Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7170

30 սեպտեմբերի 2025 Հանձնաժողովը ԵԱՏՄ երկրներին հորդորում է համագործակցել հաստոցաշինության ոլորտում «Իննոպրոմ. Բելառուս» միջազգային ցուցահանդեսի շրջանակներում կայացած «Նոր մոտեցում հաստոցի նկատմամբ. մինչև 2030 թվականը հաստոցաշինական ոլորտի հեռանկարները» թեմայով կլոր սեղանի ընթացքում Եվրասիական տնտեսական հանձնաժողովի արդյունաբերական քաղաքականության վարչության փոխտնօրեն Վիտալի Վովկը միջոցառման մասնակիցների հետ քննարկել է Եվրասիական տնտեսական միությունում հաստոցաշինության վիճակը և զարգացման հեռանկարները, այդ թվում՝ արդյունաբերական կոոպերացիայի ֆինանսավորման մեխանիզմի միջոցով:

29 սեպտեմբերի 2025 Բակիտժան Սագինտաևը մասնակցել է Իննոպրոմի լիագումար նստաշրջանին: Սեպտեմբերի 29-ին Մինսկում Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը Եվրասիական տնտեսական միության, ԱՊՀ երկրների, Իրանի, Կուբայի կառավարությունների ղեկավարների հետ համատեղ մասնակցել է «Նոր տեխնոլոգիաների միություն. ստեղծելով ապագային արդյունաբերությունը» լիագումար նիստին, որն անցկացվել է «Իննոպրոմ. Բելառուս» միջազգային արդյունաբերական ցուցահանդեսի շրջանակներում:

29 սեպտեմբերի 2025 Բակիտժան Սագինտաևը մասնակցել է ԱՊՀ կառավարությունների ղեկավարների խորհրդի նիստին Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը սեպտեմբերի 29-ին Մինսկում մասնակցել է Անկախ Պետությունների Համագործակցության կառավարությունների ղեկավարների ընդլայնված կազմով խորհրդի նիստին։

29 սեպտեմբերի 2025 «Իննոպրոմ. Բելառուս» ցուցահանդեսի շրջանակներում կայացել է ԵԱՏՄ արդյունաբերական քաղաքականության հարցերով խորհրդի նիստը «Իննոպրոմ. Բելառուս» ցուցահանդեսի շրջանակներում կայացած Եվրասիական տնտեսական միության արդյունաբերական քաղաքականության հարցերով խորհրդի նիստում քննարկվել են ԵԱՏՄ-ում արդյունաբերական կոոպերացիային ֆինանսական աջակցության տրամադրման մեխանիզմի իրականացման ընթացքը, քաղաքացիական ավիաշինության, նավաշինության, երկաթուղային շարժակազմի և ուղևորատար անվավոր տեխնիկայի արտադրության ոլորտում Միության պետությունների համագործակցության հեռանկարային ուղղությունները, ինչպես նաև «ԵԱՏՄ արդյունաբերություն» թեմատիկ պորտալի ստեղծումը:

29 սեպտեմբերի 2025 Բակիտժան Սագինտաևը շնորհավորել է Իրանի նախագահ Մասուդ Փեզեշքիանին ծննդյան օրվա առթիվ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորել է Իրանի Իսլամական Հանրապետության նախագահ, Եվրասիական տնտեսական միությանը կից դիտորդ պետության ղեկավար Մասուդ Փեզեշքիանին ծննդյան օրվա կապակցությամբ:

26 սեպտեմբերի 2025 ԵՏՀ-ն և ԱՍԵԱՆ-ը սահմանել են մինչև 2030 թվականը համագործակցության պլանները Սեպտեմբերի 26-ին Կուալա Լումպուրում (Մալայզիա) Ռուսաստանի և ԱՍԵԱՆ-ի երկրների էկոնոմիկայի նախարարները խորհրդակցությունների ընթացքում քննարկել են Եվրասիական տնտեսական հանձնաժողովի և Հարավարևելյան Ասիայի պետությունների ասոցիացիայի միջև երկխոսության զարգացման առանցքային ուղղությունները: Եվրասիական տնտեսական հանձնաժողովը ներկայացրել է Ինտեգրման զարգացման վարչության տնօրեն Միքայել Բելլույանը։

