тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 7

07 қазанның 2025 Бақытжан Сағынтаев Владимир Путинді туған күнімен құттықтады Еуразиялық экономикалық комиссия Алқасының Төрағасы  Бақытжан Сағынтаев Ресей Федерациясының Президенті, Жоғары Еуразиялық экономикалық кеңес мүшесі Владимир Путинді туған күнімен құттықтады. "Сіз Еуразиялық экономикалық одақты құрудың бастауында тұрдыңыз және оның дамуына үлкен жеке үлесіңізді қосуды жалғастырып келесіз. Сіз ел басшысы мәртебесіндегі қызметіңізде ЕАЭО мемлекеттерінің сындарлы экономикалық ынтымақтастығына алдағы уақытта да жәрдемдесе беретініңізге сенімдімін", – делінген құттықтау хатта. ЕЭК Алқасының басшысы Комиссия атынан және жеке өз атынан Владимир Путинге мықты денсаулық, құт-береке және Ресей халқының игілігіне арналған жаңа жетістіктерге жете беруді тіледі.      

07 қазанның 2025 Валентин Татарицкий: "Одақтың техникалық реттеу жүйесі нарықты қауіпсіз емес және контрафактілік өнімнен қорғауға елеулі үлес қосады" Еуразиялық экономикалық комиссияның Техникалық реттеу жөніндегі министрі Валентин Татарицкий Минскіде өткен "Антиконтрафакт-2025" XIII халықаралық форумының пленарлық отырысында өнімнің заңсыз айналымына қарсы тұруға бағытталған реттеу шараларын әзірлеудегі әртүрлі сала мен құзыреттің өзара байланысын және олардың арасындағы бірыңғай техникалық реттеу жүйесінің орнын баса көрсетті. ЕЭК министрі Еуразиялық экономикалық одақта қабылданған 52 техникалық регламенттің 48-і және олармен байланысты 8800-ден астам мемлекетаралық және ұлттық стандарт өнімнің ортақ нарығы үшін негіз құра отырып, қазірдің өзінде ЕАЭО елдерінің өнеркәсібі мен бизнесінде қолданылып жатқанын мәлімдеді. "Қауіпсіздіктің жоғары деңгейін сақтау және ғылымның, технологиялардың, өндірістердің, сынақ базасының қазіргі заманғы даму деңгейіне сәйкес келу үшін Одақ құқығына техникалық регламенттердің ғылыми-техникалық деңгейін бағалауды жүргізу механизмі ендірілді. 2029 жылға дейін біз Одақтың 29 техникалық регламентін бағалауды жоспарлап отырмыз", - деп атап көрсетті ЕЭК министрі. Ол Одақтық нарыққа жосықсыз өндірушілер мен қауіпсіз емес өнімдерді жібермеуге ықпал ететін жұмысқа толығырақ тоқталды. "2025-Стратегиясын іске асыру кезеңінде сертификаттау жөніндегі аккредиттелген органдардың, сынақ зертханаларының қызметін жақсарту бойынша аккредиттеу саласында үлкен жұмыс атқарылды.  Одақтың бірыңғай тізілімінде осындай 2800 ұйым бар. Біз қазір ұлттық аккредиттеу органдары жосықсыз зертханалар мен сертификаттау органдарын тізілімнен алып тастайтынын көріп отырмыз, елдермен осындай тізілімге кіру критерийлерін қатаңдату бойынша жұмыс істеп жатырмыз. Дәл қазір Комиссия алаңында осы ұсыныстар талқылануда", - деп атап өтті Валентин Татарицкий. Міндетті талаптардың сақталуын мемлекеттік қадағалау туралы айта келе, ол елдер деңгейінде олардың қадағалау саясатын іске асыруға бірден бірнеше реттеуші тартылғанына назар аударды. Қазіргі уақытта олардың Одақ мемлекеттеріндегі жалпы саны - 35. Оның пікірінше, нарықтағы өнімнің айналысын қадағалау органдарының қызметі жандана түсті. Мұны Комиссияға өзара іс-қимылдың белгіленген деңгейі шеңберінде Одақ елдері техникалық регламенттерінің талаптарының сақталуын бақылау мен қадағалаудың ұлттық органдарынан келіп түсіп жатқан мәліметтер растайды. Бұл ретте спикер оны дамыту жөніндегі, соның ішінде екі бейіндік: өнімнің жалпы қауіпсіздігі туралы және техникалық регламенттерді мемлекеттік қадағалаудың жалпы қағидаттары мен тәсілдемелері бойынша келісім шеңберіндегі жұмыстар кешенін атап өтті.  "Біз бес елдің қадағалау органдарының қадамдас және жедел ден қою механизмі бойынша көп те жүйелі жұмыс істеп жатырмыз. Бүгінгі таңда олардың арасындағы өзара іс-қимылдың сауатты схемасын құру өте маңызды", – деп сенім білдірді Валентин Татарицкий. ЕЭК министрі Одақ нарығын сәйкес келмейтін өнімдерден тиімді қорғауды қамтамасыз ету мәселелері бойынша диалогты қолдау қажеттігіне айрықша назар аударды. "Сұрқай" бизнеске қарсы күресте сәйкестікті бағалау құралдарын, соның ішінде объективті түрде қажет болатын осындай бағалау нысандарын қатаңдату арқылы қолдану қажет. Спикер аталған жұмыстардың барлық бағыты 2030-Декларациясын іске асыру жоспарында көзделгенін еске сала отырып, мұндай қажеттілік техникалық регламенттерді сәйкестікті бағалаудың жаңа үлгілік схемаларына сәйкестендіру кезінде талданады",- деп тиянақтады. Сөзін қорытындылай келе, Валентин Татарицкий мүдделі барлық адамды сәйкестікті бағалау саласына жаңа көзқарастың тәуекелі мен артықшылығын жан-жақты талдауды қамтамасыз ету үшін тиісті талқылауларға қосылуға шақырды. Бұл қауіпсіз емес және контрафактілік өнімдерге қарсы күрестің тиімділігін арттыру үшін қажет.

