қаз

Жаңалықтар

ЕЭК БАҚ-та Фото Бейнегалерея
17 маусымның 2025 Бақытжан Сағынтаев: "ЕАЭО-ның басымдығы өзара пайдалы сыртқы экономикалық байланысты дамыту болып табылады" Еуразиялық экономикалық комиссия Алқасының Төрағасы Бақытжан Сағынтаев 17 маусымда ЕЭК штаб-пәтерінде Еуропалық бизнес қауымдастығының (ЕБҚ) бас директоры Тадзио Шиллингпен жұмыс кездесуін өткізді. Кездесу барысында қазіргі уақытта Комиссия мен Еуропалық 380-ден астам компанияны біріктіретін ЕБҚ-ның өзара іс-қимылының перспективалары талқыланды. "Еуразиялық экономикалық комиссия ЕАЭО мемлекеттерімен бірлесіп бизнес үшін қолайлы жағдайлар жасау үшін жұмыс істеуде. Біз ЕБҚ-ны іскер топтармен тиімді іс-қимыл жасау үшін сенімді әріптес ретінде қарастырамыз", — деп атап көрсетті Бақытжан Сағынтаев. ЕЭК Алқасының басшысы ЕАЭО қызметінің басымдықтарының бірі сыртқы экономикалық байланысты дамыту болып табылатынын атап өтті. Комиссия халықаралық ынтымақтастық географиясын дәйекті түрде кеңейтуді мақсат тұтады. Кездесу қорытындысы бойынша тараптар Еуразиялық кеңістіктегі кәсіпкерлер диалогын одан әрі дамытуға деген өзара мүдделілікті растады. Бақытжан Сағынтаев Тадзио Шиллингті Еуропалық бизнес қауымдастығының 30 жылдық мерейтойымен құттықтап, Еуразиялық экономикалық форум аясында толымды да нәтижелі жұмыс істелуіне тілектестігін білдірді.
17 маусымның 2025 ЕАЭО-ның "Техникалық құралдардың электромагниттік үйлесімділігі" техникалық регламентіне стандарттар әзірлеудің жаңа бағдарламасы бекітілді Еуразиялық экономикалық комиссия Алқасы Еуразиялық экономикалық одақтың техникалық құралдардың электромагниттік үйлесімділігі туралы техникалық регламентін іске асыруды қамтамасыз ететін мемлекетаралық стандарттарды әзірлеу жөніндегі жаңартылған бағдарламаны бекітті. Жаңа бағдарлама 123 позицияны қамтиды, олар, атап айтқанда, 13 мемлекетаралық стандартқа халықаралық стандарттар негізінде өзгерістер енгізуді бағамдайды. Сондай-ақ 109 мемлекетаралық стандарт әзірлеу жоспарланған, олардың 83-і халықаралық стандарттар негізінде, 8-і өңірлік стандарттар негізінде және 18-і Одақ елдерінің ұлттық стандарттары негізінде әзірленеді. Бұдан басқа, өңірлік стандартты (EN) ескере отырып, бір мемлекетаралық стандартты қайта қарау белгіленген. Беларусь 31 мемлекетаралық стандартты, Қазақстан 7 мемлекетаралық стандартты, Ресей 85 мемлекетаралық стандартты жауапты әзірлеуші болып айқындалды.
