арм

Նորություններ

Ելույթներ Ֆոտոսրահ Տեսադարան
29 May 2023 ԵԱՏՄ-ում արդյունաբերական արտադրանք արտադրողների գների ինդեքսը 2023 թվականի սկզբից կազմել է 104,4% Արդյունաբերական արտադրանք արտադրողի գների ինդեքսը Եվրասիական տնտեսական միությունում 2023 թվականի ապրիլին 2022 թվականի դեկտեմբերի համեմատ կազմել է 104,4%, ընթացիկ տարվա մարտի համեմատ՝ 102%։ Դեկտեմբերի համեմատ «Էլեկտրամատակարարում, գազի, գոլորշու մատակարարում և օդորակում» գործունեության տեսակի համար արձանագրվել է արտադրողների գների զգալի աճ՝ 8,3%-ով։ Միևնույն ժամանակ, «ջրամատակարարում. կոյուղու համակարգ, վերահսկողություն թափոնների հավաքման և բաշխման նկատմամբ» գործունեության տեսակի համար արտադրողների գներն աճել է 5,6%-ով, հանքարդյունաբերության արդյունաբերության և բացահանքերի մշակման ոլորտում՝ 4,1%-ով, մշակող արդյունաբերության ոլորտում՝ 3,9%-ով։      Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության կայքէջի «Արդյունաբերական արտադրանք արտադրողների գներ» բաժնում։
29 May 2023 2-րդ Եվրասիական տնտեսական համաժողովի արդյունքները 2-րդ Եվրասիական տնտեսական համաժողովը կայացել է մայիսի 24-ից 25-ը Մոսկվայում և համընկել Եվրասիական տնտեսական միության անդամ պետությունների և դիտորդ պետությունների ղեկավարների մասնակցությամբ անցկացվող Եվրասիական տնտեսական Բարձրագույն խորհրդի նիստի հետ։ Միջոցառումներն անցկացվել են 2023 թվականին Եվրասիական տնտեսական միության մարմիններում Ռուսաստանի Դաշնության նախագահության շրջանակներում: Համաժողովի կարգախոսն է «Եվրասիական ինտեգրումը բազմաբևեռ աշխարհում»։  Գործարար ծրագիր Համաժողովի գործարար ծրագիրը բաղկացած էր շուրջ 35 նստաշրջանից: Հիմնական թեմաներն էին ԵԱՏՄ-ում ինտեգրացիոն գործընթացների առավել արդիական և պահանջված հարցերը, այդ թվում՝ երկարաժամկետ պլանավորման նոր փաստաթղթերի նախապատրաստումը և մինչև 2030 և 2045 թվականներն ընկած ժամանակահատվածի համար ինտեգրացիոն փոխգործակցության հիմնական ուղղությունների սահմանումը, հեռավոր արտասահմանի երկրների հետ ԵԱՏՄ համագործակցության զարգացումը, մաքսային կարգավորումը, ԵԱՏՄ ներքին շուկայի հեռանկարները, ինչպես նաև թվային փոխակերպումը և միջազգային հաշվարկների մեխանիզմների կատարելագործումը։ Միջոցառումները բաժանված էին յոթ թեմատիկ ուղղությունների՝                 «Մարդկային կապիտալ»,                 «Տեխնոլոգիաներ և կոոպերացիա»,                 «ԵԱՏՄ-ն փոփոխվող աշխարհում»,                 «Եվրասիական կապակցվածությունը»,                 «ԵԱՏՄ ներքին շուկա. մաքսային համագործակցություն, մրցակցություն և պետական գնումներ»,                 «Ռազմավարական բլոկ»,                 ԵԱՏՄ Գործարար խորհրդի բլոկ: Գործարար ծրագրի շրջանակներում կայացել են նաև՝                 ԵԱՏՄ Գործարար խորհրդի նախագահության նիստը,                 «ԵԱՏՄ ներքին շուկա. մարտահրավերներ և զարգացման հեռանկարներ» գործարար նախաճաշը,                 «Նոր հնարավորություններ Եվրասիայում միջազգային համագործակցության զարգացման համար» ՌՆԳ գործարար նախաճաշը,                 «ԵԱՏՄ — Ինդոնեզիա» բիզնես երկխոսությունը,                 «ԵԱՏՄ — Ինդոնեզիա» բիզնես երկխոսության գործարար նախաճաշը,                 «ԵԱՏՄ — Ինդոնեզիա» ոլորտային նախագծերի ներկայացումը։ Լիագումար նստաշրջան 2-րդ Եվրասիական տնտեսական համաժողովի առանցքային միջոցառումը լիագումար նստաշրջանն է։ Միջոցառմանը մասնակցել են Ռուսաստանի Դաշնության նախագահ Վլադիմիր Պուտինը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը, Հայաստանի Հանրապետության փոխվարչապետ Մհեր Գրիգորյանը, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը: Որպես մոդերատորն հանդես է եկել «Ռուսաստանի արդյունաբերողների և ձեռնարկատերերի միություն» համառուսաստանյան հասարակական