07 қазанның 2025 Руслан Давыдов: "ЕАЭО Кеден кодексіне темекі өнімінің жалған транзитіне қарсы күреске бағытталған түзетулер енгізу жоспарлануда" ЕЭК Кедендік ынтымақтастық жөніндегі министрі Руслан Давыдов Минскіде өткен "Антиконтрафакт-2025" форумындағы құрамында никотин бар өнімдер нарығына арналған сессияда Еуразиялық экономикалық одақ шеңберінде темекі өнімінің жалған транзитіне және жалған экспортына қарсы күрес жөніндегі Еуразиялық экономикалық комиссия қабылдайтын шаралар туралы айтты. ЕЭК министрінің сөзінше, Кеден кодексіне тиісті түзетулер дайындалды және олар жоғары дайындық дәрежесінде. Руслан Давыдов пікірсайысқа қатысушыларды ЕАЭО-да 2026 жылғы 11 ақпаннан бастап күшіне енетін навигациялық пломбаларды қолдана отырып тасымалдарды қадағалап отыру механизмін енгізу туралы хабардар етті. "Темекі өнімдерінің заңсыз әкелінуі мен айналымына қарсы іс-қимыл жөніндегі жұмыстың маңызды бөлігі – Комиссия алаңында бейінді жұмыс тобының жұмыс істеуі. Ол өткен жылы бизнестің бастамасы бойынша құрылды, оның негізгі міндеті ЕАЭО кедендік шекарасы арқылы заңсыз темекі және құрамында никотин бар өнімдерді астыртын өткізудің жолын кесу мәселелері бойынша келісілген ұсыныстар әзірлеу болып табылады", - деп атап көрсетті ЕЭК кеден блогының басшысы. Сессияға сондай-ақ цифрлық таңбалау операторлары, темекі өнімдерін өндірушілер, сондай-ақ ЕАЭО елдерінің мемлекеттік органдарының және Беларусь пен Қазақстанның бейінді қауымдастықтары мен коммерциялық емес ұйымдарының өкілдері қатысты. Контрафактілік және бұрмаланған өнімдерді әкелуге қарсы әрекет етуге елеулі үлес қосқаны үшін "Антиконтрафакт" халықаралық қауымдастығының шешімімен Руслан Давыдов "Контрафактіге қарсы күреске сіңірген еңбегі үшін" төсбелгісімен марапатталды.

