кыр

Жаңылыктар

ЕЭК СМИде Фото Видео
30 майындагы 2025 ЕЭКте ЕАЭБдеги бажылык жөнгө салууну өркүндөтүү маселелери талкууланды 30-апрелде Евразия экономикалык комиссиясында ЕЭКтин бажылык кызматташтык боюнча министри Руслан Давыдовдун төрагалыгы менен бажылык жөнгө салууну өркүндөтүү боюнча жогорку деңгээлдеги жумушчу топтун отуруму болду. Евразия экономикалык бирлигинин Бажы кодексине киргизилүүчү ЕАЭБдин бажылык чек арасы аркылуу контейнерлерди жөнөкөйлөштүрүп өткөрүүгө тиешелүү түзөтүүлөр талкууланды. Бажылык транзиттин бажылык жол-жобосун колдонуунун натыйжалуулугун жогорулатуу, ошондой эле балык кармоо жана балык продукциясы тууралуу маалымат алмашуу маселелери каралды. Жумушчу топтун катышуучулары өтө сезимтал маселелер боюнча талкууну улантууну макулдашышты. Жумушчу топтун кийинки отурумун ушул жылдын май айында көздөй форматта өткөрүү мерчемделди.
30 майындагы 2025 Максим Ермолович: "Атаандаштык боюнча региондук уюмдардын жолугушуулары дүйнөдөгү көбүрөөк натыйжалуу атаандаштык саясатын иштеп чыгууга жардам берет" Евразия экономикалык комиссиясы Египеттин атаандаштык мекемесинин колдоосу менен Каир шаарында атаандаштык боюнча региондук уюмдардын өкүлдөрүнүн жумушчу жолугушуусун өткөрдү. Ага ЕЭКтин атаандаштык жана монополияга каршы жөнгө салуу боюнча министри Максим Ермолович катышты. ЕЭКтин тармактык блогунун демилгеси менен салтка айланып калган мындай иш-чаралар эл аралык региондук уюмдарга актуалдуу маселелер боюнча конструктивдүү кызматташтык жүргүзүүгө, иш тажрыйбасын алмашууга жардам берет. Бешинчи жолугушуунун катышуучуларынын көңүл борборунда атаандаштыкты натыйжалуу жөнгө салуу практикалары болду. "Биз региондук кызматташтыктын артыкчылыктарын илгерилетебиз, региондор аралык диалогду бекемдеп жана жайылтып жатабыз, алдыңкы атаандаштык практикаларын ар бир региондун муктаждыктарына ыңгайлаштырып жатабыз, жаңы идеяларды жаратып жатабыз, булар акыркы натыйжасында дүйнөдөгү көбүрөөк натыйжалуу атаандаштык саясатына алып келет", — деп эсептейт Максим Ермолович. ЕЭК атаандаштык боюнча региондук уюмдардын жолугушууларын өткөрүүнү уланта берет. Бешинчи жолугушууга Египеттин атаандаштык мекемесинин төрагасы, ЮНКТАДдын өкүлдөрү, Чыгыш жана Түштүк Африканын жалпы рыногунун, Чыгыш Африка коомдоштугунун, Батыш Африка экономикалык жана валюталык бирлигинин, Батыш африкалык мамлекеттердин экономикалык коомдоштугунун, Араб атаандаштык желесинин, Түштүк-Чыгыш Азия мамлекеттеринин ассоциациясынын, БРИКСтин жана Кариб коомдоштугунун өкүлдөрү катышты.