կազմակերպության նախագահ, ԵԱՏՄ նախագահության ղեկավար, Գործարար խորհրդի նախագահ Ալեքսանդր Շոխինը: Մհեր Գրիգորյան. «Մեր Միության տարածքը բնական պաշարներով և օգտակար հանածոներով իր հագեցածությամբ ամենահարուստներից է աշխարհում։ Բայց մեր ամենաարժեքավոր հարստությունը, անշուշտ, մարդիկ են։ Անկասկած, հենց մարդկանցից ու նրանց մոտիվացիայից է կախված նպատակներին հասնելու և մեր մրցակցային առավելության արդյունավետությունը: Մեր ինտեգրման հիմնական իմաստը, հաշվի առնելով բոլոր ֆորմալ սահմանումները, մարդկային կապիտալի՝ որպես Եվրասիայի գլխավոր ներուժի և ապագայի զարգացումն է»։ Ալեքսանդր Լուկաշենկո. «Վերջին շրջանում աշխարհն ապրում է մշտական լարվածության և անորոշության մթնոլորտում։ Արտասովոր պայմաններում կայուն տնտեսությունը միշտ էլ հզոր խարիսխ է։ Բայց այսօր ցանկացած պետության տնտեսական սահմաններն այնքան թափանցիկ են, և առևտրային ցանցերը՝ այնքան միահյուսված, որ տնտեսական կայունության միայնակ հասնելը գրեթե անհնարին խնդիր է որևէ պետության համար: Ուստի ցանկացած երկիր շահագրգռված է այնպիսի հզոր տարածաշրջանային և միջազգային միավորումներին մասնակցությամբ, ինչպիսիք են, օրինակ, ԵԱՏՄ, ՇՀԿ, ԲՐԻԿՍ, ԱՍԵԱՆ»։ Կասիմ-Ժոմարտ Տոկաև. «Անցյալ տարվա իրադարձությունները կրկին ակներևաբար ցույց տվեցին «Հյուսիս-Հարավ» տրանսպորտային միջանցքի՝ որպես նոր գլոբալ լոգիստիկայի հիմնական տարրի զարգացման կարևորությունը: Այս միջօրեական միջանցքը համահունչ է լայնական Անդրկասպյան միջազգային տրանսպորտային երթուղու հետ: Ուստի մենք զգալի սիներգիա ենք տեսնում երկու երթուղիների կոորդինացված և համակարգված զարգացման մեջ: Սա միայն արդյունաբերության, տրանսպորտի և տնտեսության աճի կետ չէ։ Տվյալ երթուղիները կարող են արմատապես փոխել փոխգործակցության և կոոպերացիայի մակարդակը հսկայական Եվրասիայի ներսում: <...> Իսկ ընդհանուր առմամբ առանց չափազանցնելու կարող ենք ասել, որ այժմ մենք, ըստ էության, Եվրասիայի նոր տրանսպորտային հիմնակմախք ենք ձևավորում, որը մինչ այդ երբեք գոյություն չի ունեցել»: Սադիր Ժապարով. «Բիզնեսի շահերի պաշտպանությունը և պետության կողմից դրանց աջակցությունը առաջնահերթ խնդիր է ԵԱՏՄ բոլոր երկրներում։ Այս առումով, կարծում եմ, անհրաժեշտ է մշակել Միությունում բիզնես օմբուդսմենի ինստիտուտի ստեղծման նպատակահարմարության հարցը։ <...> Եվրասիական վարկանիշային գործակալության ստեղծումը ձեռնարկատիրության սուբյեկտների առջև կանգնած սահմանափակումների վերացմանը զուգահեռ թույլ կտար բարձրացնել եվրասիական տարածաշրջանի երկրների ֆինանսական անկախության մակարդակը և ակտիվացնել ներդրումային գործունեությունը»։ Վլադիմիր Պուտին. «Մենք տեսնում ենք, որ գլոբալ ասպարեզում իսկապես խորը, հիմնարար փոփոխություններ են տեղի ունենում։ Ավելի ու ավելի շատ պետություններ գնում են ազգային ինքնիշխանության ամրապնդման, ինքնուրույն, անկախ ներքին և արտաքին քաղաքականություն վարելու ուղղությամբ, հավատարիմ մնում զարգացման սեփական մոդելին: Եվ նրանք բոլորը կողմ են միջազգային տնտեսական հարաբերությունների նոր, ավելի արդար ճարտարապետության կառուցմանը, ձգտում են կառուցողականորեն ազդել համաշխարհային գործընթացների վրա, ընդլայնել գործընկերային կապերի ցանցը՝ հիմնված փոխադարձ շահավետության, հարգանքի և միմյանց շահերը հաշվի առնելու վրա»։ Միխայիլ Մյասնիկովիչ. «Զարգացման առանցքային խնդիրը հեռանկարում ներդրումային գործունեությունն է։ Անհրաժեշտ է ներմուծման փոխարինման համամիութենական ծրագիր։ Տեխնոլոգիական ինքնիշխանությունը ենթադրում է էլեկտրոնիկայի զարգացման, հաստոցաշինության, դեղերի արտադրության, քիմիական և կենսաբանական ձեռնարկությունների, բարձր տեխնոլոգիաների ստեղծման լայնածավալ խնդիրների լուծում: Անհրաժեշտ է որոշել ֆինանսավորման աղբյուրներն ու մոտիվացիոն մեխանիզմները այդ նպատակների համար»։ Մասնակիցներ Համաժողովի աշխատանքին մասնակցել է ավելի քան 2700 մասնակից և ԶԼՄ ներկայացուցիչ Ռուսաստանից և 59 երկրներից ու տարածքներից։ Բարձրաստիճան պաշտոնատար անձանցից համաժողովի աշխատանքներին մասնակցել են Ռուսաստանի Դաշնության նախագահ Վլադիմիր Պուտինը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը: Միջոցառմանը մասնակցել են նաև Հայաստանի Հանրապետության փոխվարչապետ Մհեր Գրիգորյանը, Բելառուսի Հանրապետության փոխվարչապետ Իգոր Պետրիշենկոն, Ղազախստանի Հանրապետության փոխվարչապետ, առևտրի և ինտեգրման նախարար Սերիկ Ժումանգարինը, Ղրղզստանի Հանրապետության նախարարների կաբինետի նախագահի առաջին տեղակալ Ադիլբեկ Կասիմալիևը, Ռուսաստանի Դաշնության կառավարության ղեկավարի տեղակալ Ալեքսեյ Օվերչուկը: Համաժողովին մասնակցել է ինը նախարար, նրանց թվում են՝ Ռուսաստանի Դաշնության էներգետիկայի նախարար Նիկոլայ Շուլգինովը, Ղազախստանի էներգետիկայի նախարար Ալմասադամ Սատկալիևը, Ղրղզստանի էներգետիկայի նախարար Թաալայբեկ Իբրաևը, Ղրղզստանի աշխատանքի, սոցիալական ապահովության և միգրացիայի նախարար Կուդայբերգեն Բազարբաևը, Ղրղզստանի էկոնոմիկայի և առևտրի նախարար Դանիյար Ամանգելդիևը, Ղրղզստանի արդարադատության նախարար Այազ Բայետովը, Նիկարագուայի ֆինանսների և պետական վարկերի նախարար Իվան Ադոլֆո Ակոստա Մոնտալվանը, Բելառուսի Հանրապետության էկոնոմիկայի նախարար Ալեքսանդր Չերվյակովը, Բելառուսի Հանրապետության աշխատանքի և սոցիալական պաշտպանության նախարար Իրինա Կոստևիչը, Բելառուսի Հանրապետության էներգետիկայի նախարար Վիկտոր Կարանկևիչը, Բելառուսի Հանրապետության կրթության նախարար Անդրեյ Իվանեցը: Համաժողովն այցելել են միջազգային կազմակերպությունների և միավորումների ղեկավարներ, այդ թվում՝ Շանհայի համագործակցության կազմակերպության գլխավոր քարտուղար Մին Չժանը, Եվրասիական տնտեսական միության Դատարանի նախագահ Էռնա Հայրիյանը, Հավաքական անվտանգության պայմանագրի կազմակերպության Խորհրդարանական վեհաժողովի պատասխանատու քարտուղար Սերգեյ Պոսպելովը, ԱՊՀ Էլեկտրաէներգետիկ խորհրդի Գործադիր կոմիտեի նախագահ Տարաս Կուպչիկովը, Անկախ Պետությունների Համագործակցության Գործադիր կոմիտեի գլխավոր քարտուղար Սերգեյ Լեբեդևը, Միութենական պետության Մշտական կոմիտեի պետական քարտուղար Դմիտրի Մեզենցևը: Նստաշրջանի ընթացքում տեսաուղերձով հանդես է եկել Մեր Ամերիկայի ժողովուրդների համար Բոլիվարյան դաշինքի գործադիր քարտուղար Ֆելիքս Ռամոն Պլասենսիա Գոնսալեսը։ Հարթակն այցելել է նաև դիվանագիտական կորպուսի 13 ղեկավար։ Համաժողովին մասնակցել է մեծ պատվիրակություն Ինդոնեզիայից, բարձրաստիճան պաշտոնյաների թվում հարթակ են այցելել Ինդոնեզիայի էներգետիկայի և հանքային պաշարների նախարարի էներգետիկ անցման ներդրման արագացման ռազմավարության և էներգետիկ ենթակառուցվածքի զարգացման գծով հատուկ խորհրդական Էգօ Սյախրիալը, Ռուսաստանում Ինդոնեզիայի արտակարգ և լիազոր դեսպան Խոսե Անտոնիո Մորատո Տավարեշը, Մինահասայի (Ինդոնեզիա) կառավարության ռեգենտ Ռոյկե Օկտավիան Ռորինգը, Հյուսիսային Սուլավեսի նահանգի (Ինդոնեզիա) կառավարության նահանգապետ Օլի Դոնդոկամբեյը, Մանադո քաղաքի (Ինդոնեզիա) քաղաքապետ Անդրեյ Անգոուն: Ընդհանուր առմամբ, Միջոցառման հարթակ են այցելել օտարերկրյա պաշտոնական պատվիրակությունների ներկայացուցիչներ 38 երկրից և տարածքից: Համաժողովին մասնակցել են շուրջ 400 ընկերության ավելի քան 550 բիզնեսի ներկայացուցիչ։ ԵՏՀ-2023 գործընկեր երկիր Համաժողովի գործընկեր երկիր է դարձել Ինդոնեզիայի Հանրապետությունը։ ԵՏՀ-2023-ի շրջանակներում մի շարք միջոցառումներ են անցկացվել այս երկրի իշխանության մարմինների և ձեռնարկատիրական համայնքի ներկայացուցիչների հետ։ «ԵԱՏՄ — Ինդոնեզիա» գործարար երկխոսության մասնակիցները քննարկել են համագործակցության խորացմանն առնչվող առաջնահերթ խնդիրները, կայուն ենթակառուցվածքի ստեղծման, ինչպես