Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7085

20 հունիսի 2025 Անդրեյ Սլեպնևը ելույթ է ունեցել ՊՄՏՀ-2025-ի էլեկտրոնային առևտրի զարգացման հարցերին և բազմաբևեռ համաշխարհային տնտեսության մարտահրավերներին նվիրված նստաշրջաններին Հունիսի 20-ին Եվրասիական տնտեսական հանձնաժողովի առևտրի նախարար Անդրեյ Սլեպնևը ելույթ է ունեցել Պետերբուրգի միջազգային տնտեսական համաժողով-2025-ի շրջանակներում կայացած «Անդրսահմանային էլեկտրոնային առևտուր. նոր կանոնների գործարկում» նստաշրջանում: «Երբ մենք խոսում ենք Միությունում էլեկտրոնային առևտրի կարգավորման մասին, քննարկում ենք երկու թեմա՝ ներքին էլեկտրոնային առևտուրը անդամ պետությունների միջև և արտաքին էլեկտրոնային առևտուրը երրորդ երկրների հետ», — հիշեցրել է նա: ԵՏՀ նախարարը նշել է, որ արտաքին էլեկտրոնային առևտրի մասով ներքին ռիթեյլերների և հեռավոր «անդրսահմանի» գործունեության համար առկա անհավասար պայմանները, երբ տուրքեր ու հարկեր չեն վճարվում և չեն պահպանվում տեխնիկական կարգավորման կանոնները, Մաքսային օրենսգրքի փոփոխությունները վավերացնելուց հետո մեծ մասամբ կվերացվեն: «Ինչ վերաբերում է մեր ներքին կարգավորումներին, ապա այստեղ առկա է ազգային և անդրազգային հարթակների համադրության հարցը, որը լավ կարգավորված է ԵԱՏՄ-ում ապրանքների էլեկտրոնային առևտրի մասին համաձայնագրի նախագծում: Այնտեղ ներդրվել է անխտրականության երեք կետ՝ ըստ վաճառողների, մթերքների ու հարթակների», — հայտնել է Անդրեյ Սլեպնևը: Նրա խոսքով՝ Համաձայնագրի նպատակն է բիզնեսին ավելի լավ պայմաններ տրամադրելը՝ փաստաթղթերի թվայնացման, նշանակման երկրում սպառողների իրավունքների պաշտպանության, Միությանը բնորոշ՝ ԵԱՏՄ տարբեր անդամ պետությունների վաճառողներին, մարկետփլեյսերը և գնորդներին ներառող ապրանքի իրացման սխեմայի համաձայնեցված աշխատանքի առումով: Անդրեյ Սլեպնևն առանձին անդրադարձել է այն առավելություններին, որոնք տալիս են երրորդ երկրների հետ Միության առանձնաշնորհային առևտրային համաձայնագրերը: Նա ընդգծել է, որ բոլոր գործընկերները պատրաստ են համագործակցել էլեկտրոնային առևտրի հարցերով, որը հնարավորություններ է տալիս փոքր և միջին բիզնեսի ապրանքների արտահանման խթանման համար: Նույն օրը ԵՏՀ առևտրային բլոկի ղեկավարը մասնակցել է նաև «Բազմաբևեռ տնտեսության ձևավորում. Ռուսաստանի և Եվրասիայի դերը և տեղը» թեմայով նստաշրջանին, որտեղ ընդգծել է, որ ներկա պահին համաշխարհային քաղաքականությունն է մեծապես որոշում տնտեսության և առևտրի փոխակերպումը:  Թվերը սա լավ են ցույց տալիս. եթե 2021 թվականին ԵԱՏՄ առևտրում արևմտյան երկրների բաժինը կազմել է 58%, ապա 2024 թվականին այն արդեն 18% էր: Միևնույն ժամանակ, ԲՐԻԿՍ երկրների և Թուրքիայի համար նույն ժամանակահատվածում