Нуржамал Ильясова: 28 майындагы 2025 Нуржамал Ильясова: "Интеллектуалдык менчик тутумун өнүктүрүү — ЕАЭБде инновациялык экономикага дем берүүнүн негизги фактору" 2025-жылга чейин Евразиялык экономикалык интеграцияны өнүктүрүүнүн стратегиялык багыттарын ишке ашыруунун алкагында ЕЭК Коллегиясы тарабынан интеллектуалдык менчик чөйрөсүндөгү эл аралык келишимдердин эки долбоору жактырылган жана мамлекеттик ички макулдашууга багытталган. Бул туурасында Евразия экономикалык комиссиясынын Ишкердик ишмердүүлүктү өнүктүрүү департаментинин директорунун орун басары Нуржамал Ильясова Россиядагы Европалык бизнес ассоциациясынын аянтчасында өткөн "Интеллектуалдык менчик заманбап доордо — чакырыктар, жооптор, өнүгүү" конференциясынын жүрүшүндө айтып берди. Долбоорлордун бири — Интернет тармагындагы интеллектуалдык менчик объектилерине укуктарды бузуу менен күрөшүүгө макулдашылган мамилелер жөнүндө макулдашуу, аны ишке ашыруу Интернетте контрафактылык продукцияларды жайылтууга каршы күрөшүү боюнча салыштырмалуу чараларды колдонууну камсыз кылууга мүмкүндүк берет жана укук ээлерине өздөрүнүн чыгармаларын мыйзамдуу интернет-ресурстарга коопсуз жайгаштырууга жана тийиштүү киреше алууга мүмкүнчүлүк берет. Экинчи документ — ЕАЭБ өлкөлөрүндө корголуучу өнөр жай менчик объектилери жөнүндө маалыматтарды издөөнү жүзөгө ашырууга мүмкүндүк берген сервис жөнүндө макулдашуу, анын максаты көрсөтүлгөн объекттер жөнүндө актуалдуу маалыматтарга акысыз жана тез жетүүнү камсыз кылуу, чыгымдарды азайтуу жана укуктардын бузулушун болтурбоого жардам берүү болуп саналат. Ошондой эле ЕЭК өкүлү Комиссия тарабынан 2024-жылы ЕАЭБ мамлекеттеринде интеллектуалдык менчик чөйрөсүндө 2019-2023-жылдарга карата аналитикалык сереп даярдалганы жөнүндө маалымдады. "Беш жыл ичинде жүргүзүлгөн талдоонун натыйжалары ЕАЭБ өлкөлөрүнүн мамлекеттик жөнгө салуу саясаты жана интеллектуалдык менчик чөйрөсүндөгү ыйгарым укуктуу органдардын иши кыйла жакшыргандыгын көрсөттү", — деп белгиледи Нуржамал Ильясова. Мындан тышкары, Комиссиянын өкүлү конференциянын катышуучуларын 2023-жылы ЕАЭБ өлкөлөрүндө интеллектуалдык менчик объектилерине укуктарды коргоо чөйрөсүндө укук колдонуу практикасынын абалы жөнүндө маалымдады. Комиссиянын тийиштүү ар жылдык отчету Бирликтин расмий сайтында жайгаштырылган. Артыкчылыктуу багыттардын катарында Нуржамал Ильясова Евразия экономикалык бирлигинин алкагында "Евразия экономикалык жолу" 2030-жылга чейин жана 2045-жылга чейинки экономикалык процесстерди андан ары өнүктүрүү жөнүндө декларацияны Ишке ашыруу боюнча пландын долбоорун даярдоо боюнча иштерди бөлүп көрсөттү. "Интеллектуалдык менчик тутумун өнүктүрүү — Евразия экономикалык бирлигинде инновациялык экономикага дем берүүнүн негизги фактору. Биз авторлордун жана ойлоп табуучулардын укуктарын коргоо үчүн шарттарды түзүүгө, ошондой эле бизнести жана технологияларды өнүктүрүү үчүн ЖИ объектилерин натыйжалуу пайдаланууну камсыздоого умтулабыз", — деп белгиледи ЕЭК өкүлү. Европалык бизнес ассоциациясы (ЕБА) — Россия Федерациясында чет элдик инвесторлордун негизги өкүлчүлүгү. 1995-жылы негизделген ЕБА Россияда иштеген 380ден ашык компанияларды бириктирген көз карандысыз коммерциялык эмес уюм болуп саналат. АЕБге бизнестин ар кандай чөйрөлөрүндө, анын ичинде интеллектуалдык менчик чөйрөсүндө ар кандай маселелерди сүрөө менен алектенген 65 комитет жана жумушчу топтор кирет.
