қаз

Интеграция және макроэкономика

  • Интеграция және макроэкономика жөніндегі Алқа Мүшесі (Министр)
Интеграция және макроэкономика жөніндегі Алқа Мүшесі (Министр) Алишеров Эльдар Туралиевич
Қабылдау бөлмесі тел. +7 (495) 669-24-06

тақырыбы бойынша жаңалықтар «Интеграция және макроэкономика»

19 маусымның 2025 Эльдар Алишеров: "Біздің диалогымыз ЕАЭО елдері мен Мьянманың тауар айналымын одан әрі өсіруге жәрдемдесуге арналған" Еуразиялық экономикалық комиссия мен Мьянма Одағы Республикасының Үкіметі арасындағы өзара іс-қимыл жөніндегі бірлескен жұмыс тобының отырысында Еуразиялық экономикалық одақ пен Мьянма арасындағы сауда-экономикалық ынтымақтастықтың басымдықтары талқыланды. Кездесу Петербург халықаралық экономикалық форумы аясында ЕЭК Интеграция және макроэкономика жөніндегі министрі Эльдар Алишеров пен Мьянманың Инвестициялар және сыртқы экономикалық байланыстар министрі Кан Зоның тең төрағалығымен өтті. Отырысқа қатысушылар сауда, ауыл шаруашылығы, бәсекелестік саясат саласындағы ынтымақтастық, бизнес-топтардың өзара іс-қимылы мәселелерін қарастырды. "ЕАЭО шеңберінде әзірленіп жатқан реттеушіліктің түрлі аспектісі бойынша біздің диалогымыз Еуразиялық" бестік" елдері мен Мьянманың сауда-экономикалық байланыстарын дамытуға, 2019 жылдан бері үш еседен астам ұлғайған тауар айналымының одан әрі өсуіне жәрдемдесуге арналған", – деді Эльдар Алишеров. Осы кезеңдегі Комиссия мен Мьянма Үкіметі ынтымақтастығының ЕЭК министрі белгілеп көрсеткен түйінді міндеттерінің қатарында бір-бірінің сауда-экономикалық мүмкіндіктері туралы хабардарлықты арттыру, сондай-ақ экономикалық қатынастардағы жұмыс тобы шеңберінде талқылану талап етілетін "осал" жерлерді сәйкестендіру бар. Оның сөзінше, тараптар ынтымақтастығының жоғары әлеуеті "Комиссияның тұтастай АСЕАН өңіріндегі белсенді диалогымен, сондай-ақ Мьянма шын мәнінде АСЕАН-да ЕАЭО-мен арадағы "көпір", Оңтүстік Шығыс Азияның ірі экономикасының сауда "қиылысы" болып табылатындығымен айқындалады". Өз кезегінде Кан Зо Одақтың барлық елімен экономикалық ынтымақтастықты жандандыру үшін ЕЭК-пен диалогтың үлкен маңызы бар екенін атап көрсетті. Осыған байланысты ол бірқатар перспективалы бағытты бөліп көрсетті, олар: цифрландыру, электрондық сауда, ауыл шаруашылығы саласында технологиялармен алмасу, Мьянманың айрықша экономикалық аймақтары шеңберіндегі өзара іс-қимыл. Отырыста Мьянманың Сауда министрі Оун, Мьянманың Ауыл шаруашылығы, мал шаруашылығы және ирригация министрі Мин Наун және осы елдің Сауда-өнеркәсіп палаталары одағының төрағасы Ай Вин сөз сөйледі. Тараптар ЕАЭО мемлекеттері мен Мьянманың кәсіпкерлерін ЕАЭО Іскерлік кеңесі мен Мьянманың тиісті бизнес-қауымдастығы арасында ресми диалог орнатуды қоса, неғұрлым тығыз ынтымақтастыққа шақырды. Бірлескен жұмыс тобының кезекті отырысы 2026 жылы өтеді. Еуразиялық экономикалық комиссия мен Мьянма Одағы Республикасының Үкіметі арасындағы Өзара іс-қимыл туралы меморандумға 2023 жылы қол қойылды.  
ЕЭК ЕАЭО елдерінде іскерлік белсенділік динамикасының өзгергенін атап өтеді 30 майдың 2025 ЕЭК ЕАЭО елдерінде іскерлік белсенділік динамикасының өзгергенін атап өтеді Экономикалық дамудың сәйкес келетін және озыңқы индикаторларын есептеу нәтижелері Еуразиялық экономикалық одақ елдеріндегі іскерлік белсенділік динамикасының өзгергенін айғақтап отыр Еуразиялық экономикалық комиссияның бағалауы бойынша, 2025 жылғы маусымда интеграциялық бірлестіктің көптеген мемлекетінің экономикасында баяулау күтілуде, бұл ретте Қазақстан экономикасы іскерлік белсенділіктің өрлеу кезеңіне өтеді. Қазіргі уақытта Қазақстан мен Ресей экономикасы баяулау кезеңінде қалып отыр, Арменияда, Беларусьта және Қырғызстанда іскерлік белсенділіктің өсуі байқалады. Озыңқы индикаторлар қысқа мерзімді перспективада Еуразиялық "бестік" елдеріндегі іскер белсенділіктің өзгеру динамикасының бағыты туралы түсінік қалыптастыру үшін Еуразиялық экономикалық комиссия қолданатын болжау құралы болып табылады. Олар экономикалық агенттердің мінез-құлқын және экономикадағы негізгі трендтерді айғақтайтын қысқа мерзімді процестер туралы неғұрлым маңызды ақпаратты жинақтайды.