07 қазанның 2025 Максим Ермолович: «ЕЭК қазіргі заманғы әлемнің тез өзгеріп жатқан шындығына бейімделеді" Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермолович 7 қазанда Астанада "Монополияға қарсы подиум: бәсекелестік саласындағы түйінді сыни шақырыстар мен трендтер" деп аталатын XI Еуразиялық монополияға қарсы форумның пленарлық сессиясына қатысты. Максим Ермолович Комиссияның бәсекелестік саясатты қазіргі заманғы сыни шақырыстарға бейімдеу жөнінде қабылдайтын негізгі бағыттарымен және шараларымен таныстырды. Соның ішінде реттеу процесінің ашықтығы мен дұрыс болжануын қамтамасыз ету, ЕЭК-тің бастамашыл іс-қимылының жаңа құралы – секторлық зерттеулерді ендіру мақсатында Еуразиялық экономикалық одақтың құқығын жетілдіру жөніндегі жұмыс туралы хабарлады. "Қазіргі заманғы сыни шақырыстарға барабар әрі жедел ден қоюға әдіснама мен практиканың синергиясы мүмкіндік береді - академиялық көзқарас пен ғылыми сараптама ұлттық және ұлтүсті бәсекелес органдардың практикалық тәсілдемесімен тығыз өзара іс-қимылда болуға тиіс. Осы басымдыққа сүйене отырып, бәсекелестікті адвокаттандыру жөніндегі іс-шаралар шеңберінде біз ғылыми-әдіснамалық бастамаларды белсенді түрде ілгерілетеміз", - деп атап өтті Максим Ермолович.  ЕЭК министрі бәсекелестік жөніндегі блоктың бірқатар бастамасына бөлекше тоқталды. Олардың арасында – мүше мемлекеттер мен байқаушы мемлекеттердің бәсекелестік ведомстволарымен өзекті мәселелерді шешу үшін "5+1" форматында білім беру курстарын, кеңестер өткізу, бәсекелестік мәселелері бойынша өңірлік ұйымдардың диалогы бар. Еуразиялық монополияға қарсы форум Еуразия континентінің ұлттық және трансшекаралық нарықтарындағы бәсекелестікті қорғау және монополияға қарсы реттеу мәселелері бойынша мемлекеттік органдар, сарапшылар қоғамдастығы және бизнес арасында тәжірибе алмасуға арналған жоғары деңгейдегі кәсіби алаң болып табылады.

07 қазанның 2025 ЕЭК ауыл шаруашылығы дақылдары сорттарының ұлттық тізілімін қалыптастыру мен жүргізу бойынша ұсыным қабылдады Еуразиялық экономикалық комиссия Алқасы 7 қазанда Еуразиялық экономикалық одақ елдерінде ауыл шаруашылығы өсімдіктері сорттарының ұлттық тізілімін қалыптастыру мен жүргізудің бірыңғай тәсілдемелері туралы ұсыным қабылдады. Құжат мүше мемлекеттер басшыларының шешіміне сәйкес қабылданды және ЕАЭО елдерінің ауыл шаруашылығы дақылдарының сорттарын сынау саласындағы заңнамасын біріздендіруге бағытталған. "Одақ елдерінің уәкілетті органдары ұсынатын ұлттық тізілімдерден алынған мәліметтердің біркелкілігі сорттардың бірыңғай тізілімінің дұрыс жұмыс істеуін және ЕАЭО шеңберінде ауыл шаруашылығы тауарын өндірушілерді аграрлық өндіріске ендіру үшін сапасы бойынша ең таңдаулы және неғұрлым құнды өсімдіктер сорттары туралы хабардар етуді қамтамасыз етуге мүмкіндік береді", – деп атап өтті ЕЭК Өнеркәсіп және агроөнеркәсіптік кешен жөніндегі министрі Гоар Барсегян. ЕАЭО шеңберінде ауыл шаруашылығы өсімдіктері тұқымдарының айналысы туралы келісімнің 4-бабына сәйкес Комиссия Одақ шеңберінде ауыл шаруашылығы өсімдіктері тұқымдарының айналысына байланысты қызметті ақпараттық қамтамасыз ету үшін олардың сорттарының бірыңғай тізілімін қалыптастырады.

