кыр

Экономика жана каржы саясаты

Экономика жана финансылык саясат боюнча Коллегия мүчөсү (Министр) Султанов Бахыт Турлыханович
Кабылдама тел. 8 (495) 669-24-07

темасындагы жаңылыктар «Экономика жана каржы саясаты»

26 февралындагы 2025 Бахыт Султанов: "Экономикалык диалогго көбүрөөк ишкерлерди тартууну пландап жатабыз" 26-февралда Евразия экономикалык комиссиясынын экономика жана каржы саясаты боюнча министри Бахыт Султановдун төрагалыгы астында ЕЭК өкүлдөрүнүн беларустук бизнес-коомдоштугу менен жолугушуусу болуп өттү. Комиссиянын өкүлдөрү ишкерлердин Евразия экономикалык бирлигинин иштешинин жана өнүгүүсүнүн кеңири чөйрөсүнө тиешелүү суроолоруна жооп беришти. "Ишкерлер евразиялык экономикалык интеграциянын негизги бенефициарлары жана ЕАЭБ укугуна практикалык суроо-талапты камсыз кылган интеграциялык процесстердин драйвери болушу керек. Жакында биз Россиядан ишкерлер менен жолугушуу өткөрдүк, өткөн жылы Армениянын жана Казакстандын ишкерлери менен жолукканбыз. Мындай жолугушууларды мүчө мамлекеттердин борборлорунда гана эмес, башка шаарларында да туруктуу негизде өткөрүп туруу, экономикалык диалогго көбүрөөк чарбакер субъекттерди тартуу пландалууда", – деп белгиледи Бахыт Султанов. ЕЭК министри Комиссиянын экономика жана каржы саясаты боюнча блогу тарабынан ЕАЭБ алкагында бизнес жүргүзүү шарттарын жакшыртуу боюнча көрүлүп жаткан чаралар жөнүндө айтып берди. Ал ишкерлерге бизнес жүргүзүү шарттарына жөнгө салуунун таасирин баалоо жол-жоболоруна, анын ичинде жөнгө салуучу таасирди баалоо (ЖТБ) жана иш жүзүндөгү таасирди баалоо жол-жоболоруна катышуу мүмкүнчүлүктөрү жөнүндө өзүнчө маалымдады. "Беларус бизнесинин өкүлдөрүнүн Комиссиянын чечимдеринин долбоорлорун ачык талкуулоого катышуу үлүшү акыркы жылдары 26 пайыздан 32 пайызга чейинки диапозондо. Бул жетишээрлик жогорку көрсөткүч, ал Беларусь Республикасынын ишкерлеринин ЖТБ процедураларына кеңири тартылгандыгын күбөлөндүрөт", – деп билдирди Бахыт Султанов. ЕЭК министри ишкерлерди Комиссия менен ЕАЭБ Ишкер кеңешинин өз ара иштешүүсү боюнча Консультативдик кеңештин отурумуна катышууга чакырды, ал быйыл Евразия экономикалык форумунун алкагында өткөрүлмөкчү. ЕЭКтин Ишкердик ишмердүүлүктү өнүктүрүү департаментинин директору Ернар Бакенов мурда Беларустун ишкер чөйрөлөрү белгилеген көйгөйлүү маселелерди чечүү жөнүндө маалымат берди. Атап айтканда, ал кооперациялык долбоорлорду өбөлгөлөө, ЕАЭБ өлкөлөрүнүн рынокторуна товарлардын тоскоолдуксуз кирүүсүн камсыз кылуу, кызмат көрсөтүүлөр менен соода жүргүзүүнү либералдаштыруу жана интеллектуалдык менчик чөйрөлөрүндө Бирликтин укугун жакшыртуу боюнча прогрессти баса белгиледи.
17 февралындагы 2025 Бахыт Султанов: "ЕЭК бизнес ЕАЭБдин интеграциялык мүмкүнчүлүктөрүн натыйжалуу пайдалануусу үчүн шарттарды түзүүдө" Евразия экономикалык комиссиясынын экономика жана каржы саясаты боюнча министри Бахыт Султанов "ЕАЭБ 2030-жылга чейин: бизнес менен бийликтин өз ара аракеттенүүсүнүн максаттары, механизмдери, чакырыктары" Россиялык бизнес – 2025 жумалыгынын интеграциялык форумунун алкагында Евразия экономикалык бирлигинде жөнгө салуунун бизнес жүргүзүүнүн шарттарына тийгизген таасирин баалоонун жаңы механизмдеринин башталышы жөнүндө айтып берди. Иш-чара 17-февралда Москва шаарында Россиялык өнөр жайчылар жана ишкерлер бирлигинин (РӨИБ) аянтчасында өттү. ЕЭК министри белгилегендей, жаңы механизмдер Комиссиянын кабыл алынган чечимдеринин иш жүзүндөгү таасирин баалоону жана эл аралык келишимдердин долбоорлорунун жөнгө салуучу таасирин баалоону камтыйт. Анын айтымында, Бирликтин он жылдык ишмердигинде бизнеске келип түшкөн сунуштардын 60%дан ашыгы ЕЭКтин ченемдик актыларын иштеп чыгууда эске алынган. "Биз өлкөлөрүбүздүн ишкерлери үчүн бизнес-чөйрөнү жакшыртуу үчүн тынымсыз иштеп жатабыз. Жаңы ченемдерди жана жөнгө салууларды иштеп чыгууда бизнестин пикирин эске алуу маанилүү милдет болуп саналат", – деп баса белгиледи ЕЭК министри. Бахыт Султанов бизнес-коомдоштуктун актуалдуу көйгөйлөрүн баса белгилеп, евразиялык экономикалык интеграциясынын ишкердик ишмердүүлүктү жүргүзүү шарттарына тийгизген таасирин баалоонун аналитикалык инструменти менен тааныштырды. Мындан тышкары, ЕЭК министри кызмат көрсөтүүлөрдү сатууну либералдаштыруу, туризм тармагында экономикалык кызматташтык, үчүнчү өлкөлөрдөн товарларды көзөмөлдөө механизмин киргизүү жана эмгек ресурстарынын эркин кыймылын камсыз кылуу жөнүндө билдирди. "Биз ЕАЭБдин Ишкер кеңеши менен Комиссиянын өз ара иштешүүсү боюнча консультативдик кеңештин ишин кайра форматтадык, бирдиктүү терезе режиминде коммуникацияга өттүк", – деп белгиледи Бахыт Султанов.       Ал Консультативдик кеңештин кийинки отурумун Евразия экономикалык форумунун ишкер программасынын иш-чараларынын алкагында ушул жылдын май айында көздөшүү форматында өткөрүүнү демилгеледи. Форумга ЕЭК министрлери, Россиянын мамлекеттик бийлик органдарынын жетекчилери, ЕАЭБ Ишкер кеңешинин президиумунун мүчөлөрү, ишкердик ишмердиктин ири россиялык субъекттери катышышты.
12 февралындагы 2025 Баалуу кагаздарды жайгаштырууга жана жүгүртүүгө чек ара аралык уруксат берүү жөнүндө макулдашууга кол коюлду Евразия экономикалык бирлигинин мамлекеттеринин өкмөт башчылары ЕАЭБ алкагында уюштурулган тооруктарда баалуу кагаздарды жайгаштырууга жана жүгүртүүгө чек ара аралык уруксат берүү жөнүндө макулдашууга кол коюшту. Муну менен Бирликте бирдиктүү биржа мейкиндигин түзүүгө карата маанилүү кадам жасалды. Келишим баалуу кагаздар (акциялар жана облигациялар) менен эмиссиялык жана соода операцияларынын эркиндигин, биржалык рыноктордун ликвиддүүлүгүнүн өсүшү үчүн шарттарды, соода жана инвестициялык кызматташтыкты бекемдөөнү камсыз кылууга багытталган. Евразия экономикалык комиссиясынын экономика жана каржы саясаты боюнча министри Бахыт Султанов белгилеп өткөндөй, Макулдашуунун предмети болуп баалуу кагаздардын чек ара аралык уруксатын камсыздоо, алардын чыгарылышын өз ара таануу жана Бирлик өлкөлөрүнүн биржаларына уруксат берүү боюнча жол-жоболорду шайкеш келтирүү эсептелет. "Баалуу кагаздардын чек ара аралык уруксатынын айырмалоочу өзгөчөлүгү, жайгаштырууга, анын ичинде параллель (бир эле учурда бир нече биржаларда) жана ЕАЭБдин бир мамлекетинде өткөрүлгөн уюштурулган тооруктарда жүгүртүүгө башка катышуучу-өлкөнүн эмитенттеринин баалуу кагаздарына уруксат берилиши болуп саналат", – деп баса белгиледи ЕЭК министри. Биржа бир катар шарттар сакталган учурда баалуу кагаздарга чек ара аралык уруксат берүү мүмкүнчүлүгүн жаратат. Биринчи кезекте баалуу кагаздардын эмиссиясын каттоо эмитент катталган өлкөнүн мыйзамдарына ылайык жүргүзүлүшү керек. Мындан