նաև մատակարարումների շղթաների ավելացման, թվային նախաձեռնությունների մշակման և ոչ սակագնային խոչընդոտների վերացման հարցերը։ Բիզնես երկխոսությունը շարունակվել է գործարար նախաճաշի և B2B միջոցառումների՝ նեթվորքինգ նստաշրջանի և ընկերությունների երկկողմ հանդիպումների ձևաչափով։ «Կանաչ Եվրասիա» միջազգային կլիմայական մրցույթ Համաժողովի շրջանակներում տեղի է ունեցել «Կանաչ Եվրասիա» կլիմայական միջազգային մրցույթի հաղթողների պարգևատրում։ Մրցույթն անցկացրել է «Նոր նախագծերի առաջմղման ռազմավարական նախաձեռնությունների գործակալություն» ԻՈԱԿ-ն Եվրասիական տնտեսական հանձնաժողովի հետ համատեղ 10 անվանակարգում, որոնց թվում են «Մաքուր էներգիա և էներգաարդյունավետություն», »Մաքուր արդյունաբերություն», «Կայուն գյուղատնտեսություն», «Ցածր ածխածնային տրանսպորտ», Կանաչ շինարարություն», «Կանաչ ֆինանսավորում», «Թափոնների արդյունավետ գործածում», «Բնապահպանական մշակույթ և բնակչության ներգրավում կլիմայական օրակարգին», «Բնապահպանական և կլիմայական մշտադիտարկում» և «Պետական քաղաքականությունը ցածր ածխածնային զարգացման ոլորտում» անվանակարգերը։ Մրցույթի շրջանակներում առաջարկված նախագծերը գնահատել է մասնագիտական համայնքի ներկայացուցիչներից բաղկացած փորձագիտական խումբը: Մրցանակաբաշխությանը մասնակցել են Հայաստանի Հանրապետության փոխվարչապետ Մհեր Գրիգորյանը, Ռուսաստանի Դաշնության կառավարության ղեկավարի տեղակալ Ալեքսեյ Օվերչուկը, Բելառուսի Հանրապետության փոխվարչապետ Իգոր Պետրիշենկոն։ Համաձայնագրեր Եվրասիական տնտեսական հանձնաժողովի երիտասարդական խորհուրդը և Ռուսաստանի Դաշնության արտաքին գործերի նախարարության Երիտասարդ դիվանագետների խորհուրդը համագործակցության ծրագիր են ստորագրել։ Ռուսաստանի ԱԳՆ ՄԳԻՄՕ-ն, Բելառուսի պետական համալսարանը, Բելառուսի պետական տնտեսագիտական համալսարանը, Ղրղզստանի Հանրապետության ԱԳՆ Կ. Դիկամբաևի անվ. դիվանագիտական ակադեմիան և Երևանի պետական համալսարանը համաձայնագիր են ստորագրել Եվրասիական ինտեգրման ոլորտում կոնսորցիումի մասին։ Տեղեկատվական գործընկերներ Որպես տեղեկատվական գործընկեր հանդես է եկել 31 լրատվամիջոց։ Հայաստան՝ Armenpress, Արմինֆո, «NovostiNK» ցանցային հանդես, «Նոյյան տապան» թերթ Բելառուս՝ ԲԵԼՏԱ, «ՓրայմՓրես» Ղազախստան՝ «DKNews», «Կազինֆորմ» ՄՏԳ, «24KZ» հեռուստաալիք Ղրղզստան՝ ԷլՏՌ հեռուստաընկերություն, Աքչաբար, «ԱյՖ Ղրղզստան» թերթ, «Կոմսոմոլսկայա պրավդա» հրատարակչություն Ղրղզստան, «News-Asia» Կենտրոնական Ասիայի տեղեկատվական պորտալ, «Կաբար» ՂԱՏԳ, Ղրղզստանի Հանրապետության Ազգային հեռուստառադիոհեռարձակող կորպորացիա Ռուսաստան՝ ՏԱՍՍ, ՌԻԱ «Նովոստի», Ֆեդերալ Փրես, Ինտերֆաքս, TV BRICS, NEWS.ru, «Պարլամենտսկայա գազետա», «Միր», «Ռոսիյսկայա գազետա», «Կոմսոմոլսկայա պրավդա» հրատարակչություն, «Լենտա.ru», «Գազետա.ru», «Սեկրետ ֆիրմի» Իրան՝ IranPress Միր՝ Sputnik Համաժողովի օպերատոր Համաժողովի օպերատորն էր Ռոսկոնգրես հիմնադրամը՝ սոցիալական ուղղվածություն ունեցող զարգացման ոչ ֆինանսական ինստիտուտը՝ միջազգային, կոնգրեսային, ցուցահանդեսային և հանրային միջոցառումների խոշորագույն կազմակերպիչը:
29 May 2023 Սանկտ Պետերբուրգում քննարկվել են ԵԱՏՄ-ում օրգանական արտադրության զարգացման հեռանկարները Եվրասիական տնտեսական միությունում օրգանական արտադրանքի շրջանառության կարգավորման ձևավորվող մոտեցումների և վերջինիս արտադրության, հավաստագրման և ԵԱՏՄ ընդհանուր շուկայում նման ապրանքների ազատ շրջանառության համար անհրաժեշտ մակնշման միասնական պահանջների մասին «Օրգանական արտադրություն. հնարավորություններ, հեռանկարներ և միջազգային համագործակցություն» Նևայի միջազգային բնապահպանական կոնգրեսի հատուկ նստաշրջանի շրջանակներում խոսել է Եվրասիական տնտեսական հանձնաժողովի ագրոարդյունաբերական քաղաքականության վարչության տնօրեն