Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7141

07 հոկտեմբերի 2025 Մաքսիմ Երմոլովիչ. «ԵՏՀ-ն ադապտացվում է ժամանակակից աշխարհի արագ փոփոխվող իրողություններին» Հոկտեմբերի 7-ին Աստանայում Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը մասնակցել է «Հակամենաշնորհային պոդիում. մրցակցության ոլորտի առանցքային մարտահրավերները և միտումները» 11-րդ եվրասիական հակամենաշնորհային համաժողովի լիագումար նիստին: Մաքսիմ Երմոլովիչը ներկայացրել է հիմնական ուղղությունները և ժամանակակից մարտահրավերներին մրցակցային քաղաքականության ադապտացման ուղղությամբ Հանձնաժողովի կողմից ձեռնարկվող միջոցները: Այդ թվում՝ հայտնել է կարգավորման գործընթացի թափանցիկության և կանխատեսելիության ապահովման նպատակով Եվրասիական տնտեսական միության իրավունքի կատարելագործման աշխատանքի, ԵՏՀ նախաձեռնող գործողությունների նոր գործիքի՝ հատվածային հետազոտությունների ներդրման մասին: «Համարժեքորեն և օպերատիվորեն արձագանքել ժամանակակից մարտահրավերներին թույլ է տալիս մեթոդաբանության և պրակտիկայի սիներգիան՝ ակադեմիական հայացքը և գիտական փորձաքննությունը պետք է սերտորեն փոխգործակցեն ազգային և վերազգային մրցակցային մարմինների գործնական մոտեցման հետ: Ելնեկով այս գերակայությունից, մրցակցության քարոզչության միջոցառումների շրջանակներում մենք ակտիվորեն առաջ ենք մղում գիտամեթոդաբանական նախաձեռնությունները», - նշել է Մաքսիմ Երմոլովիչը: ԵՏՀ նախարարն առանձին անդրադարձել է մրցակցության բլոկի մի շարք նախաձեռնություններին: Դրանց թվում են կրթական դասընթացների, «5+1» ձևաչափով խորհրդակցությունների անցկացումը անդամ պետությունների և դիտորդ պետությունների մրցակցային գերատեսչությունների հետ արդիական հարցերի լուծման համար, մրցակցության հարցերով տարածաշրջանային կազմակերպությունների երկխոսությունը: Եվրասիական հակամենաշնորհային համաժողովը բարձր մակարդակի պրոֆեսիոնալ հարթակ է Եվրասիական մայրցամաքում ազգային և անդրսահմանային շուկաներում մրցակցության պաշտպանության և հակամենաշնորհային կարգավորման հարցերով պետական մարմինների, փորձագիտական համայնքի և բիզնեսի միջև փորձի փոխանակման համար:

07 հոկտեմբերի 2025 ԵՏՀ-ն ընդունել է գյուղատնտեսական մշակաբույսերի սորտերի ազգային գրանցամատյանների ձևավորման և վարման հանձնարարական Եվրասիական տնտեսական հանձնաժողովի կոլեգիան հոկտեմբերի 7-ին ընդունել է Եվրասիական տնտեսական միության երկրներում գյուղատնտեսական բույսերի սորտերի ազգային գրանցամատյանների ձևավորման և վարման միասնականացված մոտեցումների մասին հանձնարարականը: Փաստաթուղթն ընդունվել է անդամ պետությունների ղեկավարների որոշմանը համապատասխան և ուղղված է ԵԱՏՄ երկրների գյուղատնտեսական բույսերի սորտերի փորձարկման ոլորտի օրենսդրության միասնականացմանը: «Միության երկրների լիազոր մարմինների կողմից ազգային գրանցամատյաններից տրամադրվող տեղեկությունների միատեսակությունը թույլ կտա ապահովել սորտերի միասնական գրանցամատյանի կոռեկտ գործունեություն և ԵԱՏՄ շրջանակներում գյուղմթերք արտադրողների իրազեկումը բույսերի լավագույն և իրենց որակով առավել արժեքավոր սորտերի մասին՝ ագրարային արտադրությունում դրանց ներդրման համար», - նշել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը: Համաձայն ԵԱՏՄ շրջանակներում գյուղատնտեսական բույսերի սերմերի շրջանառության մասին համաձայնագրի 4-րդ հոդվածի՝ Հանձնաժողովը ձևավորում է գյուղատնտեսական բույսերի սորտերի միասնական գրանցամատյան Միության շրջանակներում դրանց սերմերի շրջանառության հետ կապված գործունեության տեղեկատվական ապահովման համար:

