Жаңалықтар

17 Apr 2024 Еуразиялық мұнай газ форумында ЕАЭО елдерінің мұнай-газ машина жасау кәсіпорындарының ынтымақтастығы талқыланды «Мұнай-газ кешеніне арналған жабдықтар мен технологиялар» (Мұнай-газ – 2024) халықаралық көрмесінің жұмысы аясында 16 сәуірде Еуразиялық мұнай-газ форумы өтті, онда Еуразиялық экономикалық комиссияның Өнеркәсіптік саясат департаменті Ресей өнеркәсіпшілер және кәсіпкерлер одағымен бірлесіп «Еуразиялық экономикалық одаққа мүше мемлекеттердегі мұнай-газ машина жасау саласы кәсіпорындарының кооперациялық ынтымақтастығы» атты дөңгелек үстел өткізді. Дөңгелек үстелге спикерлер ретінде Ресей Федерациясының Сауда-Өнеркәсіп палатасының, Мұнай-газ технологиялық бастамалары институтының, Ресей Федерациясы Үкіметі жанындағы Қаржы университетінің және ЕАЭО елдерінің салалық бизнес-қоғамдастығының өкілдері қатысты. ЕЭК Өнеркәсіптік саясат департаменті директорының орынбасары Георгий Арзуманян Комиссияның кооперациялық ынтымақтастықты ілгерілетуге бағытталған құралдары туралы, оның ішінде ЕАЭО-дағы өнеркәсіптік кооперация жобаларын қаржыландырудың жаңа құралы туралы айтып берді. РФ Сауда-өнеркәсіп палатасының Вице-президенті Дмитрий Курочкин РФ СӨП-нің Одақтағы өнеркәсіптік кооперацияны дамытуға қатысқаны туралы хабарлады, Армения Республикасы Экономика министрлігінің өкілі Армения кәсіпорындарының мұнай-газ машина жасаудағы өндірістік және технологиялық әлеуеті туралы айтты. ЕАЭО елдерінің салалық бизнес-қоғамдастығының өкілдері саланың ағымдағы жай-күйі және оның қажеттіліктері мәселелерін қозғады. Дөңгелек үстел қорытындысы бойынша қатысушылар Комиссияның құралдарын пайдалана отырып, ЕАЭО аясында мұнай-газ машина жасау саласы кәсіпорындарының ынтымақтастығын жандандыруға келісті. Анықтама «Мұнай-газ» көрмесін «Экспоцентр» АҚ РФ Энергетика министрлігінің, РФ Өнеркәсіп және сауда министрлігінің қолдауымен және РФ Сауда-Өнеркәсіп палатасының көмегімен ұйымдастырады. Көрме әлемдегі ең ірі мұнай-газ байқауларының ондығына кіреді, әртүрлі елдердің өндірушілері мен жеткізушілеріне, мамандарға өздерінің жаңа мұнай-газ және мұнай өңдеу жабдықтары мен технологияларын көрсетуге, іскерлік байланыстарды орнатуға және кеңейтуге, сала алдында тұрған мәселелердің кең ауқымын талқылауға мүмкіндік береді. 2016 жылдан бастап көрме жыл сайын мұнай-газ форумымен бірге өткізіліп келеді.

17 Apr 2024 ЕАЭО бойынша тұтыну бағаларының индексі 2024 жылғы наурызда жылдық мәнде 107,5% құрады

17 Apr 2024 Эльдар Алишеров Дүниежүзілік кеден ұйымымен өзара іс-қимыл жөніндегі жұмыс тобының отырысын өткізді 17 сәуірде Еуразиялық экономикалық комиссияның кедендік ынтымақтастығы министрі Эльдар Алишеровтың төрағалығымен Дүниежүзілік кеден ұйымымен (ДКҰ) өзара іс-қимыл жөніндегі жоғары деңгейдегі жұмыс тобының отырысы өтті. Отырыста Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру жөніндегі іс-шаралар жоспарының 11.7.5-тармағының орындалуы талқыланды. Одақтың ДКҰ-ға мүше мәртебесін алуға, сондай-ақ ЕАЭО-ның ДКҰ-ның негізгі құжаттарына қосылу мүмкіндігін пысықтауға бағытталған Еуразиялық экономикалық одақ мемлекеттерімен бірлескен іс-қимылдарды жүзеге асыру бөлігінде ДКҰ-мен одан әрі ынтымақтастықтың перспективалары туралы айтылды. «ЕЭК-тің кедендік ынтымақтастық жөніндегі блогы ДКҰ-мен белсенді өзара қарым-қатынасын жасайды және халықаралық стандарттар негізінде кеден заңнамасын жетілдіру, кедендік әкімшілендірудің тиімді және заманауи стандарттарын әзірлеу, кедендік әкімшілендірудің озық тәжірибесін енгізу сияқты бағыттар бойынша ынтымақтастықты жалғастыратын болады», — деп атап өтті Эльдар Алишеров. Министрдің пікірі бойынша мұндай жұмыс Еуразиялық экономикалық интеграцияны дамытудың 2025 жылға дейінгі стратегиялық бағыттарының, сондай-ақ кедендік ынтымақтастықты ұйымдастыру бөлігінде Еуразиялық экономикалық одақтың халықаралық қызметінің негізгі бағыттарының ережелерін ескере отырып, кедендік реттеу саласындағы Одақ құқығын жетілдіру аясында өзекті болмақ. Жоғары Еуразиялық экономикалық кеңестің 2020 жылғы 11 желтоқсандағы № 12 шешімімен бекітілген Еуразиялық экономикалық интеграцияны дамытудың 2025 жылға дейінгі стратегиялық бағыттарының 11.7.5-тармағында Одақтың ДКҰ-ға мүше мәртебесін алуы, Одақтың ДКҰ-ның негізгі құжаттарына қосылу мүмкіндігін пысықтау сияқты іс-шаралар көзделген болатын.