այն աճել է 30%-ից մինչև 56%: Այս ֆոնին Եվրասիական տնտեսական միությունը ցուցադրում է առանձնաշնորհային առևտրի բարձր ներուժ: Այս առնչությամբ Անդրեյ Սլեպնևը անդրադարձել է Ինդոնեզիայի հետ ազատ առևտրի մասին համաձայնագրի կնքման հարցին. «Երեկ մենք ավարտել ենք սուբստանտիվ բանակցությունները Հարավ-Արևելյան այս խոշորագույն երկրի հետ, որի բնակչությունը գերազանցում է 280 մլն: Մնում են մի շարք տեխնիկական հարցեր, որոնք, հուսամ, երկու շաբաթում կկարգավորենք: Այնպես որ, Ինդոնեզիայի հետ համաձայնագիրը մինչև ընթացիկ տարվա վերջ կնքելու բոլոր շանսերն ունենք»:

20 հունիսի 2025 Պարզեցվել են ԵԱՏՄ ընդհանուր շուկայում դեղամիջոցների գրանցման ընթացակարգերը Հունիսի 21-ին ուժի մեջ են մտնում Բժշկական կիրառության դեղամիջոցների գրանցման և փորձաքննության կանոնների փոփոխությունները, որոնք հաստատվել են Եվրասիական տնտեսական հանձնաժողովի խորհրդի կողմից: «Այս փոփոխությունները կարևոր քայլ են Եվրասիական տնտեսական միությունում դեղերի գրանցման միասնական մոտեցմանն անցումն ավարտելու համար: Մենք ձգտում ենք նվազեցնել վարչական արգելքներն արտադրողների համար և միաժամական պաշտպանել բուժառուների շահերը, որոնք պետք է ստանան որակյալ և անվտանգ դեղեր», — նշել է ԵՏՀ տեխնիկական կարգավորման նախարար Վալենտին Տատարիցկին:  Նոր դրույթներն ուղղված են Միության երկրներում գրանցման գործընթացների ներդաշնակեցմանը, ԵԱՏՄ պահանջներին համապատասխանեցման ընթացակարգի աշխատանքներն ավարտելուն և բուժառուների համար դեղերի անխափան հասանելիությանը: Փոփոխությունները վերաբերում են ԵԱՏՄ պահանջներին դեղորայքային պատրաստուկների գրանցման դոսյեների համապատասխանեցման ընթացակարգին, արտադրողների դեղագործական տեսչական ստուգումների անցկացմանը, որոնք նախաձեռնվելու են գրանցման ընթացակարգերի ընթացքում: ԵԱՏՄ կարգավորմանն անցնելու աշխատանքների արագացման համար նաև վերացվել են փոխադարձ ճանաչման և դեղորայքային պատրաստուկի գրանցման դոսյեում փոփոխությունների կատարման ընթացակարգերի միաժամանակ կատարման սահմանափակումները:

19 հունիսի 2025 Գոհար Բարսեղյան. «Արդյունաբերական կոոպերացիայի ֆինանսավորումը կարևոր քայլ է տնտեսական ինտեգրման խորացման համար» Այս մասին հայտարարել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարղեսյանը «Ռուսաստան-Ղազախստան երկխոսություն.  