тексттин өлчөмү:
A
A
A
Сайттын түстөр:
C
C
C
Сайттың әдеттегі болжамы
рус
eng
арм
бел
қаз
кыр
Іздеу
Іздеу
Выберите язык
рус
eng
арм
бел
қаз
кыр
Комиссия
Жаңалықтар
БАҚ назарына
Азаматтар үшін
Вакансиялар
Сауда
Байланыстар
Жалпы ақпарат
ЕЭК Кеңесі
ЕЭК Алқасы
ЕЭК департаменттері
ЕЭК консультативтік органдары
Жаңалықтар
ЕЭК БАҚ-та
Күнтізбе
Экономика және қаржы саясаты
Сұлтанов Бақыт
Тұрлыханұлы
Кәсіпкерлік қызметті дамыту департаменті
Қаржы саясаты департаменті
Еңбек көші-қоны және әлеуметтік қорғау департаменті
тақырыбы бойынша жаңалықтар «Экономика және қаржы саясаты»
30 майдың 2025
Бақыт Сұлтанов: "Жасанды интеллекті пайдалану мен құқық иеленушілердің құқықтарын қорғау арасындағы мүдделер теңгерімін сақтау маңызды"
Еуразиялық экономикалық комиссияның Экономика және қаржы саясаты жөніндегі министрі Бақыт Сұлтанов Astana International Forum-да Еуразиялық экономикалық одақ елдері экономикасының түрлі саласына жасанды интеллект (ЖИ) ендіруге байланысты мүмкіндіктер мен тәуекелдер туралы айтты. "Жасанды интеллект дәуіріндегі зияткерлік меншік" форумының панельдік сессиясында сөз сөйлеген Бақыт Сұлтанов ЖИ көмегімен жасалған туындыларға қатысты құқықтар мен жауапкершіліктің аражігін ажырату мәселелеріне тоқталды. Ол авторлықты айқындаудағы қиындықтарға, сондай-ақ ғылыми және инновациялық қызметте жасанды интеллект технологияларын пайдалануды реттеу үшін нақтылы қағидалар мен нормативтік актілер әзірлеу қажеттігіне айрықша назар аударды. Бақыт Сұлтанов ЕАЭО елдерінің ұлттық заңнамалық бастамаларды құру бойынша белсенді жұмыс істеп жатқанын: Қазақстан 2024-2029 жылдарға арналған ЖИ дамыту тұжырымдамасын қабылдағанын, Беларусь жасанды интеллект туралы заң әзірлеп жатқанын, ал Ресейде 2030 жылға дейінгі ұлттық стратегия іске асырылып келе жатқанын атап өте келіп, осы салада халықаралық стандарттар мен келісілген тәсілдемелерді қалыптастырудың маңызды екенін атап көрсетті. Министр әлемдік қоғамдастықта ЖИ көмегімен құрылған зияткерлік меншік объектілеріне құқықтарды құқықтық қорғау және сақтау мәселелері кеңінен талқыланып отырғанына назар аударды. Еуразиялық интеграциялық бірлестік шеңберінде "Еуразиялық экономикалық жол" декларациясын іске асыру жөніндегі іс-шаралар жоспарының жобасы әзірленуде, ол осындай объектілерді құқықтық қорғаудың ықтимал тәсілдемелерін пысықтауды қамтиды. "Бұл ретте жасанды интеллекті пайдалану мен құқық иеленушілердің құқықтарын қорғау арасындағы мүдделер теңгерімін сақтау маңызды", – деп атап өтті Бақыт Сұлтанов. Форум аясында ЕЭК министрінің Дүниежүзілік зияткерлік меншік ұйымының бас директоры Дарен Тангпен кездесуі болып өтті. Ұйымдар арасындағы Өзара түсіністік туралы меморандум шеңберіндегі ынтымақтастық талқыланды, зияткерлік меншікті қорғау және сақтау тұрғысында Еуразиялық экономикалық интеграцияға арналған бірлескен іс-шаралар өткізу мүмкіндігі қаралды. "Комиссия контрафактілік өнім айналымының үрдістерін және ЕАЭО-дағы зияткерлік меншік құқықтарының бұзылуына қарсы күрес практикасын тұрақты негізде қадағалап отырады. Біз жыл сайын анықталған бұзушылықтар туралы деректер мен құқық қолдану практикасын жақсарту бойынша ұсыныстарды қамтитын есеп дайындаймыз", – деп хабарлады Бақыт Сұлтанов. ЕЭК Министрі сондай-ақ Халықаралық көші-қон ұйымының (ХКҰ) бас директоры Эми Поуппен кездесті. Бүгінде Комиссия мен ХКҰ өңірлік кеңсесі Бірлескен мәлімдемемен жұмыс істеу үстінде, оның негізіне ұйымдар арасында қолданыстағы Ынтымақтастық туралы меморандум және ЕАЭО-ның барлық елі қосылған Қауіпсіз, реттелген және заңды көші-қон туралы жаһандық шарт алынған.