25 սեպտեմբերի 2025 Բակիտժան Սագինտաևը աշխատանքային հանդիպում է ունեցել Ալեքսեյ Օվերչուկի հետ Սեպտեմբերի 25-ին Եվրասիական տնտեսական հանձնաժողովի կենտրոնակայանում ԵՏՀ Կոլեգիայի նախագահ Բակիտժան Սագինտաևը աշխատանքային հանդիպում է ունեցել Ռուսաստանի Դաշնության կառավարության փոխնախագահ, ԵՏՀ խորհրդի անդամ Ալեքսեյ Օվերչուկի հետ, որի ընթացքում քննարկվել են եվրասիական տնտեսական ինտեգրման արդիական հարցեր:

25 սեպտեմբերի 2025 Անդրեյ Սլեպնյով. «Ստորագրվել է ԵԱՏՄ-ի և Իրանի միջև ազատ առևտրի մասին համաձայնագրի իրականացմանն ուղղված համագործակցության եռամյա ճանապարհային քարտեզը» Այս մասին Եվրասիական տնտեսական հանձնաժողովի առևտրի նախարար Անդրեյ Սլեպնյովը հայտարարել է Եվրասիական տնտեսական հանձնաժողովի և Իրանի միջև ազատ առևտրի մասին այս տարվա մայիսին ուժի մեջ մտած լիաձևաչափ համաձայնագրի իրականացման հարցերով համատեղ կոմիտեի առաջին նիստից հետո կայացած ճեպազրույցում: Նիստին մասնակցել են իրանական կողմից Համատեղ կոմիտեի համանախագահ, Իրանի Իսլամական Հանրապետության արդյունաբերության, հանքերի և առևտրի նախարար Մոհամադ Աթաբաքը, ինչպես նաև ԵՏՀ մաքսային համագործակցության նախարար Ռուսլան Դավիդովը: «Ծավալուն փաստաթուղթն ընդգրկում է այնպիսի առանցքային բաժիններ, ինչպիսիք են, օրինակ, տրանսպորտը և լոգիստիկան և, առաջին հերթին, «Հյուսիս-Հարավ» միջանցքը: Մենք պայմանավորվել ենք կանաչ մաքսային միջանքների ձևավորման, թվայնացման, էլեկտրոնային տարանցմանն անցնելու մասին, ինչը մեր ձեռնարկությունների համար բացում է իրանական շուկա իրենց արտադրանքի արագացված մատակարարումների հնարավորություններ», — ընդգծել է Անդրեյ Սլեպնյովը:  Խոսքը նաև «Եվրասիական ագրոէքսպրես» նախագծով սառը բեռների փոխադրումների ընդլայնման, նավահանգիստների գծով փոխգործակցության և ենթակառուցվածքի պլանների համակարգման մասին է՝ իրանական նավահանգիստների միջոցով Հնդկական օվկիանոսի ջրային տարածք դուրս գալու հեռանկարով: Այս կապակցությամբ ԵՏՀ նախարարը հիշեցրել է հնդկական կողմի հետ ազատ առևտրի մասին համաձայնագրի վերաբերյալ ակտիվ խորհրդակցությունների մասին: Բացի այդ, նման մի փոխգործակցություն է նշմարվում նաև Պակիստանի հետ, ինչն ավելացնում է իրանական գործընկերների՝ որպես «Հյուսիս-Հարավ» միջանցքի կարևորագույն օղակի պահանջվածությունը: Անդրեյ Սլեպնյովը նաև անդրադարձել է ԵԱՏՄ-ից ապրանքների ներմուծման քանակական սահմանափակումները Իրանի կողմից հանելու լուրջ աշխատանքին, ինչը կարող է համարվել եվրասիական «հնգյակի» երկրներին գործընկերոջ կողմից