27 майындагы 2025 ЕЭК жана Таиланд өз ара иштешүүнү күчөтөт Евразия экономикалык комиссиясы менен Таиланд Королдугунун Өкмөтүнүн кызматташтыгынын келечектүү багыттарын ЕЭКтин Интеграцияны өнүктүрүү департаментинин директору Микаел Беллуян жана Таиланддын ТИМинин Европа департаментинин директорунун орун басары Сомруди Пупорнанаке талкуулашты. Микаел Беллуян белгилеп өткөндөй, Комиссия Евразия экономикалык бирлигинин мамлекеттери менен Таиланд Королдугунун ортосунда, анын ичинде Кызматташтык жөнүндө меморандумдун алкагында сооданы кеңейтүү боюнча биргелешкен ишти активдештирүүнү сунуштайт. Ошондой эле ал 2025-жылдын июнунда Таиланддын расмий чөйрөлөрүнүн жана ишкер коомдоштугунун өкүлдөрү үчүн евразиялык экономикалык күн тартиби боюнча тармактык семинар өткөрүү пландаштырылып жаткандыгын айтты. Тараптар ЕЭК менен Таиланд Өкмөтүнүн ортосунда өз ара иштешүү боюнча биргелешкен жумушчу топтун 3-отурумун өткөрүү мүмкүнчүлүгүн талкуулашты, анын жүрүшүндө кызматташтыктын практикалык маселелери, ошондой эле биргелешкен иш-чаралардын планын түзүү каралат. Сомруди Пупорнанаке айтылган сунуштарды колдоду жана меморандумдун алкагында ЕЭК менен диалогду өнүктүрүүгө Таиланддын маанайын жана ЕАЭБ өлкөлөрү менен соода-экономикалык кызматташтыкты өнүктүрүүгө, анын ичинде ЕАЭБдин, анын мүчө мамлекеттеринин жана Таиланд Королдугунун ортосунда ЭСА түзүү мүмкүнчүлүгүн изилдөө контекстинде кызыгууну белгиледи. ЕЭКтин жана Таиланд Королдугунун Өкмөтүнүн ортосундагы Кызматташтык жөнүндө меморандумга 2018-жылдын 19-ноябрында кол коюлган. Документке ылайык, тараптар регионалдык экономикалык интеграция; соода саясаты; Евразия экономикалык бирлигинин мүчө мамлекеттеринде жана Таиланд Королдугунда экономикалык өнүгүүнү жана макроэкономикалык кырдаалды талдоо; бажылык жөнгө салуу; техникалык жөнгө салуу; санитардык, ветеринардык-санитардык жана карантиндик фитосанитардык чаралар; финансы; транспорт; энергетика саясаты; агроөнөр жай комплекси; атаандаштык саясаты жана монополияга каршы жөнгө салуу; өнөр жай; интеллектуалдык менчик; керектөөчүлөрдүн укуктарын коргоо; маалыматтык-коммуникациялык технологиялар жана санариптик экономика; кызмат көрсөтүү соодасы жана инвестициялар; ишкердикти өнүктүрүү; мамлекеттик сатып алуулар сыяктуу багыттар боюнча; өз ара экономикалык кызыкчылык жараткан башка багыттар боюнча кызматташууну ишке ашырууга ниеттенишет.
27 майындагы 2025 ЕЭК Кеңеши тарифтик преференцияларды калыбына келтирүү жол-жобосун өркүндөттү Евразия экономикалык комиссиясынын Кеңеши тарифтик преференцияларды калыбына келтирүү жол-жоболорун жөнөкөйлөтүү жөнүндө чечим кабыл алды. Документте декларант бул укукту пайдалана ала турган кошумча учур каралган. Тарифтик преференцияларды калыбына келтирүүдө декларант бажы органына арыз берген учурда анын жарактуулук мөөнөтү бүткөн болсо да, товардын чыккан жери жөнүндө сертификатты көрсөтүүгө укуктуу. Бирок, бул учурда сертификат товарларга декларация катталган күнгө карата жарактуу болушу маанилүү. Бажы органында товарлардын жасалган жерин верификациялоонун электрондук тутумун пайдалануу менен сертификатты текшерүү мүмкүнчүлүгү болгон учурда, декларант товардын чыккан жери жөнүндө сертификатты бербей коюшу мүмкүн. Чечим ЕАЭБдин укук колдонуу тажрыйбасын талдоонун натыйжалары боюнча, ошондой эле бизнес-коомдоштуктун сунуштарын эске алуу менен кабыл алынды.