тышкары, баалуу кагаздарды чыгаруу бул өлкөнүн биржасында жогорку категориядагы тизмеге киргизилиши керек. Жогорку категориядагы котировкалардын тизмесине биржа тарабынан уюштурулган тооруктарда жайгаштырууга жана жүгүртүүгө уруксат берүү үчүн белгиленген эң катуу талаптарга жооп берген баалуу кагаздар гана кирет. ЕЭК министри билдиргендей, Макулдашуу баалуу кагаздардын жалпы уюшулган рыногун түзүү үчүн негиз түзөт. Ошону менен бирге баалуу кагаздардын эмиссияларын өз ара таануу ЕАЭБ мамлекеттеринин биржаларында ликвиддүүлүктү жогорулатуу үчүн мүмкүнчүлүктү камсыз кылат. Ыйгарым укуктуу орган тарабынан катталган эмиссиялык баалуу кагаздарды жайгаштыруу бирдиктүү спецификация боюнча каалаган биржалык аянтчада жүргүзүлөт, бул эмиссияны каттоого жана эмиссия жөнүндө отчетко жөнгө салуучу чыгымдарды олуттуу азайтууга мүмкүндүк берет. "Макулдашууну жүзөгө ашыруунун жыйынтыгы капиталдын эркин кыймылы үчүн мүмкүнчүлүктөрдү камсыздоо, инвестициялык жигердүүлүктү жогорулатуу, баалуу кагаздар менен биржалык соода көлөмдөрүн көбөйтүү жана Бирлик мамлекеттеринин каржылык рынокторун өнүктүрүү болмокчу", – деп жыйынтыктады Бахыт Султанов. Кол коюлган Макулдашуу анын күчүнө кириши үчүн зарыл болгон мамлекеттик ички жол-жоболордон өтүү үчүн ЕАЭБ өлкөлөрүнө жөнөтүлдү.
10 февралындагы 2025 ДИМУда ЕАЭБдеги интеллектуалдык менчиктин бузулушуна комплекстүү сереп берилди Евразия экономикалык комиссиясынын 2024-жылы даярдалган отчетунун негизинде Евразия экономикалык бирлигинин өлкөлөрүндө интеллектуалдык менчик чөйрөсүндө бир жылдык укук колдонуу практикасынын негизги жыйынтыктарын ЕЭКтин Ишкердик ишмердүүлүктү өнүктүрүү департаментинин директорунун орун басары Нуржамал Ильясова Женевада ДИМУ штаб-квартирасында Дүйнөлүк интеллектуалдык менчик уюмунун (ДИМУ) Укуктарды коргоо боюнча консультативдик комитетинин профилдик сессиясында тааныштырды. 2023-жылы ЕАЭБ өлкөлөрүндө интеллектуалдык менчик чөйрөсүндө 4667 укук бузуу катталып, 5,8 млн контрафакттык товарлар табылган. Укук бузуулардын басымдуу көпчүлүгү товардык белгилерге болгон укуктарга байланыштуу — 91%дан ашыгы же 4256 учур. Андан кийинки орунда автордук укуктарды жана чектеш укуктарды бузуулар турат – болжол менен 8% же 366 учур, ал эми патенттик укук бузуулар – 0,1% же 5 учур. "Акыркы беш жылдын ичинде эле ЕАЭБ өлкөлөрүндө интеллектуалдык менчик чөйрөсүндө 46 миңден ашык бузуулар аныкталып, 60 миллиондон ашык контрафакттык товарлар алып коюлган", – деди Нуржамал Ильясова. Белгилей кетсек, Комиссиянын баяндамасында мүчө мамлекеттердин ыйгарым укуктуу органдары тарабынан берилген маалымат эске алынган. ЕЭК алар менен биргеликте бул чөйрөдөгү кырдаал максималдуу ачык-айкын болушу үчүн бардык мүмкүн болгон аракеттерди жасап жатат. Бул контрафакттын ЕАЭБдин жалпы рыногуна түшүүсүн болтурбоо жана тиешелүү кесепеттерди четтетүү үчүн кыйла натыйжалуу чараларды көрүүгө жардам берет. ДИМУ – БУУ тутумунун адистештирилген мекемеси, анын мүчөлөрү болуп 193 мамлекет эсептелет. 2019-жылы ЕЭК жана ДИМУ Өз ара түшүнүшүү жөнүндө меморандум түзүшкөн. Укуктарды коргоо боюнча консультативдик комитет 2002-жылы ДИМУ Башкы Ассамблеясы тарабынан интеллектуалдык менчик укуктарын коргоо жаатында техникалык жардам көрсөтүүгө жана координациялоону жүзөгө ашырууга мандат менен түзүлгөн.
Дагы көрсөтүү

