Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

01 օգոստոսի 2025 ԵՏՀ խորհուրդը հաստատել է դեղագործական տեսչական ստուգումների նոր կանոնները Եվրասիական տնտեսական հանձնաժողովի խորհուրդը հաստատել է պատշաճ լաբորատոր պրակտիկայի պահանջներին համապատասխանությունը ստուգող դեղագործական տեսչությունների կանոնները:

01 օգոստոսի 2025 ԵՏՀ խորհուրդը հաստատել է կլինիկական հետազոտությունների նոր կանոնները Եվրասիական տնտեսական հանձնաժողովի խորհուրդը հաստատել է Եվրասիական տնտեսական միության Պատշաճ կլինիկական պրակտիկայի կանոնները նոր խմբագրությամբ։

01 օգոստոսի 2025 ԵԱՏՄ-ում հաստատվել են վերահսկողության միջոցների առնչությամբ դիմումներ ներկայացնելու կանոնները Եվրասիական տնտեսական հանձնաժողովի խորհուրդն օգոստոսի 1-ի նիստում հաստատել է Միության տեխնիկական կանոնակարգերի պահանջներին չհամապատասխանող արտադրանքի նկատմամբ Եվրասիական տնտեսական միության որևէ անդամ պետության պետական վերահսկողության (հսկողության) մարմնի կողմից ընդունված միջոցների հիմնավորվածության մասին մեկ այլ անդամ պետության դիմումը Եվրասիական տնտեսական հանձնաժողովի կողմից քննարկման կարգը:

31 հուլիսի 2025 Բակիտժան Սագինտաևը բանակցություններ է վարել Ռուսաստանում Իրանի դեսպան Քազեմ Ջալալիի հետ Հուլիսի 31-ին ԵՏՀ կենտրոնակայանում Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը հանդիպում է ունեցել Ռուսաստանի Դաշնությունում Իրանի Իսլամական Հանրապետության արտակարգ և լիազոր դեսպան Քազեմ Ջալալիի հետ։ Հանդիպման ընթացքում կողմերը քննարկել են եվրասիական տնտեսական ինտեգրման հարցեր, այդ թվում՝ որոնք վերաբերում են ինտեգրացիոն միավորման միջազգային գործունեության գերակայություններին: Մասնավորապես, մտքերի հանգամանալից փոխանակում է տեղի ունեցել Իրանի հետ ապրանքների 90%-ի համար անմաքս ռեժիմ նախատեսող Ազատ առևտրի գոտու մասին լիաձևաչափ համաձայնագրի շրջանակներում Եվրասիական տնտեսական միության երկրների համագործակցության հեռանկարային ուղղությունների վերաբերյալ: ԵՏՀ Կոլեգիայի ղեկավար Բակիտժան Սագինտաևն ընդգծել է, որ նոր ձևաչափի շնորհիվ ԵԱՏՄ պետությունների և Իրանի առևտրատնտեսական հարաբերությունները դուրս են եկել զարգացման նոր մակարդակ: «Մենք զգալի առաջընթաց ենք նկատում մեր երկրների ապրանքաշրջանառությունում, որը 2024 թվականին աճել է 14.6%՝ կազմելով 5.9 մլրդ ԱՄՆ դոլար: ԵԱՏՄ պետություններից Իրան արտահանումն ավելացել է 18%-ով», — նշել է Բակիտժան Սագինտաևը: ԵՏՀ Կոլեգիայի ղեկավարը հայտնել է, որ Հանձնաժողովը շատ է կարևորում Ազատ առևտրի գոտու մասին համաձայնագրի իրականացման 2025-2028 թվականների ճանապարհային քարտեզի մանրակրկիտ մշակումը: Նախատեսվում է, որ փաստաթուղթը կհաստատվի Համատեղ կոմիտեի 2025 թվականի սեպտեմբերին կայանալիք նիստում: Սա թույլ կտա ապահովել փոխգործակցության բոլոր նախատեսված ուղղությունների համակարգված առաջմղում: Հանդիպման արդյունքում կողմերը համակարծիք էին, որ ԵԱՏՄ երկրներն ու Իրանն ունեն մի ամբողջ շարք ուղղություններով համագործակցության հետագա զարգացման մեծ ներուժ, հատկապես հեռանկարային համարելով տրանսպորտալոգիստիկ ենթակառուցվածքի զարգացումը, ձեռնարկությունների միջև կոոպերացիոն կապերի ընդլայնումը, ԱԱՀ-ում, համագործակցությունը նավթավերամշակման և նավթաքիմիական ոլորտներում:

31 հուլիսի 2025 ԵՏՀ-ն և ԱՍԵԱՆ-ի քարտուղարությունը քննարկել են մտավոր սեփականության օբյեկտների նկատմամբ իրավունքների իրավական պահպանության և պաշտպանության համակարգերի զարգացման հեռանկարները: Հուլիսի 30-ին կողմերն անցկացրել են Մտավոր սեփականության ոլորտի առաջին համատեղ սեմինարը՝ ԵԱՏՄ-ի և ԱՍԵԱՆ-ի անդամ պետությունների ներկայացուցիչների մասնակցությամբ:

30 հուլիսի 2025 ԵՏՀ-ն և Ռոսսելխոզնադզորը քննարկել են համագործակցության արդիական հարցեր Հուլիսի 29-ին կայացել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանի աշխատանքային հանդիպումը Անասնաբուժական և բուսասանիտարական հսկողության դաշնային ծառայության (Ռոսսելխոզնադզորի) ղեկավար Սերգեյ Դանկվերտի և Հայաստանի սննդամթերքի անվտանգության տեսչական մարմնի ղեկավար Տիգրան Պետրոսյանի հետ: Կողմերը նշել են թե՛ երկկողմ առևտրի զարգացման հարցերի լուծման գործում, թե՛ ԵՏՀ հարթակում իրականացվող աշխատանքներում ծառայությունների փոխգործակցության բարձր մակարդակը և արդյունավետ բնույթը: Գոհար Բարսեղյանն իր հերթին շնորհակալություն է հայտնել Ռոսսելխոզնադզորին Եվրասիական տնտեսական հանձնաժողովի խորհրդատվական մարմինների աշխատանքներին ակտիվ մասնակցության համար: «Հանձնաժողովը մշտապես փոխգործակցում է ԵԱՏՄ անդամ պետությունների լիազոր մարմինների հետ ագրոարդյունաբերական համալիրի հարցերով և միշտ պատրաստ է հանդես գալ որպես արդիական հարցերի քննարկման հարթակ», — նշել է Գոհար Բարսեղյանը: Ողջունում ենք Ռուսաստանի Դաշնությունում Իրանի Իսլամական Հանրապետության արտակարգ և լիազոր դեսպան Կազեմ Ջալալիին

29 հուլիսի 2025 Դանիյար Իմանալիևը նշանակվել է ԵՏՀ ինտեգրման և մակրոտնտեսության նախարար Եվրասիական տնտեսական բարձրագույն խորհրդի 2025 թվականի հունիսի 27-ի N 7 որոշմամբ Դանիյար Շարենբեկի Իմանալիևը նշանակվել է Եվրասիական տնտեսական հանձնաժողովի ինտեգրման և մակրոտնտեսության նախարար: Դանիյար Իմանալիևն ունի Ղրղզստանի Հանրապետության պետական իշխանության մարմիններում ղեկավար աշխատանքի լուրջ փորձ։ 2021 թվականին զբաղեցրել է Ղրղզստանի Հանրապետության էկոնոմիկայի և ֆինանսների նախարարի առաջին տեղակալի պաշտոնը: Վերջին չորս տարին եղել է Եվրասիական տնտեսական հանձնաժողովի մաքսային ենթակառուցվածքների վարչության տնօրենը:

28 հուլիսի 2025 Գեորգի Արզումանյանը ներկայացրել է ԵԱՏՄ-ում արդյունաբերական կոոպերացիոն նախագծերին ֆինանսական աջակցության տրամադրման մեխանիզմը Եվրասիական տնտեսական հանձնաժողովի արդյունաբերական քաղաքականության վարչության փոխտնօրեն Գեորգի Արզումանյանը Մոսկվայի արդյունաբերողների և ձեռնարկատերերի (գործատուների) համադաշնության կողմից կազմակերպված կլոր սեղանի ընթացքում ներկայացրել է ԵԱՏՄ-ում արդյունաբերական կոոպերացիոն նախագծերին ֆինանսական աջակցության տրամադրման մեխանիզմը: «ԵԱՏՄ անդամ պետությունների տարածքում արտադրությունների տեխնոլոգիական արդիականացման ընդլայնման համար ֆինանսական աջակցության հնարավորությունների մասին բիզնեսին՝ գործարար միավորումների հետ համատեղ հասցեական իրազեկումը կարևոր խնդիր է», — ընդգծել է Գեորգի Արզումանյանը: Կլոր սեղանի ընթացքում արդյունաբերության ոլորտի նախագծերի ֆինանսավորման պայմանների մասին խոսել են «Բանկ ԴՕՄ.ՌՖ» ԲԸ-ի, «ՄՍՊ Բանկ» ԲԸ-ի ներկայացուցիչները, փոքր և միջին բիզնեսին աջակցելու միջոցների մասին՝ «Կորպորացիա «ՄՍՊ» ԲԸ-ի ներկայացուցիչը, արտահանող արտադրողներին աջակցելու միջոցների մասին՝ Ռուսաստանի արտահանման կենտրոնի ընկերության խմբի և «Մոսկվայի աևտահանման կենտրոն» ԻՈԱԿ ներկայացուցիչները:

Ցուցադրել ավելին