Արմեն Հարությունյանը։ ԵՏՀ ներկայացուցիչը հատուկ կարևորել է Միության շրջանակներում օրգանական արտադրանքի ճանաչման մասին համաձայնագրի նախագիծը, որն այժմ ներպետական համաձայնեցման փուլում է։ Փաստաթղթի ստորագրումը հիմք կհանդիսանա նման մթերքի ընդհանուր շուկայի արդյունավետ գործունեության համար և կապահովի դրանց ազատ շրջանառությունը ԵԱՏՄ ողջ տարածքում։ «ԵԱՏՄ-ում արտադրված օրգանական արտադրանքի իրացման հիմնական ուղղությունը մնում են եվրոպական երկրները, հեռանկարային շուկաներ են Չինաստանը և Մերձավոր Արևելքի երկրները։ Մենք հիմնականում մատակարարում ենք օրգանական ցորեն, կանճրակ, արևածաղիկ, սոյայի ունդեր, ոլոռ, եգիպտացորեն», — նշել է Արմեն Հարությունյանը։ Հանձնաժողովի ներկայացուցիչը խոսել է նաև ԵՏՀ կողմից անդամ պետությունների պրոֆիլային նախարարությունների հետ համատեղ նախապատրաստված «ԵԱՏՄ օրգանական ատլաս» տեղեկագրքի մասին։ Հավաքածուն պարունակում է Միության երկրների օրգանական արտադրանքի հավաստագրված արտադրողները և նրանց կողմից թողարկվող արտադրանքը, ինչպես նաև տեղեկատվություն օրգանական հատվածի զարգացման մասին: Տեղեկանք Նևայի 10-րդ միջազգային բնապահպանական կոնգրեսին մասնակցել են Դաշնության խորհրդի նախագահի առաջին տեղակալ Անդրեյ Յացկինը, Ռուսաստանի Դաշնության գյուղատնտեսության փոխնախարար Մաքսիմ Ուվայդովը, Ռուսաստանի որակի համակարգի ղեկավար Մաքսիմ Պրոտասովը, ՄԱԿ-ի պարենի և գյուղատնտեսության կազմակերպության, Ռուսաստանի շրջանների և բիզնեսի ներկայացուցիչներ: Միջոցառման շրջանակներում բացվել է նաև Օրգանական արտադրանքի առաջին համառուսաստանյան տոնավաճառը, որը կազմակերպել է Ռուսաստանի գյուղատնտեսության նախարարությունը «Ռոսսելխոզբանկ» ԲԸ-ի հետ համատեղ, և որին մասնակցել է 60 արտադրող Ռուսաստանի 31 շրջանից։
Շնորհավորանքներ Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչին՝ ԵԱՏՄ օրվա առթիվ 29 May 2023 Շնորհավորանքներ Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչին՝ ԵԱՏՄ օրվա առթիվ Բելառուսի Հանրապետության արտաքին գործերի նախարար Սերգեյ Ալեյնիկի շնորհավորական նամակը. « Սրտանց շնորհավորում եմ Ձեզ և ի դեմս Ձեզ՝ Եվրասիական տնտեսական հանձնաժողովի ողջ անձնակազմին՝ Եվրասիական տնտեսական միության օրվա կապակցությամբ։ ԵԱՏՄ ստեղծման մասին որոշումը, որն ընդունվել է պետությունների ղեկավարների կողմից 8 տարի առաջ, սկիզբ դրեց հետխորհրդային տարածքում ինտեգրացիոն գործընթացների անդառնալի խորացմանը, մասնակից երկրների տնտեսական կայունության բարձրացմանը, նրանց ինքնիշխանության և միջազգային սուբյեկտության պահպանմանը։ Եվրասիական տնտեսական ինտեգրման զարգացման խնդիրների իրականացման գործում կենտրոնական դերը Եվրասիական տնտեսական հանձնաժողովինն է, որը Ձեր ղեկավարությամբ արժանավայել կերպով դիմակայում է ժամանակակից բոլոր մարտահրավերներին։ Թույլ տվեք Ձեզ, հարգելի Միխայիլ Վլադիմիրի, և ԵՏՀ բոլոր աշխատակիցներին մաղթել երջանկություն, բարություն, խաղաղ երկինք և հաջողություններ հետագա աշխատանքում»։ Ղրղզստանի Հանրապետության նախարարների կաբինետի նախագահ Ակիլբեկ Ժապարովի շնորհավորական նամակը. «Ընդունեք իմ ամենաանկեղծ շնորհավորանքներն ու ջերմ մաղթանքները Եվրասիական տնտեսական միության օրվա կապակցությամբ։ Այս նշանակալից օրը մենք նշում ենք մեր Միության նշանակությունը և նրա կարևոր դերը տնտեսական համագործակցության զարգացման, մեր քաղաքացիների կենսամակարդակի բարձրացման և տարածաշրջանում կայուն զարգացման ստեղծման գործում։ Եվրասիական տնտեսական միությունը դարձել է արդյունավետ մեխանիզմ, որը նպաստում է ընդհանուր նպատակների մերձեցմանը և մեր փոխգործակցության ամրապնդմանը, որը մեզ թույլ է տալիս հասնել համագործակցության նոր բարձունքների։ Ուրախալի է, որ մեր Միությունը շարունակում է զարգանալ և ամրապնդվել անդամ պետությունների համատեղ ջանքերի և վստահության