Иш-аракеттер

Интеллектуалдык мүлк чөйрөсүндөгү объектилердин реестрлери
Тейлөөлөрдү соодалоону жана инвестицияларды жөнгө салуу
Алкоголь чөйрөсүн жөнгө салуу
Каржы органдарынын расмий сайттары жана электрондук даректери

Темасындагы чечимдер «Экономика жана каржы саясаты»

14
11.02.2025 Решение Коллегии ЕЭК № 14 О технологических документах, регламентирующих информационное взаимодействие при реализации средствами интегрированной информационной системы Евразийского экономического союза общего процесса «Регистрация, правовая охрана и использование товарных знаков и знаков обслуживания Евразийского экономического союза»
14
11.02.2025 Решение Коллегии ЕЭК № 14 О технологических документах, регламентирующих информационное взаимодействие при реализации средствами интегрированной информационной системы Евразийского экономического союза общего процесса «Регистрация, правовая охрана и использование товарных знаков и знаков обслуживания Евразийского экономического союза»
159
03.10.2024 Распоряжение Коллегии ЕЭК № 159 О проекте Соглашения о сервисе, позволяющем осуществлять поиск информации об объектах промышленной собственности, охраняемых в государствах – членах Евразийского экономического союза
87
30.07.2024 Решение Коллегии ЕЭК № 87 О технологических документах, регламентирующих информационное взаимодействие при реализации средствами интегрированной информационной системы Евразийского экономического союза общего процесса «Регистрация, правовая охрана и использование наименований мест происхождения товаров Евразийского экономического союза»
89
18.06.2024 Распоряжение Коллегии ЕЭК № 89 О проекте Соглашения о согласованных подходах к борьбе с нарушениями прав на объекты интеллектуальной собственности в информационно-телекоммуникационной сети «Интернет»