30 майдың 2025
ЕЭК пен ITIC ынтымақтастықты тереңдетеді
Astana International Forum алаңында Еуразиялық экономикалық комиссияның Экономика және қаржы саясаты жөніндегі министрі Бақыт Сұлтановтың Халықаралық салық салу және инвестициялар орталығының (ITIC) президенті Дэниел Алан Виттпен кездесуі болып өтті. Бұл ұйымдардың COVID-19 пандемиясы аяқталғаннан кейінгі алғашқы іскерлік байланысуы екенін атап өткен жөн. Тараптар қолданыстағы Өзара түсіністік туралы меморандум шеңберінде ынтымақтастықты жалғастыруға ниетті екендіктерін білдірді, ол, атап айтқанда, салық саясаты мен әкімшілендіру жөніндегі бірлескен іс-шараларды тұрақты негізде жүргізуді көздейді. Салықтық әкімшілендіруді цифрландыру бойынша ақпараттық-талдамалық материалдарымен алмасу және оның рәсімдерін цифрлық әрі жаһанданған экономика жағдайларына бейімдеу, сондай-ақ акциздік салық салуды үндестіру жөніндегі интеграциялық бірлестіктердің үздік практикасын ауысу мүмкіндігі талқыланды. "Біздің кездесуіміз талқыланған бағыттар бойынша ЕЭК пен ITIC арасындағы диалогты дамытуға, ЕАЭО шеңберінде инвестициялық ахуал мен іскерлік ортаны жақсартуға, сондай-ақ Еуразиялық интеграция игілігі үшін жаңа бірлескен жобаларды іске асыруға жәрдемдесетініне сенімдімін", — деп түйіндеді Бақыт Сұлтанов. ITIC — 1993 жылы өтпелі және дамушы экономикасы бар елдерде салық реформалары мен инвестициялық климатты жақсарту бойынша мемлекеттік-жекеменшік бастамаларды ілгерілету үшін құрылған тәуелсіз коммерциялық емес зерттеу және білім беру ұйымы. ЕЭК Салық саясаты және әкімшілендіру жөніндегі консультативтік комитеті мен ITIC арасындағы Өзара түсіністік туралы меморандумға 2013 жылы қол қойылған, оның жаңартылған редакциясына 2017 жылы қол қойылды. ITIC-пен өзара іс-қимылдың үйлестірушісі Комиссияның Қаржы саясаты департаменті болып табылады.