շնորհիվ։ Անցած տարիների ընթացքում մենք զգալի արդյունքների ենք հասել առևտրի, տնտեսության, նորարարությունների և տրանսպորտային ենթակառուցվածքի ընդհանուր կանոնների և ստանդարտների սահմանման գործում, ինչը նպաստում է համաշխարհային ասպարեզում մեր մրցունակ ներուժի մեծացմանը: Կարևոր է նշել, որ մեր ձեռքբերումները հնարավոր չէին լինի առանց յուրաքանչյուր անդամ պետության ակտիվ աջակցության և մասնակցության: Մեր Միությունը կառուցվում է փոխադարձ հարգանքի, երկխոսության և փոխշահավետ համագործակցության սկզբունքների վրա։ Մենք խորապես վստահ ենք մեր միասնության ուժին և հավատում ենք, որ միայն միասին կարող ենք հասնել մեծ արդյունքների և հաղթահարել մեր առջև ծառացած դժվարությունները։ Այս առանձնահատուկ օրը Ձեզ և Ձեր թիմին մաղթում եմ հետագա հաջողություններ եվրասիական ինտեգրման ամրապնդման գործում՝ ի շահ մեր պետությունների և ժողովուրդների բարգավաճման ապահովման։ Նորանոր ձեռքբերումներ եմ մաղթում մեր Միությանը։ Թող մեր նկրտումները ուղղված լինեն երկարաժամկետ համագործակցությանը և գործընկերությանը»։ Ղրղզստանի Հանրապետության նախարարների կաբինետի նախագահի առաջին տեղակալ Ադիլբեկ Կասիմալիևի շնորհավորական նամակը. «Ընդունեք իմ ամենաջերմ շնորհավորանքները Եվրասիական տնտեսական միության օրվա կապակցությամբ։ Այս օրը նշանակալից է մեր Միության համար, արտացոլում է մեր ընդհանուր նպատակը՝ եվրասիական ինտեգրման ամրապնդումը, մեր երկրների միջև փոխշահավետ առևտրատնտեսական, ներդրումային համագործակցության զարգացումը։ Իր գոյության տարիների ընթացքում Եվրասիական տնտեսական միությունը ամուր հիմք է դարձել տնտեսական փոխգործակցության կայուն զարգացման և տարածաշրջանային համագործակցության ամրապնդման համար։ Համատեղ ջանքերի շնորհիվ մենք կարողացանք մշակել և իրականացնել կարևոր նախագծեր և նախաձեռնություններ, որոնք նպաստեցին մեր քաղաքացիների կյանքի բարելավմանը և Միության անդամ պետություններում բարենպաստ տնտեսական միջավայրի ստեղծմանը։ Եվրասիական տնտեսական միության օրը մեզ հնարավորություն է տալիս գնահատելու մեր ձեռքբերումները և վերանայելու մեր անցած ճանապարհը։ Սա նաև հիշեցում է մեր ընդհանուր նպատակների և պարտավորությունների մասին: Մենք պետք է շարունակենք մեր Միության ամրապնդման համակարգված աշխատանքը և ձգտենք տնտեսական զարգացման և բարգավաճման էլ ավելի բարենպաստ պայմանների։ Այս հրաշալի օրը խնդրում եմ Ձեզ, հարգելի Միխայիլ Վլադիմիրի, փոխանցել իմ անկեղծ շնորհավորանքները Եվրասիական տնտեսական հանձնաժողովի ողջ անձնակազմին, որն իր պրոֆեսիոնալիզմով նպաստում է Միության անդամ պետությունների միջև համագործակցության խթանմանը»։
29 May 2023 Եվրասիական տարածքում մարդկային կապիտալի զարգացումը քննարկվել է ԵՏՀ-2023-ում Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բակիտժան Սագինտաևը մասնակցել է «Եվրասիական երկխոսությունը աշխատաշուկայի շուրջ: Մարդկային կապիտալ: Առողջապահություն», որն անցկացվել է Մոսկվայում կայացած 2-րդ Եվրասիական տնտեսական համաժողովի գործարար ծրագրի շրջանակում։ «Ժամանակակից տնտեսությունում մարդկային կապիտալի դերն ու արժեքը անվիճելի են։ Եվ մասնագիտական կրթության համակարգի միջոցով մարդկային կապիտալի զարգացման հարմարավետ պայմանների ստեղծմանը, սոցիալական պայմաններով ապահովմանը և աշխատողների առողջության պահպանմանն ուղղված ներդրումներից կախված են մեր տնտեսությունների աճի ցուցանիշները», — ընդգծել է Բակից Սագինտաևը։ Նստաշրջանի աշխատանքնին մասնակցել են Բելառուսի Հանրապետության աշխատանքի և սոցիալական պաշտպանության նախարար Իրինա Կոստևիչը, Ղազախստանի Հանրապետության աշխատանքի և սոցիալական պաշտպանության փոխնախարար Օլժաս Օրդաբաևը, Ղրղզստանի Հանրապետության աշխատանքի, սոցիալական ապահովության և միգրացիայի նախարար Կուդայբերգեն Բազարբաևը, Ռուսաստանի Դաշնության