17 маусымның 2025 ЕЭК Алқасы қол электр құралдарына арналған жиынтықтауыштың жекелеген түрлеріне қатысты бажды уақытша нөлге түсірді Еуразиялық экономикалық комиссия Алқасы қол электр құралдарын өндіруге арналған жиынтықтауыштың жекелеген түрлеріне қатысты ЕАЭО БКТ кедендік әкелу баждарының ставкаларын кедендік құнның 0%-ы мөлшерінде белгілеу туралы шешім қабылдады (ЕАЭО СЭҚ ТН 8483 40 230 2, 8536 50 800 2 және 8545 20 000 1 кодтары). Баждарды уақытша нөлге түсіру 2029 жылғы 31 желтоқсанға дейін жүргізіледі. "Кедендік-тарифтік реттеу шарасы Еуразиялық экономикалық одақ елдерінің кәсіпорындары өндірген қол электр құралдарының бәсекеге қабілеттілігін арттыруға, осындай өндірістің өзіндік құнын төмендетуге, қолда бар өндірістік қуаттарды жүктеуге, шығарылатын өнім көлемін ұлғайтуға және оның ассортиментін кеңейтуге, сондай-ақ салаға инвестициялар салу үшін қолайлы жағдайлар жасауға бағытталған", — деп атап өтті ЕЭК Кедендік-тарифтік және тарифтік емес реттеу департаментінің директоры Ваагн Казарян. Бұл ретте ол ЕАЭО-да қол электр құралдарының қажетті типтік мөлшердегі жиынтықтауыштары өндірілмейтінін атап көрсетті. Қажетті өзгерістер Комиссияның басқа актілеріне де енгізілетін болады. Көрсетілген тауарларға қатысты баждардың нөлдік ставкалары 2020 жылғы 5 маусымнан бастап қоса алғанда 2023 жылғы 30 маусымға дейін қолданылды. Бұл ЕАЭО елдерінде электр құралдарын дайындау бойынша өндірістік қуаттарды ұлғайтуға және ішкі нарықтағы отандық өнімнің үлесін арттыруға ықпал етті.  
16 маусымның 2025 Бақытжан Сағынтаев ДДҰ Еуропалық өңірлік бюросының басшысы Ханс Клюгемен келіссөздер жүргізді Еуразиялық экономикалық комиссия Алқасының Төрағасы Бақытжан Сағынтаев 16 маусымда ЕЭК штаб-пәтерінде Дүниежүзілік денсаулық сақтау ұйымының Еуропалық өңірлік бюросының директоры Ханс Клюгемен жұмыс кездесуін өткізді. Кездесу барысында ЕЭК және ДДҰ ынтымақтастығының Өзара түсіністік туралы меморандум мен оны іске асыру жөніндегі 2025 жылға дейінгі іс-шаралар жоспары шеңберіндегі мәселелері талқыланды. "Еуразиялық экономикалық комиссия мен Дүниежүзілік денсаулық сақтау ұйымының ортақ құндылықтар мен мақсаттарға негізделген өзара іс-қимылы ЕАЭО кеңістігінде денсаулық сақтаудың қазіргі заманғы және орнықты архитектурасын қалыптастыру үшін маңызды элемент болып табылады", — деп атап көрсетті Бақытжан Сағынтаев. Кездесу қорытындысы бойынша тараптар сындарлы диалогты тереңдетуге деген өзара бейілділікті растады. Қазіргі уақытта Еуразиялық экономикалық комиссия мен ДДҰ Еуропалық өңірлік бюросы Меморандумды одан әрі іске асырудың 2026-2028 жылдарға арналған жоспарын дайындауда. Ынтымақтастықтың жаңа кезеңі орнықты және жүйелі шешімдермен тоғыстырыла отырып, ЕАЭО шеңберінде денсаулық сақтау саласындағы бірлескен шараларды практикалық іске асыруға қатысты болады. ЕЭК пен ДДҰ Еуропалық өңірлік бюросы арасындағы Өзара түсіністік туралы меморандумға 2021 жылы қол қойылды. ЕАЭО мемлекеттері Дүниежүзілік денсаулық сақтау ұйымы шеңберіндегі қызметін ДДҰ Еуропалық өңірлік бюросы үйлестіретін өңірге жатады.