28 майдың 2025
Нұржамал Ілиясова: "Зияткерлік меншік жүйесін дамыту – ЕАЭО-да инновациялық экономиканы ынталандырудың негізгі факторы"
ЕЭК Алқасы Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру аясында зияткерлік меншік саласындағы халықаралық шарттардың екі жобасын мақұлдады және мемлекет ішінде келісуге жіберді. Бұл туралы Еуразиялық экономикалық комиссияның Кәсіпкерлік қызметті дамыту департаменті директорының орынбасары Нұржамал Ілиясова Ресейде өткен Еуропалық бизнес қауымдастығының алаңында "Қазіргі дәуірдегі зияткерлік меншік – сын-қатерлер, жауаптар, даму" конференциясы барысында айтты. Жобалардың бірі – Интернет желісіндегі зияткерлік меншік объектілеріне берілген құқықтардың бұзылуына қарсы күрестің келісілген тәсілдері туралы келісім, оны іске асыру контрафактілік өнімнің Интернет желісінде таралуына қарсы күрес бойынша салыстырмалы шараларды қолдануды қамтамасыз етуге мүмкіндік береді және құқық иелеріне өз туындыларын заңды түрде интернет-ресурстарда қауіпсіз жариялауға және тиісті кірістер алуға мүмкіндік береді. Екінші құжат – ЕАЭО елдерінде қорғалатын өнеркәсіптік меншік объектілері туралы ақпаратты іздеуді жүзеге асыруға мүмкіндік беретін сервис туралы келісім, оның мақсаты көрсетілген объектілер туралы өзекті деректерге тегін және жылдам қол жеткізуді қамтамасыз ету, шығындарды азайту және құқықтардың бұзылуының алдын алуға көмектесу болып табылады. https://eec.eaeunion.org/upload/medialibrary/1d3/ohzikc5xk49ghd1v3ig67r1h4dz7kag1/Analiticheskiy-obzor-v-sfere-IS-v-g_ch-EAES_2019_2023.pdfСонымен қатар ЕЭК өкілі Комиссияның 2024 жылы ЕАЭО мемлекеттеріндегі зияткерлік меншік саласындағы 2019-2023 жылдарға арналған талдамалық шолуды дайындағаны туралы хабарлады. "Талдау нәтижелері бес жыл ішінде ЕАЭО елдерінің мемлекеттік реттеу органдарының жүргізіп жатқан саясаты мен зияткерлік меншік саласындағы уәкілетті органдардың қызметі айтарлықтай жетілгенін көрсетті", – деп атап өтті Нұржамал Ілиясова. Бұдан басқа, Комиссия өкілі конференцияға қатысушыларға ЕАЭО елдеріндегі зияткерлік меншік объектілеріне берілген құқықтарды қорғау саласындағы құқық қолдану практикасының 2023 жылғы жай-күйі туралы айтып берді. Комиссияның тиісті жыл сайынғы есебі Одақтың ресми сайтында жарияланған.https://eec.eaeunion.org/upload/medialibrary/d43/mn55bund7f1eoov5cf81236g3cygzy4c/Otchet-PP-po-IS_2023-god.pdf Басым бағыттардың ішінде Нұржамал Ілиясова Еуразиялық экономикалық одақ аясында экономикалық процестерді одан әрі дамыту туралы 2030 жылға дейінгі және 2045 жылға дейінгі кезеңге арналған "Еуразиялық экономикалық жол" декларацияны іске асыру жөніндегі жоспардың жобасын дайындау жөніндегі жұмысты атап өтті. «Зияткерлік меншік жүйесін дамыту – Еуразиялық экономикалық одақта инновациялық экономиканы ынталандырудың негізгі факторы. Біз авторлар мен өнертапқыштардың құқықтарын қорғау үшін жағдай жасауға, сондай-ақ бизнес пен технологияларды дамыту үшін АЖ объектілерін тиімді пайдалануды қамтамасыз етуге тырысамыз", — деп атап өтті ЕЭК өкілі. Еуропалық бизнес қауымдастығы (ЕБҚ) — Ресей Федерациясындағы шетелдік инвесторлардың негізгі өкілдігі. ЕБҚ 1995 жылы құрылған, Ресейде жұмыс істейтін 380-нен аса компанияны біріктіретін тәуелсіз коммерциялық емес ұйым болып табылады. ЕБҚ бизнестің әртүрлі салаларында, соның ішінде зияткерлік меншік саласында кең ауқымды мәселелерді қолдайтын 65 комитет пен жұмыс топтарын қамтиды.
