қаз

Жаңалықтар

Сөз сөйлеулер Фото Бейнегалерея
09 Oct 2024 Бақыт Сұлтанов: «Халықаралық сауда құқығын дамыту үшін ЮНСИТРАЛ-мен өзара іс-қимылды жандандыруды жоспарлап отырмыз" Еуразиялық экономикалық комиссияның Экономика және қаржы саясаты жөніндегі министрі Бақыт Сұлтанов ұйымның Венадағы штаб-пәтерінде БҰҰ Халықаралық сауда құқығы жөніндегі комиссиясының (ЮНСИТРАЛ) 80-ші сессиясына қатысты. Сапар шеңберінде ЕЭК министрі ұйымдардың өзара іс-қимылын кеңейту мәселелерін талқылау үшін ЮНСИТРАЛ басшылығымен және сарапшыларымен кездесті. "Біздің ұйымдар арасындағы серпінді дамып келе жатқан қатынастарды ресми ресімдеу мақсатында Өзара түсіністік туралы меморандумға қол қою мүмкіндігін пысықтау, сондай-ақ оған кейіннен 2025 жылы ЮНСИТРАЛ-дың кезекті сессиясы барысында қол қою үшін қажетті келісу рәсімдерін бастау қажет деп санаймын",- деді Бақыт Сұлтанов. ЕЭК министрінің сөзінше, Комиссия Еуразиялық экономикалық одақтың құқығына ЮНСИТРАЛ-дың таңдаулы практикаларын енгізуге және талдамалық саладағы ынтымақтастықты дамытуға мүдделі. Өз кезегінде ЮНСИТРАЛ өкілдері қолда бар талдамалық ақпаратты бөлісуге және ЕАЭО елдерімен тығыз байланыста болуға дайын екендіктерін білдірді. Кездесу соңында тараптар ынтымақтастықты одан әрі кеңейтуге дайын екендіктерін растады, оларды Одақ мемлекеттерінде өткізу үшін болашақ вебинарлар сессияларының тақырыптарын пысықтауға, сондай-ақ 2026 жылы ЮНСИТРАЛДЫҢ 60 жылдығына орай ЕАЭО-да өңірлік іс-шара ұйымдастыруға келісті. БҰҰ-ның Халықаралық сауда құқығы жөніндегі комиссиясы (ЮНСИТРАЛ) БҰҰ жүйесінің халықаралық сауда құқығы саласындағы негізгі органы болып табылады. ЮНСИТРАЛ халықаралық шарттық практика, тауарға ілеспе құжаттар, дәрменсіздік, электрондық сауда, сондай-ақ дауларды, соның ішінде инвесторлар мен мемлекеттер арасындағы дауларды реттеу сияқты бірқатар салада заңнамалық құралдарды дайындаумен айналысады.
