Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7136

06 հոկտեմբերի 2025 ԵԱՏՄ պետգնումներում ազգային ռեժիմի հարցերը քննարկվել են գնումների ոլորտին նվիրված համառուսական խորհրդաժողովում Եվրասիական տնտեսական հանձնաժողովի մրցակցային քաղաքականության և պետգնումների ոլորտի քաղաքականության վարչության տնօրեն Ժանար Ադիկովան Սոչիում կայացած պրոֆիլային համառուսական խորհրդաժողովում խոսել է Եվրասիական տնտեսական միության շրջանակներում պետական գնումների ազգային ռեժիմի ապահովման, ինչպես նաև դրանց թվայնացման գործընթացների ու միտումների մասին:

06 հոկտեմբերի 2025 Բախիթ Սուլթանով. «ԵԱՏՄ-ում հինգ տարվա ընթացքում առգրավվել է շուրջ 53 միլիոն կեղծ ապրանք» Եվրասիական տնտեսական միության երկրների լիազոր մարմինները 2020-2024 թվականների ընթացքում կանխել են 53 միլիոն միավոր կեղծ արտադրանքի շրջանառությունը: Այս տվյալները Եվրասիական տնտեսական հանձնաժողովի տնտեսության և ֆինանսական քաղաքականության նախարար Բախիթ Սուլթանովը ներկայացրել է հոկտեմբերի 6-ից 7-ը Մինսկում ընթացող «Անտիկոնտրաֆակտ-2025» 13-րդ միջազգային համաժողովի լիագումար նիստում:

06 հոկտեմբերի 2025 ԵԱՏՄ երկրներն ամրապնդում են համագործակցությունը սպառողներին կեղծ ապրանքներից պաշտպանելու համար Մինսկում հոկտեմբերի 6-ին «Անտիկոնտրաֆակտ 2025» 13-րդ միջազգային համաժողովի շրջանակներում Եվրասիական տնտեսական հանձնաժողովը Բելառուսի Հանրապետության հակամենաշնորհային կարգավորման և առևտրի նախարարության աջակցությամբ անցկացրել է «Եվրասիական նախաձեռնություն. միավորելով ջանքերը սպառողներին կեղծ ապրանքներից պաշտպանելու համար» թեմայով քննարկման նստաշրջան:

06 հոկտեմբերի 2025 Պայքար կեղծ ապրանքների դեմ. ինչպես են ԵԱՏՄ-ում պաշտպանում մտավոր սեփականությունը Եվրասիական տնտեսական միության երկրներում վերջին տասը տարում կանխվել է մտավոր սեփականության ոլորտի ավելի քան 80 հազար խախտում: Առգրավված կեղծ ապրանքների ընդհանուր ծավալը կազմել է շուրջ 140 միլիոն միավոր: Այս տվյալները ներկայացրել է Եվրասիական տնտեսական հանձնաժողովի ձեռնարկատիրական գործունեության զարգացման վարչության տնօրեն Երնար Բակենովը՝ ելույթ ունենալով «Խելացի կարգ ու կանոն. «ԵԱՏՄ-ում իրավատերերի պաշտպանության պրակտիկա» փորձագիտական նստաշրջանում: Իր ելույթում հատուկ անդրադարձել է 2024 թվականի արդյունքներին: Երեք տարվա անկումից հետո, որը մեծապես պայմանավորված էր համավարակային սահմանափակումներով, կեղծ ապրանքների շուկան աճի տագնպալի դինամիկա է գրանցել: «2024 թվականին ԵԱՏՄ-ում հայտնաբերված կեղծ ապրանքների ծավալը կազմել է շուրջ 6.6 միլիոն միավոր, ինչը 14%-ով ավելին է, քան մեկ տարի առաջ, - նշել է Երնար Բակենովը: - Հիմնական աճը տեղի է ունեցել Բելառուսի, Ղազախստանի և Ռուսաստանի հաշվին: ԵՏՀ ներկայացուցիչը հայտնել է, որ ԵԱՏՄ-ում տարվում է նման միտումների դեմ պայքարի համակարգային աշխատանք: Այդ նպատակով Միության պետությունները մշտապես կատարելագործում են օրենսդրական բազան: «Ղրղզստանի Հանրապետությունում, օրինակ, խստացվել է քրեական պատասխանատվությունը ապրանքային նշանների նկատմամբ իրավունքների խախտման համար: Ռուսաստանում օպտիմալացվել է «հայելի կայքերի» արգելափակման ընթացակարգը, ինչը շատ կարևոր է թվային դարաշրջանում», - հայտնել է Երնար Բակենովը: ԵՏՀ վարչության տնօրենի խոսքով՝ Հանձնաժողովը շարունակում է աշխատել Մինչև 2025 թվականը մտավոր սեփականության ոլորտում եվրասիական տնտեսական ինտեգրման զարգացման ռազմավարական ուղղությունների իրականացման ուղղությամբ, ինչպես նաև ավարտին է հասցնում Մինչև 2030 թվականը ԵԱՏՄ շրջանակներում տնտեսական գործընթացների հետագա զարգացման մասին հռչակագրի իրականացման պլանի նախագծի նախապատրաստումը, որում ներառված են մտավոր սեփականության ոլորտի մի ամբողջ շարք միջոցառումներ: Նստաշրջանի ընթացքում փորձագետները քննարկել են մարկետփլեյսերում ապրանքների առևտրի շրջանակներում իրավատերերի իրավունքների պաշտպանությունը, մաքսային կարգավորումը, ինչպես նաև թվային տեխնոլոգիաների օգտագործումը մտավոր սեփականության օբյեկտների նկատմամբ իրավունքների պաշտպանության համար:

03 հոկտեմբերի 2025 Բակիտժան Սագինտաևը բանակցել է ՄԱԿ ԵՏՀ գործադիր քարտուղար Տատյանա Մոլչանի հետ Հոկտեմբերի 3-ին Ժնևում Եվրասիական տնտեսական հանձնաժողովի կոլեգիայի նախագահ Բակիտժան Սագինտաևն աշխատանքային հանդիպում է ունեցել ՄԱԿ Եվրոպական տնտեսական հանձնաժողովի գործադիր քարտուղար Տատյանա Մոլչանի հետ:

03 հոկտեմբերի 2025 Դանիյար Իմանալիև. «ՄԱԿ ԵՏՀ-ի հետ Հանձնաժողովի համագործակցության ընդլայնումը կբարձրացնի ինտեգրացիոն գործընթացների արդյունավետությունը» Եվրասիական տնտեսական հանձնաժողովի ինտեգրման և մակրոտնտեսական նախարար Դանիյար Իմանալիևը Ժնևում (Շվեյցարիա) Միավորված Ազգերի Կազմակերպության բաժնի կենտրոնակայանում հանդիպել է ՄԱԿ ԵՏՀ գործադիր քարտուղարի տեղակալ Դմիտրի Մարյասինի հետ:

03 հոկտեմբերի 2025 ՅՈՒՆԿՏԱԴ-ն առաջին անգամ ներկայացրել է համաշխարհային ներդրումների մասին զեկույցը ԵԱՏՄ երկրների համար Հոկտեմբերի 2-ին առցանց ձևաչափով ներկայացվել է համաշխարհային ներդրումների մասին ՄԱԿ-ի Առևտրի և զարգացման խորհրդաժողովի 2025 թվականի զեկույցը, որն առաջին անգամ հասցեագրված էր Եվրասիական տնտեսական միության երկրներին: Միջոցառմանը ելույթ է ունեցել Եվրասիական տնտեսական հանձնաժողովի ձեռնարկատիրական գործունեության զարգացման վարչության տնօրեն Երնար Բակենովը:

03 հոկտեմբերի 2025 Կայացել է ԵԱՏՄ և Իրանի միջև մաքսային տեղեկատվության փոխանակման իրականացման հարցերով բանակցությունների երկրորդ փուլը Եվրասիական տնտեսական միության և Իրանի Իսլամական Հանրապետության միջև մաքսային տեղեկատվության էլեկտրոնային փոխանակման իրականացման հարցերով բանակցությունների երկրորդ փուլը կայացել է Թեհրանում: Եվրասիական տնտեսական միության պատվիրակությունը բանակցություններին գլխավորել է ԵՏՀ մաքսային ենթակառուցվածքի վարչության փոխտնօրեն Սուրեն Մելիք-Իսրայելյանը:

Ցուցադրել ավելին