արդյունաբերական համագործակցության նոր հորիզոններ» բիզնես երկխոսության ընթացքում, որն անցկացվել է Պետերբուրգի միջազգային տնտեսական հանաժողովի ընթացքում: ԵՏՀ նախարարը կարևորել է տնտեսության իրական հատվածի դերը ոչ միայն Ռուսաստանի և Ղազախստանի, այլ և ընդհանուր առմամբ՝ Եվրասիական տնտեսական միության շրջանակներում համագործակցության զարգացման գործում: «Բիզնեսի նախաձեռնությամբ ԵԱՏՄ-ում ստեղծվել է արդյունաբերական կոոպերացիային ֆինանսական աջակցություն ցուցաբերելու նոր մեխանիզմ:  Հանձնաժողովի կողմից 2024 թվականի հուլիսից գործարկված այս գործիքը կարևոր քայլ է դարձել տնտեսական ինտեգրման խորացման, ձեռնարկատերերի պրակտիկ փոխգործակցության զարգացման գործում», — հայտարարել է Գոհար Բարսեղյանը: ԵՏՀ նախարարն ընդգծել է, որ մեխանիզմը նախատեսում է վարկերի տոկոսադրույքի դրույքաչափի սուբսիդավորում Միության երկրների առանցքային դրույքաչափի 100%-ի չափով, ինչպես նաև ԵԱՏՄ երեկ և ավելի պետությունների ձեռնարկությունների մասնակցություն, ինչն ուժեղացնում է կոոպերացիան, նպաստում փորձի փոխանակմանը և տեխնոլոգիական աճին: Նրա խոսքով՝ հավանություն է տրվել առաջին երկու նախագծին, ներառյալ Ղազախստանում գյուղատնտեսական տեխնիկայի համատեղ արտադրությունը: Այս նախագծի իրագործումը կապահովի Ռուսաստանի և Բելառուսի ձեռնարկությունների մասնակցությամբ հատիկահավաք կոմբայնների արտադրությունը: ԵՏՀ նախարարը հայտնել է, որ հաշվի առնելով դրական փորձը՝ ԵԱՏՄ երկրների կառավարությունների ղեկավարները հավանություն է տվել կոոպերացիոն համագործակցության մեխանիզմը ագրոարդյունաբերական համալիրի վրա տարածելու նախաձեռնությունը: «Միավորելով տնտեսալան ներուժները և ազգային իրավասությունները՝ մենք կարող ենք կառուցել ինտեգրացիոն տարածք, որը կդառնա տնտեսական աճի, կայուն տեխնոլոգիական զարգացման հուսալի բազա», — ամփոփել է Գոհար Բարսեղյանը: Արդյունաբերական արտադրության ծավալը ԵԱՏՄ-ում 2024 թվականի նախորդ տարված համեմատ աճել է 4,5%-ով: ԵԱՏՄ երկրների ընդհանուր ապրանքաշրջանառության շուրջ 80%-ը բաժին է հասնում մշակող արդյունաբերության արտադրանքին:  

19 հունիսի 2025 Հանձնաժողովը զարգացնում է ՉԺՀ-ի առևտրի նախարարության հետ համագործակցությունը ներքին շուկայի պաշտպանության միջոցների հարցերով Եվրասիական տնտեսական հանձնաժողովի ներքին շուկայի պաշտպանության վարչության տնօրեն Անդրեյ Զախարովը հանդիպել է Չինաստանի Ժողովրդական Հանրապետության առևտրի նախարարության Պաշտպանական միջոցների և հետաքննությունների գրասենյակի ղեկավար Տաո Պենի հետ ԵՏՀ-ի և ՉԺՀ-ի առևտրի նախարարության միջև հակագնագցման, փոխհատուցման և հատուկ պաշտպանական միջոցների կիրառման ոլորտում համագործակցության հուշագրի շրջանակներում: Միջոցառման մասնակիցները քննարկել են ներքին շուկայի պաշտպանության միջոցների դերը համաշխարհային առևտրի փոփոխվող պայմաններում: Հանդիպման ընթացքում ընդգծվել է ինչպես հետաքննություններ անցկացնող մարմինների, այնպես էլ բիզնեսի մակարդակով երկկողմ շփումների հատուկ դերը ծագող հարցերի կառուցողական քննարկման համար: «Հանձնաժողովը բարձր է գնահատում ներքին շուկայի պաշտպանության միջոցների հարցերով ՉԺՀ առևտրի