09 Oct 2024 ЭСКАТО сарапшылары Комиссияның ОДМ-ды және ЕАЭО-дағы жасыл экономика қағидаттарын ілгерілету жөніндегі күш-жігерін жоғары бағалады Ішкі сұранысқа, мемлекеттік инвестицияларға және өңірлік сауданың белсенді жаңа конфигурациясына негізделген Еуразиялық экономикалық одақтың экономикасы орнықты өсу көрсетуде. Еуразиялық экономикалық комиссияның Макроэкономикалық саясат департаментінің директоры Асқар Жаппарқұлов бұл туралы 9 қазанда Алматыда өткен Солтүстік және Орталық Азияның Орнықты даму мақсаттарын (ОДМ) іске асыру жөніндегі VIII көпжақты форумында мәлімдеді. Асқар Жаппарқұлов ОДМ-ның 8 "Үдемелі, толық қамтылған және орнықты экономикалық өсуге, толық әрі нәтижелі жұмыспен қамтуға және барлығы үшін лайықты жұмысқа жәрдемдесу" сессиясында, атап айтқанда, 2023 жылы ЕАЭО-ның ЖІӨ әлемдік экономиканың өсу қарқынынан озып, 3,8% артқанын атап өтті. Үстіміздегі жылғы экономикалық даму қарқыны одан да жоғары – жарты жылдықтың қорытындысы бойынша Одақтың ЖІӨ 4,6% өсті. Комиссия өкілі одақтас елдердің орнықты өсуіне қол жеткізу құралдарының бірі - ЕАЭО-ның жасыл трансформациясы болып табылады деп атап көрсетті. Бұл тұрғыда ЕЭК әзірлеген маңызды құжат - Одақта жасыл экономика қағидаттарын ендіру тұжырымдамасы болып табылады. Бұл құжатты дайындау-ОДМ-ға қол жеткізуді жеделдету үшін интеграциялық әлеуетті пайдалануға қарай жасалған нақты қадам. "Тұжырымдама экологиялық реттеудің ұлттық жүйелерін өзара тануға ықпал ететін жасыл экономиканы дамытудың бірыңғай тәсілдемесін ұсынады. Бұл, өз кезегінде, экологиялық немесе климаттық негіздер бойынша енгізілетін шектеу шараларынан – "климаттық тосқауылдардан" аулақ болуға мүмкіндік береді", – деп түйіндеді Асқар Жаппарқұлов. ЭСКАТО өкілдері Солтүстік және Орталық Азия елдерінің өңірі алдында 2030 жылға қарай ОДМ-ға қол жеткізуде елеулі сыни шақырыстар тұрғанын атап өтті. Сонымен қатар, ЕАЭО-ның жұмыс істеу мақсаттарымен корреляцияланғандарды қоса, жекелеген ОДМ бойынша алға басу байқалады, мысалы, 8 ОДМ және 17 ОДМ. Одақ елдері олар бойынша жақсы нәтиже көрсетуде. Мәселен, Армения өңірдегі ЖІӨ өсу қарқыны бойынша көшбасшылар сапында. 17 ОДМ бойынша Одақтың барлық мемлекеті ОДМ-ға қол жеткізу мониторингі бойынша өздерінің статистикалық мүмкіндіктерін жақсартты. Сөйтіп, Еуразиялық интеграция ЕАЭО мемлекеттерінің Орнықты даму мақсаттарына қол жеткізуін жеделдетеді деген тезис расталды. Азия мен Тынық мұхитына арналған экономикалық және әлеуметтік комиссия (ЭСКАТО) – БҰҰ Экономикалық және Әлеуметтік кеңесінің бес өңірлік комиссиясының бірі. 1947 жылы қатысушы елдердің экономикалық ынтымақтастығын ынталандыру мақсатында ұйымдастырылды. Қазір ЭСКАТО-ның негізгі міндеті экологиялық орнықты даму, сауда және адам құқықтары саласындағы жаһандану процесін басқару болып табылады. ЭСКАТО субөңірлік кеңсесі ұйымдастырған VIII форумға Дүниежүзілік банктің, Азия даму банкінің, Еуразиялық даму банкінің, Халықаралық еңбек ұйымының, ФАО, ЮНИСЕФ, Дүниежүзілік денсаулық сақтау ұйымының өкілдері, сондай-ақ Әзербайжан, Қазақстан, Қырғызстан, Ресей, Тәжікстан, Түрікменстан, Өзбекстан делегациялары қатысты. 
