Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

30 օգոստոսի 2025 Բակիտժան Սագինտաևը շնորհավորել է Կասիմ-Ժոմարտ Տոկաևին Ղազախստանի Հանրապետության Սահմանադրության օրվա առթիվ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորել է Ղազախստանի Հանրապետության նախագահ, Եվրասիական տնտեսական բարձրագույն խորհրդի անդամ Կասիմ-Ժոմարտ Տոկաևին և Ղազախստանի ամբողջ ժողովրդին Սահմանադրության օրվա կապակցությամբ։

30 օգոստոսի 2025 Բակիտժան Սագինտաևը Ալեքսանդր Լուկաշենկոյին շնորհավորել է ծննդյան օրվա կապակցությամբ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորել է Բելառուսի Հանրապետության նախագահ, Եվրասիական տնտեսական բարձրագույն խորհրդի նախագահ Ալեքսանդր Լուկաշենկոյին ծննդյան օրվա առթիվ։

29 օգոստոսի 2025 Նովոսիբիրսկում քննարկել են ԵԱՏՄ երկրների տարածաշրջանների համագործակցության զարգացումը Եվրասիական տնտեսական հանձնաժողովը Արտահանման առաջին եվրասիական համաժողովի շրջանակներում անցկացրել է «ԵԱՏՄ-ում միջտարածաշրջանային կապերի զարգացումը՝ որպես եվրասիական ընկերությունների արտահանման ներուժի ամրապնդման գործոն» թեմայով պանելային նստաշրջան, որն անցել է օգոստոսի 28-ին Նովոսիբիրսկում:

26 օգոստոսի 2025 Քննարկվել են ԵԱՏՄ շրջանակներում պետգնումների ոլորտի արդիական հարցեր Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը ԵՏՀ կենտրոնակայանում աշխատանքային հանդիպում է ունեցել Տնտեսագիտության բարձրագույն դպրոցի ռուսաստանցի փորձագետ-պրոֆեսոր, Ռուսաստանի Դաշնության ֆինանսների նախկին փոխնախարար Ալեքսեյ Լավրովի հետ, որը նախկինում վերահսկում էր նաև պետգնումների հարցերը: «Մենք գնահատում ենք Ձեր անձնական մեծ ավանդը պետական գնումների ոլորտում եվրասիական տնտեսական ինտեգրման զարգացման գործում», - նշել է Մաքսիմ Երմոլովիչը: Հանդիպման մասնակիցները քննարկել են ԵԱՏՄ շրջանակներում այս ոլորտի արդիական հարցեր և դրանց կարգավորման առանձնահատկությունները՝ ներառյալ վիճակագրական հաշվետվությունների կատարելագործման հեռանկարները:

26 օգոստոսի 2025 Հաստատվել է խաղալիքների մասին տեխկանոնակարգի արտադրանքի ցանկի նոր խմբագրությունը Եվրասիական տնտեսական հանձնաժողովի Կոլեգիան հաստատել է «Խաղալիքների անվտանգության մասին» Մաքսային միության տեխնիկական կանոնակարգի պահանջներին համապատասխանության պարտադիր գնահատման ենթակա արտադրանքի նոր ցանկը, որի նկատմամբ մաքսային ընթացակարգերով գրանցվելու դեպքում հաստատվում է տեխնիկական կարգավորման միջոցների պահպանումը։ Ցանկը մշակվել է Եվրասիական տնտեսական միության մաքսային տարածք պարտադիր համապատասխանության գնահատման ենթակա արտադրանքի ներմուծման կարգի իրականացման համար։ Ցանկում ներառվել է ԵԱՏՄ արտաքին տնտեսական գործունեության ապրանքային անվանացանկի մինչև 14 տարեկան երեխաների համար նախատեսված խաղալիքների 55 ծածկագիր: Փաստաթուղթն ուղղված է ԱՏԳ մասնակիցներին և օգտագործվում է մաքսային վարչարարության համար։ Հանձնաժողովի կոլեգիայի որոշումը ուժի մեջ կմտնի պաշտոնական հրապարակման օրվանից 30 օրացուցային օր հետո։

26 օգոստոսի 2025 ԵԱՏՄ-ն տրիգերային պաշտպանական միջոց կկիրառի Վիետնամից ներմուծվող հագուստի առանձին տեսակների նկատմամբ Եվրասիական տնտեսական հանձնաժողովի կոլեգիան որոշում է ընդունել Ազատ առևտրի մասին համաձայնագրին համապատասխան սակագնային առանձնաշնորհներով Վիետնամից ներմուծվող հագուստի առանձին տեսակների նկատմամբ տրիգերային պաշտպանական միջոց կիրառելու մասին: Նման միջոցի կիրառումը նշանակում է, որ Կոլեգիայի որոշումն ուժի մեջ մտնելու պահից վեց ամսվա ընթացքում Վիետնամից Եվրասիական տնտեսական միություն հագուստի առանձին տեսակներ ներմուծելու դեպքում կիրառվելու է ԵԱՏՄ միասնական մաքսային սակագնի գործող դրույքաչափը: Պաշտպանական միջոց կիրառելու հիմք է դարձել Վիետնամից համաձայնագրով նախատեսված ներմուծման տրիգերային մակարդակի գերազանցումը: «Այս միջոցը թույլ կտա աջակցել Միության արտադրողներին և բացառել Վիետնամից ապրանքների անմաքս ներմուծման կտրուկ աճը՝ համաձայնագրով նախատեսված մակարդակներից բարձր, ինչը կարևոր է մեր երկրների թեթև արդյունաբերության համար», - նշել է ԵՏՀ առևտրի նախարար Անդրեյ Սլեպնևը: Որոշումն ուժի մեջ կմտնի պաշտոնական հրապարակման օրվանից 30 օրացուցային օր հետո։