07 հոկտեմբերի 2025 Փոփոխություններ են կատարվել հրդեհային անվտանգության ապահովման և հրդեհաշիջման միջոցների վերաբերյալ տեխնիկական կանոնակարգի ստանդարտների ցանկերում: Եվրասիական տնտեսական հանձնաժողովի կոլեգիան հոկտեմբերի 7-ին փոփոխություններ է կատարել Եվրասիական տնտեսական միության «Հրդեհային անվտանգության և հրդեաշիջման ապահովման միջոցներին ներկայացվող պահանջների մասին» տեխնիկական կանոնակարգի ստանդարտների ցանկերում: Ստանդարտների ցանկերը լրացվել են երկու միջպետական ստանդարտով՝ ԳՕՍՏ 34350-2017 «Հրշեջ տեխնիկա: Հիմնական հրշեջ մեքենաները: Ընդհանուր տեխնիկական պահանջները: Փորձարկման մեթոդները» և ԳՕՍՏ 34996-2023 «Հրշեջ տեխնիկա: Հրդեհային լապտերներ: Ընդհանուր տեխնիկական պահանջները: Փորձարկման մեթոդներ» Բացի այց, ցանկերում լրացվել է երկու ազգային ստանդարտ՝ ԳՕՍՏ Ռ 58716-2019 «Հրշեջ տեխնիկա: Հրդեհային զտիչ ռեսպիրատորներ շնչառության և տեսողության օրգանների պաշտպանության համար, որոնք կիրառվում են բացօթյա անտառային հրդեհներ մարելիս: Ընդհանուր տեխնիկական պահանջները: Փորձարկման մեթոդներ» և ԳՕՍՏ Ռ 58446-2019 «Հրշեջ տեխնիկա: Հանդերձանքի լրակազմ գազածխապաշտպանիչ ծառայության եղակի անձնակազմի հանդերձման համար: Ընդհանուր տեխնիկական պահանջները: Փորձարկման մեթոդներ»: Փոփոխություններն ուժի մեջ են մտնում ԵՏՀ կոլեգիայի որոշման պաշտոնական հրապարակման օրվանից 180 օրացուցային օր հետո: Փոփոխությունները նախապատրաստվել են Հանձնաժողովի կողմից Միջազգային և տարածաշրջանային (միջպետական) ստանդարտների ցանկերի մշակման և ընդունման կարգի 36-րդ կետի «ա» ենթակետի իրականացման շրջանակներում:

07 հոկտեմբերի 2025 Գոհար Բարսեղյան. «Միավորելով իրավասությունները ԵԱՏՄ սահմաններում՝ մենք զգալիորեն կբարձրացնենք տեխնոլոգիական ինքնիշխանությունը» Կրասնոդարի երկրամասի Գելենջիկ քաղաքում կայացած «Բիոպրոմ» համաժողովի «Տեխնոլոգիաներ կյանքի համար» թեմայով նստաշրջանի ընթացքում Եվրասիական տնտեսական հանձնաժողովի արդյունաբերության և ԱԱՀ նախարար Գոհար Բարսեղյանը խոսել է Եվրասիական տնտեսական միությունում արդյունաբերական կոոպերացիային ֆինանսական աջակցության տրամադրման մեխանիզմի բարեհաջող գործարկման և ագրոարդյունաբերական համալիրի վրա դրա տարածման մասին: Ըստ ԵՏՀ նախարարի՝ Միությունում ի հայտ է եկել կոոպերացիոն նախագծերի ֆինանսական աջակցության իրական գործիք, որը թույլ է տալիս ստեղծել նոր արտադրական հզորություններ կամ արդիականացնել գոյություն ունեցողները, այդ թվում՝ դեղագործության և ԱԱՀ ոլորտներում: «Մեր պետություններն ունեն բարձր ներուժ նման արտադրանք արտադրելու համար: Համոզված եմ, որ, միավորելով իրավասությունները, մենք կկարողանանք էական քայլ գրանցել եվրասիական «հնգյակի» յուրաքանչյուր երկրի տեխնոլոգիական ինքնիշխանության բարձրացման գործում: Գործարար ծրագրի շրջանակներում Գոհար Բարսեղյանը ծանոթացել է սննդի արդյունաբերության և գյուղատնտեսության ձեռնարկությունների առաջատար մշակումներին: Նա նաև մասնակցել է գործարար նախաճաշին արդյունաբերական ընկերությունների ղեկավարների, զարգացման բանկերի և ինստիտուտների ներկայացուցիչների հետ, որտեղ բիզնեսին կոչ է արել ակտիվ մասնակցել ԵԱՏՄ կոոպերացիոն նախագծերին:

06 հոկտեմբերի 2025 Արզիբեկ Կոժոշևը հանդիպել է Ղազախստանի Հանրապետության տրանսպորտի նախարար Նուրլան Սաուրանբաևի հետ Աստանա (Ղազախստան) կատարած այցի շրջանակներում ԵՏՀ էներգետիկայի և ենթակառուցվածքի նախարար Արզիբեկ Կոժոշևը հոկտեմբերի 3-ին բանակցել է Ղազախստանի տրանսպորտի նախարար Նուրլան Սաուրանբաևի հետ:

06 հոկտեմբերի 2025 ԵԱՏՄ պետգնումներում ազգային ռեժիմի հարցերը քննարկվել են գնումների ոլորտին նվիրված համառուսական խորհրդաժողովում Եվրասիական տնտեսական հանձնաժողովի մրցակցային քաղաքականության և պետգնումների ոլորտի քաղաքականության վարչության տնօրեն Ժանար Ադիկովան Սոչիում կայացած պրոֆիլային համառուսական խորհրդաժողովում խոսել է Եվրասիական տնտեսական միության շրջանակներում պետական գնումների ազգային ռեժիմի ապահովման, ինչպես նաև դրանց թվայնացման գործընթացների ու միտումների մասին:

06 հոկտեմբերի 2025 Բախիթ Սուլթանով. «ԵԱՏՄ-ում հինգ տարվա ընթացքում առգրավվել է շուրջ 53 միլիոն կեղծ ապրանք» Եվրասիական տնտեսական միության երկրների լիազոր մարմինները 2020-2024 թվականների ընթացքում կանխել են 53 միլիոն միավոր կեղծ արտադրանքի շրջանառությունը: Այս տվյալները Եվրասիական տնտեսական հանձնաժողովի տնտեսության և ֆինանսական քաղաքականության նախարար Բախիթ Սուլթանովը ներկայացրել է հոկտեմբերի 6-ից 7-ը Մինսկում ընթացող «Անտիկոնտրաֆակտ-2025» 13-րդ միջազգային համաժողովի լիագումար նիստում:

06 հոկտեմբերի 2025 ԵԱՏՄ երկրներն ամրապնդում են համագործակցությունը սպառողներին կեղծ ապրանքներից պաշտպանելու համար Մինսկում հոկտեմբերի 6-ին «Անտիկոնտրաֆակտ 2025» 13-րդ միջազգային համաժողովի շրջանակներում Եվրասիական տնտեսական հանձնաժողովը Բելառուսի Հանրապետության հակամենաշնորհային կարգավորման և առևտրի նախարարության աջակցությամբ անցկացրել է «Եվրասիական նախաձեռնություն. միավորելով ջանքերը սպառողներին կեղծ ապրանքներից պաշտպանելու համար» թեմայով քննարկման նստաշրջան:

Ցուցադրել ավելին