Նորություններ

15.04.2022 (Обновлено: 18.05.2022 10:49)

ԵՏՀ Խորհուրդը բարձրացրել է անձնական օգտագործման ապրանքների ներմուծման անմաքս շեմը մինչև 1000 եվրո և 31 կգ

Եվրասիական տնտեսական հանձնաժողովի Խորհուրդը բարձրացրել է Բելառուս, Ղազախստան, Ղրղզստան և Ռուսաստան անձնական օգտագործման ապրանքների ներմուծման արժեքի նորմերը՝ մինչև 1000 եվրո առանց մաքսատուրքեի և հարկերի վճարման, և քաշի նորմերը՝ մինչև 31 կգ։ Խոսքը ուղեկցվող և (կամ) առանց ուղեկցման ուղեբեռի ներմուծման մասին է տրանսպորտի բոլոր տեսակներով, բացառությամբ օդային, կամ այն ոտքով տեղափոխելու դեպքերի։
Ընդ որում, եթե անձնական օգտագործման ապրանքների արժեքը գերազանցում է նշված նորմերը, ապա պետք է վճարվի արժեքի 30%-ի չափով տուրք, բայց ոչ պակաս, քան 4 եվրո 1 կգ-ի համար։

Մինչ այդ որոշումն ընդունելը անձնական օգտագործման ապրանքների ներմուծման անմաքս շեմը կազմում էր 500 եվրո և 25 կգ։ 

Միության և Հանձնաժողովի երկրների փորձագետների կարծիքով՝ ձեռնարկված միջոցը թույլ կտա աջակցել քաղաքացիներին պատժամիջոցների ճնշման պայմաններում և խուսափել հիմնական ապրանքների և կրիտիկական ներմուծման ապրանքների պակասից: Բայց այն գործելու է ժամանակավոր՝ մինչև 2022 թվականի հոկտեմբերի 1-ը։

ԵՏՀ Խորհրդի որոշումը ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։