Жаңалықтар

30 майдың 2025 ЕЭК-те ЕАЭО-дағы кедендік реттеуді жетілдіру мәселелері талқыланды 30 сәуірде Еуразиялық экономикалық комиссияда ЕЭК Кедендік ынтымақтастық жөніндегі министрі Руслан Давыдовтың төрағалық етуімен кедендік реттеуді жетілдіру жөніндегі жоғары деңгейдегі жұмыс тобының отырысы болып өтті. Еуразиялық экономикалық одақтың Кеден кодексіне ЕАЭО кедендік шекарасы арқылы контейнерлердің оңайлатылған өткізілуіне қатысты түзетулер талқыланды. Кедендік транзиттің кедендік рәсімін қолданудың тиімділігін арттыру, сондай-ақ балық аулау және балық өнімдері туралы мәліметтермен алмасу мәселелері қаралды. Жұмыс тобының қатысушылары неғұрлым тұйықты мәселелер бойынша талқылауды жалғастыра түсуге уағдаласты. Жұмыс тобының келесі отырысын осы жылғы мамыр айында көзбе-көз форматта өткізу жоспарланған.

30 майдың 2025 Максим Ермолович: "Бәсекелестік жөніндегі өңірлік ұйымдардың кездесулері әлемде неғұрлым тиімді бәсекелестік саясатты тұжырымдауға көмектеседі" Еуразиялық экономикалық комиссия Мысырдың бәсекелестік ведомствосының қолдауымен Каирде бәсекелестік жөніндегі өңірлік ұйымдар өкілдерінің жұмыс кездесуін өткізді. Оған ЕЭК Бәсекелестік және монополияға қарсы реттеу жөніндегі министрі Максим Ермолович қатысты. ЕЭК бейіндік блогының бастамасы бойынша дәстүрге айналған мұндай іс-шаралар халықаралық өңірлік ұйымдарға өзекті мәселелер бойынша сындарлы ынтымақтастық жасауға, жұмыс тәжірибесімен алмасуға көмектеседі. Бәсекелестікті тиімді реттеу практикасы осы бесінші кездесуге қатысушылардың басты назарында болды. "Біз өңірлік ынтымақтастықтың артықшылықтарын ілгерілетеміз, өңіраралық диалогты нығайтамыз және кеңейтеміз, озық бәсекелестік практиканы әр өңірдің қажеттіліктеріне бейімдейміз, жаңа идеялар қалыптастырамыз, бұл сайып келгенде әлемде неғұрлым тиімді бәсекелестік саясатқа алып келеді", – деп санайды Максим Ермолович.    ЕЭК бәсекелестік жөніндегі өңірлік ұйымдардың кездесулерін өткізуді жалғастыратын болады. Бесінші кездесуге Мысыр бәсекелестік ведомствосының төрағасы, ЮНКТАД, Шығыс және Оңтүстік Африканың Ортақ нарығы, Шығыс Африка қоғамдастығы, Батыс Африка экономикалық және валюта одағы, Батыс Африка мемлекеттерінің экономикалық қоғамдастығы, Араб бәсекелестік желісі, Оңтүстік Шығыс Азия мемлекеттері қауымдастығы, БРИКС және Кариб қоғамдастығы өкілдері қатысты.

13 майдың 2025 ЕЭК шошқа еті, ірі қара еті, сүт және сүт өнімдері нарығын дамыту бойынша ұсынымдар қабылдады Еуразиялық экономикалық комиссия Алқасы келісілген агроөнеркәсіптік саясатты іске асыру шеңберінде соңғы төрт жылда Еуразиялық экономикалық одақ елдерінің агроазық-түлік секторының осы сегменттеріне талдамалық шолулар негізінде дайындалған шошқа еті, ірі қара еті, сүт және сүт өнімдері нарығын дамыту бойынша бірқатар ұсыным қабылдады. Қабылданған құжаттарды іске асыру селекциялық-асылдандыру жұмысының материалдық-техникалық базасын жетілдіруге, шошқалардың, етті және сүтті бағыттағы сиырлардың өнімділігін есепке алуға, селекцияның, соның ішінде геномдық селекцияның қазіргі заманғы технологияларын ендіруге көмектеседі. Ұсынымдар бәсекеге қабілеттілікті арттыру және экспорттық әлеуетті арттыру үшін ғылыми-техникалық және инновациялық әлеуетті пайдалану мақсатында Одақ нарығына қатысушылардың кооперациясына жәрдемдесетін болады. "Ұсынылатын шаралар кешенін іске асыру өндірісті құрылымдық және технологиялық жаңғыртуды жүргізуге, ішкі және сыртқы нарықтарда салалардың тиімділігі мен бәсекеге қабілеттілігін арттыруға мүмкіндік береді, ЕАЭО мемлекеттерінің азық-түлік қауіпсіздігін қамтамасыз етуге ықпал ететін болады", — деп атап өтті ЕЭК Өнеркәсіп және агроөнеркәсіптік кешен жөніндегі министрі Гоар Барсегян.