08 Oct 2024 Бақытжан Сағынтаев ТМД мемлекеттері Басшылары Кеңесінің отырысына қатысты Еуразиялық экономикалық комиссия Алқасының Төрағасы Бақытжан Сағынтаев 8 қазанда Мәскеуде Тәуелсіз Мемлекеттер Достастығы мемлекеттері Басшылары Кеңесінің отырысына қатысты. Отырыс барысында Еуразиялық кеңістіктегі интеграциялық ынтымақтастықты нығайту бойынша түйінді мәселелер талқыланды. ТМД-мен өзара іс-қимыл-Еуразиялық экономикалық комиссияның халықаралық күн тәртібінің дәстүрлі басымдығы. Достастықтың Атқару комитетімен бірлескен іс-шаралардың екі жоспары іске асырылды, қазіргі уақытта үшінші бірлескен жоспар орындалуда. 2021 жылдан бастап Еуразиялық экономикалық Одақ құқығын және Достастықтың нормативтік-құқықтық базасын ЕАЭО және ТМД шеңберінде әзірленетін нормативтік актілер жобалары арасындағы қайшылықтарды жою бөлігінде ұштастыру бойынша тұрақты жұмыс жүргізілуде. Монополияға қарсы саясат, стандарттау және өлшем бірлігін қамтамасыз ету, электр энергетикасы, тұтынушылардың құқықтарын қорғау, статистика сияқты бағыттар бойынша ТМД құрылымдарымен салалық диалог дамуда. Еуразия кеңістігі бірегей сауда-экономикалық және көліктік-логистикалық артықшылықтарға ие. ЕАЭО мен ТМД ойыншыларының әлеуетін ұштастыру осы ынтымақтастықтың әсерін бірнеше есе күшейтуге қабілетті. Еуразиялық экономикалық комиссияның ТМД Атқарушы комитетімен диалогы 2012 жылы Өзара іс-қимыл туралы меморандумға қол қоюдан басталды. 2018 жылғы қарашада тараптар Өзара іс-қимылды тереңдету туралы меморандумға қол қойды.  
08 Oct 2024 Руслан Давыдов: «Комиссия уәкілетті экономикалық операторларға акцизделетін тауарлармен жұмыс істеу шарттарын жеңілдетті» Ресей Федерациясының Сауда-өнеркәсіптік палатасы ұйымдастырған алкоголь өнімдерін таңбалау мәселелері жөніндегі дөңгелек үстелдің отырысында Еуразиялық экономикалық комиссияның Кедендік ынтымақтастық жөніндегі министрі Руслан Давыдов ЕЭК-тің уәкілетті экономикалық операторлар үшін арнайы оңайлатуларды қолдану мүмкіндіктерін кеңейту бойынша жүргізіп жатқан жұмысы туралы айтып берді. Атап айтқанда, Руслан Давыдов ағымдағы жылдың қыркүйек айында Комиссия СЭҚ-тың барынша тексерілген қатысушылары – уәкілетті экономикалық операторлар үшін алкоголь әкелу кезінде оңайлатуларды пайдалануға тыйым салудың алып тасталғанын атап өтті. Тыйым 10 жылдан астам уақытқа созылды және ол осы санаттағы тауарлардың жоғары тәуекелдерімен байланысты болды. «Бұл оңайлату бизнес шығындарының айтарлықтай төмендеуіне алып келеді, Одақ елдерінің бюджетіне түсетін түсімдердің өсуіне, сондай-ақ кәсіпкерлік белсенділіктің дамуына ықпал ететін болады», - деп атап өтті ЕЭК министрі.  Руслан Давыдовтың айтуынша, ЕАЭО белсенді дамып келеді, сыртқы сауда қызметін сипаттайтын көрсеткіштер бірлестіктің он жыл жұмысы ішінде орта есеппен 50-60%-ға өсті. Бұл ретте ЕАЭО елдерінің батыстан шығысқа және Оңтүстікке сыртқы саудасының жаһандық кері бұрылуы ЕАЭО-ның жедел дамуы үшін жаңа мүмкіндіктер туғызады.