աշխատանքի և սոցիալական պաշտպանության նախարար Անտոն Կոտյակովը, Միգրացիայի միջազգային կազմակերպության գլխավոր տնօրեն Անտոնիո Վիտորինոն, Միգրացիայի միջազգային կազմակերպության Մոսկվայի բյուրոյի տնօրեն Մարինա Շրամը, Ռուսաստանի Դաշնությունում Առողջապահության համաշխարհային կազմակերպության ներկայացուցիչ Մելիտա Վույնովիչը և Հմտությունների և մասնագիտությունների զարգացման գործակալության գլխավոր տնօրեն Ռոբերտ Ուրազովը: Որպես նստաշրջանի մոդերատոր հանդես է եկել Աշխատանքի և զբաղվածության դաշնային ծառայության ղեկավար Միխայիլ Իվանկովը։ Քննարկման մասնակիցները քննարկել են աշխատանքային միգրացիայի գործընթացների ազդեցությունը Եվրասիական տնտեսական միության պետությունների սոցիալ-տնտեսական զարգացման վրա, նշել աշխատաշուկայում աշխատողների պահանջարկի կանխատեսման անհրաժեշտությունը, առաջարկություններ ներկայացրել ԵԱՏՄ-ում աշխատավորների մասնագիտական որակավորումների համարժեք մակարդակի հասնելու վերաբերյալ, ինչպես նաև քննարկել աշխատավորների առողջությանն ուղղված ներդրումների տնտեսական օգուտները: Հաշվի առնելով տեղի ունեցած քննարկումը, մշակվել են ժամանակակից պայմաններում Միության աշխատանքային ռեսուրսների միասնական շուկայի հետագա զարգացման հանձնարարականներ։
29 May 2023 Շնորհավո՜ր ԵԱՏՄ օրը։ Մայիսի 29-ին ԵԱՏՄ անդամ պետություններն առաջին անգամ նշում են Եվրասիական տնտեսական միության օրը։ 2014 թվականի այս օրը Ղազախստանի Հանրապետությունում ստորագրվել է ԵԱՏՄ մասին պայմանագիրը։ «Իր գոյության 9 տարվա ընթացքում Եվրասիական տնտեսական միությունը դարձել է Մեծ Եվրասիայի պետությունների համագործակցության և փոխգործակցության առանցքային հարթակ։ Մենք պատրաստ ենք կարևոր ռազմավարական որոշումներ կայացնել։ Այսօր մեր միավորման առջև հավակնոտ նպատակներ են դրված, այդ թվում՝ ԵԱՏՄ երկրներում ներդրումային գործունեության խթանումը, հաշվարկային համակարգի ստեղծումը, որն իր ցուցանիշներով կգերազանցի SWIFT-ը, ինքնավար թվային արժութային միջավայրի մշակումը։ Համոզված եմ, որ առաջիկա տարիներին ԵԱՏՄ երկրները կկարողանան պահպանել և նույնիսկ բազմապատկել միավորման գործունեության բարձր տեմպերը ինչպես Միության երկրների, այնպես էլ ողջ եվրասիական տարածքի պետությունների տնտեսական շահերի նկատմամբ հարգալից վերաբերմունքի հիման վրա», — ընդգծել է Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը։ Եվրասիական տնտեսական միության օրվա մասին նախաձեռնությամբ 2022 թվականին հանդես է եկել Ղրղզստանի Հանրապետության նախագահ Սադիր Ժապարովը։ Այն միաձայն ընդունվել է Եվրասիական «հնգյակի» մյուս չորս երկրների՝ Հայաստանի, Բելառուսի, Ղազախստանի և Ռուսաստանի ղեկավարների կողմից։ Ինչպես նշված է Եվրասիական տնտեսական Բարձրագույն խորհրդի կարգադրության մեջ, նման օրվա հաստատումը կօգնի ամրապնդել համերաշխությունը և խորացնել համագործակցությունը դաշնակից պետությունների միջև։ Սադիր Ժապարովի առաջարկով ԵԱՏՄ օրը նշվում է ամեն տարի։ 2023 թվականին Եվրասիական տնտեսական միությունում նախագահող երկիրը Ռուսաստանն է։ Ռուսաստանի Դաշնության նախագահ Վլադիմիր Պուտինը, ելույթ ունենալով 2022 թվականի դեկտեմբերի 9-ին Բիշքեկում անցկացվող Եվրասիական տնտեսական Բարձրագույն խորհրդի ընդլայնված նիստում, ԵԱՏՄ-ի զարգացման ռազմավարական ուղենիշերի արդիականացումն անվանել է այս միավորման մեջ Ռուսաստանի նախագահության գերակայություններից մեկը։ Բացի այդ, Վլադիմիր Պուտինը կարևորել է ռազմավարական պլանավորման նոր փաստաթղթերի նախապատրաստումը, որոնք սահմանում են միջնաժամկետ և երկարաժամկետ հեռանկարում հետագա ինտեգրացիոն փոխգործակցության հիմնական վեկտորները։  