տրամադրվող եզակի առանձնաշնորհ: «Առանձին նշե, «հալալ» հավաստագրման վերաբերյալ փաստաթղթի ստորագրումը՝ սա այսօր կարևոր թեմա է գյուղատնտեսական արտադրանքի առևտրի համար: Այստեղ մենք պայմանավորվել ենք գործել չափագիտության իսլամական կազմակերպության ստանդարտներին համապատասխան», — հայտնել է ԵՏՀ առևտրի նախարարը: Կողմերը պայմանավորվել են ստանդարտների և առևտրում տեխնիկական խոչընդոտների վերացման ուղղությամբ աշխատանք սկսելու մասին: Կարգավորող մարմինների աջակցությամբ մեկնարկել գործնական երկխոսությունը ԵԱՏՄ և Իրանի խոշորագույն մարկետփլեյսերի միջև, ուղիներ են տրամադրում փոքր և միջին բիզնեսի ապրանքների մատակարարման համար: «Այլ հարցել ևս քննարկվել են, օրինակ՝ բարտերի զարգացումը, հաշվարկները, տարածաշրջանում երրորդ երկրների հետ առևտրի քաղաքականության համակարգումը, գործարար շրջանակների համագործակցությունը», — նշել է Անդրեյ Սլեպնյովը: Քննարկվել են ապրանքների ծագման հաստատման էլեկտրոնային համակարգի մշակման առաջարկների նախապատրաստումը և ԵԱՏՄ-ի և Իրանի բիզնեսի համար առևտրային կարգավորման հարցերով տեղեկագրի մշակումը: Կողմերը պայմանավորվել են մշակել Իրանի՝ որպես դիտորդի մասնակցությունը ԵԱՏՄ Դեղագրքային կոմիտեի աշխատանքներին և խորհրդակցություններ անցկացնել բժշկական սարքերի և տեխնիկայի, ինչպես նաև փոխադրամիջոցների և պահեստամասերի փոխադարձ հասանելիության պայմանների բարելավման վերաբերյալ: Պայմանավորվածություն է ձեռք բերվել գյուղատնտեսական արտադրանքի և սննդամթերքի առևտրի վրա ազդեցություն ունեցող սանիտարական և բուսասանիտարական միջոցների կիրառման հարցերի քննարկման, նավիգացիոն կապարակնիքների օգտագործման համատեղ առաջարկների մշակման մասին: Նաև պայմանավորվել են ստեղծել մաքսային համագործակցության հարցերով ենթակոմիտե: Ըստ ԵՏՀ առևտրի նախարարի՝ Իրանի հետ ազատ առևտրի մասին լիաձևաչափ համաձայնագրի արդյունքներն արդեն նկատվում են, թեև այն ուժի մեջ է մտել միայն մայիսին: Հունվարից ապրանքաշրջանառությունն ավելացել է 16%-ով, և այս թիվը լուրջ աճ է ամրագրում, որը նկատվել է 2019 թվականից ի վեր՝ Ժամանակավոր համաձայնագրի գործողության ժամանակահատվածում: Այս վիճակագրությունները վկայում են, որ ԵԱՏՄ-ի և Իրանի միջև ապրանքաշրջանառությունը առանձնաշնորհային առևտրային ռեժիմի գործողության մեկնարկի պահից ավելացել է ավելի քան 2.2 անգամ: Այս կապակցությամբ ԵՏՀ առևտրի նախարարը վերահաստատել է միջնաժամկետ հեռանկարում առևտրի կրկնապատկման և 12 մլրդ դոլար նշաձողին հասնելու նախկինում հնչեցված պլանները:

Ցուցադրել ավելին