25 օգոստոսի 2025 Գոհար Բարսեղյան. «Հանձնաժողովն աջակցում է ԵԱՏՄ ձռնարկությունների միջև ամուր արտադրական կապերի ամրապնդմանը» Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը Ղազախստանի Հանրապետություն կատարած այցի շրջանակներում բանակցություններ է վարել Ղազախստանի արդյունաբերության և շինարարության նախարար Երսային Նագասպաևի հետ: Կողմերը քննարկել են Եվրասիական տնտեսական հանձնաժողովի արդյունաբերական օրակարգի իրականացման գործում փոխգործակցության արդիական հարցեր: Նախարարները կարևորել են արդյունաբերական հատվածում կոոպերացիայի զարգացման մասով երկխոսության խորացումը, քննարկել ԻՆՆՈՊՐՈՄ-ում ԵԱՏՄ արդյունաբերական քաղաքականության հարցերով խորհրդի առաջիկա նիստի հետ կապված հարցեր: Գոհար Բարսեղյանն այցելել է Ղազախստանի արդյունաբերական ձեռնարկություններ և գոտիներ: Մասնավորապես, նա եղել է Ալմաթիի արդյունաբերական գոտու ձեռնարկություններում, որոնց մասնագիտացած են ավտոմոբիլաշինության արտադրանքի և համալրողների արտադրության գործում, և Ալմաթիի օդափոխման գործարանում: «Մենք Ղազախստանի ձեռնարկությունների հետ մի շարք գերակա ոլորտներում համագործակցության զարգացման մեծ ներուժ ենք տեսնում: Ղազախստանի շահագրգիռ ընկերությունների հետ ավելի սերտ աշխատանքը թույլ կտա ստեղծել նոր կոոպերացիոն շղթաներ», - նշել է Գոհար Բարսեղյանը: Աշխատանքային հանդիպումներ են կայացել ԵՏՀ նախարարի և հանրապետության ձեռնարկատերերի միջև, այդ թվում՝ կլոր սեղանի ձևաչափով: Քննարկվել է Միության շրջանակներում արդյունաբերական կոոպերացիայի ֆինանսավորման մեխանիզմի իրականացումը, ինչպես նաև ձեռնարկությունները եվրասիական ինտեգրացիոն նախագծերին աջակցության տրամադրման ծրագրում ներառելու պայմանները: «ԵԱՏՄ երկրների ձեռնարկատերերն ունեն բոլոր ռեսուրսները տեխնոլոգիաների փոխանակման և արդյունավետ ինտեգրացիոն կապերի ձևավորման համար», - ամփոփել է Գոհար Բարսեղյանը:

22 օգոստոսի 2025 ԵՏՀ-ն ակտիվացնում է համագործակցությունը երկաթուղային մեքենաշինության ոլորտում՝ ֆինանսական աջակցության մեխանիզմի օգտագործմամբ Եվրասիական տնտեսական միության երկրներում երկաթուղային մեքենաշինության ոլորտում արդյունաբերական համագործակցության ընդլայնման նպատակով Եվրասիական տնտեսական հանձնաժողովի արդյունաբերության և ագրոարդյունաբերական համալիրի բլոկի ներկայացուցիչները մի շարք աշխատանքային հանդիպումներ են ունեցել Բելառուսի հաստոցաշինական ձեռնարկությունների ղեկավարության և տեխնիկական մասնագետների հետ Մերձմոսկվայում՝ Կոլոմնայի տրանսպորտային մեքենաշինության գործարանի արտադրական հարթակում: Ներկայումս այդ ձեռնարկությունը մշակում է 1 ՄՎտ-ից մինչև 7.35 ՄՎտ հզորությունների միջակայքի շարժիչների արտադրության զարգացման նախագիծը: Նախագիծը նախատեսվում է իրագործել նաև ԵԱՏՄ շրջանակներում արդյունաբերության ոլորտների կոոպերացիոն նախագծերին ֆինանսական աջակցության տրամադրման մեխանիզմի միջոցով: Միջոցառումների ընթացքում կողմերը պատրաստակամություն են հայտնել համագործակցելու, անցել են առևտրային առաջարկների փոխանակմանը և սարքավորումների մատակարարումների մասին պայմանագրերի նախապատրաստմանը: Այս կապակցությամբ ԵՏՀ արդյունաբերական քաղաքականության վարչության փոխտնօրեն Վիտալի Վովկը նշել է. «Մեր Միության երկրների արդյունաբերողները պետք է գիտակցեն նոր կոոպերացիոն շղթաների կառուցման կարևորությունը ոչ միայն առանձին ձեռնարկությունների, այլ տրանսպորտային մեքենաշինության ամբողջ եվրասիական կլաստերի և արդյունաբերության հարակից ոլորտների տեխնոլոգիական ինքնիշխանության հասնելու համար»: Աշխատանքային հանդիպումներ են անցկացվել «Բելօրգստանկինպրոմ», «Վիստան», «Ռուխսերվոմոտոր», «Կրասնի բորեց», ԳՍԶՈՒ, «Ստանկո-Գոմել» ընկերությունների ներկայացուցիչների հետ: Կոլոմնայի գործարանն արտադրում է մայրուղային ուղևորատար ջերմաքարշեր, էլեկտրաքարշեր և դիզելային շարժիչներ:

Ցուցադրել ավելին