08 Oct 2024 III Еуразиялық экономикалық форумның қорытындылары Армения астанасында 30 қыркүйек пен 1 қазан аралығында Еуразиялық экономикалық одаққа мүше мемлекеттер мен бақылаушы мемлекеттердің үкімет басшыларының қатысуымен Еуразиялық үкіметаралық кеңестің отырысына орайластырылған III Еуразиялық экономикалық форум өтті. Іс-шара 2024 жылы Армения Республикасының Еуразиялық экономикалық одақ органдарына төрағалығы шеңберінде өтті. Форум жұмысына 30-дан астам елден 2000-ға жуық қатысушы қатысты. Бизнес өкілдері ерекше қызығушылық танытты: Форумға 200-ге жуық компания келді. Форум шеңберінде ЕАЭО-Куба және ЕАЭО-Иран бизнес-диалогтары өтті, оның барысында сауда-экономикалық ынтымақтастықты дамытудың тұжырымдамалық мәселелері талқыланды. Форумның іскерлік бағдарламасы 30-дан астам іс-шараны қамтыды. ЕЭФ-2024 қатысушылары Одаққа мүше мемлекеттердің экономикалық ынтымақтастығының ЕАЭО-ның стратегиялық дамуы, жан-жақты кооперация және технологиялық ынтымақтастық, цифрландыру, көлік инфрақұрылымы мен логистиканы дамыту, ішкі нарықтың сапасы және кәсіпкерлікті қолдау, халықаралық ынтымақтастық сияқты өзекті бағыттарын талқылады. Еуразиялық экономикалық одақ елдері үкіметтерінің басшылары: Армения Республикасының Премьер-Министрі Никол Пашинян, Беларусь Республикасының Премьер-министрі Роман Головченко, Қазақстан Республикасының Премьер-министрі Олжас Бектенов, Қырғыз Республикасы Министрлер Кабинетінің Төрағасы —Президент Әкімшілігінің басшысы Ақылбек Жапаров, Ресей Федерациясы Үкіметінің Төрағасы Михаил Мишустин және Еуразиялық экономикалық комиссия Алқасының Төрағасы Бақытжан Сағынтаев қатысқан III Еуразиялық экономикалық форумның негізгі іс-шарасы – «Қазіргі замандағы цифрландыру - төрт бостандықты қамтамасыз ету үшін императив» пленарлық отырысы. Форумға құрметті қонақтар – Өзбекстан Республикасының Премьер-Министрі Абдулла Арипов және Иран Ислам Республикасының Бірінші вице–президенті Мұхаммед-Реза Ареф қатысты. Форумға Ираннан келген көптеген делегация қатысты. ЕАЭО-Иран Бизнес-диалогында сауда-экономикалық ынтымақтастықты дамытудың тұжырымдамалық мәселелері талқыланған панельдік пікірталас, сондай-ақ ауыл шаруашылығы, өнеркәсіп, көлік және сауда мен инвестицияларға жәрдемдесудің қаржы құралдары саласындағы практикалық сипаттағы міндеттер қаралған салалық дөңгелек үстелдер қамтылды. Салалық дөңгелек үстелдер шеңберінде ЕАЭО Іскерлік бірлестіктері мен бизнес өкілдері де өздерінің ағымдағы және перспективалық жобаларын таныстырды. «Жасыл Еуразия» халықаралық климаттық конкурсы Форум шеңберінде Стратегиялық бастамалар агенттігі Еуразиялық экономикалық комиссиямен бірлесіп екінші рет «жасыл күн тәртібі» технологиялық көшбасшыларын анықтауға және экономиканы климаттың өзгеруінің салдарына климаттық