27 майындагы 2025 ЕЭК мунай-газ машиналарын куруу чөйрөсүндө кооперациялык кызматташтыкты өнүктүрүү боюнча сунуштаманы кабыл алды Евразия экономикалык комиссиясынын Коллегиясы 27-майда өткөн отурумда "Евразия экономикалык бирлигинин мүчө мамлекеттеринде мунай-газ жабдууларын өндүрүү чөйрөсүндө кооперациялык кызматташтыкты өнүктүрүү жөнүндө" сунуштаманы жактырды. Документ ЕАЭБ өлкөлөрүнө мүчө мамлекеттердин керектөөлөрүн эске алуу менен мунай-газ жабдууларын өндүрүүнү өнүктүрүүнү, талап кылынган мунай-газ жабдууларын иштеп чыгуу жана өндүрүү боюнча тажрыйба алмашууну, ошондой эле Бирликтин алкагында каржылык көмөк көрсөтүү механизмин колдонуу мүмкүнчүлүгүн эске алууну сунуштайт. Ошондой эле ЕАЭБ алкагында кооперациялык долбоорлорго катышууга кызыкдар болгон мунай-газ машиналарын куруу ишканаларынын тизмеси түзүлгөн, ал Комиссиянын расмий сайтында жайгаштырылган. "Евразия экономикалык бирлигинин алкагында керектөөчүлөр менен өндүрүүчүлөрдүн ортосунда өз ара пайдалуу кызматташтыкты түзүү катышуучуларга атаандаштыкты жогорулатууга жана өндүрүлгөн жана керектелүүчү продукциянын номенклатурасын диверсификациялоого мүмкүндүк берет, бул биздин Бирлик өлкөлөрүнүн экономикасына оң таасирин тийгизет", – деп белгиледи ЕЭКтин өнөр жай жана агроөнөр жай комплекси боюнча министри Гоар Барсегян.
26 майындагы 2025 IV Евразия экономикалык форуму Минск шаарында ЕЭФ-2025ке катталуунун башталышы жөнүндө жарыялайт 2025-жылдын 26-27-июнунда Минск шаарында Минск эл аралык көргөзмө борборунун аянтчасында өтө турган IV Евразия экономикалык форумуна (ЕЭФ-2025) катышуучуларды каттоо башталды. Форумдун башкы темасы — "Евразия экономикалык интеграциясынын стратегиясы: жыйынтыктар жана перспективалар". Форумдун архитектурасы алты чоң тематикалык блокту камтыйт. ЕАЭБ алкагында өз ара аракеттенүүнүн бардык чөйрөлөрү максималдуу камтылган: каржы чөйрөсү, өнөр жай жана АӨК, энергетика, техникалык жөнгө салуу жана ветеринария, ЕАЭБдин ички рыногун өнүктүрүү, соода, транспорт, бажылык жөнгө салуу, мамлекеттик сатып алуулар, статистика ж. б. Форумдун иштиктүү программасына ЕАЭБ мамлекеттеринин башчыларынын катышуусу менен пленардык отурум, ошондой эле 30дан ашык тематикалык иш-чаралар: пленардык сессиялар, тегерек столдор, бизнес-диалогдор киргизилген. ЕЭФ-2025 форуму евразиялык мейкиндикте аралык кызматташтыктын маанилүү окуясы болмокчу. Иштиктүү программага ЕАЭБ өлкөлөрүнүн делегаттары гана эмес, байкоочу мамлекеттер: Иран, Куба, Өзбекстан да катышат. Форумга ошондой эле БАЭ жана Монголиядан расмий делегациялар катышат. ЖМК өкүлдөрүн IV Евразия экономикалык форумунун иш-чараларын чагылдырууга кошулууга жана анын бардык негизги окуялары жөнүндө эң актуалдуу маалыматка жеткилик алууга чакырабыз. Өтүнмөлөрдү берүү мөөнөтү 2025-жылдын 26-майынан 18-июнуна чейин. Аккредитациядан өтүү үчүн каттоо формасын толтуруу керек. Аккредитациялоо тартиби шилтеме боюнча жеткиликтүү. ЕЭФ-2025 программасы менен кененирээк https://forum.eaeunion.org/ сайтынан таанышууга болот. Форумдун негизги иш-чараларын өткөрүү орду Минск эл аралык BELEXPO көргөзмө борбору болот (Минск ш., П. Медёлки көч., 24). Евразия экономикалык форуму Бирликтин органдарында — Жогорку Евразия экономикалык кеңешинде, Евразия өкмөттөр аралык кеңешинде жана ЕЭК Кеңешинде төрагалык кылган ЕАЭБ мамлекетинде жыл сайын кезек менен өткөрүлүүчү, Евразия экономикалык бирлигинин ишкердик иш-чарасы болуп саналат. Форум ЖЕЭКтин 2019-жылдын 1-октябрындагы № 16 чечиминин негизинде өткөрүлөт. Иш-чара анын мүчө мамлекеттеринин жана үчүнчү өлкөлөрдүн ири, орто жана чакан бизнесинин жетекчилеринин, Бирликтин алкагында өз ара аракеттенүүнү өнүктүрүүгө кызыкдар болгон мамлекеттик бийлик органдарынын жетекчилеринин жана өкүлдөрүнүн, эл аралык уюмдардын өкүлдөрүнүн катышуусуна багытталган. I Евразиялык экономикалык форум 2022-жылдын май айында Бишкекте өткөн. II Евразиялык экономикалык форум 2023-жылдын май айында Москвада өткөн. III Евразия экономикалык форуму 2024-жылдын 30-сентябрынан 1-октябрына чейин Ереванда өткөн. 2025-жылы Жогорку Евразия экономикалык кеңешинде учурда төрагалык кылуучу өлкөнүн укугунда Форумду Беларусь кабыл алат.
