, маалыматка жетүүнү, талаш-тартыштарды чечүү механизмдерин коргоону камсыз кылуу үчүн тиешелүү ченемдик документтердин толуктугун жана натыйжалуулугун иликтөө сунушталды. Кабыл алынган сунуштамалар керектөөчүлөрдүн укуктарын коргоо чөйрөсүндө укуктук жөнгө салуу жөнүндө объективдүү жана системалаштырылган маалыматты камсыздоого багытталган. Аларды колдонуунун аркасында Бирликтин мамлекеттери учурдагы кемчиликтерди аныктап, өз ченемдерин рыноктогу өзгөрүүлөргө жана коомдун керектөөлөрүнө ылайыкташтыра алышат. Серептердин жыйынтыктары жарандардын укуктарын коргоону күчөтүүгө багытталган чечимдерди иштеп чыгуу үчүн профилдик Консультативдик комитеттин отурумдарында каралат. Коллегиянын сунуштамалары ЕАЭБ өлкөлөрүнүн керектөөчүлөрдүн укуктарын коргоо боюнча биргелешкен иш-аракеттер программасына ылайык кабыл алынды.
18 февралындагы 2025 Медициналык антисептикалык салфеткалар боюнча тобокелдик классы төмөндөдү Евразия экономикалык комиссиясынын Коллегиясы колдонуунун потенциалдуу тобокелдигине жараша медициналык буюмдарды классификациялоо эрежелерине өзгөртүүлөрдү киргизди. Түзөтүүлөргө ылайык, медперсоналдын колдорун, операциялык жана инъекциялык жерлерди иштетүү үчүн антисептикалык салфеткалар эми 2а тобокелдик классына киргизилмекчи. Эреженин учурда колдонуудагы редакциясында өз алдынча колдонууда дары-дармек каражаттары катары каралышы мүмкүн болгон заттарды камтыган медициналык буюмдар тобокелдиктин үчүнчү классына киргизилген. Бул эреже этил спирти менен салфеткаларга да колдонулган. Бирок бул учурда этил спирти антисептиктин функциясын гана аткаргандыктан улам, демек, дары-дармек каражаттары менен медициналык буюмдарды колдонууда болгон тобокелдиктер да жок. Ошондуктан ЕЭК Коллегиясы медициналык антисептикалык салфеткалар боюнча тобокелдик классын төмөндөтүү жөнүндө чечим кабыл алды. Бул тобокелдикке багытталган мамилени эске алуу менен мындай буюмдарды өндүрүүчүлөргө административдик жүктү азайтууга жардам берет. Колдонуунун потенциалдуу тобокелдигине жараша медициналык буюмдарды классификациялоо Бирликтин эрежелери боюнча медициналык буюмдарды каттоо үчүн зарыл болгон документтердин тизмегине жана мазмунуна жана каттоодон кийинки мезгилдеги коопсуздукту көзөмөлдөө чараларына таасир этет. Медициналык буюмдун тобокелдик классы канчалык жогору болсо, ага талап ошончолук жогору болот.
14 февралындагы 2025 ЕЭК жана АСЕАН Катчылыгы керектөөчүлөрдүн укуктарын коргоо боюнча биргелешкен семинар өткөрүшөт Керектөөчүлөрдүн укуктарын коргоо чөйрөсүндө кызматташтыктын келечегин Евразия экономикалык комиссиясынын Санитардык, фитосанитардык жана ветеринардык чаралар департаментинин директору Владимир Синкевич жана Түштүк-Чыгыш Азия мамлекеттеринин Ассоциациясынын (АСЕАН) Катчылыгынын атаандаштык, керектөөчүлөрдүн укуктарын жана интеллектуалдык менчикти коргоо боюнча бөлүмүнүн жетекчиси Тханг Ван Луонг жумушчу жолугушуунун жүрүшүндө талкуулашты. Владимир Синкевич белгилегендей, интеграциялык экономикалык бирикмелерди түзүү шарттарында керектөөчүлөрдүн укуктарын коргоо маселелери биринчи планга чыгат. Анын айтымында, санариптик экономика керектөөчү менен сатуучунун өз ара аракеттешүү практикасына олуттуу өзгөртүүлөрдү киргизип жаткан азыркы дүйнөдө бул жаатта эл аралык кызматташтык чечүүчү мааниге ээ. "Биздин өз ара пайдалуу өнөктөштүктү тереңдетүү керектөөчүлөрдүн укуктарын коргоо боюнча мыкты тажрыйбалар менен алмашуу жана ЕАЭБ жана АСЕАН аймактарында керектөө рыногунда ыңгайлуу жана туруктуу чөйрөнү түзүү үчүн уникалдуу мүмкүнчүлүктөрдү түзөт", – деп баса белгиледи Владимир Синкевич. Жолугушуунун жыйынтыгы боюнча биринчи биргелешкен семинар өткөрүү жөнүндө макулдашууга жетишилди, семинардын максаты – ЕАЭБ жана АСЕАН өлкөлөрүндө керектөөчүлөрдүн укуктарын коргоо жаатында тажрыйба жана билим алмашуу. Бул иш-чара өнөктөштүктү өнүктүрүүдө жана керектөөчүлөрдүн укуктарын, коопсуздугун жана бакубатчылыгын камсыздоо боюнча биргелешкен аракеттерди бекемдөөдө маанилүү кадам болмокчу.
11 февралындагы 2025 ЕАЭБде медициналык буюмдардын коопсуздугунун жана натыйжалуулугунун жалпы талаптарына шайкештигин сактоо үчүн стандарттардын тизмесине өзгөртүүлөр киргизилди Евразия экономикалык комиссиясынын Коллегиясы 11-февралдагы отурумунда Евразия экономикалык бирлигинин өлкөлөрүндө аларды ыктыярдуу негизде колдонуунун натыйжасында медициналык буюмдар Медициналык буюмдардын коопсуздугу жана натыйжалуулугу боюнча жалпы талаптарга, аларды маркалоого жана алардын эксплуатациялык документациясына коюлган талаптарга толугу менен же жарым-жартылай шайкеш келген стандарттардын тизмесине өзгөртүүлөрдү киргизди. Өзгөртүүлөр менен 2022-2023-жылдары кабыл алынган, мурда тизмеге киргизилген үч стандарттын жаңы версиялары жөнүндө маалыматтарды киргизүү каралат. Бул МАМСТ Р ИСО 14155-2022 "Медициналык буюмдарды субъект катары адамдын катышуусу менен жүргүзүлүүчү клиникалык изилдөөлөр. Талаптагыдай клиникалык практика", МАМСТ Р ИСО 15223-1-2023 "Медициналык буюмдар. Өндүрүүчү тарабынан берилген маалыматты берүү үчүн колдонулуучу символдор. 1-бөлүк. Негизги талаптар" жана МАМСТ Р МЭК 62366-1-2023 "Медициналык буюмдар. 1-бөлүк. Медициналык буюмдарды эксплуатациялык жарамдуулукту эске алуу менен долбоорлоо".
Дагы көрсөтүү

Ресурсы ЕАЭС