17 Apr 2024 Арзыбек Қожошев көлік саласын тұрақты дамыту бойынша дөңгелек үстелге қатысты Еуразиялық экономикалық комиссияның энергетика және инфрақұрылым министрі Арзыбек Қожошев 17 сәуірде Мәскеу мемлекеттік халықаралық қатынастар институтында (ММХҚИ) өткен «Көлік дипломатиясы және жаһандық икемділікті қамтамасыз етудегі орнықты даму» атты дөңгелек үстелінде Еуразиялық экономикалық одақтың көлік саясатының негізгі бағыттары туралы айтып берді. «Орта мерзімді және ұзақ мерзімді перспективаға шоғырлану перспективалары ЕАЭО аясында экономикалық процестерді одан әрі дамыту туралы 2030 жылға дейінгі және 2045 жылға дейінгі кезеңге арналған «Еуразиялық экономикалық жол» декларациясында белгіленген. Құжаттың негізгі бағыттарының бірі — ортақ көліктік — логистикалық кеңістікті қалыптастыру. Бұл экономикалық прогреске қол жеткізу, ұлттық экономикалардың орнықты дамуын қамтамасыз ету және бәсекеге қабілеттілігін арттыру жөніндегі жалпы міндеттерді шешу, оның ішінде көлік саясатын іске асыру, Еуразияның көлік дәліздерін келісе отырып дамыту және Үлкен Еуразияның жаңартылған көлік-инфрақұрылымдық тірегін құру арқылы көрінеді», — деді Арзыбек Қожошев. ЕЭК министрі дөңгелек үстелдің маңыздылығын атап өтіп, мұндай іс-шаралар Комиссияның Еуразиялық экономикалық одақ елдерімен бірлесіп көлік саласын орнықты дамыту жөніндегі жұмысына жаңа серпін беретінін атап өтті. Дөңгелек үстел 15-19 сәуір аралығында БҰҰ Бас Ассамблеясының қолдауымен өткізілетін «Тұрақты даму апталығына» орайластырылған. Іс-шараға ЕАЭО-ның көлік-логистикалық секторының, бизнес-қоғамдастығының және ғылыми топтарының өкілдері қатысты.

17 Apr 2024 Гоар Барсегян Қазақстан Үкіметінің өкілдерімен ЕАЭО-да өнеркәсіп және АӨК салаларын дамыту мәселелерін талқылады 17 сәуірде Еуразиялық экономикалық комиссияның Өнеркәсіп және агроөнеркәсіптік кешен министрі Гоар Барсегян Қазақстанға жасаған жұмыс сапары аясында ЕЭК Кеңесінің мүшесі, Қазақстан Республикасы Премьер-министрінің орынбасары Серік Жұманғаринмен, Қазақстан Республикасы ауыл шаруашылығы министрі Айдарбек Сапаровпен, Қазақстан Республикасы сауда және интеграция вице-министрі Жанель Кушуковамен және Қазақстан Республикасы өнеркәсіп және құрылыс вице-министрі Жаннат Дубировамен кездесулер өткізді. Гоар Барсегян Серік Жұманғаринмен кездесу барысында өнеркәсіп пен агроөнеркәсіптік кешеннің негізгі мәселелерін, сондай-ақ Еуразиялық экономикалық интеграцияның бірқатар өзекті тақырыптарын талқылады. Тараптар жоғарыда аталған салалар бойынша ынтымақтастықты дамыту туралы уағдаласты. ЕЭК министрі Айдарбек Сапаровпен кездесуде Еуразиялық экономикалық одақ шеңберінде келісілген агроөнеркәсіптік саясатты іске асыру және Қазақстанның агроөнеркәсіптік кешенін дамыту, АӨК-ті цифрлық дамыту, ауыл шаруашылығы өсімдіктері тұқымдарының айналымы (ГИМ-тұқымдар бөлігінде) мәселелері қозғалды. Гоар Барсегян мен Жанель Кушукова Одақ органдарының алдағы отырыстарының күн тәртібіндегі өзекті мәселелерді қарастырды. ЕЭК министрі Жанель Кушуковаға мүше мемлекеттердің өнеркәсібіндегі бірлескен кооперациялық жобаларға қаржылай жәрдемдесу механизмін іске асырудың ағымдағы мәселелері туралы айтты. Жаннат Дубировамен өткен кездесуде ЕАЭО шеңберінде 2030 жылға дейін өнеркәсіптік ынтымақтастықтың негізгі бағыттарын әзірлеу талқыланды.