29 майдың 2025 ЕЭК ЕАЭО-ның статистикалық ақпаратының сапасын бағалау жөніндегі алғашқы есепті дайындады Еуразиялық экономикалық комиссияның Статистика жөніндегі консультативтік комитетінің отырысында Еуразиялық экономикалық одақтың статистика саласындағы Интеграцияны дамытудың 2021 – 2025 жылдарға арналған бағдарламасын және Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асырудың жылдық қорытындылары қаралды. Отырысқа қатысушылар ЕАЭО-ның 2024 жылғы ресми статистикалық ақпаратының сапасын бағалау жүйесі бойынша есепті талқылады. Консультативтік комитеттің мүшелері бұл жұмыстың өзектілігін атап өтіп, оны жыл сайын жүргізу керек деген қорытындыға келді. Сондай-ақ, статистикаға цифрлық технологияларды енгізу жарияланымдарды дайындау мерзімін едәуір қысқартуға мүмкіндік беретіні атап өтілді. Есеп ЕЭК-тің Статистика департаменті мен мемлекеттердің уәкілетті органдарымен бірлесіп әзірлеген Одақтың статистикалық ақпаратының сапасын бағалау жөніндегі нұсқаулықтың талаптарына сәйкес дайындалды. Статистика жөніндегі Консультативтік комитеттің келесі отырысы 2025 жылдың қазан айына жоспарланған. Статистика жөніндегі консультативтік комитеттің отырысы туралы толық ақпарат статистика департаментінің «Статистика жөніндегі консультативтік комитет» бөліміндегі бетте берілген.
27 майдың 2025 ЕЭК пен Таиланд өзара іс-қимылды жандандыруда Еуразиялық экономикалық комиссия мен Таиланд Корольдігінің Үкіметі арасындағы ынтымақтастықтың перспективалық бағыттарын ЕЭК интеграцияны дамыту департаментінің директоры Микаел Беллуян және Таиланд СІМ Еуропалық департаменті директорының орынбасары Сомруди Пупорнанаке талқылады. Микаел Беллуян Комиссияның Еуразиялық экономикалық одақ мемлекеттері мен Таиланд Корольдігі арасындағы, оның ішінде Ынтымақтастық туралы меморандум аясында сауданы кеңейту бойынша бірлескен жұмысты жандандыруды ұсынып отырғанын атап өтті. Сонымен қатар ол 2025 жылдың маусым айында Таиландтың ресми топтары мен іскерлік қоғамдастығының өкілдері үшін Еуразиялық экономикалық күн тәртібі бойынша салалық семинар өткізу жоспарланғанын айтты. Тараптар ЕЭК пен Таиланд Үкіметі арасындағы өзара іс-қимыл жөніндегі бірлескен жұмыс тобының 3-отырысын өткізу мүмкіндігін талқылады, оның барысында ынтымақтастықтың практикалық мәселелері, сондай-ақ бірлескен іс-шаралар жоспарын жасау қаралатын болады. Сомруди Пупорнанаке айтылған ұсыныстарды қолдап, меморандум аясында Таиландтың ЕЭК-пен диалогты дамытуға деген көзқарасын және ЕАЭО елдерімен сауда-экономикалық ынтымақтастықты дамытуға деген қызығушылығын, оның ішінде ЕАЭО, оның мүше мемлекеттері мен Таиланд Корольдігі арасында ЕСА құру мүмкіндігін зерделеу қажеттігін атап өтті. ЕЭК пен Таиланд Корольдігінің Үкіметі арасындағы Ынтымақтастық туралы меморандумға 2018 жылғы 19 қарашада қол қойылды. Құжатқа сәйкес тараптар өңірлік экономикалық интеграция; сауда саясаты; Еуразиялық экономикалық одаққа мүше мемлекеттердегі және Таиланд Корольдігіндегі экономикалық даму мен макроэкономикалық ахуалды талдау; кедендік реттеу; техникалық реттеу; санитариялық, ветеринариялық-санитариялық және карантиндік фитосанитариялық шаралар; қаржы; көлік; энергетикалық саясат; агроөнеркәсіптік кешен; бәсекелестік саясат және монополияға қарсы реттеу; өнеркәсіп; зияткерлік меншік; тұтынушылардың құқықтарын қорғау; ақпараттық-коммуникациялық технологиялар және цифрлық экономика; қызметтер саудасы және инвестициялар; кәсіпкерлікті дамыту; мемлекеттік сатып алу; өзара экономикалық мүддені білдіретін өзге де бағыттар сияқты бағдарлар бойынша ынтымақтастықты жүзеге асыруға ниетті.
Тағы да көрсету