09 майдың 2025 Бақытжан Сағынтаев Жеңіс күнімен құттықтады Еуразиялық экономикалық комиссия Алқасының Төрағасы Бақытжан Сағынтаев Ұлы Отан соғысындағы Жеңістің 80 жылдығымен құттықтады. "Бүгін, 9 мамырда, біз майданда және тылда қатар тұрып қайыспаған халықтарымыздың өлмес ерлігіне құрмет көрсетеміз. Біздің ортақ борышымыз — осынау қаһармандықты есте сақтап, ұрпақтар зердесіне жеткізу. Жеңістің рухы мен өнегелі мәні әрқашан да ұлылықты қалпында қала береді", — деп атап өтті Бақытжан Сағынтаев. ЕЭК Алқасының басшысы ЕАЭО елдерінің Президенттері мен Премьер-министрлеріне құттықтау хат жолдады. Бақытжан Сағынтаев Еуразиялық экономикалық комиссия атынан және жеке өз атынан бәріне амандық-саулық, бейбітшілік пен өркендеу тіледі.

09 майдың 2025 Бақытжан Сағынтаев Жеңіс парадына қатысты Еуразиялық экономикалық комиссия Алқасының Төрағасы Бақытжан Сағынтаев 9 мамырда Мәскеуде Ұлы Отан соғысындағы Жеңістің 80 жылдығына арналып Қызыл алаңда өткізілген парадта болды. Парад аяқталғаннан кейін Белгісіз солдаттың қабіріне дәстүрлі гүл шоқтары қойылды.

07 майдың 2025 ЕАЭО Иорданияға, Ливанға және Самоаға тарифтік преференциялардың бірыңғай жүйесін пайдаланушы ел мәртебесін қайтарады Еуразиялық экономикалық комиссия Кеңесі Еуразиялық экономикалық одақтың тарифтік преференцияларының бірыңғай жүйесін пайдаланатын дамушы және аз дамыған елдер тізбесіне өзгерістер енгізді. Бұл арада сөз ЕАЭО біржақты тәртіппен бірқатар тауарға кедендік әкелу бажының ставкаларын төмендету немесе нөлге түсіру түрінде тарифтік преференциялар беретін мемлекеттердің тізімін өзектілендіру жайында болып отыр. Қабылданған шешім экономикалық көрсеткіштердегі өзгерістерді талдауға негізделген және Иорданияны, Ливанды және Самоаны ЕАЭО тарифтік преференцияларының бірыңғай жүйесін пайдаланушы (2021 жылға дейін одақтық жүйенің бенефициары болған) дамушы елдер санатына кірістіруді көздейді. Бұдан басқа, Дүниежүзілік банк дайындаған кіріс деңгейі бойынша елдерді жіктеу туралы жаңартылған ақпаратты ескере отырып, жүйені пайдаланушылар қатарынан Маршалл Аралдары Республикасы  мен Эль-Сальвадор Республикасын шығару, сондай-ақ Бутан Корольдігі мен Сан-Томе және Принсипи Демократиялық Республикасының преференциялық мәртебесін аз дамыған елден дамушы елге қарай қайта қарау туралы шешім қабылданды. "Бүгінгі шешім ЕЭК-тің Одақ тарифтік преференцияларының бірыңғай жүйесін әкімшілендіру жөніндегі дәйекті жұмысының жалғасы болып табылады және дамушы және аз дамыған елдердің экономикалық өсуі үшін жағдайлар жасауға, сондай-ақ ЕАЭО-ға мүше мемлекеттердің олармен сауданы одан әрі ұлғайтуына ықпал ететін болады", — деп атап өтті Еуразиялық экономикалық комиссияның Сауда жөніндегі министрі Андрей Слепнев. Экономикалық операторларды сыртқы сауда қызметін жүргізудің өзгермелі жағдайларына бейімдеу мақсатында ЕЭК Кеңесінің шешімімен тиісті өтпелі кезеңдер көзделген. ЕАЭО тарифтік преференцияларының бірыңғай жүйесі аз дамыған және дамушы елдердің экономикалық өсуіне жәрдемдесуге бағытталған. Оны қолданудың жағдайлары мен тәртібі туралы ереже Еуразиялық экономикалық комиссия Кеңесінің 2016 жылғы 6 сәуірдегі № 47 шешімімен бекітілген. ЕАЭО тарифтік преференцияларының бірыңғай жүйесін пайдаланушы елдердің тізбелері Кеден одағы Комиссиясының 2009 жылғы 27 қарашадағы № 130 шешімімен бекітілген. Оларға қатысты ЕАЭО кедендік аумағына әкелу кезінде тарифтік преференциялар берілетін дамушы немесе аз дамыған елдерден шығарылатын тауарлардың тізбесі Еуразиялық экономикалық комиссия Кеңесінің 2017 жылғы 13 қаңтардағы № 8 шешімімен бекітілген.

05 майдың 2025 Бақытжан Сағынтаев Садыр Жапаровты Қырғыз Республикасының Конституция күнімен құттықтады Еуразиялық экономикалық комиссия Алқасының Төрағасы Бақытжан Сағынтаев Қырғыз Республикасының Президенті, Жоғары Еуразиялық экономикалық кеңес мүшесі Садыр Жапаровты және бүкіл қырғыз халқын Конституция күнімен құттықтады. "Конституция мемлекеттіліктің берік негізі, Қырғыз Республикасының тұрақты дамуының сенімді кепілі болып табылады. Нақ осы Конституцияның арқасында Қырғызстан халқы сенімді түрде алға жылжып, ұлт бірлігін нығайтып, өз құқықтары мен мүдделерін қорғауды қамтамасыз етуде", – делінген құттықтау хатта. Бақытжан Сағынтаев Қырғыз Республикасы мен оның азаматтарына экономикалық өркендеу және құт-береке тіледі.

Жаңалықтар

ЕАЭО ресурстары