Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7201

17 հոկտեմբերի 2025 Մոսկվայում քննարկել են ԵԱՏՄ շրջանակներում մրցակցային պետական գնումների զարգացումը Հոկտեմբերի 16-ին Մոսկվայում՝ «Պետական (մունիցիպալ) գնումները ԵԱՏՄ-ում» թեմայով միջազգային խորհրդաժողովում քննարկել են Եվրասիական տնտեսական միության շրջանակներում մրցակցային պետական գնումների՝ որպես տվյալ ոլորտի կարգավորման սկզբունքներից մեկի զարգացումը: Միջոցառմանը քննարկվել են թվայնացման հիման վրա պետական գնումների ոլորտում մրցակցության զարգացման, աճուրդների մասնակիցներին ներկայացվող որակավորման պահանջների կատարման, բանկային ուղեկցման և կադրերի պատրաստման մակարդակի բարձրացման ասպեկտները: Հատուկ ուշադրություն են դարձրել ազգային սերվիսների անդրսահմանային հասանելիության խնդրահարույց հարցերին: Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը խորհրդաժողովի մասնակիցներին տեղեկացրել է ԵԱՏՄ շրջանակներում պետգնումների շուկայում առկա միտումների մասին: Առանձին անդրադարձել է պետգնումների ոլորտի կարգավորման՝ Միության մասին պայմանագրով սահմանված նպատակների և սկզբունքների իրականացմանը: ԵՏՀ նախարարն ուշադրություն է դարձրել ոչ մրցակցային պետգնումների հատվածի գործունեությանը, որում ներկայունս ակտիվորեն ներդրվում են մրցակցային մեխանիզմներ: «Սա պայմաններ է ստեղծում պետական կարիքների համար ապրանքների անդրսահմանային մատակարարումների ավելացման համար: ԵԱՏՄ մի շարք երկրներում՝ Ղազախստանում, Ղրղզստանում և Ռուսաստանում, օգտագործվում են «էլեկտրոնային խանութից» գնումները, կիրառվում «էլեկտրոնային կատալոգները», որոնք պարունակում են ապրանքների ստանդարտացված բնութագրերը», — նշել է Մաքսիմ Երմոլովիչը: ԵՏՀ նախարարը պարզաբանել է, որ ԵԱՏՄ իրավունքով գնումների նման եղանակներ դեռևս նախատեսված չեն: Սակայն դրանց կիրառումն ակտիվորեն քննարկվում է փորձագետների կողմից: Անդամ պետությունների շահերից է բխում միասնական կարգավորման հիման վրա նորամուծությունների ներդրման համակարգվածության ապահովումը: Խորհրդաժողովն անցկացրել է ԵՏՀ մրցակցության և հակամենաշնորհային կարգավորման բլոկը՝ ՌԴ կառավարությանն առընթեր Ֆինանսական համալսարանի հետ համատեղ: Միջոցառմանը մասնակցել են ԵԱՏՄ անդամ պետությունների լիազոր մարմինների, էլեկտրոնային առևտրի հարթակների և բիզնեսի ներկայացուցիչներ: Խորհրդաժողովի մասնակիցներին տեսաուղերձով դիմել է ՉԺՀ ֆինանսների նախարարության Գանձապետարանի վարչության փոխտնօրեն Չան Յոնը:

17 հոկտեմբերի 2025 Ուզբեկստանի բորսայական գործունեության փորձն օգտագործվելու է ԵԱՏՄ ընդհանուր բորսայական շուկան կառուցելիս Եվրասիական տնտեսաան հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչն Ոզբեկստանի Հանրապետության կատարած այցի ընթացքում աշխատանքային հանդիպում է ունեցել Ուզբեկստանի հանրապետական ապրանքահումքային բորսայի վարչության փոխնախագահ Նաբիհոն Սամատովի հետ: Հանդիպման ընթացքում Մաքսիմ Երմոլովիչը խոսել է մինչև 2030 թվականը Եվրասիական տնտեսական միության շրջանակներում ընդհանուր բորսայական շուկայի ձևավորման ուղղությամբ ԵՏՀ-ի կողմից անդամ պետությունների հետ համատեղ կատարվող աշխատանքի մասին: Կողմերը քննարկել են ԵԱՏՄ շրջանակներում բորսայական առևտրի ոլորտում փոխգործակցության և լավագույն փորձի փոխանակման հարցեր: Հանդիպման արդյունքում պայմանավորվածություն է ձեռք բերվել ուզբեկական կողմի ներկայացուցիչների կողմից Բորսայական կոմիտեին մասնակցելու մասին, որի կազմում կընդգրկվեն ԵԱՏՄ անդամ պետությունների ներկայացուցիչներ և դիտորդներ Իրանի Իսլամական Հանրապետությունից: «Ուզբեկստանի ապրանքահումքային բորսայի ներկայացուցիչներին որպես դիտորդ հրավիրելը, ինչպես նաև բորսայական մոդելի գործունեության նրանց փորձի օգտագործումը խթան կհաղորդի ԵԱՏՄ-ում ընդհանուր բորսայական շուկայի սկզբունքների ձևավորման սկզբնական փուլին», — ընդգծել է Մաքսիմ Երմոլովիչը:

16 հոկտեմբերի 2025 ԵՏՀ-ն ԵԱՏՄ երկրների բիզնեսի հետ քննարկել է Ուզբեկստանի հետ փոխադարձ առևտրում առկա խոչընդոտները և դրանց վերացման հնարավորությունները Եվրասիական տնտեսական հանձնաժողովի կենտրոնակայանում կայացել է Ուզբեկստանի Հանրապետության հետ ոլորտային զարգացմանը, փոխադարձ առևտրում խոչընդոտների հայտնաբերմանը և վերացմանը նվիրված սեմինար: Դրան մասնակցել են Եվրասիական տնտեսական միության երկրների իշխանության մարմինների, բիզնեսի և փորձագիտական համայնքի ներկայացուցիչներ։

16 հոկտեմբերի 2025 ԵՏՀ-ն սեմինար է անցկացրել անցակետերում թվային տեխնոլոգիաների օգտագործման վերաբերյալ Հոկտեմբերի 16-ին ԵՏՀ կենտրոնակայանում Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովի նախագահությամբ կայացել է «Խելացի անցակետեր: Թվայնացումը Եվրասիական տնտեսական միության երկրների մաքսային մարմիններում» թեմայով միջազգային սեմինար: Միջոցառմանը մասնակցել են միջազգային կազմակերպությունների, ԵԱՏՄ և Ուզբեկստանի Հանրապետության մաքսային մարմինների, նավիգացիոն կապարակնիքների օգտագործմամբ փոխադրումների հետագծման օպերատորների, բիզնեսի և գործարար ընկերակցությունների ներկայացուցիչներ: Սեմինարի մասնակիցները քննարկել են մաքսային սահմանին խելացի անցակետերի թողունակության բարձրացմանն ուղղված ժամանակակից տեխնոլոգիաներն ու լուծումները, միջազգային համագործակցությունը և լավագույն համաշխարհային փորձի օգտագործումը: «Նոր միտումները, այն է՝ իրերի ինտերնետի, մեծ տվյալների, արհեստական բանականության օգտագործումը և «խելացի» անցակետերի ստեղծումը, նոր հորիզոններ են բացում ԵԱՏՄ անդամ պետությունների մաքսային ծառայությունների համար: Այս նորարարությունները թույլ են տալիս արագացնել սահմանով ապրանքների տեղափոխումը՝ աջակցելով արտաքին տնտեսական գործունեության բարեխիղճ և օրինապահ մասնակիցներին, միաժամանակ բարձրացնելով մաքսային հսկողության որակն ու արդյունավետությունը», — ընդգծել է Ռուսլան Դավիդովը: ԵՏՀ մաքսային բլոկի ղեկավարը հիշեցրել է, որ Հանձնաժողովն իրավասու է հաստատել Միության մաքսային սահմանի անցակետերի սարքավորմանն ու կահավորմանը ներկայացվող տիպային պահանջները: Ներկայումս ակտիվ աշխատանք է կատարվում գործող պահանջների արդիականացման ուղղությամբ, այդ թվում՝ հաշվի առնելով վերոնշյալ առաջադեմ տեխնոլոգիաների կիրառման անհրաժեշտությունը: «Նույնանման ուղղությամբ են շարժվում մեր հարևանները, շարժվում է ամբողջ աշխարհը: Վերահսկիչ ընթացակարգերի ավտոմատացումը երկուստեք շահավետ գործընթաց է թե՛ պետությունների, թե՛ մասնավոր խաղացողների համար, որն արդյունքում կհանգեցնի մեր Միության մրցունակության բարձրացմանը», — նշել է Ռուսլան Դավիդովը:

16 հոկտեմբերի 2025 Մինսկում քննարկել են ԵԱՏՄ-ում ստանդարտացման զարգացման հեռանկարները Եվրասիական տնտեսական հանձնաժողովի տեխնիկական կարգավորման և հավատարմագրման վարչության փոխտնօրեն Մաքսիմ Կիմը Մինսկում՝ Ստանդարտացման համաշխարհային օրվան նվիրված խորհրդաժողովի ընթացքում խոսել է Եվրասիական տնտեսական միությունում տեխնիկական կարգավորման ոլորտի պարտադիր պահանջների ընդհանուր բազայի ձևավորման և կատարելագործման, ինչպես նաև ստանդարտացման զարգացման հեռանկարների մասին:

15 հոկտեմբերի 2025 Մոսկվայում կայացել է Եվրասիական տնտեսական հանձնաժողովի հոբելենական Սպարտակիադան Հոկտեմբերի 15-ին Մոսկվայում՝ Ռուսաստանի ԱԳՆ ՄԳԻՄՕ մարզահամալիրի հարթակում անցկացվել է Եվրասիական տնտեսական հանձնաժողովի 5-րդ Սպարտակիադան։

15 հոկտեմբերի 2025 Մաքսիմ Երմոլովիչ. «ԵՏՀ-ն սկսել է աշխատել մինչև 2030 թվականը ԵԱՏՄ շրջանակներում ընդհանուր բորսայական ապրանքային շուկայի ձևավորման ուղղությամբ» Հոկտեմբերի 15-ին Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը Մոսկվայում կայացած «Ռուսաստանի էներգետիկ շաբաթ» միջազգային համաժողովում հայտարարել է մինչև 2030 թվականը Եվրասիական տնտեսական միության շրջանակներում ընդհանուր բորսայական ապրանքային շուկայի ձևավորման աշխատանքի մեկնարկի մասին:

14 հոկտեմբերի 2025 Ադրբեջանից և ՉԺՀ-ից ալյումինե ժապավենի նկատմամբ հակագնագցման տուրքը երկարաձգվել է մինչև կրկնակի հետաքննության ժամկետի ավարտը Եվրասիական տնտեսական հանձնաժողովի Կոլեգիան երկարաձգել է Ադրբեջանի Հանրապետությունից և Չինաստանի Ժողովրդական Հանրապետությունից ծագող ալյումինե ժապավենի նկատմամբ հակագնագցման տուրքը մինչև 2026 թվականի հունիսի 29-ը: Կիրառվող միջոցի գործողության ժամկետը պետք է լրանար 2025 թվականի հոկտեմբերի 23-ին։ Սակայն ԵՏՀ ներքին շուկայի պաշտպանության վարչությունը դիմում է ստացել, որի քննարկման արդյունքում 2025 թվականի հունիսի 30-ին սկսվել է կրկնակի հակագնագցման հետաքննություն։ «ԵԱՏՄ նորմատիվ բազայով նախատեսված է հակագնագցման գործող միջոցի կիրառման ժամկետի երկարաձգում կրկնակի հետաքննության անցկացման ժամանակահատվածով, որը պետք է ավարտվի դրա մեկնարկի օրվանից 12 ամսվա ընթացքում», — հիշեցրել են ԵՏՀ առևտրային բլոկում: Ադրբեջանից և ՉԺՀ-ից ծագող փայլաթիթեղի նկատմամբ հակագնագցման տուրքը սահմանվել է Եվրասիական տնտեսական հանձնաժողովի Կոլեգիայի 2020 թ. սեպտեմբերի 22-ի N 115 որոշմանը համապատասխան: Տուրքի չափը կազմում է Ադրբեջանից ծագող ալյումինե ժապավենի մաքսային արժեքի 16.18%-ը և ՉԺՀ-ից ծագող ալյումինե ժապավենի մաքսային արժեքի 13.14%-ը:

Ցուցադրել ավելին