16 Apr 2024 ЕЭК Алқасы бағалы металдардың жекелеген санаттарын әкелу мен әкетуді ырықтандыру туралы шешім қабылдады Еуразиялық экономикалық комиссия Алқасы құрамында бағалы металдар бар бағалы металдар мен шикізат тауарларын әкелу/әкету мәселелерін реттеуге өзгертулер енгізді. «Өзгерістер бағалы металдардың жекелеген санаттарын әкелу мен әкетуді ырықтандыруға, мемлекеттік бақылаудан өтуді жеңілдетуге, сыртқы сауда қызметіне қатысушы мемлекеттік органдарға ұсынатын құжаттар тізбесін оңтайландыруға, сондай-ақ бірдей тауарларға тарифтік емес реттеудің бірыңғай шараларын қолдануға бағытталған», — деп атап өтті ЕЭК кедендік-тарифтік және тарифтік емес реттеу департаментінің директоры Ваагн Казарян. Оның айтуынша, атап айтқанда, бағалы металдардың үлесі салмағының 2%-нан аспайтын тауарларды реттеуден шығару туралы болып отыр. Сондай-ақ, құжаттарды электронды түрде алу мүмкіндігін ескере отырып, мемлекеттік бақылауды жүзеге асыру үшін түпнұсқалардың орнына құжаттардың көшірмелерін (экспортқа арналған лицензия, тауарлар сипаттамасы) ұсынуға рұқсат етіледі. Бұдан басқа, егер кедендік аумақтан тыс қайта өңдеудің кедендік рәсімін қолданудың мақсаты тауарларды жөндеу болса және басқа да бірқатар өзгерістер енгізілсе, ЕАЭО кедендік аумағынан тыс тауарларды қайта өңдеу талаптары туралы құжаттың болуы туралы талаптар алынып тасталады. Шешім ресми жарияланған күнінен бастап күнтізбелік 30 күн өткен соң күшіне енеді.

16 Apr 2024 ЕАЭО май өнімдеріне арналған техникалық регламентінің сәйкестігіне міндетті бағалауға жататын өнімдер тізбесі өзектендірілді Еуразиялық экономикалық комиссия Алқасының отырысында Кеден одағының «Май өніміне арналған техникалық регламент» (КО ТР 024/2011) техникалық регламентінің талаптарына сәйкестігін міндетті бағалауға жататын өнімдер тізбесінің өзекті редакциясы бекітілді, оған қатысты кедендік рәсімдерге орналастырылған кезде Еуразиялық экономикалық одақтың кедендік аумағына өнімді әкелу тәртібінің ережелерін ескере отырып, техникалық реттеу шараларының сақталуы расталады. Жаңартылған өнім тізбесі тағамдық май өнімдерінің 19 тобына және тағамдық емес май өнімдерінің екі тобына кіретін ЕАЭО сыртқы экономикалық қызметінің тауар номенклатурасының оныншы белгіге дейін нақтыланған 86 кодын қамтиды, олардың сәйкестікті бағалау туралы құжаты сәйкестік туралы декларация болып табылады. Тізбе сыртқы экономикалық қызметке қатысушыларға бағдарланған және кеден әкімшілігін жүргізу үшін қолданылады. Сондай-ақ, 2023 жылғы желтоқсанда қабылданған КО ТР 024/2011 № 2 өзгертулерге сәйкес өнімдер тізбесі ЕАЭО СЭҚ ТН 1517 90 990 0 кодымен «Тұрақтандырылмайтын аралас үлгідегі какао майының алмастырғыштары» сияқты май өнімдерінің түрімен толықтырылды. Комиссия Алқасының шешімі ресми жарияланған күнінен бастап күнтізбелік 30 күн өткен соң күшіне енеді.

Жаңалықтар

ЕАЭО ресурстары

ЕЭК әлеуметтік желілерде