27 майдың 2025
ЮНСИТРАЛ – ЕЭК вебинарлары халықаралық сауда құқығын дамыту туралы хабардарлықты арттырады
26 мамырда Еуразиялық экономикалық комиссияның қолдауымен ұйымдастырылған БҰҰ Халықаралық сауда құқығы жөніндегі комиссиясының (ЮНСИТРАЛ) бірінші вебинары өтті. Ол ЮНСИТРАЛДЫҢ қызметі туралы хабардарлықты арттыруға және Еуразиялық экономикалық одақ мемлекеттерінің уәкілетті органдары мен кәсіптік қоғамдастығының өкілдерін халықаралық сауда құқығын дамыту жөніндегі жұмысқа тартуға бағытталған оқыту сессияларының циклін ашты. Қатысушыларға ЕЭК Кәсіпкерлік қызметті дамыту департаментінің директоры Ернар Бакенов пен ЮНСИТРАЛ хатшылығының өкілі Самира Мусаева құттықтау сөз сөйледі. Сауда құқығы саласындағы өзара іс-қимылды нығайту және озық тәжірибелермен алмасу бойынша халықаралық ұйымдар мен мемлекеттік құрылымдар ынтымақтастығының маңыздылығы атап өтілді. ЮНСИТРАЛ хатшылығының қызметкерлері ұйымның тарихы мен құрылымынан бастап халықаралық сауда құқығы саласындағы жетістіктері мен болашақ жоспарларына дейін егжей-тегжейлі таныстырды. Келесі осындай іс-шара 2025 жылдың 4 шілдесінде Мәскеу уақытымен сағат 11:00-де өтеді және ЮНСИТРАЛ жұмысының мамандандырылған бағыттарына арналады деп жоспарлануда. Олардың қатарында дәрменсіздік туралы заңнама, халықаралық делдалдық және төрелік, инвесторлар мен мемлекеттер арасындағы дауларды реттеу жүйесін реформалау бар. ЕЭК-тің Кәсіпкерлік қызметті дамыту департаменті мүдделі тұлғаларды халықаралық сауда құқығының негізгі аспектілерін тереңдетіп зерделеу үшін алдағы уақытта вебинарға қатысуға шақырады. ЮНСИТРАЛ (UNCITRAL) – БҰҰ-ның халықаралық сауда құқығы жөніндегі комиссиясы. 1966 жылы халықаралық сауда құқығын біріздендіруге және үйлестіруге ықпал ету үшін құрылған. БҰҰ-ның халықаралық сауда құқығы саласындағы негізгі заң органы болып табылады.
Тағы да көрсету
Бағыт бойынша материалдар
14 желтоқсанның 2016
ЕЭК Экономика және қаржы саясаты жөніндегі министрі хатшылығының басшысы, з.ғ.д. Асқар Кішкембаевтің «Казахстанская правда» газетіндегі сұхбаты: «Тәуелсіз Қазақстанның посткеңестік кеңістіктегі интеграциялық бастамалары. Мәскеуден көзқарас»
Қазақстан Республикасының басты ұлттық мерекесі – Тәуелсіздік күніне небары бірнеше күн қалды. 1991 жылы бұл күні еліміздің Жоғары Кеңесі Республиканың тәуелсіздігі және Қазақстанның мемлекеттік егемендігі туралы заңды қабылдады.
18 қарашаның 2016
ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс»
2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.
09 қарашаның 2016
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады
Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар?
24 қазанның 2016
ЕЭК Экономика және қаржы саясаты жөніндегі министрі Тимур Сүлейменовтің БелТА АА-ға берген сұхбаты: «Беларусь ЕАЭО-дағы интеграциялық процестерде өзекті рөл атқарады»
Беларусь, Ресей, Қазақстан, Армения және Қырғызстан екі жыл бойы Еуразиялық экономикалық одақ жағдайында тіршілік етуде, белгілі бір сын-қатерлерге кезігуде және оларға бірлесіп қарсы тұруға әрекет етуде. Қазанның аяғында Минск Одақ шеңберіндегі кезекті ірі кездесуді қабылдайды – Беларусь астанасында Еуразиялық үкіметаралық кеңестің отырысы өтпек. Осы маңызды іс-шара қарсаңында БЕЛТА тілшісі 2016 жыл ЕАЭО үшін не бергенін, қатарлас импорт пен кеден баждары мөлшерлемелерін белгілеудің проблемалық мәселелері қалай шешілетінін және бірыңғай қаржы нарығын құру бойынша қандай шаралар қабылданып жатқанын білу үшін Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Тимур Сүлейменовпен кездесті.
