тексттин өлчөмү: A A A
Сайттын түстөр: C C C
Сайттың әдеттегі болжамы
Выберите язык

Техникалық реттеу

Татарицкий Валентин
Болеславович

Қабылдау бөлмесі тел. 8 (495) 669-24-11 ,

тақырыбы бойынша жаңалықтар «Техникалық реттеу»

15 майдың 2025 ЕЭК Өзбекстанмен тамақ өнімінің қауіпсіздігі саласында өзара іс-қимылды дамытады Еуразиялық экономикалық комиссияның штаб-пәтерінде ЕЭК Өзбекстан Үкіметімен өзара іс-қимыл туралы меморандумның және 2024-2026 жылдарға арналған бірлескен іс-шаралардың тиісті жоспарының шеңберінде ұйымдастырған Өзбекстан Республикасы Денсаулық сақтау министрлігі жанындағы Санитариялық-эпидемиологиялық салауаттық және қоғамдық денсаулық комитетінің өкілдерімен семинар болып өтті. Еуразиялық экономикалық одақ елдері мен Өзбекстанның уәкілетті мемлекеттік органдарының және бірқатар ғылыми ұйымдарының өкілдері өзара сауда кезінде тамақ және басқа да өнімдердің қауіпсіздігін қамтамасыз етуді талқылады. "Біздің Өзбекстан Республикасынан келген әріптестерімізбен кездесулеріміз тұрақты сипат ала бастады. Олар көптеген пайдалы ақпарат алуға, бейіндік мәселелерді талқылауға мүмкіндік береді", — деп атап өтті ЕЭК Санитариялық, фитосанитариялық және ветеринариялық шаралар департаментінің директоры Владимир Синкевич. Департамент директорының орынбасары Салия Карымбаева өзбек әріптестерін ЕАЭО-дағы өнім қауіпсіздігінің санитариялық-эпидемиологиялық және гигиеналық талаптарын өзектілендіруге орайлас тәсілдемелер туралы хабардар етті. Өз кезегінде өзбек тарапы Комиссиясының нормаларына сәйкес Өзбекстан Республикасында тамақ қауіпсіздігі жүйесін реформалау бойынша "Кодекс Алиментариус" таныстырылымын ұсынды. Семинар аясындағы өзара іс-қимыл ЕЭК-тің, Өзбекстан мен Одақ елдерінің тамақ өнімдері қауіпсіздігін қамтамасыз ету жөніндегі санитариялық-эпидемиологиялық қызметтерінің ынтымақтастығын дамытудағы, тауарлар айналысын қадағалау, осы саладағы ғылыми әлеуетті іске асыру жөнінде бірлескен тәсілдемелерді әзірлеудегі тағы бір маңызды қадам болды. "Өзбекстан мен ЕАЭО мемлекеттерінің бірлескен зерттеулері барлық елдің санитариялық органдар жүйесі жұмысының негізінде жатқан қағидатты — әрбір адамның денсаулығы мен өмірінің басымдығын және тұтастай қоғамның әл-ауқатын іске асыруға бағытталатын болады",-деп атап көрсетті Өзбекстан Республикасы Денсаулық сақтау министрлігі жанындағы Санитариялық-эпидемиологиялық салауаттық және қоғамдық денсаулық комитеті төрағасының бірінші орынбасары Нұрмат Атабеков. Семинар қорытындысы бойынша ЕАЭО шеңберінде, соның ішінде байқаушы мемлекеттердің қатысуымен бірлескен шешімдерді іске асыру үшін осындай форматтағы іс-шараларды өткізу қажеттігі атап өтілді.
22 сәуірдің 2025 ЕЭК-те электрондық автопаспортттар жүйесінің әкімшісі мен ұлттық операторларының ақпараттық өзара іс-қимылы талқыланды ЕЭК штаб-пәтеріндегі жұмыс кездесуі барысында Еуразиялық экономикалық комиссияның Техникалық реттеу жөніндегі министрі Валентин Татарицкий мен Еуразиялық экономикалық одақ елдерінің уәкілетті органдарының өкілдері көлік құралдарының, өздігінен жүретін машиналардың және техниканың басқа да түрлерінің электрондық паспорттары жүйелерінің әкімшісі мен ұлттық операторлары арасындағы ақпараттық өзара іс-қимыл туралы уақытша келісімдердің осы жылдың бірінші тоқсанындағы іске асырылу қорытындыларын талқылады. Атап айтқанда, "Электрондық паспорт" АҚ электрондық паспорттар жүйесінің әкімшісі мен Одақ мемлекеттерінің ұлттық операторлары арасындағы мәліметтер алмасу бойынша ақпараттық өзара іс-қимыл нәтижелері, көлік құралдарының (көлік құралдарының шассиі), өздігінен жүретін машиналардың және техниканың басқа да түрлерінің маркаларының анықтамалықтарын пайдалану, электрондық паспорттарды ресімдеу процесінде сәйкестікті бағалау туралы құжаттарды қолдану, сондай-ақ мұндай паспортты ресімдеу үшін кеден органдарынан мәліметтер алу қаралды. Тараптар алғашқы нәтижелерді тіркеді және Одақта электрондық паспорттар жүйесінің тиімді жұмысын қамтамасыз ету үшін ақпараттық өзара іс-қимылды одан әрі дамыту жолдарын белгіледі. Кездесуге "Электрондық паспорт" АҚ әкімшісінің және Одақ мемлекеттерінің ұлттық операторларының өкілдері: "ЭКЕНГ" ЖАҚ, "ОҒЗТБИ" ААҚ, "ҰАТ" АҚ, «Кызмат» ММ қатысты, бұлармен өзара іс-қимыл туралы келісімдер бұрын жасасылған.