07 қазанның 2025 Өрт қауіпсіздігін және өрт сөндіруді қамтамасыз ету құралдарына арналған техникалық регламентке орайлас стандарттар тізбесіне өзгерістер енгізілді Еуразиялық экономикалық комиссия Алқасы 7 қазанда Еуразиялық экономикалық одақтың "Өрт қауіпсіздігін және өрт сөндіруді қамтамасыз ету құралдарына қойылатын талаптар туралы" техникалық регламентіне орайлас стандарттар тізбесіне өзгерістер енгізді. Стандарттар тізбесі екі мемлекетаралық стандартпен толықтырылды: МемСТ 34350-2017 "Өрт сөндіру техникасы. Негізгі өрт сөндіру автомобилдері. Жалпы техникалық талаптар. Сынау әдістері" және МемСТ 34996-2023 "Өрт сөндіру техникасы. Өрт шамдары. Жалпы техникалық талаптар. Сынау әдістері" Бұдан басқа, тізбеге екі ұлттық стандарт енгізілген: МемСТ Р 58716-2019 "Өрт сөндіру техникасы. Ашық ауада табиғи өрттерді сөндіру кезінде қолданылатын, тыныс алу және көру органдарын қорғайтын, өрт сөндіруге арналған сүзгілейтін респираторлар. Жалпы техникалық талаптар. Сынау әдістері" және МемСТ Р 58446-2019 "Өрт сөндіру техникасы. Газ-түтіннен қорғау қызметі тобының жеке құрамын жарақтандыруға арналған жабдықтар жиынтығы. Жалпы техникалық талаптар. Сынау әдістері". Өзгерістер ЕЭК Алқасының шешімі ресми жарияланған күннен бастап күнтізбелік 180 күн өткен соң күшіне енеді. Өзгерістерді Комиссия Халықаралық және өңірлік (мемлекетаралық) стандарттардың тізбелерін әзірлеу және қабылдау тәртібінің 36-тармағының "а" тармақшасын іске асыру шеңберінде дайындады.

07 қазанның 2025 Гоар Барсегян: "ЕАЭО шеңберінде құзыреттерді біріктіре отырып, біз технологиялық егемендікті арттырамыз" Еуразиялық экономикалық комиссияның Өнеркәсіп және АӨК жөніндегі министрі Гоар Барсегян Краснодар өлкесіндегі Геленджикте болып өткен "Биопром" форумының "Өмірге арналған технологиялар" сессиясы барысында Еуразиялық экономикалық одақта өнеркәсіптік кооперацияны қаржылық қолдау және оны агроөнеркәсіптік секторда кеңейту механизмінің ойдағыдай іске қосылғаны туралы айтып берді. ЕЭК министрінің сөзінше, Одақта кооперациялық жобаларды қаржылық қолдаудың нақты құралы пайда болды, ол жаңа өндірістік қуаттарды құруға не қазіргі барын жаңғыртуға, соның ішінде фармацевтика мен АӨК саласында жаңғыртуға мүмкіндік береді. "Біздің мемлекеттеріміз осындай өнімді өндіретін жоғары әлеуетке ие. Құзыреттерді біріктіре отырып, біз Еуразиялық "бестіктің" әрбір елінің технологиялық егемендігін арттыруда айтарлықтай серпіліске қол жеткізе алатынымызға сенімдімін", - деп атап өтті ЕЭК министрі. Іскерлік бағдарлама шеңберінде Гоар Барсегян тамақ өнеркәсібі мен ауыл шаруашылығы кәсіпорындарының озық әзірлемелерімен танысты. Ол сондай-ақ өнеркәсіптік компаниялардың басшыларымен, банктер мен даму институттарының өкілдерімен іскерлікке арналған таңғы асқа қатысты, онда бизнесті ЕАЭО кооперациялық жобаларына белсене қатысуға шақырды.  