29 May 2023 Գյուղատնտեսական արտադրանք արտադրողների գները ԵԱՏՄ-ում տարեսկզբից նվազել են 0,2%-ով 2023 թվականի ապրիլին Եվրասիական տնտեսական միությունում գյուղատնտեսական արտադրանք արտադրողների գները 2022 թվականի դեկտեմբերի համեմատ նվազել են 0,2%-ով, իսկ 2022 թվականի ապրիլի համեմատ՝ 5,4%-ով։ Դեկտեմբերի համեմատ գրանցվել է գյուղատնտեսական արտադրանք արտադրողների գների նվազում Հայաստանում (6,8%-ով) և Ղազախստանում (2,5%-ով)։ Ղրղզստանում գրանցվել է գների աճ (6,1%-ով)։ Բելառուսում գները մնացել են նույն մակարդակի վրա, Ռուսաստանում փոքր-ինչ աճել են (0,1%-ով)։    Ավելի մանրամասն վիճակագրական տեղեկատվությունը ներկայացված է ԵՏՀ վիճակագրության վարչության կայքէջի «Գյուղատնտեսական արտադրանք արտադրողների գներ» բաժնում։
26 May 2023 ԵՏՀ-ն ոլորտային երկխոսություն է վարում Միության երկրների ձեռնարկությունների հետ Մայիսի 24-ից 25-ը Եվրասիական տնտեսական հանձնաժողովի արդյունաբերական բլոկի ներկայացուցիչներն այցելել են «Ազոտ Սինթեզգազ. Ռուսաստան և ԱՊՀ» ամենամյա կոնգրեսը և ցուցահանդեսը, որոնց ընթացքում մասնակցել են Ռուսաստանից և ԱՊՀ երկրներից ազոտի, մեթանոլի, ամոնիակի և հանքային պարարտանյութերի (ազոտային, կալիումային, ֆոսֆորային, համալիր) խոշորագույն արտադրող ձեռնարկությունների հետ սինթեզ գազի վերամշակման արդյունաբերության զարգացման հեռանկարների քննարկմանը։ «Մեր աշխատանքում մենք հատուկ ուշադրություն ենք դարձնում անդամ պետությունների ձեռնարկությունների հետ ոլորտային երկխոսության զարգացմանը, հատկապես քիմիական արդյունաբերության ոլորտում, քանի որ արտադրության ոչ մի այլ ոլորտ չի կարող գործել առանց քիմիական արտադրանքի», — նշել է ԵՏՀ արդյունաբերական քաղաքականության վարչության տնօրեն Նիկոլայ Կուշնարևը: Ոլորտի խոշորագույն ձեռնարկությունների ներկայացուցիչները, որոնք հանդես են եկել զեկույցներով, որպես սինթեզ գազի վերամշակման ոլորտի հիմնական խնդիրներ նշել են որակյալ կադրերի պակասը, շուկայից տեխնոլոգիաների և սարքավորումների լիցենզավորողների հեռանալը, ինչպես նաև գործարաններում վերանորոգման աշխատանքների կատարման հետ կապված բարդությունները: Կոնգրեսի միջոցառումների շրջանակներում նրա մասնակիցները բազմիցս անդրադարձել են նաև փոքր տոննաժային քիմիայի ոլորտի (մասնավորապես՝ կատալիզատորների) զարգացման թեմային։ ԵՏՀ ներկայացուցիչները նրանց տեղեկացրել են պրոֆիլային Խորհրդատվական կոմիտեին կից քիմիական արդյունաբերության ոլորտի համագործակցության հարցերով փորձագիտական խմբի շրջանակներում՝ Եվրասիական տնտեսական միությունում արտադրվող կամ արտադրվելիք ցածր տոննաժային քիմիայի արտադրանքի ցանկի ձևավորման անհրաժեշտության վերլուծության ուղղությամբ կատարվող աշխատանքի մասին՝ այդ արտադրանքի նոր տեսակների և/կամ ցածր տոննաժային քիմիայի այն արտադրանքի ցանկի յուրացման ուղղությամբ անդամ պետությունների ջանքերի համախմբման նպատակով, որի կարիքն ունեն Միության ձեռնարկությունները: Արդյունաբերական բլոկի ներկայացուցիչները գործընկերներին հրավիրել են մասնակցելու նշված աշխատանքին, նշելով, որ Միության երկրների ջանքերի համախմբումն այս ուղղությամբ կարող է առանցքային դեր խաղալ։ Տեղեկանք «Ազոտ Սինթեզգազ. Ռուսաստան և ԱՊՀ» ամենամյա համագումարը և ցուցահանդեսը  փակ մասնագիտական հարթակ է սինթեզ գազի վերամշակման ուղղությունների զարգացման արդիական հարցերի քննարկման համար՝ Ռուսաստանի և ԱՊՀ երկրների ազոտի, մեթանոլի, ամոնիակի և հանքային պարարտանյութերի խոշորագույն արտադրող ձեռնարկությունների ներկայացուցիչների, իշխանության մարմինների, կարգավորիչ-հսկիչ մարմինների, արտադրության տեխնոլոգիաների լիցենզավորողների, մշակողների, սարքավորումներ արտադրողների ու մատակարարների, ինժինիրինգային և նախագծային-շինարարական ընկերությունների, տեխնոլոգիաների և ծառայությունների մատակարարների մասնակցությամբ: 2023 թվականին ցուցահանդեսին գրանցվել է ավելի քան 250 մասնակից, որոնց մեծ մասը ղեկավար պաշտոններ է զբաղեցնում կազմակերպություններում։
Ցուցադրել ավելին

Պաշարներ ԵՏՄ