22 сәуірдің 2025 ЕАЭО-ның табиғи жанғыш газға арналған техникалық регламенті үшін стандарттар әзірлеу жөніндегі бағдарлама жаңартылды Еуразиялық экономикалық комиссия Алқасы Еуразиялық экономикалық одақтың тасымалдауға және (немесе) пайдалануға дайындалған табиғи жанғыш газға арналған техникалық регламентін іске асыруды қамтамасыз ететін мемлекетаралық стандарттарды әзірлеу жөніндегі жаңартылған бағдарламаны бекітті. Жаңартылған бағдарламаның жобасы қазіргі уақытта 78% орындалған қолданыстағы бағдарламаның іске асырылу барысын ескере отырып, Ресей Федерациясының бастамасы бойынша дайындалды. Атап айтқанда, қолданыстағы Бағдарламаның жоспарланған 17 әзірлемесінің 13 тармағы бойынша МемСТ (екі МемСТ – 2021 жылы, бес МемСТ – 2022 жылы, бес МемСТ – 2023 жылы және бір МемСТ – 2024 жылы) әзірленді. Бағдарлама қолданыстағы МемСТ-қа өзгерістер әзірлеу (МемСТ 31371.7-2020-ға стандартты ендіру практикасын талдау нәтижелері бойынша бірқатар ұғындырма кірістіру қажеттігіне байланысты) және жаңа (газ хроматографиясы әдісімен сұйытылған табиғи газдың компоненттік құрамын айқындауға арналған) МемСТ әзірлеу туралы ұстанымдармен толықтырылды. Сөйтіп, бағдарламаның жаңа редакциясы екі МемСТ әзірлеуді көздейді, ал екі МемСТ қайта қаралуға жатады (әзірлеуші болып Ресей белгіледі).
16 сәуірдің 2025 Валентин Татарицкий: "Балалар мен жасөспірімдерге арналған тауарлар ең қауіпсіз болуға тиіс" Еуразиялық экономикалық комиссияның Техникалық реттеу жөніндегі министрі Валентин Татарицкий Мәскеуде Балалар тауарлары индустриясының конгресінде балалар мен жасөспірімдер үшін өнімнің қауіпсіздігін арттыруды ұсынды. Ол мұндай тауарлардың Еуразиялық экономикалық одақ елдерінің нарығында ең қауіпсіз болуға тиіс екеніне сенімді. Конгресс алаңында бизнестің, сарапшылар қауымдастығының, мемлекеттік құрылымдар мен халықаралық ұйымдардың өкілдері осы тақырып бойынша пікір ауысты, жұмыс тәжірибесін бөлісті. Валентин Татарицкий Комиссияның мүше мемлекеттермен бірлесіп ЕАЭО шеңберінде тиісті нормативтік базаны қалыптастыруы мен жетілдіруі жайында айтты. Оның сөзінше, одақтық құжаттарда өндірушілердің ойыншықтарды, киімді, аяқ киімді, басқа да балалар мен жасөспірімдер тауарларын өндіру кезіндегі қазіргі заманғы технологияларды қолдануы кеңірек көрініс табуға тиіс. Бұл жағдайда қауіпсіздік бірінші орында тұруы керек. Әр бала қызықты да әдемі ойыншықты армандайды. Бірақ сыйлық оны және ата-анасын ренжітпеуі әрі денсаулыққа зиян тигізбеуі үшін, сатып алу кезінде өнімнің бірқатар сипаттамаларына назар аударған жөн. Атап айтқанда, белгіленген қауіпсіздік талаптарына сай келетін және белгілі бір жас критерийлерімен сәйкесетін материалына, пішініне, иісіне. Тіпті түстің де маңызы бар – ол баланың нақты әлем туралы түсінігін бұзбай, оны қорқытпау үшін жаратылысқа мүмкіндігінше жақындау болуға тиіс. Одақтың "Ойыншықтардың қауіпсіздігі туралы" техникалық регламентінде барлық қажетті талаптар қамтылған. ЕАЭО шеңберінде "Балалар мен жасөспірімдерге арналған өнімнің қауіпсіздігі туралы", "Аттракциондардың қауіпсіздігі туралы", "Балалар ойын алаңдарына арналған жабдықтардың қауіпсіздігі туралы" техникалық регламенттері және басқа да негізгі қалаушы болып табылатын талаптар қолданылады. ЕЭК министрі "балалардың психикалық денсаулығы мен когнитивті дамуына төнетін қатерді" ескеру үшін Одақтың тиісті техникалық регламенттеріне уақытылы және ғылыми негізделген түзету енізу қажеттігіне айрықша назар аударды. "Техникалық регламенттер талаптарының техникалық табиғаты болады, бұл бізге оларды жеткілікті түрде айқын жолмен бағалауға (сынауға немесе өлшеуге) мүмкіндік береді. Сонымен бірге, балалар өнімі балалардың интеллектуалдық, адамгершілікті, эстетикалық дамуы үшін үлкен маңызға ие. Бірақ регламенттерде бұған әсер етуі мүмкін талаптар әлі жоқ", — деп атап өтті ЕЭК министрі. Валентин Татарицкий балалар өнімдеріне, соның ішінде балалардың психикасына теріс әсер етпейтін цифрлық ойыншықтар мен жасанды интеллект ойыншықтарына қойылатын талаптарды белгілеу бөлігіндегі әртүрлі тәжірибені зерделеу жайында хабарлады. Ол Еуропалық одақтың "балалар өнімдеріне қатысты реттеушілікті қатаңдату жөніндегі" мысалына жан-жақты тоқталып, барлық мүдделі адамдарды осы тәжірибені ЕАЭО-да ықтимал пайдалану перспективасымен барынша мұқият бағалауға шақырды. "Комиссия осыған ұқсас қызметтің біздің Одақта жүргізілуіне мүдделі. Оның үстіне, ЕАЭО құқығында техникалық талаптарды уақытылы және жедел түзету функционалы бар. Одақтың техникалық регламенттерін әзірлеу және оларға өзгерістер енгізу тәртібінің биыл қабылданған жаңа редакциясы осы құжаттардың және ҒЗЖ орындау қорытындылары бойынша Бірыңғай санитариялық-эпидемиологиялық талаптардың жедел түзетілуін қамтамасыз етеді", — деп түйіндеді Валентин Татарицкий.
Тағы да көрсету