бейімдеу бойынша тиімді практикаларды насихаттауға бағытталған «Жасыл Еуразия» конкурсын өткізді. Сарапшылар мойындаған «Үздік тәжірибелер» көбейтіп таратуға ұсынылатын болады. Биылғы жылы «Жасыл Еуразия» әлемнің барлық елдерінің қатысушылары үшін ашық болды. Конкурс климаттық тұрақтылықты нығайту бойынша тәжірибе алмасу үшін ауқымды алаңға айналды. Жалпы конкурсқа 15 номинация бойынша 300-ден астам өтінім берілді. Конкурстың жеңімпаздары мен финалистері Ресей Федерациясынан, Беларусьтан, Қазақстаннан, Қырғызстаннан, Ираннан, Египеттен, Индонезия және Өзбекстаннан келген 57 үздік климаттық практикаға айналды. Үздіктерді марапаттауға Армения Республикасының вице-премьер-министрі Мгер Григорян, Беларусь Республикасы Премьер-Министрінің орынбасары Игорь Петришенко, Қазақстан Республикасы Премьер-Министрінің орынбасары, сауда және интеграция министрі Серік Жұманғарин, Қырғыз Республикасы Министрлер Кабинеті Төрағасының бірінші орынбасары Әділбек Қасымалиев, Ресей Федерациясы Үкіметі Төрағасының орынбасары Алексей Оверчук, сондай-ақ ЕЭК сауда министрі Андрей Слепнев қатысты. Келісімдер Еуразиялық экономикалық комиссия мен Байланыс саласындағы өңірлік достастықтың өзара іс-қимылы жөніндегі 2024-2027 жылдарға арналған іс-шаралар жоспарына (жол картасына) қол қойылды. Оған ЕЭК Ішкі нарықтар, ақпараттандыру, ақпараттық-коммуникациялық технологиялар министрі Варос Симонян және Байланыс саласындағы өңірлік достастықтың бас директоры Алексей Бородин қол қойды. Татарстан Республикасының Өнеркәсіптік кластері мен «Қазақстан электр энергетикалық қауымдастығы» заңды тұлғалар бірлестігі арасында ынтымақтастық туралы келісімге қол қойылды. Құжатқа Татарстан Республикасының Өнеркәсіптік кластері басқармасының төрағасы Сергей Майоров және «Қазақстан электр энергетикалық қауымдастығы» заңды тұлғалар бірлестігінің төрағасы Талғат Темірханов қол қойды. III Еуразиялық экономикалық форумның ақпараттық әріптестері: ТАСС ақпараттық агенттігі, Белтелерадиокомпания, Армения Қоғамдық радиосы, «Арменпресс» ақпараттық агенттігі, Иран Ислам Республикасының ақпараттық агенттігі (ИРНА).
07 Oct 2024 Бақытжан Сағынтаев Владимир Путинді туған күнімен құттықтады Еуразиялық экономикалық комиссия алқасының төрағасы Бақытжан Сағынтаев Ресей Федерациясының Президенті, Жоғары Еуразиялық экономикалық кеңестің мүшесі Владимир Путинді дүниеге келген күнімен құттықтады. «Сіз Еуразиялық экономикалық одақтың бастауында тұрдыңыз және интеграциялық бірлестіктің дамуына қомақты үлес қосуды жалғастырудасыз», – делінген құттықтау хатында. Бақытжан Сағынтаев Еуразиялық экономикалық комиссияның атынан және өз атынан Владимир Путинге зор денсаулық, амандық және Ресей мен оның азаматтарының игілігі үшін жасап жатқан игі істеріне одан әрі жетістіктер тіледі.