Қызметі

Пайдалы сілтемелер
Тендерлер мен конкурстар
Меморандумдар
Еуразиялық экономикалық комиссия туралы шарт
КО СЭҚ ТН

тақырыбы бойынша шешімдер «Интеграция және макроэкономика»

нормативтік құжаттар

Бағыт бойынша материалдар

18 қарашаның 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады 09 қарашаның 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​
29 қыркүйектің 2016 Ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі (Министр) Карине Минасянның «Голос Армении» газетіндегі: Интеграцияға толық кірікпеу жағдайында» атты сұхбаты ЕАЭО елдері ішкі нарықтарының тосқауылдарсыз, алып қоюларсыз және шектеулерсіз жұмыс істеуі соңғы кездері, әсіресе одаққа мүше мемлекеттердің басшылары Еуразиялық экономикалық комиссияны (ЕЭК) бұл бағыт бойынша белсенді әрекеттердің жеткілікті болмауы үшін жиі сын айтуы аясында жіті талқыланатын тақырып болды. Комиссияда нақ ішкі нарықтардың тосқауылдарсыз, алып қоюларсыз және шектеулерсіз жұмыс істеуіне жауап беретін ЕЭК Алқа мүшесі (министрі) Карине Минасянмен әңгіме барысында біз ЕЭК осындай кедергілерді жою жұмысында қандай істер тындырылғанын анықтауға тырыстық.
ЕЭК Министрі Карине Минасянның «Адамдар мен елдер арасындағы цифрлық алшақтықты еңсеру» атты конференция шеңберінде жасаған «Цифрлық дивидендтер: түрлі контекстер» атты баяндамасы 27 майдың 2016 ЕЭК Министрі Карине Минасянның «Адамдар мен елдер арасындағы цифрлық алшақтықты еңсеру» атты конференция шеңберінде жасаған «Цифрлық дивидендтер: түрлі контекстер» атты баяндамасы Құрметті әріптестер! Ханымдар мен мырзалар! Дүниежүзілік банк «Цифрлық дивидендтер» әлемдік даму туралы – 2016 баяндамасында Цифрлық революцияның қажетті реформалар жүргізбейтін елдерді алыс артқа шегеріп тастайтынын айтады. Ал оларды жүргізетін елдерге технологияларға инвестициялар салу көп цифрлық дивидендтерді қамтамасыз етеді, осы дивидендтер барлық мүдделі тараптардың арасында кең таратылатын болады.
0/0

ЕАЭО ресурстары