тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 7020

20 қарашаның 2025 Арзыбек Кожошев: "ЕАЭО-ның көлік тиянағы – Одақ елдерінің орнықты дамуының негізі" ЕЭК Энергетика және инфрақұрылым жөніндегі министрі Арзыбек Кожошев 20 қарашада Мәскеуде өткен жыл сайынғы "Интеграция" халықаралық форумында сөйлеген сөзінде ЕАЭО елдерінің орнықты дамуын қамтамасыз етудегі көлік-логистика инфрақұрылымының маңызды рөлін баса айтты.

20 қарашаның 2025 Наира Карапетян: "ЕЭК агроөнеркәсіптік кешендегі интеграцияны тереңдетуді пысықтауды жоспарлауда" Еуразиялық экономикалық комиссияның Агроөнеркәсіптік саясат департаментінің директоры Наира Карапетян 20 қарашада "Интеграция" VII Еуразиялық форумына қатысты. Салалық секцияда сөз сөйлеген Наира Карапетян Еуразиялық экономикалық одақ шеңберіндегі келісілген агроөнеркәсіптік саясаттың бар болған кезеңі ішіндегі тиімділігін атап өтті. "Сауатты іске асырылып жатқан ұлттық аграрлық саясат пен Одақ елдерінің үйлестірілген іс-қимылы ауыл шаруашылығы өнімдері өндірісін 25% ұлғайтуға, азық-түліктің негізгі түрлері бойынша ішкі қажеттілікті 92% жабуға, өзара сауда көлемін 70%, экспортты екі еседен астам ұлғайтуға, жаһандық деңгейде азық-түлікпен қамтамасыз етуге елеулі үлес қосуға мүмкіндік берді", – деп атап өтті Наира Карапетян. ЕАЭО-дағы экономикалық процестерді дамыту туралы 2030 жылға дейінгі және 2045 жылға дейінгі кезеңге арналған декларацияда көрсетілген АӨК-тегі интеграцияны тереңдету жөніндегі бұдан арғы қадамдар, соның ішінде сауда-экономикалық байланысты ұлғайтуға, инновациялық тәсілдемелерді ендіруге және агроөнеркәсіптік кешен үшін технологиялық базаны дамытуға, агрологистика мен инфрақұрылымды жетілдіруге бағытталатын болады.

20 қарашаның 2025 Руслан Давыдов: "Кедендік реттеуді цифрландыру – Еуразиялық экономикалық интеграцияны тереңдетудің кілті" ЕЭК Кедендік ынтымақтастық жөніндегі министрі Руслан Давыдов "Интеграция" VII Еуразиялық іскерлік форумының пленарлық отырысында сөз сөйлеп, кедендік реттеуді цифрландырудың Еуразиялық экономикалық интеграцияны дамытуға әсері туралы баяндамасын ұсынды. ЕЭК министрі цифрлық кедендік технологияларды ендіру сыртқы сауда қызметінің талапшарттарын жеңілдетуге, ашықтықты арттыруға және ЕАЭО елдерінің тауар айналымын жеделдетуге ықпал ететінін атап көрсетті. "ЕАЭО елдерінің сыртқы сауда көлемі 2024 жылы 2020 жылмен салыстырғанда 22% ұлғайды", – деп атап өтті Руслан Давыдов.  ЕЭК министрінің сөзінше, сыртқы факторларға қарамастан цифрлық кедендік жүйелердің іркіліссіз жұмыс істеуі маңызды, өйткені бұл ЕАЭО мемлекеттерінің технологиялық тәуелсіздігінің түйінді элементі. Сондай-ақ, Руслан Давыдов цифрлық кедендік технологияларды, соның ішінде ТМД елдері мен ЕАЭО мысалында қолданудың үздік әлемдік практикасы туралы айтып берді. "ЕАЭО бірыңғай кедендік аумағының сыртқы контурындағы өткізу пункттерінде барған сайын белсенді қолданылып келе жатқан жүк көлік құралдарын ағындық сканерлеу жүйелері кедендік операциялардың жасалу жылдамдығын едәуір арттыруға мүмкіндік береді. Оларды ендіру логистиканы дамыту және бақылаушы органдардың жұмыс сапасын арттыру мақсатында өткізу пунктінде жиналатын үлкен деректерге кешенді талдау жүргізу үшін жағдайлар жасауға ықпал ететін болады", – деп хабарлады ЕЭК министрі. Сөзінің соңында Руслан Давыдов форумға қатысушыларды ЕАЭО-да электрондық навигациялық пломбаларды қолдану бойынша 2025 жылғы 26 қарашада Мәскеуде өтетін ЕЭК конференциясына қатысуға шақырды. Бұл конференция 2026 жылғы 11 ақпаннан бастап ЕАЭО аумағы бойынша тасымалдарды қадағалап отыру үшін пломбаларды қолдануды іске қосу қарсаңында тәжірибе ауысудың және өзекті мәселелерді талқылаудың тағы бір мүмкіндігі болады.

19 қарашаның 2025 ЕАЭО мен АСЕАН тұтынушылардың құқықтарын қорғау саласындағы ынтымақтастықты нығайтуда АСЕАН Тұтынушылардың құқықтарын қорғау жөніндегі комитетінің онлайн-форматта өткен сессиясында Еуразиялық экономикалық комиссия мен Оңтүстік-Шығыс Азия мемлекеттері қауымдастығы (АСЕАН) арасындағы ынтымақтастық бағдарламасын іске асыру нәтижелері және тұтынушылардың құқықтарын қорғау жөніндегі әріптестікті дамыту перспективалары талқыланды.

19 қарашаның 2025 ЕЭК Кеңесі жаңа кооперациялық жобаны және оны іске асыруға ЕАЭО бюджетінен субсиядия беруді мақұлдады Жоба бойынша өтініш беруші "Сбербанк" ЖарАҚ (Ресей) болып табылады. Жобаны дайын өнім өндіруге арналған жиынтықтауыштарды Беларусь пен Қазақстаннан жеткізетін кәсіпорындардың қатысуымен Қорған жол машиналары зауыты іске асыруда.

18 қарашаның 2025 Бақытжан Сағынтаев ШЫҰ елдерінің Үкімет басшылары кеңесінің отырысына қатысты Еуразиялық экономикалық комиссия Алқасының Төрағасы Бақытжан Сағынтаев 18 қарашада Мәскеуде Шанхай ынтымақтастық ұйымына мүше мемлекеттердің Үкімет басшылары кеңесінің отырысына қатысты.

17 қарашаның 2025 ЕАЭО елдерінің құрылыс-жол машина жасау саласындағы өнеркәсіптік ынтымақтастықтың перспективалық бағыттары айқындалды Еуразиялық экономикалық комиссия Алқасы 17 қарашадағы отырыста Еуразиялық экономикалық одақ аясында құрылыс-жол машина жасау саласындағы өнеркәсіптік ынтымақтастықты дамытудың перспективалық бағыттарын белгіледі.

17 қарашаның 2025 Андрей Слепнев бизнес өкілдерімен ЕЭК-тің сауда күн тәртібінің өзекті мәселелерін талқылады Еуразиялық экономикалық комиссияның сауда министрі Андрей Слепнев Ресей өнеркәсіпшілер және кәсіпкерлер одағының интеграция, сауда-кеден саясаты және ДСҰ жөніндегі комитетінің және халықаралық ынтымақтастық жөніндегі РӨКО комитетінің металлургия және тау-кен өнеркәсібі жөніндегі кіші комитетінің бірлескен отырысына қатысты.

Тағы да көрсету