03 Oct 2024 ЕАЭО елдері өткен жылы тұтынушылардың құқықтарын қорғау бойынша 40 мыңға жуық ақпараттық және ағартушылық іс-шаралар өткізді Еуразиялық экономикалық комиссия Алқасы 3 қазанда Еуразиялық экономикалық одақ елдерінің 2023 жылы Тұтынушылардың құқықтарын қорғау жөніндегі бірлескен іс-қимыл бағдарламасын орындау жөніндегі жұмысына мониторинг нәтижелерін мақұлдады. Бұл нәтижелер Комиссия ЕАЭО-ға мүше мемлекеттердің уәкілетті органдарымен бірлесіп дайындаған баяндамада қамтылады. ЕЭК техникалық реттеу министрі Валентин Татарицкий атап өткендей, барлық жоспарланған іс-шаралар орындалды, оның ішінде Комиссия Алқасы бірқатар ұсынымдар қабылдады, тұтынушылардың ЕАЭО-да олардың құқықтарының қорғалуы туралы пікірлерін зерделеуге арналған социологиялық зерттеу жүргізді. Одақ елдерінде 40 мыңға жуық ақпараттық және ағартушылық іс-шаралар өткізілді, оларға ЕАЭО мемлекеттерінің 60 миллионнан астам азаматы қатысты. ЕАЭО елдерінің тұтынушылардың құқықтарын қорғау саласындағы бірлескен іс-қимыл бағдарламасы 2022 жылғы маусымда қабылданды және 2025 жылға дейін қолданылады. Бағдарламаның іс-шараларын іске асыруға мемлекеттік органдар, қоғамдық ұйымдар мен іскер топтар қатысады. Бағдарлама шеңберінде мүше мемлекеттердің бірлескен жұмысының түйінді бағыттары тұтынушылардың мүдделерін есепке алу механизмін қалыптастыру үшін ұйымдастырушылық негіз жасау, елдердің осы саладағы жалпы тәсілдемелерін әзірлеу, уәкілетті органдар арасындағы ақпараттық өзара іс-қимылды дамыту, азаматтарды ағарту, ұтымды және орнықты тұтыну дағдыларын қалыптастыру, сондай-ақ тұтынушылардың қатысуымен трансшекаралық дауларды реттеу механизмдерін қалыптастыру мақсатында бірлескен іс-шаралар өткізу болып табылады. 2023 жылы Одаққа мүше мемлекеттерде тұтынушылардың құқықтарын қорғау жөніндегі бірлескен іс-қимыл бағдарламасын орындау жөніндегі жұмыс Комиссия Алқасы мақұлдаған «Сауатты тұтынушы – жауапты бизнес» жалпы тақырыбының шеңберінде өтті.
03 Oct 2024 ЕАЭО-да өнеркәсіптік меншік объектілері туралы ақпаратты іздеуге арналған сервис құрылады Еуразиялық экономикалық комиссия Алқасы мемлекетішілік келісу үшін Еуразиялық экономикалық одақ елдерінің үкіметтеріне осы елдерде қорғалатын Өнеркәсіптік меншік объектілері туралы ақпарат іздеуді жүзеге асыруға мүмкіндік беретін сервис туралы келісімнің жобасын жіберуді мақұлдады. Келісім Одақ мемлекеттерінде тіркелген тауар белгілері, қызмет көрсету белгілері, тауарлар шығарылған жерлердің атаулары және географиялық нұсқаулар туралы мәліметтерді қамтитын ақпараттық ресурс құруға мүмкіндік береді. «Жалпы іздеу сервисін пайдалануға енгізу «бір терезе» қағидаты бойынша ЕАЭО елдерінде тіркелген өнеркәсіптік меншік объектілері туралы ақпаратқа қол жеткізуді қамтамасыз етеді. Әр түрлі критерийлер мен сүзгілерді кеңейтілген іздеу және пайдалану мүмкіндіктерін ұсына отырып, пайдалану қашықтықтан және өтеусіз болады», - деп атап өтті ЕЭК экономика және қаржы саясаты министрі Бақыт Сұлтанов. Одақ шеңберінде осындай іздеу серверін ұйымдастыру ақпаратты сұрату кезінде уақытты және қаржылық шығындарды азайтуға, сондай-ақ нарыққа қатысушылар үшін тиімді маркетингтік стратегияларды қалыптастыруға ықпал ететін болады. Келісімнің жобасы Комиссия Кеңесі 2021 жылы бекіткен Стратегия – 2025-ті іске асыру жөніндегі іс-шаралар жоспарын орындау үшін әзірленді.
Тағы да көрсету

ЕАЭО ресурстары