նախարարության հետ երկարաժամկետ համագործակցությունը, որը հիմնված է թափանցիկության և փոխադարձ շահերը հաշվի առնելու սկզբունքների վրա: Ներքին շուկայի պաշտպանության վարչությունը բաց է մնում ՉԺՀ առևտրի նախարարության Պաշտպանական միջոցների և հետաքննությունների գրասենյակի կետ երկխոսության հետագա զարգացման համար», — նշել է Անդրեյ Զախարովը: Հանդիպման արդյունքում կողմերը պայմանավորվել են Հուշագրի շրջանակներում հետագա փոխգործակցության, ինչպես նաև Եվրասիական տնտեսական միության և ՉԺՀ-ի միջև առևտրատնտեսական համագործակցության մասին համաձայնագրի իրականացման հարցերով համատեղ հանձնաժողովի հարթակում:

19 հունիսի 2025 Քննարկվել են ԵՏՀ և Մյանմարի միջև մրցակցության ոլորտում փոխգործակցության և փորձի փոխանակման հարցեր Եվրասիական տնտեսական հանձնաժողովի մրցակցային քաղաքականության և պետական գնումների ոլորտի քաղաքականության վարչության փոխտնօրեն Արմինե Հակոբյանը Հանձնաժողովի և Մյանմարի Միություն Հանրապետության կառավարության միջև փոխգործակցության հարցերով համատեղ աշխատանքային խմբի նիստում ներկայացրել է մրցակցության ոլորտում ԵՏՀ-ի գործունեությունը:  Նիստն անցկացվել է Պետերբուրգի տնտեսական համաժողովի շրջանակներում: Մյանմարի կողմը հայտնել է, որ 2017 թվականին «Մրցակցության մասին» Մյանմարի օրենքի ուժի մեջ մտնելուց հետո երկրում ստեղծվել է Մրցակցության հանձնաժողով, որը մինչ օրս զգալի փորձ է ձեռք բերել և իր արժանի տեղն է զբաղեցրել պետական մարմինների համակարգում: Մյանմարում հետաքրքրված են ԵԱՏՄ պետությունների համանման գերատեսչությունների և ԵՏՀ մրցակցային բլոկի հետ համագործակցությամբ: «Մյանմարի Մրցակցության հանձնաժողովի կազմում ընդգրկված են տարբեր նախարարությունների և գերատեսչությունների ներկայացուցիչներ: Սա մրցակցային մարմնի կառուցվածքի ձևավորման հետաքրքիր, մեզ համար անսովոր մոտեցում է: Մեզ համար, անշուշտ, օգտակար կլինի ծանոթանալ նրա աշխատանքին», — նշել է Արմինե Հակոբյանը: Նիստի մասնակիցները քննարկել են փոխգործակցության կազմակերպական հարցեր, ինչպես նաև տնտեսության այլ առանցքային ոլորտներում համագործակցությունը Եվրասիական տնտեսական հանձնաժողովի և Մյանմարի Միություն Հանրապետության կառավարության միջև ավելի վաղ կնքված հուշագրին համապատասխան:

19 հունիսի 2025 Էլդար Ալիշերով. «Մեր երկխոսության նպատակն է աջակցությունը ԵԱՏՄ երկրների և Մյանմանրի ապրանքաշրջանառության հետագա աճին» Եվրասիական տնտեսական հանձնաժողովի և Մյանմարի Միություն Հանրապետության կառավարության միջև փոխգործակցության հարցերով համատեղ աշխատանքային խմբի նիստում քննարկվել են Եվրասիական տնտեսական միության և Մյանմարի առևտրատնտեսական համագործակցության գերակայությունները: Հանդիպումն անցել է Պետորբուրգի միջազգային