Жаңалықтар

06 қазанның 2025 Сатыпалым саласындағы бүкілресейлік конференцияда ЕАЭО-ның мемлекеттік сатыпалымындағы ұлттық режим мәселелері талқыланды Еуразиялық экономикалық комиссияның Бәсекелестік саясат және мемлекеттік сатыпалым саласындағы саясат департаментінің директоры Жанар Әдікова Сочидегі бейінді бүкілресейлік конференцияда Еуразиялық экономикалық одақ шеңберінде мемлекеттік сатыпалымның ұлттық режимін, сондай-ақ оны цифрландыру процестері мен үрдістерін қамтамасыз ету туралы хабарлады.

06 қазанның 2025 Бақыт Сұлтанов: "ЕАЭО-да бес жыл ішінде 53 миллионға жуық контрафактілік тауар алып қойылды" 2020-2024 жылдар аралығында Еуразиялық экономикалық одақ елдерінің уәкілетті органдары 53 миллион контрафактілік өнім айналымының жолын кесті. Еуразиялық экономикалық комиссияның Экономика және қаржы саясаты жөніндегі министрі Бақыт Сұлтанов 6-7 қазанда Минскіде болған "Антиконтрафакт-2025" XIII халықаралық форумының пленарлық отырысында осындай дерек келтірді

06 қазанның 2025 Тұтынушыларды контрафактіден қорғау үшін ЕАЭО елдері ынтымақтастықты нығайтады 6 қазанда Минскіде өткен "Антиконтрафакт-2025" XIII халықаралық форумы шеңберінде Еуразиялық экономикалық комиссия Беларусь Республикасының Монополияға қарсы реттеу және сауда министрлігінің қолдауымен "Еуразиялық бастама: тұтынушыларды контрафактіден қорғау үшін күш біріктіре отырып" атты пікірсайыс сессиясын өткізді.

06 қазанның 2025 Контрафактілік тауарларға қарсы күрес: ЕАЭО-да зияткерлік меншік қалай қорғалады? Еуразиялық экономикалық одақ елдерінде соңғы он жыл ішінде зияткерлік меншік саласында 80 мыңнан астам бұзушылықтың жолы кестілді. Алынған контрафактілік тауарлардың жиынтық көлемі 140 миллион дерлік бірлікке жетті. Еуразиялық экономикалық комиссияның Кәсіпкерлік қызметті дамыту департаментінің директоры Ернар Бакенов бұл деректерді "Зияткерлік тәртіп. ЕАЭО-да құқық иеленушілерді қорғау практикасы" сарапшылық сессиясында айтып білдірді. Оның сөз сөйлеуі барысында 2024 жылдың нәтижелеріне айрықша назар аударылды. Пандемиялық шектеулер себепші болған үш жылдық құлдыраудан кейін контрафактілік нарық өсудің алаңдатарлық серпінін көрсетті. "2024 жылы ЕАЭО-да анықталған контрафактінің көлемі шамамен 6,6 миллион бірлікті құрады, бұл бұрнағы жылмен салыстырғанда 14% артық. Негізгі өсім Беларусь, Қазақстан және Ресей есебінен болды", - деп атап өтті Ернар Бакенов. ЕЭК өкілі ЕАЭО-да мұндай үрдіске қарсы әрекет ету бойынша жүйелі жұмыс жүргізіліп жатқанын айтты. Осы мақсатта Одақ мемлекеттері заңнамалық базаны үнемі жетілдіріп отырады. "Мысалы, Қырғыз Республикасында тауар белгілеріне құқықтарды бұзғаны үшін қылмыстық жауапкершілік күшейтілді. Ресейде "айна сайтты" бұғаттау рәсімі оңтайландырылған, бұл цифрлық дәуірде өте маңызды", - деп хабарлады Ернар Бакенов. ЕЭК Департаменті директорының сөзінше, Комиссия Еуразиялық экономикалық интеграцияны дамытудың 2025 жылға дейінгі стратегиялық бағыттарын зияткерлік меншік саласында іске асыру жөніндегі жұмысты жалғастыруда, сондай-ақ 2030 жылға дейінгі ЕАЭО шеңберінде экономикалық процестерді одан әрі дамыту туралы декларацияны іске асыру жөніндегі жоспардың жобасын дайындауды аяқтап келеді, оған зияткерлік меншік саласындағы бірқатар іс-шара енгізілген. Сессия барысында сарапшылар маркетплейстердегі тауарлар саудасы шеңберінде құқық иеленушілердің құқықтарын қорғауды, кедендік реттеуді, сондай-ақ зияткерлік меншік объектілеріне құқықтарды қорғау үшін цифрлық технологияларды пайдалануды талқылады.

03 қазанның 2025 Бақытжан Сағынтаев БҰҰ ЕЭК атқарушы хатшысы Татьяна Молчанмен келіссөздер жүргізді Еуразиялық экономикалық комиссия Алқасының Төрағасы Бақытжан Сағынтаев 3 қазанда Женевада БҰҰ Еуропалық экономикалық комиссиясының атқарушы хатшысы Татьяна Молчанмен жұмыс кездесуін өткізді.

03 қазанның 2025 Данияр Иманалиев: "Комиссияның БҰҰ ЕЭК-пен ынтымақтастығын кеңейту интеграциялық процестердің тиімділігін арттырады" Еуразиялық экономикалық комиссияның Интеграция және макроэкономика жөніндегі министрі Данияр Иманалиев БҰҰ ЕЭК атқарушы хатшысының орынбасары Дмитрий Марьясинмен Біріккен Ұлттар Ұйымының Женевадағы (Швейцария) бөлімшесінің штаб-пәтерінде кездесті.

03 қазанның 2025 ЮНКТАД ЕАЭО елдері үшін әлемдік инвестициялар туралы баяндаманы бірінші рет ұсынды 2 қазанда онлайн-форматта БҰҰ-ның Сауда және даму жөніндегі конференциясының Еуразиялық экономикалық одақ елдеріне алғаш рет жолданған 2025 жылғы әлемдік инвестициялар туралы баяндамасының таныстырылымы өтті. Іс-шарада Еуразиялық экономикалық комиссияның Кәсіпкерлік қызметті дамыту департаментінің директоры Ернар Бакенов сөз сөйледі.

03 қазанның 2025 ЕАЭО мен Иран арасындағы кедендік ақпарат ауысуды іске асыру мәселелері бойынша келіссөздердің екінші раунды болып өтті Тегеранда Еуразиялық экономикалық одақ пен Иран Ислам Республикасы арасындағы кедендік ақпаратты электрондық ауысуды іске асыру мәселелері бойынша келіссөздердің екінші раунды өтті. Келіссөздерде Еуразиялық экономикалық одақтың делегациясын ЕЭК Кедендік инфрақұрылым департаменті директорының орынбасары Сурен Мелик-Исраелян басқарды.

Жаңалықтар

Іздеу нәтижелері: 6926