Бағыт бойынша материалдар

06 қыркүйектің 2024 ЕАЭО елдерінің бірыңғай фармацевтикалық нарығын құру. Пациенттер қандай пайда көреді? ЕАЭО-ға мүше елдерде ұлттық рәсімдер бойынша тіркелген барлық дәрі-дәрмектер Еуразиялық экономикалық одақ ережелерімен сәйкестендірілуі тиіс болатын өтпелі кезеңнің аяқталуына аз ғана уақыт қалды. Ол 2025 жылғы 31 желтоқсанда аяқталады, ал әрі қарай нарықта Одақ талаптары бойынша тіркеу рәсімінен өткен дәрі-дәрмектер ғана қалады. Бұл процесс ауқымды әрі елдеріміздің денсаулық сақтау жүйелері мен пациенттері үшін өте маңызды, сондықтан мамандар мен сала қатысушыларын оның қалай жүріп жатқаны алаңдатады. «Қазақстанның фармацевтикалық шолуы» ақпараттық-талдамалық басылымының редакциясы қазіргі уақытта елдер бойынша тіркеу көрінісінің қандай болып жатқаны, өтінім берушілер мен реттеушілердің қандай қиындықтарға кезігетіні, дәрі-дәрмектерді тұтынушылардың қандай пайда көруі мүмкін екені туралы сұрақтармен Еуразиялық экономикалық комиссия Алқасына жүгінді. Біздің сұрақтарымызға ЕЭК Техникалық реттеу және аккредиттеу департаменті директорының орынбасары МАМБЕТАЛИЕВА Чинара Мырзакматовна жауап берді.
14 желтоқсанның 2016 ЕЭК Техникалық реттеу жөніндегі министрі Валерий Корешковтың БелТА ақпараттық агенттігіне Еуразиялық экономикалық одақта дәрілік заттардың ортақ нарығын құру тақырыбы бойынша берген сұхбаты Дәрілік заттар – Еуразиялық экономикалық одақ елдері ортақ нарықтың жұмыс істей бастауына етене жақындаған ерекше тауарлардың алғашқы тобы. ЕАЭО-да бұл тәжірибені пайдалана отырып, қандай да бір дәрежеде басқа да – қаржылық, энергетикалық, мұнай-газ т.б. бірыңғай нарықтар құрылатын болады. БелТА тілшісі Еуразиялық экономикалық комиссияның (ЕЭК) Техникалық реттеу жөніндегі Алқа мүшесі (министр) Валерий Корешковпен алда қандай кезеңдерді өту керектігі және ортақ дәрі-дәрмек нарығы қалай жұмыс істейтіні туралы әңгімелесті.​
18 қарашаның 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
09 қарашаның 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​