տնտեսական համաժողովի շրջանակներում ԵՏՀ ինտեգրման և մակրոտնտեսության նախարար Էլդար Ալիշերովի և Մյանմարի ներդրումների և արտաքին տնտեսական կապերի նախարար Կան Զոյի համանախագահությամբ: Նիստի մասնակիցները քննարկել են առևտրի, գյուղատնտեսության, մրցակցային քաղաքականության ոլորտներում համագործակցության, բիզնես շրջանակների փոխգործակցության հարցեր: «ԵԱՏՄ շրջանակներում մշակվող ռեգուլյատորիկայի տարբեր ասպեկտներով մեր երկխոսության նպատակն է աջակցել եվրասիական «հնգյակի» երկրների և Մյանմարի առևտրատնտեսական կապերի զարգացմանը, ապրանքաշրջանառության հետագա աճին, որը 2019 թվականից ի վեր ավելի քան եռապատկվել է», — հայտարարել է Էլդար Ալիշերովը: Այս փուլում Հանձնաժողովի և Մյանմարի կառավարության միջև համագործակցության՝ ԵՏՀ նախարարի կողմից նախանշված առանցքային խնդիրների թվում են միմյանց առևտրատնտեսական հնարավորությունների մասին իրազեկվածության բարձրացումը, ինչպես նաև տնտեսական հարաբերություններում «թույլ» կողմերի նույնականացումը, որոնք պետք է քննարկվել աշխատանքային խմբի շրջանակներում: Նրա խոսքով՝ կողմերի համագործակցության բարձր ներուժը «կանխորոշվում է ընդհանուր առմամբ ԱՍԵԱՆ-ի տարածաշրջանի հետ Հանձնաժողովի ակտիվ երկխոսությամբ, ինչպես նաև այն փաստով, որ Մյանմարը, ըստ էության, ԵԱՏՄ-ն ԱՍԵԱՆ-ի հետ կապող «կամուրջն» է, Հարավ-Արևելյան Ասիայի խոշոր տնտեսությունների առևտրային «խաչմերուկը»: Կան Զոն իր հերթին կարևորել է ԵՏՀ-ի հետ երկխոսությունը Միության բոլոր երկրների հետ տնտեսական համագործակցության ակտիվացման համար: Այս կապակցությամբ նա առանձնացրել է մի շարք առավել հեռանկարային ուղղություններ՝ թվայնացումը, էլեկտրոնային առևտուրը, գյուղատնտեսության ոլորտում տեխնոլոգիաների փոխանակումը, փոխգործակցությունը Մյանմարի հատուկ տնտեսական գոտիների շրջանակներում: Նիստում ելույթով հանդես են եկել Մյանմարի առևտրի նախարար Օունը, Մյանմարի գյուղատնտեսության, անասնաբուծության և ոռոգման նախարար Մին Նաունը, ինչպես նաև այդ երկրի Առևտրաարդյունաբերական միության նախագահ Այ Վինը: Կողմերը ԵԱՏՄ պետությունների և Մյանմարի ձեռնարկատերերին կոչ են արել ավելի սերտ համագործակցել, այդ թվում՝ ԵԱՏՄ գործարար խորհրդի և Մյանմարի համապատասխան բիզնես ընկերակցության միջև պաշտոնական երկխոսություն սահմանելուն: Համատեղ աշխատանքային խմբի հերտական նիստը կկայանա 2026 թվականին: Եվրասիական տնտեսական հանձնաժողովի և Մյանմարի Միություն Հանրապետության կառավարության միջև փոխգործակցության հուշագիրը ստոագրվել է 2023 թվականին: 