16 маусымның 2025 Ваагн Казарян: "ЕАЭО-дағы процестерді цифрландыру қазіргі заманғы технологиялардың халықаралық саудаға ойдағыдай ықпалдасуының үлгісі бола алады" Бангкоктағы (Таиланд) БҰҰ Азия мен Тынық мұхитына арналған экономикалық және әлеуметтік комиссиясының (ЭСКАТО) қолдауымен өткен "Еуразиялық экономикалық одақта және әріптес елдерде сауданы цифрландыру жүйесін қалыптастыру" сессиясында "Қағазсыз сауда апталығы — 2025" шеңберінде сөз сөйлеген Еуразиялық экономикалық комиссияның Кедендік-тарифтік реттеу және тарифтік емес реттеу департаментінің директоры Ваагн Казарян осылай деп мәлімдеді. "Цифрландыру қазіргі заманғы шындықтың іргелі бөлігі ретінде ЕАЭО экономикасының өсуін қамтамасыз ететін негізгі құралдардың бірі болып табылады", – деп атап өтті ЕЭК өкілі. Ваагн Казарянның сөзінше, ЕАЭО шеңберіндегі сауданы цифрландыру процесінің маңызды аспектілерінің қатарына шығарылған елінің электрондық сертификаттар жүйесін енгізу, электрондық сауда, цифрлық таңбалау, интеграцияланған ақпараттық жүйені дамыту, логистиканы цифрландыру жатады. ЕЭК департаментінің директоры қатысқан сессия шеңберінде ЕАЭО мен оның әріптес елдеріндегі сауданы цифрландырудың қазіргі заманғы процесінің жасанды интеллекті қоса, сыртқы сауда және логистикалық рәсімдерді цифрландыру, электрондық құжат айналымын ендіру, сыртқы саудадағы блокчейн және смарт-келісімшарттар, трансшекаралық электрондық сауда туралы заңнама, жаңа цифрлық сауданы реттеу орайлас тәсілдемелер сияқты түйінді аспектілері талқыланды. Сондай-ақ, іс-шара аясында Ваагн Казарян ЭСКАТО сауда, инвестициялар және инновациялар бөлімінің директоры Рупа Чандамен кездесті. Тараптар сауданы цифрландыру саласындағы ынтымақтастықтың перспективалық бағыттарын бағалады, алдағы жұмыстың ықтимал бағыттарын талқылады. Бұдан басқа, "Қағазсыз сауда апталығы – 2025" шеңберінде Азия-Тынық мұхиты өңірінде трансшекаралық қағазсыз сауда рәсімдерін оңайлату туралы негіздемелік келісімді іске асыру бойынша негізгі жұмыс органдарының төртінші сессиясы болып өтті, онда Ваагн Казарян ЭСКАТО-ға мүше мемлекеттерді ЕАЭО-дағы сауданы цифрландыру жөнінде жүргізіліп жатқан жұмыстар және ЕЭК пен ЭСКАТО Қағазсыз сауда жөніндегі кеңесі арасындағы ынтымақтастықтың әлеуетті бағыттары бойынша хабардар етті. "Қағазсыз сауда апталығы – 2025" өткізудің негізгі мақсаты жеткізу тізбегін цифрландыру саласындағы мемлекеттік және жеке сектордың ынтымақтастығын ынталандыру, сондай-ақ БҰҰ шартын және Азия-Тынық мұхиты аймағында трансшекаралық қағазсыз саудаға жәрдемдесу жөніндегі негіздемелік келісімді іске асыру бойынша бірлескен жұмыс барысында елдерді негізделген шешімдер қабылдау кезінде қолдау болып табылады.  
16 маусымның 2025 Максим Ермолович: "ЕАЭО шеңберінде тауарлардың жалпы биржалық нарығын құру "бестік" елдеріндегі экономикалық өзара іс-қимыл деңгейін арттырады" Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермолович Халықаралық биржалар қауымдастығының жалпы жылдық жиналысына қатысты. Биржалық сауданы дамыту мәселелері, сондай-ақ ШЫҰ елдерінің Биржааралық одағын құру бастамасы талқыланды. ЕЭК министрі Еуразиялық экономикалық одақ шеңберінде тауарлардың жалпы биржалық (ұйымдастырылған) нарығында биржалық сауда-саттықты дамыту бағдарламасын дайындау туралы хабарлады. "Бағдарламаны іске асыру мүше мемлекеттердің нормативтік-құқықтық базасын үндестіруді, биржалық сауда ережелерін біріздендіруді, тосқауылдар мен шектеулерді жоюды, сондай-ақ биржалық инфрақұрылымды дамытуды талап етеді", – деп атап өтті Максим Ермолович. Комиссия бәсекелестікті дамыту және баға белгілеу тиімділігін арттыру тұрғысынан Одақ тауарларының ортақ биржалық нарығын құруға үлкен мән береді.  Іс-шараға ТМД, Еуропа, Азия, Латын Америкасы және Африка елдері биржаларының өкілдері қатысты. Халықаралық биржалар қауымдастығы (ХБҚ) 2000 жылы Мәскеуде халықаралық стандарттарға сәйкес ұйымдастырылған қаржы және тауар нарықтарын дамыту бойынша күш-жігерді үйлестіру үшін құрылды. ХБҚ құрамына ЕАЭО мемлекеттерін қоса, ТМД-ның тоғыз елінен 16 жетекші қаржы және тауар биржалары кіреді.
12 маусымның 2025 Бақытжан Сағынтаев Владимир Путинді Ресей күнімен құттықтады Еуразиялық экономикалық комиссия Алқасының Төрағасы Бақытжан Сағынтаев Ресей Федерациясының Президенті, Жоғары Еуразиялық экономикалық кеңес мүшесі Владимир Путинді және бүкіл Ресей халқын Ресей күнімен құттықтады. "Бұл айтулы күн экономикалық қайта құру жолында, соның ішінде Еуразиялық интеграциялық процестер шеңберінде ойдағыдай ілгерілеуді жалғастырып келе жатқан қазіргі заманғы Ресей тарихындағы жаңа кезең болды", – делінген құттықтау хатта. Бақытжан Сағынтаев Еуразиялық экономикалық комиссия атынан және жеке өз атынан Ресей Федерациясы мен оның азаматтарына құт-береке және өркендеу тіледі.
11 маусымның 2025 Валентин Татарицкий: "Комиссияның басымдығы – ЕАЭО елдері халқының денсаулығын сақтау, санитариялық-эпидемиологиялық саламаттығын қамтамасыз ету" Техникалық реттеу жөніндегі министр Валентин Татарицкий Еуразиялық экономикалық одаққа мүше мемлекеттер халқының санитариялық-эпидемиологиялық саламаттығы саласындағы уәкілетті органдар басшылары кеңесінің отырысына қатысты. Кеңес, атап айтқанда, Дүниежүзілік денсаулық сақтау ассамблеясының өткен сессиясының қорытындыларын ЕАЭО елдері үшін өзектілігі тұрғысынан талқылады. Одаққа мүше мемлекеттердегі ағымдағы эпидемиологиялық жағдаят және Кеңестің бұдан арғы қызметінің перспективалары қаралды. "Бірлескен жұмыс Одақ мемлекеттерінің санитариялық қызметтерінің әлеуетін күшейтуге және қажетті мәселелерді тиімді шешуге мүмкіндік береді, бұл біздің елдер халқының денсаулығын сақтауға және санитариялық-эпидемиологиялық саламаттығын қамтамасыз етуге көмектеседі", – деп атап көрсетті Валентин Татарицкий. Мүше мемлекеттердің өкілдері Комиссияның Санитариялық, фитосанитариялық және ветеринариялық шаралар департаментінің директоры Владимир Синкевичтің ұлттық уәкілетті органдармен бірлесіп "санитариялық шаралар" бағыты бойынша жұмыс жоспарын дайындау туралы ұсынысын қолдады. Үш жылдық жоспарды әзірлеуге бастамашылық жасалды. Валентин Татарицкийдің Басшылар кеңесінің төрағасы, Федералдық тұтынушылар құқықтарын қорғау және адамның саламаттығы саласындағы қадағалау қызметінің басшысы Анна Поповамен жұмыс кездесуі барысында санитариялық шараларды қолдану мәселелері талқыланды. Соның ішінде Комиссияның аталған салада әзірлеп жатқан актілері, сондай-ақ "Еуразиялық экономикалық жол" декларациясын іске асыру жоспары жобасының іс-шаралары қаралды. Талқылау нәтижелері бойынша бірқатар басым бағыттағы ынтымақтастық іс-шаралары айқындалды.
Тағы да көрсету

ЕАЭО ресурстары