26 майындагы 2025 Георгий Арзуманян: "ЕЭКтин колдоо инструменттерин колдонуу менен өз ара пайдалуу кызматташтык ЕАЭБдеги өнөр жай комплекстеринин туруктуулугун бекемдөөгө жардам берет" Евразия экономикалык комиссиясынын өнөр жай блогунун өкүлдөрү Өнөр жай саясаты департаментинин директорунун орун басары Георгий Арзуманяндын жетекчилиги астында жыл сайын өтүүчү "Азот Синтезгаз Россия жана КМШ" эл аралык конгрессине катышышты. Георгий Арзуманян катышуучуларга Евразия экономикалык бирлигинин өлкөлөрүнүн экономикаларын өнүктүрүүнүн драйверлеринин бири катары өнөр жай кооперациясын колдоонун каржылык жана каржылык эмес инструменттерин пайдалануунун максаттары жана мүмкүнчүлүктөрү жөнүндө айтып берди. Ал бардык мүчө мамлекеттердин потенциалын пайдалануу менен кошумча нарк тизмегин түзүүдө химиялык өнөр жай ишканаларынын активдүү катышуусунун маанилүүлүгүн белгилеп, бизнести биргелешкен кооперациялык долбоорлорго каржылык көмөк көрсөтүүнүн улуттуктан жогорку механизминин алкагында долбоордук демилгелерди түзүү жана өнүктүрүү боюнча ишке жигердүү кошулууга чакырды. "Реалдуу секторго колдоонун жаңы инструментин киргизүү айрым өнөр жай ишканаларынын каржылык туруктуулугуна гана эмес, бүтүндөй евразия мейкиндигинде технологиялык өнүгүү жолунда бизнес-процесстерге дем берүүгө өбөлгө түзөт", – деп баса белгиледи Георгий Арзуманян. Конгресске катышуу бизнес-коомдоштугун Комиссияга ЕАЭБ алкагында экономикалык ишмердиктин артыкчылыктуу түрлөрү боюнча өнөр жай кызматташтыгын өнүктүрүүгө мүмкүндүк берген ыйгарым укуктар жана инструменттер жөнүндө маалымдоого өбөлгө түздү. "Өнөр жай кооперациялык долбоорлоруна көмөк көрсөтүүнүн улуттуктан жогорку механизминин алкагындагы биринчи долбоорлордун оң ишке ашырылышы Бирлик мамлекеттеринин башка кызыкдар ишканалары үчүн түрткү болот деп ишенем. Кооперацияны колдоонун жаңы чарасы ишкерлердин кызыкчылыктарын биргелешип илгерилетүүгө, биздин өлкөлөрдүн инвестициялык жагымдуулугун жогорулатууга жана технологиялык өнүгүүнүн сапаттуу жаңы деңгээлине чыгууга жардам берерине ишенгим келет", – деп белгиледи Георгий Арзуманян. "Азот Синтезгаз Россия жана КМШ" конгресси синтез-газды кайра иштетүү тармагындагы ири ишканаларды куруу жана модернизациялоо боюнча практикалык тажрыйба алмашууга, инвестициялык долбоорлорду ишке ашыруу жана аларга инвестицияларды тартуу, Россияда жана КМШ өлкөлөрүндө азот, метанол, аммиак жана минералдык жер семирткичтерди өндүрүүчү ишканаларды техникалык жана технологиялык өркүндөтүү маселелерине арналган.
Дагы көрсөтүү

Ресурсы ЕАЭС