19 հունիսի 2025 ՊՄՏՀ-2025. ԵԱՏՄ-ԱՍԵԱՆ բիզնես երկխոսություն Հունիսի 19-ին Պետերբուրգի 28-րդ միջազգային տնտեսական համաժողովի գործարար ծրագրի շրջանակներում կայացել է ԵԱՏՄ-ԱՍԵԱՆ բիզնես երկխոսությունը, որին մասնակցել է Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը: «ԵԱՏՄ-ԱՍԵԱՆ բիզնես երկխոսությունը արդյունավետ հարթակ է երկու ինտեգրացիոն միավորումների բիզնեսի ներկայացուցիչների բաց և վստահելի շփումների, փոխգործակցության առանցքային ուղղություններով «ժամացույցների համեմատման» և համագործակցության հեռանկարային ոլորտների քննարկման համար», — նշել է Էլդար Ալիշերովը: ԵՏՀ նախարարն ընդգծել է, որ ԵԱՏՄ-ի և ԱՍԵԱՆ-ի երկրների բիզնեսի համար կարևոր է ավելի ակտիվորեն օգտագործել թվայնացման հնարավորությունները, տեղեկատվական հարթակներ ստեղծել, որոնք հնարավոր գործընկերներին թույլ են տալիս գտնել միմյանց, կազմակերպել բիզնես առաքելություններ, գտնել համագործակցության նոր ձևաչափեր: ԵԱՏՄ-ի և ԱՍԵԱՆ-ի գործարար շրջանակների փոխգործակցության համար լավ հեռանկարներ է տալիս ոլորտային երկխոսությունը: «Հանձնաժողովը և ԱՍԵԱՆ-ի քարտուղարությունն արդեն արել են գործնական քայլեր: 2025 թվականին մեկնարկել է ոլորտային սեմինարների շարք հետևյալ ուղղություններով՝ էներգետիկա, գյուղատնտեսություն, մաքսային կարգավորում, մտավոր սեփականություն, էլեկտրոնային առևտուր, մրցակցային քաղաքականություն, տրանսպորտ», — հայտնել է Էլդար Ալիշերովը: ԵՏՀ ինտեգրման բլոկի ղեկավարը նշել է, որ երկու միավորումների երկրների առևտրատնտեսական և գործարար համագործակցության դրական դինամիկային նպաստում է փոխգործակցության ամուր ինստիտուցիոնալ հիմքը:  «Հեռանկարում ԵԱՏՄ-ն և ԱՍԵԱՆ-ը կարող էին մտածել ԵԱՏՄ-ԱՍԵԱՆ երկխոսության առանձին մեխանիզմ ձևավորելու մասին: Այն կարող էր ունենալ արտահայտված բիզնես բաղադրիչ՝ ելնելով այն փաստից, որ բիզնեսը առևտրատնտեսական համագործակցության հիմնական շահառուն է», — նշել է Էլդար Ալիշերովը: Բիզնես երկխոսությանը մասնակցել են «Ռուսաստան-ԱՍԵԱՆ» գործարար խորհրդի նախագահ Իվան Պոլյակովը (մոդերատոր), Ադինին ընկերությունների խմբի կառավարող տնօրեն, Բրունեյ-Դարուսալամի Պետությունից ԱՍԵԱՆ գործարար խորհրդակցական խորհրդի նախագահ Մուսա Ադնինը, Մյանմարի Միություն Հանրապետության ներդրումների և արտաքին տնտեսական շփումների նախարար Կան Զոն, Լաոսի Ժողովրդադեմոկրատական Հանրապետության փոխվարչապետ Սալեմսայ Կոմասիտը, Ռուսաստանի էներգետիկայի նախարարության Ռուսաստանի էներգետիկ գործակալության (ՌԷԳ) գլխավոր տնօրեն Ալեքսեյ Կուլապինը, Ikhlas Capital-ի հիմնադիր, Մալայզիայից ԱՍԵԱՆ գործարար խորհրդակցական խորհրդի նախագահ Նազիր Ռազակը, «Մոսկվայի արտահանման կենտրոն» ԻՈԱԿ գլխավոր տնօրեն Վիտալի Ստեպանովը, ԱՍԵԱՆ-ի գլխավոր քարտուղարի տեղակալ Սաթվինդեր Սինգհը: ԵԱՏՄ-ԱՍԵԱՆ բիզնես երկխոսությունը կազմակերպվել է Եվրասիական տնտեսական հանձնաժողովի կողմից՝ «Ռոսկոնգրես» հիմնադրամի կազմակերպական աջակցությամբ և Ռուսաստան-ԱՍԵԱՆ գործարար խորհրդի հետ համակարգմամբ: 2019 թվականից ի վեր միջոցառումն ավանդաբար կազմակերպվում է Պետերբուրգի միջազգային տնտեսական համաժողովի գործարար ծրագրի շրջանակներում: ԵՏՀ-ի և ԱՍԵԱՆ-ի միջև տնտեսական համագործակցության ոլորտում փոխըմբռնման հուշագիրը ստորագրվել է 2018 թվականին: Հուշագրի իրականացման նպատակով ընդունվել է 2020-2025 թվականների համագործակցության ծրագիրը։ Փաստաթուղթն ընդգրկում է այնպիսի ոլորտներ, ինչպիսիք են մաքսային օրենսդրությունը և իրավակիրառ պրակտիկան, առևտրային քաղաքականությունը, առևտրային քաղաքականությունը, ձեռնարկատիրական գործունեությունը, տեխնիկական և հակամենաշնորհային կարգավորումը, ՍԲՍ-միջոցները, էներգետիկան, ներքին շուկաների գործունեությունը և այլն։ Համագործակցության և փոխըմբռնման հուշագրեր, ինչպես նաև ազատ առևտրի գոտու մասին համաձայնագրեր են կնքվել ԱՍԵԱՆ-ի երկրների մեծ մասի՝ Վիետնամի, Ինդոնեզիայի, Կամբոջայի, Թաիլանդի, Սինգապուրի, Մյանմարի հետ:

19 հունիսի 2025 Ռուսլան Դավիդով. «ԵԱՏՄ-ում էլեկտրոնային առևտրի նոր կանոնները անխափան ուղի են ձևավորում սպառողների համար» ՊՄՏՀ-2025 հարթակում Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը մասնակցել է «Զարգացնել, թե՞ կլանել. Գլոբալ  թվային հարթակները և դրանց ազդեցությունը Եվրասիական տարածաշրջանի և գլոբալ Հարավի երկրների տնտեսությունների վրա» թեմայով նստաշրջանին: Նստաշրջանի մասնակիցները քննարկել են թվային հարթակները, որոնք այսօր տնտեսական և սոցիալական զարգացման կարևոր գործիք են: Պետական կառույցները և բիզնեսը մեծ ուշադրություն են դարձնում դրանք աշխատանքի կարգավորմանը և դրանց կատարելագործման համար բարենպաստ պայմանների ստեղծմանը: ԵՏՀ նախարարն իր ելույթում խոսել է Հանձնաժողովի և Եվրասիական տնտեսական միության երկրների կողմից էլեկտրոնային առևտրի շուկայում համատեղ ձևավորվող միասնական «խաղի կանոնների» մասին:  Ուշադրության կենտրոնում է վերջնական սպառողի համար անխափան ուղու ստեղծումը: Նման կարգավորման հիմքը կդառնա ԵԱՏՄ մաքսային օրենսգրքի նոր գլուխը, որն այժմ վավերացման փուլում է: Ռուսլան Դավիդովը նշել է, որ մշակվող կանոնները պետք է ապահովեն առևտրային շղթաների թափանցիկությունը բեկումնային թվային տեխնոլոգիաների կիրառման հաշվին: Նոր կարգավորման արդյունավետ ներդրման և նոր պայմաններին ժամանակին ադապտացման համար Ռուսլան Դավիդովը նստաշրջանի մասնակիցներին ու հյուրերին կոչ է արել բաց երկխոսություն վարել Հանձնաժողովի մաքսային բլոկի խորհրդատվական մարմինների հարթակում: Նստաշրջանին մասնակցել են Ռուսաստանի տնտեսական զարգացման նախարար Մաքսիմ Ռեշետնիկովը, «Գործարար Ռուսաստանի» նախագահ Ալեքսեյ Ռեպիկը, RWB գլխավոր գործադիր տնօրեն Ռոբերտ Միրզոյանը: 

Ցուցադրել ավելին