Ченемдик документтер

багыты боюнча материалдар

14 декабрындагы 2016 ЕЭКтин техникалык жөнгө салуу боюнча министри Валерий Корешковдун Евразия экономикалык биримдигинде дары каражаттарынын жалпы рыногун түзүү темасы боюнча БелТА маалымат агенттигине берген интервьюсу Дары каражаттары - Евразия экономикалык биримдигинин өлкөлөрү жалпы рыноктун иши башталышы боюнча иштерге бекем киришкен спецификалык товарлардын тобунун биринчиси. Бул тажрыйбаны колдонуу менен ЕАЭБте башка бирдиктүү рыноктор да түзүлө баштайт - каржы, энергетика, мунай-газ жалпы рыноктору ж.б. Дагы кандай баскычтарда өтүү керектиги жана жалпы дарылар рыногу кандай иштей турганы туурасында БелТА кабарчысына Евразия экономикалык комиссиясынын техникалык жөнгө салуу боюнча Коллегия мүчөсү (министр) Валерий Корешков айтып берди.​
14 декабрындагы 2016 ЕЭКтин экономика жана каржы саясаты боюнча министринин катчылыгынын жетекчиси, ю.и.д. Аскар Кишкембаевдин “Казакстанская правда” гезитинде жарыяланган автордук макаласы. “Советтен кийинки мейкиндикте көзкарандысыз Казакстандын интеграциялык демилгелери. Казакстан Республикасынын башкы улуттук майрамы - Казакстандын Эгемендүүлүк күнүнө чейин саналуу күндөр калды. 1991-жылы ушул күнү өлкөнүн Жогорку Кеңеши тарабынан республиканын көзкарандысыздыгы жана мамлекеттик суверенитети жөнүндө мыйзам кабыл алынган.
ЕЭКтин экономика жана каржы саясаты боюнча министри Тимур Сулейменовдун БелТА МА берген интервьюсу: “Беларусь ЕАЭБтеги бардык интеграциялык процесстерде негизги ролду ойнойт” 24 октябрындагы 2016 ЕЭКтин экономика жана каржы саясаты боюнча министри Тимур Сулейменовдун БелТА МА берген интервьюсу: “Беларусь ЕАЭБтеги бардык интеграциялык процесстерде негизги ролду ойнойт” Беларусь, Россия, Казакстан, Армения жана Кыргызстан Евразия экономикалык биримдигинин шарттарында жашап, көптөгөн кыйынчылыктарга туш болгону менен аларга каршы чогуу аракет көрүп келе жатканына эки жыл болду. Октябрдын аягында Минск Биримдиктин алкагында кезектеги ири жолугушууну кабыл алат - Беларусиянын ордо калаасында Евразия өкмөттөр аралык кеңеши өткөрүлөт. Бул маанилүү иш чаранын алдында БЕЛТА кабарчысы 2016-жыл ЕАЭБ үчүн кандай болду, параллелдик импорттун жана бажы алымдарынын ченин аныктоонун көйгөйлүү маселелери кантип чечилет жана бирдиктүү каржы рыногун түзүү боюнча кандай чаралар көрүлүп жаткандыгын билүү максатында Евразия экономикалык комиссиясынын экономика жана каржы саясаты боюнча Коллегия мүчөсү (министр) Тимур Сулейменов менен жолугушту.
21 октябрындагы 2016 ЕЭКтин Эмгек миграциясы департаменттин милдетин убактылуу аткаруучу Самат Алиевдин “Иштиктүү Евразия” журналына берген интервьюсу: “ЕАЭБ контрафакт жана жасалма товарлар менен күрөшүү чараларын күчөтөт” ​Интеллектуалдык менчикти укук коргоо органдары коргойт “Иштиктүү Евразия” буга чейин билдиргендей, Евразия экономикалык комиссиясы ЕАЭБ өлкөлөрүнүн ыйгарым укуктуу органдары менен ЕЭКтин интеллектуалдык менчик объекттерине укуктарды коргоо жагында маалыматтык өз ара иш жүргүзүү регламентин бекиткен. Документ 2015-жылдын 8-сентябрындагы Интеллектуалдык менчик объекттерине укуктарды коргоо боюнча иш аракеттердин координациясы жөнүндө келишимди аткаруу максатында иштелип чыгарылган. Регламент Комиссия менен мүчө мамлекеттердин ыйгарым укуктуу органдарынын ортосунда маалымат алмашуунун тартибин, жана мүчө мамлекеттерде интеллектуалдык менчик объекттерине укуктарды сактоо боюнча ыкчам чараларды аныктайт. ЕАЭБ мүчө мамлекеттеринин өз ара иштешүү жана алардын ыкчам аракет көрүү механизмдери жөнүндө маалыматтарды алуу үчүн “Иштиктүү Евразия” Эмгек миграциясы департаментинин директорунун милдетин убактылуу аткаруучу Самат Алиевге кайрылдык. Анын сөзү боюнча, ЕЭКтин функцияларына, башкалардан тышкары, Евразия экономикалык биримдигинде интеллектуалдык менчик объекттерине укуктарды коргоо боюнча шарттарды түзүү кирет. Аныкталгандай, бул процесс ар бир өзүнчө алынган мамлекеттеги процесстен көп деле айырмаланбайт.
0/0

Ресурсы ЕАЭС